ޔައުގޫބް: އޭނާގެ މެމްބަރުކަމާ މެދު ވަނީ ސުވާލު އުފައްދަވާފައި.
20 ސެޕްޓެމްބަރ 2020 - 11:10
24 comments
ރައްޔިތުންގެ މަޖިލީހުގެ ދާންދޫ ދާއިރާގެ އެމްޑީޕީގެ މެމްބަރު ޔައުގޫބް އަބްދުﷲގެ މެމްބަރުކަމާ މެދު ގޮތެއް ކަނޑައަޅައިދޭން އެދި ސުޕްރީމް ކޯޓަށް މިއަދު މައްސަލައެއް ހުށަހަޅައިފި އެވެ.
ޔައުގޫބްގެ މެމްބަރުކަމާ މެދު ސުވާލު އުފައްދަން ފެށީ، ޗާޓަޑް އެކައުންޓެންޓުންގެ ގާނޫނުގެ ދަށުން އުފެއްދި މޯލްޑިވްސް އިންސްޓިޓިއުޓް އޮފް ޗާޓަޑް އެކައުންޓެންޓް ކައުންސިލްގެ މެމްބަރު ކަމާ ޔައުގޫބް ހަވާލުވެވަޑައިގަތުމުންނެވެ.
ކޯޓަށް އެ މައްސަލަ ހުށަހެޅީ، އިދިކޮޅު ކޯލިޝަން ޕީޕީއެމާއި ޕީއެންސީގެ ލޯޔަރުންގެ ޓީމުގައި ހިމެނިވަޑައިގަންނަވާ އައްސަދު ޝަރީފެވެ. އޭނާ ވިދާޅުވީ ޔައުގޫބްގެ މައްސަލަ ހުށަހެޅުއްވީ ގާނޫނުއަސާސީގެ 73 ވަނަ މާއްދާގެ ރ. އަށް ބަލާއިރު މެމްބަރުކަމުގެ ޝަރުތު ގެއްލިފައިވާތީ ކަމަށެވެ.
"މިއީ، ވަރަށް ސާފު މައްސަލައެއް، ގާނޫނުއަސާސީގައި މެމްބަރުކަމުގެ ޝަރުތު އެ ވަނީ އުނިވެފައި،" އައްސަދު ވިދާޅުވި އެވެ.
ގާނޫނު އަސާސީގެ 73 ވަނަ މާއްދާގެ ރ. ބުނާ ގޮތުން ރައްޔިތުންގެ މަޖިލީހުގެ މެމްބަރެއްގެ ހައިސިއްޔަތުން އަދާކުރަން ޖެހޭ ވަޒީފާއެއް ފިޔަވައި ދައުލަތުގެ އެހެން ވަޒީފާއެއް މެމްބަރުން އަދާކޮށްގެން ނުވާނެ އެވެ.
ގާނޫނު އަސާސީގެ 73 ވަނަ މާއްދާގެ ނ. ގައި މެމްބަރުކަން ގެއްލޭ ހާލަތްތަކުގެ ތެރޭގައި ހިމެނެނީ ދަރަނި ނުދެއްކުމާއި އެއް އަހަރަށް ވުރެ ދިގު ޖިނާއީ ހުކުމެއް އައުމާއި ފަނޑިޔާރަކަށް ވުމެވެ. ދައުލަތުގެ އެހެން މަގާމުތައް އަދާކުރުމަކީ މަނާ ކަމެއް ކަމަށް 73 ވަނަ މާއްދާގެ ރ. ގައި އޮތަސް، އެ ހާލަތުގައި މެމްބަރުކަން ގެއްލޭނެ ކަމެއް ނުވަތަ ނޫންކަން އެ މާއްދާއަކު ނެތެވެ.
ޔައުގޫބް ވަނީ، އޭނާގެ މެމްބަރުކަމާ މެދު ސުވާލު އުފައްދަން ފެށުމުން އެ އިންސްޓިޓިއުޓުން އިސްތިއުފާ ދެއްވައިފަ އެވެ. ދިފާއުގައި މިހާތަނަށް ވިދާޅުވެފައި ވަނީ އެ މަގާމު ގަބޫލުކުރެއްވީ އެކަމުގައި އެއްވެސް މައްސަލައެއް ނެތް ކަމަށް ގާނޫނީ ލަފާ ލިބިވަޑައިގަތުމުންނެވެ.
ޔައުގޫބްގެ މެމްބަރުކަން ގެއްލިއްޖެ ކަމަށް ކުރާ ބަހުސްގައި ގާނޫނީ ބޭފުޅުންގެ ހިޔާލު ތަފާތެވެ. އެއް ބަޔަކު ދެކޭ ގޮތުގައި އޭނާގެ މެމްބަރުކަން ގެއްލިއްޖެ އެވެ. އަނެއް ބޭފުޅުން ވިދާޅުވަނީ ގާނޫނުއަސާސީ އޮޮތް ގޮތުން އެ ހާލަތުގައި މެމްބަރުކަން ގެއްލޭނެ ކަން ނުވަތަ ނޫންކަން މުޅިން ސާފު ނުވާ ކަމަށެވެ.
ގާނޫނުއަސާސީ ބުނާ ގޮތުން މެމްބަރެއްގެ ގޮނޑި ހުސްވެފައިވާ ކަމާ މެދު ސުވާލު އުފެދިއްޖެ ނަމަ، ވަކި ގޮތެއް ނިންމާނީ ސުޕްރީމް ކޯޓުންނެވެ. މިހާތަނަށް މެމްބަރުން ގޮނޑި ގެއްލިފައި ހުރީ ޖިނާއީ ކުށްތައް ސާބިތުވެގެންނާއި ހުކުމާ އެއްގޮތަށް ދަރަނި ނުދެއްކުމުންނެވެ. ވަކި މަގާމެއް ގަބޫލުކޮށްގެން މިގޮތަށް މެމްބަރުކަމާ މެދު ސުވާލު އުފެދުނު މިއީ ފުރަތަމަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދާންދޫ
21 September 2020
ހަލީފާ ބުނުއްވަ ބައްލަވަ . ރައްޔިތުންގެ މަޖިލީހުގެ މެމްބަރަކު ދައުރުގެ ތެރޭގައި މަރުވެއް ޖެ ނަމަ ގޮނޑީގައި ނުއިނދެވޭނެ ވާހަކައެއް ޤާނޫނުއަސާސީގައިވެސް ޤާނޫނެއްގައިވެސް ނޯންނާތީވެ ، އެ މަރުވި މެމްބަރު ދައުރު ހަމަވަންދެން އެ ގޮނޑީގައި ބައިންދާނީ ތޯ ؟ ނުވަތަ ބާއްވާނީތޯ ؟
އުއްތަމަ އުސްތާޛް
21 September 2020
މިއީ ސްޕްރީމް ކޯޓުގެ މިނިވަންކަން އިމްތިހާނުކޮށްލާނެ ރަނގަޅު މައްސަލައެއް
މޫޗީ/މީދޫ
20 September 2020
ޔައުގޫބްގެ ގޮޑި ގެއްލޭވަރުގެ ސަބަބެއް ނެތް. ތި މައްސަލަ ސުޕްރީމް ކޯޓުން ބަލައިނުގައްނާނެ.
އޮނަރަބްލް އަފީފު ދީދީ
20 September 2020
ޔަޢުޤޫބުގެ މައްސަލަ ފަދައިން އާބިޓްރޭޝަން ޙުކުމާއި އެއްގޮތަށް ސަންސިޔާމް އަމަލުކޮށްފައިނުވާތީ އޭނާގެ މައްސަލަވެސް ސްޕްރީމް ކޯޓާއި ހަމައަށް އުފުލާންޖެހޭ. # އަދި "މާލޭސަރުކާރުން މަޖުބޫރީ ހާލަތް މެދުވެރިކޮށް ބޯހިޔާވަހިކަން ދޭނީ މާލޭ މުނިސިޕަލްޓީ ދަފުތަރުގައި ޖެހުމުންކަމަށްބުނެ" އެމީހުންގެ ރަށްވެހިކަން ގެއްލުވާލާ ސީދާ އެމީހުންގެ އަޑު އުފުލާނެ މެންބަރަކު މަޖިލީހުގައި ނުހުންނަގޮތަށް އޮތް އޮތުން ބަދަލުކޮށް "ދަފުތަރު ދާއިރާ" ހަދައި ދަފުތަރުމީހުންގެ އަޑު އުފުލޭނެގޮތްވެސްހަދާންޖެހޭ.
އުދުހޭ
20 September 2020
އެފަދަ މަގާމެއް ގަބޫލުކުރުމުން ގޮނޑި އެއޮތީ ގެއްލިފަ. ސިކުންތެއް ފަހުން އިސްތިއުފާ ދިން ނަމަވެސް އެމަގާމު ގަބޫލު ނުކުރާ ކަމަށް ނުވާނެ. އޮތީ ޝަރުތާ ޚިލާފްވުމާ ނުވުން. ޝަރުތާ ޚިލާފްވިކަމަށް ބަލާނީ ޝަރުތާ ޚިލާފްވެގެން 1 ސިކުންތުތޯ ނުވަތަ 10 އަހަރުތޯ މިއީ ގާނޫނުއަސާސީގައި ބަޔާންކޮށްފައިވާ ކަމަކަށްނުވާތީ ގޮނޑި ގެއްލިއްޖެ ވާހަކަ ހިތާމަޔާއެކު ދަންނަވަން.
އޮނަރަބްލް އަފީފު ދީދީ
20 September 2020
ރައްޔަތުމީހާ އޭނާއަށް ޤާނޫނުއަސާސީއާއި ޤާނޫނުތަކުން ލިބިދޭބާރުތައްހޯދުމަށް ޝަރުޢީކޯޓްތަކާއިހަމައަށް ވަކިން ޙާއްސަކޮށް ދޫނުދީ ސްޕްރީމްކޯޓާއި ހަމައަށް ކަންކަންއުފުލާހިސާބަށް ރައްޔަތުން ހޭލުންތެރިވުމަކީ އުފާކުރާންޖެހޭ ކަމެއް. # އަދި މިއީ ޤާނޫނު ނެގެހެއްޓުމަށާއި ޤާނޫނާއި ޙިލާފު އަމަރުތައް ސަރުކާރާއި ދައުލަތުގެ މަޤާމްތަކުގެ އިސްވެރިންނަށް ތިބޭމީހުނަށް ކުރާން ނުކެރޭނެ އަދި އެމީހުނަށް ބިރުވެރިކަމެއް ގެނުވާނެ މުހިންމުކަމެއް. މައްސަލަ ނިންމާނީ އިންސާފުން ކަމުގައިޤަބޫލުކުރަން.
އަސާސް
20 September 2020
ތީ ވަރަށް ސާފު މައްސަލައެއް! ސަބަބަކީ، މިހާރުގެ ހޯމް މިނިސްޓަރ ފުރަތަމަ ހުވަޔަށް ޝައްކުއުފެދުނަތީ، ދެވަނަފަހަރަށް ހުވާކުރެއްވި! މިހާރުގެ ޓްއަރިޒަމް މިނިސްޓަރގެ ފުރަތަމަ ހުވާކުރެއްވި އިރު ކުންފުންޏެއްގެ އެމްޑީއަކަށް ހުންނެވުމުގެ ސަބަބުން ދެވަނަ ފަހަރަށް ހުވާކުރެއްވުމަށް އެންގީ ސީދާ ރައްޔިތުންގެ މަޖިލީހުން! ވީމާ، ބުނެވުނު އަސާސްތަކަށް ރިޢާޔަތްކޮށް ތިޔަ މެންބަރުގެ ގޮނޑި އެއޮތީ ގެއްލިފައި!
އޭނަ މީނަ
21 September 2020
އަހަންނަކީ ލޯޔަރެއްނޫން. އެކަމަކު އަހަންނަށް އިނގޭގޮތުގައި ޤާނޫނު އަސާސީގައި ނޯވޭ ލިޔެފައެއް ރައްޔިތުން މަޖިލީހުގެ މެމްބަރެކަށްވެހުރެ މިނިވަން އިންސްޓިޓުޓެއްގެ މެމްބަރަކަށްވުމުން ގޮނޑި ގެއްލޭނެކަމަކަށް. ޤާނޫނަކީ ސީދާ އަކުރުން އަކުރަށް ބަލަންޖެހޭ އެއްޗެއް. އެއްވެސް މީހަކަށް ވިސްނުމާ ފިކުރާއެއްގޮތަކަށް ކަންތައްތަކެއްނުކުރެވޭނެ. އަހަރެން މިބުނި ވާހަކަތައް ޞައްޙަނޫންނަމަ އިނގޭ މީހަކު އިޞްލާޙުކޮށްލަދިނުމަށް އެދެން.
އަލިކަލޯގެ ފުތް އިދުރީސް.
20 September 2020
ކޮރަޕްޝަނާދެކޮޅަށް ހަނގުރާމަކުރާ "މުޖާހިދު" ގެއްލިއްޖެނަމަ ދެން އެކަން ކުރިޔަށްގެންދާނެމީހަކު ހުންނާނެބާ؟
އެލްބޯޑު
20 September 2020
އައްސަދު ތީ އަދި ޤާނޫނީ ދާއިރާގައި ކިރުބޯ ޅަކުއްޖެއް! ފިލްމީ ދާއިރާގަ ސުނިލް ސެޓިއަށް ވެވުނަސް އަދި ޤާނޫނީ ދާއިރާގައި އަދި ހަމަ ވަރަށް ކުޑަ!
ކޮންއިރަކުހެއްޔޭ
21 September 2020
އެލްބޯޑު ހާދަ އަވަހަށް މީހުން ސައިޒު ކަނޑައަޅަނީ ތީ ވަރަށް ދަށުދަރަޖައިގެ ކަމެއް
ޙަލީފާ
20 September 2020
ގޮނޑި ގެއްލޭނެ އެއްވެސް ހުއްޖަތެއް އޮތް ކަމަށް ނުދެކެން.