29 މެއި 2023 - 09:45
15 comments
ރައީސް އިބްރާހިމް މުހައްމަދު ސޯލިހަށް ވަގަށް ގޮވާ ލަވަތަކެއް ޗެނަލް 13 އިން ދެއްކި މައްސަލައެއް މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން ބަލަން ފަށައިފި އެވެ.
އެ ކޮމިޝަނުން ޗެނަލް 13 އަށް އިއްޔެ ފޮނުވި ސިޓީއެއްގައި ބުނީ، ރައީސަށް ވަގަށް ގޮވައި އުފައްދާފައިވާ ލަވަތައް ހިމެނޭ ކޮންޓެންޓްގައި ބްރޯޑްކާސްޓް ކުރުމުގެ ކޯޑް އޮފް ޕްރެކްޓިސްއާ ހިލާފު މަންޒަރާއި އަޑު އެ ޗެނަލުން ބްރޯޑްކާސްޓް ކޮށްފައިވާތީ އެ މައްސަލަ ތަހުގީގު ކުރަން ފަށާފައިވާ ކަމަށެވެ.
ބްރޯޑްކާސްޓިން ކޮމިޝަނުން ބުނިގޮތުގައި ޗެނަލް 13 އިން އެ ލަވަ ދެއްކީ މި މަހުގެ 22 ވަނަ ދުވަހުގެ ރޭގަ އެވެ.
އެ މައްސަލާގައި ވަކި ގޮތެއް ނިންމަންދެން ޗެނަލް 13 އިން އެ ލަވަތައް ނުދައްކަން އަންގަން ނިންމާފައިވާ ކަމަށް އެ ކޮމިޝަނުން ބުންޏެވެ. އަދި އެ މައްސަލަ ބަލައި ނިމެންދެން އެ ކޮންޓެންޓް ރައްކާ ކޮށްފައި ބަހައްޓަން ވެސް ބްރޯޑްކޮމުން ޗެނަލް 13 އަށް އެންގި އެވެ.
އެ މައްސަލަ ބަލަން ފެށުމާ ގުޅިގެން ބްރޯޑްކޮމުން ޗެނަލް 13 އަށް ބިރު ދައްކާ ކަމަށް ބުނާ ކުއްލި މައްސަލައެއް މިއަދު ރައްޔިތުންގެ މަޖިލީހަށް ވެސް ހުށަހެޅި އެވެ. ނަމަވެސް މަޖިލިހުގައި އަޣުލަބިއްޔަތު އޮންނަ އެމްޑީޕީގެ ބާރާއެކު އެ މައްސަލަ މަޖިލިހުން ބޭރުކޮށްލި އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ބްރޯޑްކޮމަށް ސަރުކާރުގެ ނުފޫޒު ވަރަށް ބޮޑަށް ވަދެފައިވާ ކަމުގެ ތުހުމަތު އޭރު އޮތެވެ. ބައެއް ޓީވީ ސްޓޭޝަންތަކުން ބްރޯޑްކާސްޓް ކުރާ އެފަދަ ކޮންޓެންޓުތައް ހުއްޓާލަން އެންގުމާއި ސްޓޭޝަންތައް ޖޫރިމަނާ ކުރާ އެތައް މައްސަލައެއް ހިނގި އެވެ. އެ މައްސަލާގައި އޭރު އިދިކޮޅުގައި ތިއްބެވި އެމްޑީޕީގެ މެންބަރުން ވަރަށް ބޮޑަށް ކަންބޮޑުވުން ފާޅުކުރި އެވެ.
މި ސަރުކާރުގައި އެފަދަ ހަރުކަށި ފިޔަވަޅުތަކެއް ނޭޅި ކަމުގައިވީ ނަމަވެސް ސަރުކާރުގެ ނުފޫޒު އެ ކޮމިޝަންގެ ތެރެއަށް ވަރަށް ބޮޑަށް ވަދެފައިވާ ކަމުގެ ތުހުމަތު އަދިވެސް އޮވެ އެވެ.
ބްރޯޑްކޮމްގެ މެންބަރުން:
1. ޓީވީއެމްގެ ކުރީގެ ޕްރެޒެންޓަރު މަރިޔަމް ވަހީދާ.
2. ރާއްޖެ ޓީވީގެ ކުރީގެ ނޫސްވެރިޔާ މުހައްމަދު ފަޒީން.
3. ޓީވީއެމްގެ ކުރީގެ ޕްރެޒެންޓަރު ސަފާ ޝަފީގް.
4. ރާއްޖެ ޓީވީގެ ކުރީގެ ނޫސްވެރިޔާ އަލީ ޔޫސުފް.
5. ވީޓިވީގެ ކުރީގެ ނޫސްވެރިޔާ އައިމިނަތު އަމީނާ.
6. ސަންގު ޓީވީގެ ކުރީގެ ޕްރެޒެންޓަރު ޝިފްލާ އިބްރާހިމް.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަމަޖެހޭ މީހާ
29 May 2023
ތިގޮތަށް ތިކަން ކުރެވެންޏާ މާދަމާ މަވެސް މަ އެންމެ ރުޅި އަންނަ މީހާޔަށް ވަގަށް ބރނޗށ ގޮވާފައި ޗެނަލަކުން އެއާރ ޓައިމް ގަނެފައި ލަވައެއް ފޮނުވަންވީ. ޗެނަލެއް ހިންގުމުގެ ބޭނުމަކީ ވަކި މީހެއް/ބައެއްގެ އަގު ވައްޓާލައި އަބުރު ކަތިލުން ކަމަށްވީމާ މީޑިއާ އެތިކްސް އާއި ސޯޝަލް ރެސްޕޮންސިބިލިޓީ ވީތަނަކާމެދު ސުވާލު ނުއުފެދެނީ ބާވައެވެ. މި ޗެނަލްތައް ބަލަން ތިބި ދިވެހި ރައްޔިތުންނަށް ހައްގު މިންވަރަކީ އެއީ ހެއްޔެވެ؟
ދަނޑި ކުރޮސް ޕާޓީ
29 May 2023
ރައީސަށް ވަގަށް ގޮވާ ލަވައެއް ނޫން ހަމައެކަނި ނުދައްކަންވީކީ. އެއްވެސް މީހަކަށް އެއްޗެހި ގޮވާ ސާބިތުނުހިފޭ އެއްވެސް ވާހަކައެއް އެއްވެސް ރޭޑިޔޯ ޓީވީ އަދި ނޫހަކުން ވެސް ގެނެސް ނުދޭންވީ. އަހަރުމެންގެ އަތުން އަހަރުމެންގެ ދަރިންގެ މުސްތަގުބަލް ވެއްޔާ މޮޑެ ގޮނޑަށް އެއްލާލުމަކީ، ޑިމޮކްރަސީ އެއްނޫން ކޮންމެ ނަމެއް ކިޔަސް، މިރާޖޭގައި އަހަރުމެން އެދޭކަމެއްނޫން.
ކޮފީ
29 May 2023
ގަލަމާއި ދުލުގެ މިނިވަންކަމަށް ވަކާލާތުކުރި މީހުންނަށް މިވީ ގޮތެއްދޯ. ލޮލް. މައުމޫނު ހިޔާލު ފާޅުކުރުމުގެ މިނިވަންކަން ނުދީގެން ނުކުތް މީހުންގެ ހާލަތު މައުމޫނަށް ވުރެ ގޯސް.
ވެޓަރަން
29 May 2023
1978 ވަނަ އަހަރު ސްކޫލް ކުދިންނަށް ދަންދެން ނެރެގެން، އޭރު ވެރިކަން ދޫކޮށްލެއްވި ރައީސަށް، ތިޔަ ހަޑިހުތުރު ކިޔަން ދަސްކޮށް ދިނީ އޭރު ގެ ސަރުކާރު އިސްކޮށް އޮވެގެން. 90 ގެ ފަހުކޮޅުން ފެށިގެން ލާޖު ސްކޭލްގައި އެކަންކުރީ މިހާރު ވެރިކަމުގައި ތިބި މައި ޕާޓީ! 2010 އަކުން ފެށިގެން މަޖިލީހާއި ރ.ޓީވީ އަދި މުޒާހަރާތަކުގައި މާ ފުޅާކޮށް އެކަން ކުރީވެސް އެ ޕާޓީ! 2013 ގައި ވެސް އެކަން ކުރިޔަށް ގެންދިޔައީ ހަމަ އެޕާޓީ! ޖުމްލަކޮށް 90 ގެ ފަހުކޮޅުން ފެށިގެން 2018 އާ ހަމައަށް އެމީހުން ކުރިވަރާގާތަށް ވެސް މީހުންނަށް އުނދަގޫކުރު މާ ގާތަށްވެސް މިހާރު ޗ13 އާއި ޗ13 އާ ގުޅިފައިވާ 2 ޕާޓީ އަށް ނުކުރެވެއޭ މި ބުނަނީ ތަޖުރިބާގެ އަލީގައި.
ޓިނު
29 May 2023
ކޮންމެކަމެއްގައިވެސް ހައްދެއް އޮންނަންވާނެ؟ ތިބުނާ ލަވައިގަ އެކަންއޮތްހެނެއް ހީއެއްނުވޭ
ލުގުމާން
29 May 2023
ރައީސް މައުމޫން ގެ ވެރިކަން ކަމުނުދިޔަ އެއްމެބޮޑު އެއް މައްސަލަ އަކީ ދުލުގެ މިނިވަންކަން ނެތްކަމަށް ބުނެ އޭރު އުފެދިގެން އާއި މާވަރުގަދަ ޕާޓީއަކުން ކުރަމުން ދިޔަ ވަކާލާތެވެ. ނަތީޖާއަކީ މައުމޫނުގެ ވެރިކަން ވެއްޓި ދުލުގެ މިނިވަންކަން ދޭން ބުނެ ވަކާލާތުކުރި ޕާޓީއަށް ވެރިކަން ލިބުމެވެ. ހިތާމަޔަކީ މިއަދު ޚުދުއެބައިމީހުނަށްވެސް އެކަމެއް ހަޖަމެއް ނުވެއެވެ.
ސުން
29 May 2023
ޢެލަވައިގައި އެކިޔަނީ ރައީސްގެ ވާހަކަތަ؟
މިސްކިތުހުޅު
29 May 2023
އެމީހަކަށްދޯ އެނގޭނީ އެމީހެއްގެ ވާހަކަކަން އެކިޔަނީ. އަހަރެމެންނަށް ނޭގުނަސް.
ހއބެ
29 May 2023
ބޭ އިންސާފާ އަނިޔާވެރިކަން ހައްދުން ނައްޓަމުން މިދަނީ.
8989
29 May 2023
ޗެނަލްތަކަށް މަޖުބޫރުކޮށްބަލަ ރައީސްއަށް ހުޝާމަދުކޮށް އެވަރުގެ މޮޅުމީހެއް ނެތްކަމަށް ކިޔަން. އެނޫން އެއްވެސް އެއްޗެއް ކިޔުން މަނާކޮށްބަލަ.
އަހުމަދު ފަޔާޒް 1030
29 May 2023
އައިގޮތަށްއައިސް ފުރަތަމަ ކުރިކަމަކީ އަބުރު ކަތިލުން ހުއްޓުވާފަވަނިކޮން އަބުރަކީ އެއްވެސް އެއްޗެށްނޫނޭ ކިޔާފަ އަބުރު ކަތިލުމުގެ ހުއްދަދީފި ދެންކޮންކަަމަކާ ތިއުޅެނީ