ދިރާގު ޕޭ ކަސްޓަމަރުންނަށް ކޭޝްބެކް ޕްރޮމޯޝަނެއް ފަށައިފި

މީހަކު މޯބައިލް ފޯނެއް ބޭނުންކުރަނީ: ދިރާގުން ވަނީ އެ ކުންފުނީގެ އީ ވޮލެޓް، ދިރާގު ޕޭ މެދުވެރިކޮށް ވިޔަފާރި ކުރާ ކަސްޓަމަރުންނަށް ހާއްސަ ޕްރޮމޯޝަނެއް ފަށައިފައި.---ފޮޓޯ/މިހާރު

އިދުހާމް ނައީމް، މިހާރު

06 އޮކްޓޯބަރ 2020 - 18:42

7 comments

ދިރާގުޕޭ މެދުވެރިކޮށް ފައިސާ ދެއްކުމުން ފަސް ޕަސެންޓު އަނބުރާ ލިބޭ ކޭޝް ބެކް ޕްރޮމޯޝަނެއް ދިރާގުން އިއްޔެ ފަށައިފި އެވެ.

މި ޕްރޮމޯޝަނުގެ ދަށުން ކަސްޓަމަރުންނަށް ދިރާގު ޕޭ ބޭނުން ކޮށްގެން ބިލް ދައްކައިގެންނާއި ރީލޯޑް ކޮށްގެން ނުވަތަ ވިޔަފާރި ކުރުމުން ވަގުތުން ބިލުގެ ފަސް ޕަސެންޓު އަނބުރާ ދިރާގުޕޭ ވޮލަޓަށް ޖަމާވާނެ ކަމަށް ދިރާގުން ބުންޏެވެ. އެގޮތުން، ގިނަވެގެން ކޮންމެ ހަފްތާއެކު 100ރ. ދިރާގު ޕޭ ވޮލަށް ޖަމާވާނެ ކަމަށް އެ ކުންފުނިން ބުންޏެވެ.

ކަސްޓަމަރުންނަށް ފައިސާ އަނބުރާ ލިބުނުކަން އެސްއެމްއެސްގެ ޒަރީއާއިން އެނގޭނެ އެވެ. އަދި ދިރާގު ޕޭ އެޕުގެ "ޓްރާންސެކްޝަން ހިސްޓަރީ" އިން ކޭޝްބެކްގެ ގޮތުގައި ލިބުނު އަދަދު ރަނގަޅުތޯ ބަލައިލެވޭނެ އެވެ.

ދިރާގު ޕޭއަކީ ކޮންމެ ނެޓްވޯކެއްގެ މޯބައިލް ފޯނަކުން ވެސް ތަކެއްޗާއި ހިދުމަތްތަކަށް ފައިސާދައްކައި، ފައިސާ ޖަމާކޮށް އެކަކު އަނެކަކަށް ފައިސާ ޓްރާންސްފާ ކުރެވޭ ހިދުމަތެކެވެ. ދިރާގު ޕޭއަށް ކޭޝްއިން ކޮށްލުމަށް ދިރާގު ޕޭ އެޕް އަދި ދިރާގު ވެބްސައިޓުން ބޭންކް ޓްރާސްފާ ބޭނުންކުރެވޭނެ އެވެ.

މި ހިދުމަތް މިހާރު ރާއްޖޭގެ އެކި ހިސާބުތަކުގެ 300 އަށް ވުރެ ގިނަވިޔަފާރިތަކުން ބޭނުންކުރެ އެވެ. މީގެ ތެރޭގައި ޑެލިވަރީގެ ހިދުމަތްދޭ މަޝްހޫރު ކެފޭ، ރެސްޓޯރެންޓުތަކާއި ޖެނެރަލް ސްޓޯރުތަކާއި ސެލޫން އަދި ހޮސްޕިޓާތަށްފަދަ އެކި ސިނާއަތްތަކުގެ ވިޔަފާރިތައް ހިމެނެ އެވެ.

ދިރާގު ޓެލެކޮމިއުނިކޭޝަން

7 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަކީމް

06 October 2020

ރާއްޖޭގައި އީ ވޮލެޓް ކުރިނާރައިގެން އުޅެނީ މަގޭ ބޭންކޭ ކިޔައިގެން އުޅޭ ބައިގަނޑާއި ހެދި. މމއ އިން ފަށަން އުޅޭ ޕޭމަންޓްސް ޕްރޮޖެކްޓް އަކީ މުޅި އެތި ބަދަލުވެގެންދާނެ ކަމެކަމަށް ހީކޮއްގެން މިހުރީ. އޭރުން މަގޭ ބޭންކަށް ލާރިއެއް ނުލާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޑްމުންޑޯ

06 October 2020

މަސްވެރިޔާ ކާޑުން އެހެން އެކައުންޓަކަށް ޓްރާންސްފަރ ހެދުމުންވެސް ތިބުނާ ކޭޝްބެކް ޕްރޮމޯޝަން މާސަޅި ، މާގިނައިން ލިބޭ ، އެމީހަކު އެޓާންސްފަރ ހެދި އަދަކަށް އަބުރާ ޖަމާވޭ ، ފަންސާސް ހާސް އެއްލައްކަރުފުޔާވެސް އެބަހުރި ލިބިފައި ، އެތެއްމިލިއަން ރުފިޔާ މިގޮތަށް މިހާރުވަނީ ބީއެމް އެލް އިން މި ޕްރޮމޯޝންގައި ދީފައި ، އަދިވެސް ދަނީ ކުރިއަށް ، ވަރަށް ސަޅި ބޭނުންވަރސކަށް ފައިސާ ލިބޭ ޕްރޮމޯޝަނެއް މިއީ