މިނިސްޓަރު އަމީން މަޖިލީހުގައި: ވެންޓިލޭޓަރު މައްސަލައިގައި އިމްތިޔާޒް ކޮމިޓީން ވެސް އަންނަނީ މައްސަލަ ބަލަމުން.
13 އޮކްޓޯބަރ 2020 - 13:26
16 comments
ކޮވިޑް-19ގެ ފަރުވާ އަށް 149 ވެންޓިލޭޓަރު ހެލްތު މިނިސްޓްރީން ހޯދުމުގައި އޮޑިޓް ރިޕޯޓުގައި ފާހަގަކޮށްފައިވާ މައްސަލަތަކާ ގުޅިގެން އަނެއްކާވެސް ހެލްތު މިނިސްޓަރު އަބްދުﷲ އަމީން ރައްޔިތުންގެ މަޖިލީހުގެ ކޮމިޓީއަކަށް ހާޒިރުކުރަން ނިންމައިފި އެވެ.
އަމީންގެ މައްސަލަ މިހާރު ބަލަނީ މަޖިލީހުގެ އިމްތިޔާޒް އަދި ސުލޫކް ކޮމިޓީންނެވެ. މިއަދަށް ތާވަލްކުރި އެ ކޮމިޓީ ވަނީ ފަސްކޮށްފަ އެވެ.
މާލިއްޔަތު ގަވާއިދާ ޚިލާފަށް ހިންގި ކަަމަށް އޮޑިޓުގައި ހުރި މައްސަލަތަކުގައި ޖަވާބުދާރީކުރަން މިނިސްޓަރު ފުރަތަމަ ހާޒިރުކުރީ މާލިއްޔަތު ކޮމިޓީއަށެވެ. ސިއްހީ ކުއްލި ނުރައްކަލުގެ ހާލަތުގައި، ރައްޔިތުންގެ ފުރާނަ ސަލާމަތްކުރަން ގާނޫނީ އިމުގެ ތެރެއިން އޮތް އެންމެ ކުރު މަގުން އަމަލުކުރެއްވުމުގައި ގޯހެއް ހައްދަވާފައި ނޯންނާނެ ކަމަށް އަމީން އެ ކޮމިޓީގައި ވަނީ ވިދާޅުވެފަ އެވެ.
ވެންޓިލޭޓަރުތައް ހޯދަން ހަވާލުކުރީ ތިން ކުންފުންޏަކާ އެވެ. މައްސަލަ ބޮޑުވީ، ދުބާއީގެ އެގްޒެކިއުޓާސް ޖެނެރަލް ޓްރޭޑިންއާ ހަވާލުކުރި ގޮތެވެ. އެއީ، ޑަބްލިއުއެޗްއޯގެ މަޝްވަރާގެ މަތިން ހޮވި ކުންފުންޏެއް ކަމަށް މިނިސްޓަރު އަމީން ވިދާޅުވާ ވާހަކަ އޮޑިޓުގައި އޮތީ ދޮގުކޮށްފަ އެވެ. އެކަމަކު މިނިސްޓަރު ތަކުރާރުކޮށް ވިދާޅުވަމުން ގެންދަވަނީ އެ ކުންފުނި ހޮވީ ޑަބްލިއުއެޗްއޯގެ ކަންޓްރީ ރެޕްރެޒެންޓޭޓިވް އަރްވިންދާ އެކު ކުރެއްވި މަޝްވަރާގެ ތެރެއިން ހަމަޖެހިގެން ކަމަށެވެ.
ކޮރަޕްޝަން ފަދަ އަމަލެއް ހިންގާފައި ނުވާނެ ކަމަށް ވިދާޅުވެ، އޭސީސީ އާއި ފުލުހުން ގުޅިގެން ހިންގާ ތަހުގީގަށް ޖާގަ ދެއްވަން އަމީން ވަނީ މީގެ ދެ މަސްކުރިން މަސްއޫލިއްޔަތުތަކުން އަމިއްލައަށް އެކަހެރިވެވަޑައިގެންފަ އެވެ.
އޭސީސީ އާއި ފުލުހުންގެ ތަހުގީގު ނިމުނު ކަމަކަށް އެ ދެތަނުން އާއްމެއް ނުކުރެ އެވެ.
ދުބާއީގެ އެގްޒެކިއުޓާސްއާ ހަވާލުކުރި 75 ވެންޓިލޭޓަރުގެ ތެރެއިން މިހާތަނަށް ލިބުނީ 10 ވެންޓިލޭޓަރެވެ. ބާކީ ފޮނުވާނެ ތާރީޚެއް އެ ކުންފުނިން ނުދޭއިރު، އެއްބަސްވި 34 މިލިއަން ރުފިޔާގެ ތެރެއިން ނުދީ ހުރި 10 ޕަސެންޓް ފައިސާ އަށް އެ ކުންފުނިން އޮތީ އެދިފަ އެވެ. އެޑްވާންސްގެ ގޮތުގައި، މި ކުންފުންޏަށް ވަނީ އެއްބަސްވުމުގެ 90 ޕަސެންޓަށްވާ 30 މިލިއަން ރުފިޔާ ދޫކޮށްފަ އެވެ. މިއީ މާލިއްޔަތު ގަވާއިދާ ޚިލާފަށް ހެލްތު މިނިސްޓްރީން ކޮށްފައިވާ ކަމެއް ނަމަވެސް އެކަން ކުރީ ފިނޭންސް މިނިސްޓްރީގެ ހުއްދައާ އެކު ކަމަށް ހެލްތު ބުނެ އެވެ. މި ތުހުމަތު ފިނޭންސުން ދޮގު ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
13 October 2020
މައްސަލަ ބަލަނީ. އަދީބު ގޭގަ. 170 މީހުންގެ ލިސްޓު ފޮރުވާފަ. ވެރިކަމަށް އައި ދުވަހުން ފެށިގެން މައްސަލަ ބަލަނީ. ވާކަމެއް ހަރާން
ައަފުރާސިޔާބު
13 October 2020
ތިޔަކަމުގައި އަހަންނަށް ފާހަގަވާ މައްސަލައަކަށް އޮތީ ފައިނޭންޝަލް އެގްޒަކެޓިވް އާއި މިނިސްޓަރު އަދާކުރަން ނުޖެހޭ ރޯލެއް އަދާކުރުން. މިނިސްޓަރު ނުޖެހޭނެ ފައިސާ ޚަރަދުކުރާ ކަންކަމުގައި ފައިނޭންޝަލް އެގްޒަކެޓިވް އަށް ޕްރެޝަރ ކޮށްގެން ޕަރޗޭސިންގ އޮފިސަރުން އަދާކުރަންޖެހޭ ޒިންމާ އެފް.އީ ލައްވާ ކުރުވާކަށް. އެކަމުގެ ސަބަބުން ޕަރޗޭސިންގ ނިޒާމުގައި އުފެދުނު މައްސަލައެއް އުފެދުނީ. ދެން އެހެން ނަޒަރަކުން ބަލާއިރު ހާލަތުގެ ނާޒުކުކަމުން އެދެމީހުން އެކަމުގައި އަދާކުރިރޯލެއްއަދާކުރީ.
އިމްތިޔާޒު
13 October 2020
ގޮތެއް ހުރި ކަމަށް ވާނީ ނަޝީދުއަށް ސަނާ ކިޔާ އޭނަ ހަނދު ދައްކާފަ އިރޭ ބުންޏަސް އެއީ ތެދު ކަމަށް ގަބޫލުކޮށްގެން ހުންނަ މީހާ. އެހެން ނޫނީ އެމީހަކު ވާނީ ގޮތެއް ނެތް މީހަކަށް. ނަޝީދަކަށް ޖެހިލުން ނުވާ މީހަކު ހުރިއްޔާ އެކި ގޮތް ގޮތުން އެމީހަކަށް ފޮނުވާ ހަމަލާ އިތުރުވާނެ. މިއީ އަދުގެ ހަގީގަތް.
ގައުމީ
13 October 2020
ކިޔާނެ އެއްޗިހި ހުސްވެގެން އުޅެނީހެން ހީވަނީ ބޮޑަށް. އޭސީސީ މެންބަރުންނަށްވެސް މި ދެނީ މި ހަމަލާތައް ކަމަށް ވެދާނެ. ނަޝީދު ބޭނުން ގޮތަކަށް މައްސަލަ ނިންމަން ޖެހޭނީ. އަމީނުގެ މައްސަލައެއް ނެތަސް މައްސަލައެއް އުފަންވެސް ކުރުވަން ޖެހޭނެ
ލުތުފީ
13 October 2020
ކޮންޓްރެކްޓެއްގެ %90 ފައިސާ އެއްވެސް ސަބަބަކާހެދި ދޭންވާނީ ފިނޭންސް މިނިސްޓްރީގެ ހުއްދައާއެކު. މިވަރުގެ ކަމެއް ކުރީމަ އެކަމުގަ ޝާމިލުވާ އެންމެނަށް ފިޔަވަޅުއަޅަންޖެހޭ.
މުދައްރިސް
13 October 2020
ތިކަމުގައި ހެލްތު މިނިސްޓަރުގެ ދައުރެއް ނޯންނާނެ. ސަރުކާރުގެ މިނިސްޓްރީތަކުގެ މާލީ ކަންކަން އެގޮތަށް ހަމަޖައްސާފައިވަނީވެސް މިނިސްޓަރުގެ ދައުރު އެކަމުގެ ނޯންނަ ގޮތަށް. ފިނޭންސުން ހުއްދަ ދިނީމަ އެ ހުއްދަ ދޭ ފަރާތަކަށް އެއްވެސް އެއްޗެއް ސިސްޓަމަށް އެންޓަރ ވެސް ކުރެވޭނީ. އަމީން ބޮލުގައި އަޅުވަން ތި އުޅެނީ އޭނައާ ނުވެސް ބެހޭ ކަމެއް.
އަސޭލާ
13 October 2020
ފިނޭންސަށް ނޭނގޭ ލާރިއެއްތަ ފިނޭންސުން ދޫކޮށްގެން އުޅެނީ؟ ނޫސްވެރިންވެސް ވެއްޖެ މީހުން ދައްކާ ވާހަކަ ރަނގަޅަށް ފަހުމުވެ ތިބެ ހަބަރު ހަދަން. އެހެންނޫނީ ހުސް ފިތުނަ ގިނަވާނީ
ޙިނި
13 October 2020
ގޮތެއް ހުރި އިހުލާސްތެރި އެއްނަމަ މަސައްކަތް ނުކުރާ ދުވަހަކައް މުސާރަޔެއް ނުނަގާނެ.
ހާސަރޭގެ ބާސަރޭ
13 October 2020
ހައްގު ގޮތުގައި ވަޒީފާއަށް ނުނިކުމެވޭ ގޮތަށް ހަދައިގެން އުޅެނީޔޯ؟ ކޮބާ ހެލްތުން ސަސްޕެންޑު ކުރިހާ މީހުން؟ ލަދެއް ހަޔާތެއް ގޮތެއް ފޮތެއް ތިބި ބައެއް ނަމަ ކޮވިޑްގެ ދަތި ވަގުތު މުޅި ގައުމު ކޮނޑުއަޅައިގެން އެކަނިމާ އެކަނި ހުރެ ހުރިހާ މަސައްކަތެއް ކުރީމާ މިހެެނެއް ނޫން ހަދާނީ. ކޮންމެ ކަމަކުންވެސް މި ފެނިގެން ދަނީ ނަޝީދުއާއި އޭނާ ފެކްޝަންގެ ގޮތެއް ނެތް ކަން. ކަލޭމެންގެ ޕާޓީ ކަލޭމެންގެ ފެކްޝަން ނުވީމަ އަބަދުވެސް އޮންނަ ގޮތެއްނު މިއީ
އަހޫޫ
13 October 2020
މި ގައުމު ހަމަ މަގަށް އެޅޭނީ ނަޝީދުގެ ނޮހޮރުއްޕާނުން ސަލާމަތް ވެެގެން.. އަމީނު ކަލޭ ދެ ފަޅި ކުރިއަސް ނަޝީދަށް ދޫ ނުދޭތި.. ކަލެއާ އެކީ އަހަރުމެން މި ތިބީ!
ހިރާ
13 October 2020
ތިވާނީ މިހާރު އޭސީސީ ލައްވާ އަތްފުނާ އަޅައިގެންވެސް އެ ސޮރުގެ މައްސަލައެއްް ނުފެނުނީ ކަމަށް.. އަމީންއަށް ހަމަ ނޭވާ ލެވުނަ ދޭގޮތަކަށް ނޫން ނަޝީދު ހުރީ
ހަޖަމުނުވި ސަޕޯޓު
13 October 2020
ކޮވިޑްއާ ގުޅިގެން ނަޝީދަށް ގެއްލުނު ސަޕޯޓް އިޔާދަ ކުރެވެން އޮތީ އަމީނު ނޮޅައިގެން ކަމަށްތަ ނަޝީދަށް ހީވެގެން އުޅެނީ؟ ހަޖަމު ނުވެގެން އަމީނު ލައިގެން ހުރި ގަމީހާ ފަޓުލޫނު ވީދައިގަތަސް ދެން ނަޝީދަކަށް އެ ސަޕޯޓެއް ނެތް ލިބޭކަށެއް
މޫސަ
13 October 2020
މުށަރަ ލިބޭ.ކީއްކުރަން ބުރަކޮއް އުޅެންވީ