ޓީޝާޓް އަރިމަތިން ބާގަނޑެއް، މިވެސް ފެޝަނެއް

އަހުމަދު އަދްޝަން، މިހާރު

30 ސެޕްޓެމްބަރ 2020 - 08:07

ފެޝަން ކުންފުނިތަކުން ފެޝަނުގެ ގޮތުގައި އާދަޔާ ހިލާފް ކަންކަން ކުރެ އެވެ. މި ފަހުން ނެރުނު މިފަދަ ކިތަންމެ އުފެއްދުމަކަށް އާންމުންގެ މަލާމާތާއި ފާޑުކިޔުންތައް ވަރަށް ބޮޑަށް އަމާޒުވެފައިވެ އެވެ.

އިނގިރޭސި ފެޝަން ކުންފުނި އެސޮސް އިން ނެރެގެން އުޅޭ ފިރިހެނުންގެ މި ޓީޝާޓަކީ ވެސް މިހާރު ފެޝަނެކެވެ. މި ޓީޝާޓް ހުންނަނީ ދެ ފަރާތުގެ އަރިމަތިން ބޮޑު ދެ ބާގަނޑު ކަނޑައިފަ އެވެ.

ASOS I really cannot stress enough how much this is NOT a bit of me pic.twitter.com/Qm0YyZbLWR
— Pete Burns’ Confiscated Coat (@harrisonjbrock) September 26, 2020

އެހެންވެ ލައިގެން ހުންނަ އިރު، ދެ ފަރާތުގެ އަރިކަށި އިންނާނީ ފެންނާށެވެ. ފިރިހެނުންނަށް ހާއްސަ އުފެއްދުމެއްގެ ގޮތުގައި މި ޒާތުގެ ޓީޝާޓެއް ނެރެ ވިއްކަން ފެށި އިރު، މިގޮތަށް ޑިޒައިންކޮށްފައި ހުންނަ ގައުން ހުޅަނގުގެ އަންހެނުން ލައިގެން އުޅޭ ތަން ފެނެ އެވެ. ހާއްސަކޮށް ރެޑްކާޕެޓް ކަހަލަ އިވެންޓްތަކުން މި ޒާތުގެ ފެޝަންތައް ފެންނާނެ އެވެ.

If I was to wear this they would be seeing lots of me, spilling out the sides like a sausage that had split cooking in the pan.
— Emmo (@The_Emmo) September 27, 2020

އަރިމަތިން ބާގަނޑެއް ކެނޑި ޓީޝާޓް ނެރެ، އެސޮސް އިން އެންމެ ފުރަތަމަ ވިއްކަން ފެށީ 20 ޕައުންޑަށެވެ. އެކަމަކު މީގެ ޓީޝާޓެއް މިހާރު އެ ކުންފުނީގެ ވެބްސައިޓާއި ފިހާރަތަކުން ވެސް ގަނެވޭނެ އެވެ. ގިނަ ބަޔަކު ދަނީ މި ޓީޝާޓަށް ޖޯކްޖަހައި މަލާމާތްކުރަމުންނެވެ. ބައެއް މީހުން ވަނީ އުނަގަނޑުގައި ޖަހާފައި ހުންނަ މަސްތައް، މި ޓީޝާޓް ލައިގެން ދައްކަން ބޭނުންވާނީ ކޮން ފިރިހެނުންނެއްތޯ ވެސް ސުވާކޮށްފަ އެވެ.

It's a gap in the market @harrisonjbrock pic.twitter.com/3bX4MVGrvy
— ASOS (@ASOS) September 28, 2020

ޓީޝާޓަށް ޖޯކް ޖަހަމުން ބައެއް ބުނީ މި ލައިގެން ހުރެ ޖީންސްގެ އަތް ޖީބަށް އަތްޖަހަން އުޅެފި ނަމަ އަތް ވަންނާނީ ޓީޝާޓްގެ ތެރެއަށް ކަމަށެވެ.

ޓީޝާޓަށް ފާޑުކިޔުންތައް އަމާޒުވާން ފެށުމުން އެސޮސް އިން ވަނީ ރައްދު ވެސް ދީފަ އެވެ. އެގޮތުން އެއަށް ފާޑުކީ މީހަކު ޓެގްކޮށް ބުނެފައި ވަނީ "މިއީ މާކެޓްގައި އޮތް ހުސްތަނެއް ފުރާލަދޭނެ އުފެއްދުމެއް" ކަމަށެވެ.