ހުޅުމާލޭގައި އިމާރާތްކޮށްފައިވާ ހިޔާ ފްލެޓްތަކުގެ ޓަވަރެއް: ދަފްތަރު ކެޓަގަރީން ފްލެޓް ލިބޭ ވަގުތީ ލިސްޓު މިއަދު ވަނީ އާއްމުކޮށްފައި. --ހުސެއިން ވަހީދު/ މިހާރު
20 ސެޕްޓެމްބަރ 2020 - 16:37
51 comments
ހުޅުމާލެ ހިޔާ މަޝްރޫއުގައި މާލޭ ދަފްތަރު ކެޓަގަރީ އަށް ޚާއްސަކުރި އެޗް9 ކެޓަގަރީގެ ވަގުތީ ލިސްޓް މިއަދު އާއްމުކޮށްފި އެވެ.
ދަފްތަރު ކެޓަގަރީ އަށް ޚާއްސަކުރި 1،000 ފްލެޓުގެ ވަގުތީ ލިސްޓުގައި 2،775 މީހުންގެ ނަން ހިމެނެ އެވެ. ލިސްޓު އާއްމުކޮށްފައި އޮތީ ކުރީގެ ސަރުކާރުގައި ލިބުނު ޕޮއިންޓްގެ އަދަދާއި މި ސަރުކާރުގެ ފްލެޓް ކޮމިޓީގެ އިވެލުއޭޝަނުން ލިބުނު މާކްސް އެނގޭ ގޮތަށެވެ.
މި ލިސްޓާއެކު މި ކެޓަގަރީ އަށް ކުރިމަތިލީ މީހުންގެ ތެރެއިން ޝަރުތު ހަމަނުވާ މީހުންގެ ލިސްޓެއް ވެސް ވަކިން އާއްމުކޮށްފައިވެ އެވެ. އެ ލިސްޓުގައި އެ މީހަކު ޝަރުތު ހަމަނުވާ ސަބަބު ވެސް ތަފްސީލްކޮށްދީފައިވެ އެވެ.
ރައީސް އޮފީހުން ބުނިގޮތުގައި މިއަދު އާއްމުކުރި ލިސްޓަކީ ކުރީގެ ސަރުކާރުގައި ހިޔާ މަޝްރޫއަށް ކުރިމަތިލީ ފަރާތްތަކަށް ޕޮއިންޓް ދީފައިވަނީ އުސޫލާއެއްގޮތަށްތޯ ބަލައި ކަށަވަރުކުރުމަށް ކުރެވޭ މަސައްކަތުގެ ތެރެއިން ދަފްތަރު ކެޓަގަރީގެ ފޯމުތައް ޗެކްކޮށް، ޕޮއިންޓް ލިބިފައިވާ ގޮތުގެ ވަގުތީ ލިސްޓެވެ.
ދަފްތަރު ކެޓަގަރީ އަށް ޝަކުވާ ހުށަހެޅުމުގެ ފުރުސަތު އޮކްޓޯބަރު 4 ވަނަ ދުވަހާ ހަމައަށް ވަނީ ހުޅުވާލައިފަ އެވެ. ޝަކުވާ ހުށަހަޅަން ޖެހެނީ https://hcp.presidency.gov.mv/ ޕޯޓަލް މެދުވެރިކޮށެވެ. މިކަމާގުޅޭ އިތުރު މައުލޫމާތު ހޯއްދެއްވުމަށް 3010718 އަށް ގުޅަން ވެސް އިއުލާންގައި ރައީސް އޮފީހުން އެދިފައިވެ އެވެ.
ފްލެޓް ކޮމިޓީން ބުނީ މަސައްކަތް ނިމުނުހާ އަވަހަކަށް ދެން ހުރި ކެޓަގަރީތަކުގެ ލިސްޓު ވެސް އާއްމުކުރާނެ ކަމަށެވެ. އެ ކޮމިޓީން މީގެކުރިން އިއުލާންކޮށްފައި ވަނީ ޑޮކްޓަރުންނާއި ނަރުހުންނާއި ޓީޗަރުންނާއި މާލޭގެ ރަށްވެހިންގެ އިތުރުން ނުކުޅެދުންތެރިކަން ހުންނަ މީހުންގެ ވަގުތީ ލިސްޓެވެ. މި ލިސްޓަށް ޝަކުވާ ހުށަހެޅުމުގެ މުއްދަތު ހަމަވިއިރު 3،000 އަށް ވުރެން ގިނަ ޝަކުވާ ވަނީ ހުށަހަޅައިފަ އެވެ.
ހުޅުމާލޭގައި، ހިޔާ މަޝްރޫއުގައި ފުރަތަމަ ޕްލޭންކުރި 7،000 ފްލެޓަށް 12 ކެޓަގަރީއަކުން ކުރިމަތިލާން ހުޅުވާލުމުން ގާތްގަނޑަކަށް 25،000 ފޯމު ހުށަހެޅި އެވެ. މީގެ ތެރެއިން ފްލެޓު ލިބުނު މީހުން ކަނޑައެޅި ގޮތާ މެދު ބޮޑެތި ތުހުމަތުތަކެއް ކުރީގެ ސަރުކާރަށް ކުރި އެވެ. މާކްސް ދޭނެ ވަކި ކްރައިޓީރިއާއެއް އިއުލާންކޮށްފައި އޮތަސް އެ ކްރައިޓީރިއާގައި ހިމެނި ދިރިއުޅުމުގެ ހާލަތުގެ ބައިން މާކްސް ދީފައިވާ ގޮތާ މެދު އޮތީ ސުވާލު އުފެދިފަ އެވެ. ގޭގެ އަށް ނުގޮސް ދިރިއުޅޭ ހާލަތުގެ ބައިން ޕޮއިންޓް ދިން ގޮތާ މެދު ގިނަ ބަޔަކު ޝަކުވާކުރި އެވެ.
ފްލެޓް ކޮމިޓީން ބުނެފައިވާ ގޮތުގައި ފޯމުތައް ވަކިވަކިން ބަލައި މާކްސް ދިނީ ކުރީގެ ސަރުކާރުން ހިޔާ މަޝްރޫއަށް ކަނޑައެޅި ޕޮއިންޓް ދިނުމުގެ އުސޫލާ އެއްގޮތަށެވެ. އޭރު ދިރިއުޅުމުގެ ހާލަތަށް 30 ޕޮއިންޓް ހިމަނާފައި އޮތް އިރު އެ ޕޮއިންޓް ދިން އުސޫލެއް ސާފެއް ނޫނެވެ. އެކަމަކު މިފަހަރު އެ ޕޮއިންޓް ދިނީ ގޭގެއަށް ގޮސް ދިރިއުޅުމުގެ ހާލަތު ބަލައިގެން ކަމަށް އެ ކޮމިޓީން ބުންޏެވެ.
ހުޅުމާލޭގައި އިމާރާތްކުރާ ފްލެޓްތަކުގެ ލިސްޓު އެކުލަވާލަމުން އަންނައިރު ކުރީގެ ސަރުކާރުން 7،000 ފްލެޓަށް ހުޅުވާލިއަސް ޓަވަރުތަކުގެ ގްރައުންޑް ފްލޯ ފިހާރަތައް ފަދަ ޒަރޫރީ ބޭނުންތަކަށް މި ސަރުކާރުން ހުސްކުރުމުން އެ މަޝްރޫއުގައި ފްލެޓުގެ އަދަދަކީ މިހާރު 6،720 އެވެ. މި ފްލެޓްތައް ނިމޭނީ އަންނަ އަހަރު އެޕްރީލަށް ކަމަށް ހައުސިން މިނިސްޓްރީން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮސްކަލޯ
21 September 2020
18 އަހަރުން ދަށުގެ އެއްވެސް ދަރި އެއް ނެތް މީހުނަށް ވެސް ލިބުނު ފިރިމީހާގެ ފްލެޓް ގަ ދިރިެުޅޭ އަންހެން މީހާ އަށް ވެސް ލިބުނު ދިރި އުޅުމުގެ ހާލަތު ބަލާށޭ ކިޔާފަ ނަމެއްގަ ކަމެއް ކުރީ 3 ދަރިންނާ މަންމަ އާއި ގޮވައިގެން އެންމެ ކޮޓަރި އެއްގައު ކުއްޔަށް އުޅޭ މީހުން ވެސް ބާކީ ވި
ގައުމީ ލޯބީގާ
21 September 2020
އިބްރަހީ މާ އިންސާފު ހޯދަން ގުރުލު މެއްނެތް ތަ .؟ ހުރިހާ މީހުންވެސް ތިބީ ދަފްތަރުގަ ރަޖިސްޓަރ ވެގެން . އެއް މެން މާލޭގަ ދިރިއުޅުނަސް ނޫޅުނަސް އަނބި. މީހާ ދަފްތަރުގަ ޖައްސާފަ ރަށުގަ ފިރި މީހާގެ ގެދޮރު ކުއްޔަށް ދީގެން ބޮޑުއާއް މުދަނީ ހޯދިއަސް ވަޒީފާތަށްވެސް މިބަޔަކަށް ފުލެޓް ވެސް މިމމ މީހުނަށް . ވަރިހަ މަ ޖެހޭއޮޔަށް ދެއަތަށް ކިރުނަސް . ދެއަނބިން ތިބިއްޔާއެއް އެކަކު ޕީޕީއެ މްއަށް އަނެކަކު އެ މްޑީޕީ.
އަސްލަމު ދެފައި އޮޅިއްޖެ
21 September 2020
ޕޮއިންޓް ދީފައިވާ ގޮތާ ބެހެން ހަދާގެން އެއްޗަކަށް "ފައިން އެރިއްޖެ" ތާއެވެ.
ހާލަތު ބެލިއްޖެ
21 September 2020
ރަށުގާ ހުރި ގެ( ގޯތީ) ދަރިން ނަށް ދީފައި އެދަރި ފުޅުގެ ނަމުގައި ނުކުޅުންތެރިންގެ ކެޓަގަރީ އިން ފޯމް ހުށަހެޅި މީހުނަށް ވެސް ދިރި އުޅުމުގެ ހާލަތުގެ ބައިން ތިރީސް، ސާޅީސް ޕޮއިންޓް ދީފައި ވަނީ ކިހާ ސަޅިކޮށް " ހާލަތު ބެލީމަ ތޯ" އެވެ؟
ދެރަހާ ބުޝީ
21 September 2020
ދަރިން ނަށް ގޯތި ބަހާފައި ދީފައި މާލޭ ރައްވެހިންގެ ބައިއިން ފްލެޓް ލިބުނު 70 އަހަރުން މަތީ އިމުރުގެ މީހުން އެބަތި އެވެ. އެ ފްލެޓަކީ ކާކަށް ހޯދާދިން ތަނެއްތަ؟ ދަރިންގެ ބައިން 50 ޕޮއިންޓް ދީފައި އިނެވެ.
އަހުމަދުބޭ
21 September 2020
1 ހާސް ފުލެޓް 2775 މީހުން ސަރުތު ހަމަވެފައި، ދެން ތިޔަ 1 ހާސް ފުލެޓް ބަހާނީ ކިހިނެތްތޯ، ގުރުއަތު ލައިގެންތޯ؟ ނޫނީ މިނިސްޓަރ އާއި އެމް ޕީ ގެ ލިސްޓައްތޯ
ދެރަށު ދެގެ ހުންނަ މީހާ
21 September 2020
ދަތުފަރުގައި ޖައްސާފައި ރަށުގާ ( ރަށު ގޭގައި) ދިރި އުޅޭ މީހުން ވެސް ބައިވަރެވެ. އެކަމު ފްލެޓަށް ޝަރުތު ހަމަ ވެއެވެ. އެމީހުންގެ ދަފުތަރު ނަމްބަރު ވަކި ނުވާތީ ޝަކުވާ ނުކުރެވެއެވެ. ރަށުގެ އެޑްރެސް ބުނެގެން ދަފުތަރު ނަމްބަރުން ސާފެއް ނުވެއެވެ. ކިހާ މަޖާ ކަމެއް ހެހެހެ!
ކަނައްކަ ފޫޅު
21 September 2020
ދަފްތަރު މީހަކު ޖެހިގެން ހުރިއަސް ނޭގެއެވެ އެހެން ކެޓަގަރީޒް ތަކުގައި އެމީހާގެ ނަމާ އެޑްރެހާ އަތޮޅާ ރަށާއި އޮވެއެވެ. ނަތީޖާއަކަށްވީ އެ ކަޓަގަރީ އިން ހޮވުނު މީހުންގެ ޕޮއިންޓް "އަޅާކިއުމުގެ" ފުރުސަތު އެހެން މީހުނަށް ލިބުމެވެ..އެކަމަކު ދަފްރަރު ބޭފުޅުންގެ :އަޅާ ކިޔާކަށް" ނޭގެއެވެ.ވީމާ ރަގަޅު ގޮތަކީ ދަތުތަރުގައި ޖެއްސުމުގެ ކުރިން އޭނާގެ އަތޮޅާއި ރަށާއި އެޑްރެސް ހާމަ ވާން އޮތުމެވެ.
އެތަން މިތަން
21 September 2020
ދަފުތަރު ގައި މި ތިވެނީ ކޮން ތަނަކަށް އުފަން ބައެެއްތަ؟ އަނެއްކާ އިންޑިއާ ބަޔަކު ދަފުތަރުގާ ނެތްތަ؟ އެމީހުން ނިސްބަތް ވަނީ ކޮން ރަށެއްގެ ކޮން ގެއަކަށް ތަ؟ ދިރި އުޅެނީ މާލޭ މުނިސްޕަޓީ ގައި ތަ؟އެމީހުންގެ ގެއަކީ މުނިސްޕަލްޓީ ތަ؟ ނޭގޭތީ އަހާލީ އެވެ؟
ސިޓިޒަންސް އޮފް މާލެ
21 September 2020
މާލޭ މުނިސިޕަލްޓީގެ ހާއްސަ ދަފްތަރު ވަގުތުން އުވާލުމަށް ގޮވާލަން! ގްރޭޓަރ މާލޭ ސަރަހައްދުން ބޯހިޔާވަހިކަން ދޭންވާނީ ހަމައެކަނި މާލޭ ރައްޔިތުންނަށް!
ަައާނާ
21 September 2020
މާލޭގެ ރައްޔިތުންނޭ ކިޔާއިރު، މިހާރު ތިބުނާ މާލޭ ކޮންމެ މީހަކީ ކޮންމެ ވެސް އެއް ފަރާތެއް ރާއްޖޭތެރެއަށް ނިސްބަތް ވާ މީހެއް، އެމީހުންގެ ގެދޮރު އެރަށްރަށުގައި ތިބި މީހުން.މާލޭ ގެ ޙަގީގީ ރައްޔިތުން ކަމުގައި ގުނައިލެވެނީ މަދު ބަޔެއް. އެކަމަކު އެންމެންވެސް ނަމުން މާލެ ވެފަ އުޅެނީ
ކުރުކުރު
21 September 2020
ދައުލަތުގެ ފައިސާ ހުރިހާ ހުރިހާ ރަށަކަށް ހަމަހަމައަށް ހަރަދުކުރާދުވަހަކުން ތިކަމާ އުޅޭ ކަލޭ. ރަށުގަ ކުލީވިޔަފާރި ކޮށްކޮށް މިހާރު "ސަރަހައްދޭ" ކިޔައިގެން މުޅި މާލެއަތޮޅު ގަބީލާތަކަށް ނުބެހިގެން ތިއުޅެނީ.
ވަގު ކަދުރު ބޮޑި
21 September 2020
ދިރިއުޅުމުގެ ހާލަތުގެ ބައިން ކުރިން މަށަށް 34 ޕޮއިންޓް ލިބުނީ އޭރު މަށާ މަގޭ އަނބިދަރިން ކުއްޔަން އުޅުނު ތަނަށް ގޮސް އޭރުގެ ސަރުކާރުން ވެސް ތަން ބަލާފައެވެ. ވީމާ އޭރު އަހަރެމެން ކުއްޔަށް އުޅުނު ތަން މިސަރުކާރުން ނުބަލައި އެފަހަރު ޕޮއިންޓް ދީފައި ވަނީ ނުބައި ކޮށޭ ކިޔާފައި ކުރިން 34 ޕޮއިންޓް ލިބުނު ތަނުން 20 ޕޮއިންޓް އުނި ކޮށްލީ ހާދަ މޮޅުވީ މަ ތާއެވެ؟ ހަޤީޤަތުގާ ނުބަލާ ޕޮއިންޓް ދިނީ މިސަރުކާރުން ނެވެ.