ކައިވެނީގެ ހަދިޔާއަކަށް ޕާކިސްތާނު މީހަކު އަންހެނުންނަށް "ހަނދުން" ބިމެއް ގަނެދީފި

ހަނދު.

އަހުމަދު އަދްޝަން، މިހާރު

23 ސެޕްޓެމްބަރ 2020 - 07:00

ޕާކިސްތާނު މީހަކު ކައިވެނީގެ ހަދިޔާއަކަށް އަނބިމީހާ އަށް "ހަނދުން" ބިމެއް ގަނެދީފި އެވެ.

އެ ގައުމުގެ މީޑިއާތަކުން ބުނީ ލޫނާ ސެޓްލްމަންޓް އިނިޝިއޭޓިވް (އެލްއެސްއައި) ގެ ދަށުން އެއް އޭކަރުގެ ބިމެއް، 23 އަހަރުގެ ޝުއައިބް އަހުމަދު އަންހެނުން މަދީހާ، 26، އަށް ގަނެދިނީ 45 ޑޮލަރަށް ކަމަށެވެ.

ރާވަލްޕިންޑީގައި ދިރިއުޅޭ ޝުއައިބް އަނބިމީހާ އަށް ހަނދުން ބިން ގަތްް މުއާމަލާތާ ބެހޭ ލިޔުން ވެސް ބައެއް މީޑިއާތަކުން ޝާއިިއުކޮށްފައިވެ އެވެ. ޝުއައިބާއި މަދީހާ ކައިވެނިކުރީ މީގެ ހަ މަސް ކުރިންނެވެ.

https://t.co/reGHth7FSm

Sohaib bought one-acre land on the Moon as a wedding present for his wife! pic.twitter.com/ceMt8hEqZk
— Brandsynario (@brandsynario) September 20, 2020

އެލްއެސްއައިގެ ވެބްސައިޓްގައިވާ ގޮތުން، މުސްތަގުބަލުގައި ހަނދަކީ އިންސާނުން ވަޒަން ވެރިގެން އުޅޭނެ ތަނަކަށް ވެދާނެތީ އެތަނުން ބިން ހޯދުމަކީ ކޮންމެ މީހަކަށް ވެސް އޮތް ފުރުސަތެކެވެ. އެގޮތުން ފަސް އޭކަރަށް ވުރެ ކުޑަ ބިން ހަނދުން 15-150 ޑޮލަރާ ދެމެދުގެ އަގުތަކަށް ލިބޭނެ ކަމަށް އެލްއެސްއައި އިން ބުންޏެވެ.

އެތަނުން ބުނެފައިވާ ގޮތުގައި ހަނދުން ގަންނަ ބިންތައް ހާލަތު ނިޔާކުރާ ގޮތުން ހަނދުގެ އެކި ދިމަދިމާ އަށް ބަދަލުކުރަންޖެހުމަކީ ވެދާނެ ކަމެކެވެ. ނަމަވެސް އެ މީހަކު ބިން ގަންނަން ހޭދަކުރި ފައިސާއާ އެއްވަރުގެ ބިމެއް ކަށަވަރުވެފައި އޮންނާނެ ކަމަށް ބުނެ އެވެ. އަދި އެތަނެއްގައި ދިރިއުޅުމަށް ބޭނުންވާނެ ގިނަ ވަސީލަތްތައް ގާއިމުކުރެވޭނެ އެވެ.

ހަނދުން ބިން ވިއްކުމުގެ މުއާމަލާތް އެލްއެސްއައި އިން ކުރިއަށް ގެންދަނީ ޝަރުތެއްގެ ގޮތުގައި ސީދާ އެތަނުގެ އޮފީހަށް ހާޒިރުވެގެންނެވެ. އެކަމަކު "ހަނދުން" ބިމެއް ގަތުމަކީ އުނދަގޫ ކަމެއް ނޫން ކަމަށް ބުންޏެވެ.

Lunar Settlement Initiative – Lunar Land Claim – Moon Property Policy

Sales of property claims on Luna, Earth’s Moon, are conducted in accordance with the Lunar Settlement Initiative (“LSI”).

ޕާކިސްތާން ހަނދު ދެމަފިރިން

4 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަހަރޯ...

23 September 2020

އަނެއްކާ އަނެއްވާހަކަ. ހަނދުން ބިން ގަތީ ކާކުކަން އެނގިއްޖެ. އެކަމަކު ބިން ވިއްކީ ކާކުތަ؟ ބިން ވިއްކި ފަރާތް އެނގެން ވަރަށް ބޭނުން. މިކަހަލަ ތާކުންތާކު ނުޖެހޭ ޚަބަރުތައް ފެންނާތީ ހާދަ ހިންޏެއް އާދެއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

23 September 2020

މަވެސް މާސްއިން ގަނެދީފާނަން. ޢެއީ ދޔވަހަކުވެސް އެބިން ބޭނުންކުރާކަށް ނުލިބޭނެތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

23 September 2020

ބިމަކީ އިންސާނުން ދިރިއުޅެން ﷲ ލެއްވެވި ތަނެވެ. އެއަށްވުރެ ފަސޭހަތަނެއް އިންސާނުން ދިރިއުޅުމަށްޓަކައި ލައްވަވާފައި ނުވެއެވެ. އަދި މި ކާއިނާތުން އެފަދަ ތަނެއް ނުވެސް ފެންނާނެއެވެ. އިލްމީ ބޭނުންތަކަށްޓަކައި ހަނދާއި އަދި އެހެނިހެން ތަންތަން ދިރާސާކޮށް ބެލުމަކީ ނެތްކަމެއް ނޫނެވެ. އެހެނަސް ދިރިއުޅޭނެ ތަނަކަށް ބަލައިގެން ނުވާނެއެވެ.