ދިވެހި މަސްވެރިންތަކެއް ދޯންޏެއްގައި ތިބެ މަސް ބާނަނީ. --- ފޮޓޯ: ދިވެހި މަސްވެރިން ޓުވިޓާ.
22 ސެޕްޓެމްބަރ 2020 - 14:29
6 comments
އެސްޓީއޯގެ ސަބްސިޑަރީ ކުންފުނި، މިފްކޯ މެދުވެރިކޮށް މަސްވެރިންނަށް ފޯރުކޮށްދެމުން އަންނަ ޑީސަލުގެ އަގު އެ ކުންފުނިން ހެޔޮކޮށްފި އެވެ.
މިފްކޯގެ ސީއީއޯ އިސްމާއިލް ފައުޒީ ސޮއިކުރައްވައި އެ ކުންފުނިން އޮޕަރޭޓުކުރާ ފިޝަރީޒް ކޮމްޕްލެކްސްތަކަށް ފޮނުވި މެމޯއެއްގައި ބުނީ މިއަދުން ފެށިގެން މިފްކޯގެ މަސް ސެންޓަރުތަކާއި ބޯޓުތަކުން ޑީސަލް ވިއްކާ އަގު ބަދަލު ކޮށްފައިވާ ކަމަށެވެ.
މި ބަދަލާ އެކު މިހާރު މަސް ދޯނިތަކަށް ޑީސަލް ލީޓަރެއް 7.33ރ. އަށް ލިބޭއިރު އާއްމުންނަށް ޑީސަލް ލީޓަރެއް ލިބޭނީ 13ރ. އަށެވެ. ކުރިން މަސް ދޯނިފަހަރަށް ޑީސަލް ލީޓަރެއް ވިއްކަމުން އައީ 8.65ރ. އަށެވެ.
މިފްކޯއިން މިދިޔަ އާދީއްތަ ދުވަހު ބޭއްވި ނޫސްވެރިންގެ ބައްދަލުވުމުގައި ފައުޒީ ވަނީ މަސްވެރިންނަށް ފޯރުކޮށްދޭ ތެލުގެ އަގު އިތުރަށް ހެޔޮކުރަން މަސައްކަތް ކުރަމުން އަންނަ ކަމަށެވެ.
މިފްކޯއިން ވަނީ މަސްވެރިން ބާނާ މަހުގެ ހަމަ އަގު ހޯދައި ދިނުމުގެ ގޮތުން ގިނަ ބަދަލުތަކެއް ގެނެސްފަ އެވެ. އެގޮތުން މަހުގެ އަގު “ފިކްސްޑް” ރޭޓެއްގައި ހުންނަތާ ހަތް އަހަރު ފަހުން އެ ކުންފުނިން ވަނީ އެ އަގު ދޫކޮށް، އެ އިރެއްގައި ދުނިޔޭގެ މާކެޓުގައި މަހުގެ އަގަށް އަންނަ ބަދަލާ އެއްގޮތަށް މަސް ގަންނަން ނިންމާފަ އެވެ. މި ބަދަލަށް އަމަލުކުރަން ފަށާނީ އަންނަ ބުރާސްފަތި ދުވަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑްމުންޑޯ
23 September 2020
މަސްކިލޯ އެއް 13 ރ އަށް އަގުތިރިކޮއްފައި މަސްވެރިޔާ ލޮލުގަި އަދުނެއް އަޅުވާލީތާ ، މަސްވެރިޔާ ޖީބަށް ސީދާ ޑޮލަރަ ވައްދަން ވައުދުވި ސަރުކާރު ފެއިލްވީ ހާދަ އަވަހަށޭ
އަންވޫ
23 September 2020
ތެލަކީ ރާއްޖޭގެ އިޤްތިޞާދާ ގުޅޭ ކަމަކަށް ވިމާ ތެޔޮ ލީޓަރެއްވެސް ވިއްކޭނެ އެންމެބޮޑު އަގު ކަނޑައެޅުމަކީ ވަރަށް މުހިންމު ކަމެއް ކަމުގައި ދެކެން
ޙަބީބު
22 September 2020
މަސްވެރިންނައް ބޭނުން އަގެއްގަ މަސްވިއްކިގެން ނުވާނެ މަސްވެރިންނައް ޑީސަލް އަގުހެޔޮ ކުރަންޏާ މަސްކިލޯއެއް ބާޒާރުން ވިއްކަންވާނީ ޑީސަލް ލީޓަރެއް ވިއްކިއަގައް މަސްކިލޯއެއް މަސްވެރިން ބޭނުން އަގެއްގަ ބޯޓައްކިރޭ ތެޔޮ ދޭންވީ ހިލޭ ގެންގުޅެންވީ ބަންގާޅުން ކިހާބޮޑު ކަ މެއް ކުޑަފިހާރައެއް ހުޅުވާއިރައް ފެނަކައިން ވަކިމީޓަރެއް ހަރުކޮއް ޒުވާނާ ދަތިއަޅުވާ ވައްޓާލާ ކޮބާ އިންސާފު ރިސޯޓު މުވައްޒަފަކައް ކޮބާ 10.000 ރުފިޔާ
ޢަލީ ޙުސައިން
22 September 2020
މަސްވެރިންނާއި އާއްމުން ތަފާތު ވަނީ ކީއްވެހޭ. މަސްދޯނިފަހަރުގެ ވެރިންނަކީ ފޯރާ މީހުން ނަށް ވާއިރު ޢާއްމު ނިކަމެތި މީހާއަށް އަގުބޮޑު ކޮށް ވިއްކުން ހަމަހަމަ ވާނެ ބާ. ދެރަ މީހުންނަށް ދެރަގޮތް މޮޅުމީހުންނަށް މޮޅު ގޮތް
ޙިނި
22 September 2020
މިކަހަލަ މަލިމަޑުކަމެއްދިމާވެ ވަޒީވާ ގެއްލި ހާލުގަ ޖެހުނީމަ މިސަރުކާރުން ރައްޔިތުންނައް ކޮންކަމެއް ކޮއްދިނީ. ޢެއްކަމއްވެސް ނުކޮއްދޭތަން މިފެންނަނީ
ބޮޑު ކަކުނި
22 September 2020
މަސް އަގުވައްޓާލާފައި މަސްވެރިންނަށް ހެޔޮވީތަ. ޙެހެހެ