ކާނި ޕާމް ބީޗު ހުޅުވުމުގެ ރަސްމިއްޔާތުގައި މިނިސްޓަރު މައުސޫމް (ކ) އާއި އެ ގެސްޓު ހައުސްގެ ސީއީއޯ ނާޝިދު (ވ) ބައިވެރިވެވަޑައިގަންނަވަނީ-- ފޮޓޯ: ކާނި ޕާމް ބީޗް
15 އޮކްޓޯބަރ 2020 - 12:55
29 comments
ރާއްޖޭގައި މިހާތަނަށް ހެދި އެންމެ ބޮޑު ގެސްޓު ހައުސް "ކާނި ޕާމް ބީޗް" ކ. މާފުށީގައި މިއަދު ހުޅުވައިފި އެވެ.
އެ ރަށުގައި ބޭއްވި ހާއްސަ ރަސްމިއްޔާތެއްގައި މި ގެސްޓު ހައުސް ހުޅުއްވައި ދެއްވީ ޓޫރިޒަމް މިނިސްޓަރު ޑރ. އަބްދުﷲ މައުސޫމެވެ. މިއީ ކޮވިޑް-19ގެ ސަބަބުން ގެސްޓު ހައުސްތައް ބަންދު ކޮޮށްފައި ހުރުމަށް ފަހު އަލުން ހުޅުވި ފުރަތަމަ ގެސްޓު ހައުސް ވެސް މެ އެވެ.
މިއީ، ރާއްޖޭގައި އެންމެ ފުޅާ ދާއިރާއެއްގައި ލޯކަލް ޓޫރިޒަމް ހިންގަމުން އަންނަ ކާނި ހޮޓެލްސް އެންޑް ޓުއާސްއިން ހުޅުވި ގެސްޓު ހައުސް އެކެވެ. ޖުމުލަ 250 އެނދުގެ މި ގެސްޓު ހައުސް އަށް ހަތަރު މިލިއަން ޑޮލަރު (61.68 މިލިއަން ރުފިޔާ) ހަރަދުވި ކަމަށް އެ ކުންފުނީގެ ސީއީއޯ އަބްދުﷲ ނާޝިދު ވިދާޅުވި އެވެ.
ކާނި ޕާމް ބީޗުގެ އިންފިނިޓީ ޕޫލް-- ފޮޓޯ: ކާނި ޕާމް ބީޗް
ޖުމުލަ 12 ބުރީގެ އެ ގެސްޓު ހައުސްގައި ރޫފް ޓޮޕް އިންފިނިޓީ ޕޫލެއްގެ އިތުރުން ދެ ރެސްޓޯރެންޓާއި ސްޕާއަކާއި ސެލޫނަކާއި 130 މީހުންގެ ޖާގައިގެ ބެންކުއެޓް ހޯލެއް ވެސް ހުންނާނެ އެވެ.
ކާނި ހޮޓެލްސް އިން ހިދުމަތް ދޭ ޓޫރިސްޓް ފެސިލިޓިތަކުގެ ތެރޭގައި ކާނި ބީޗް ހޮޓަލާއި ކާނި ގްރޭންޑް ސީވިއު އާއި ކާނި ލޮޖް އަދި ކާނި ވިލެޖް އެންޑް ސްޕާ ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުޅި މާފުށި
16 October 2020
މާފުށީގަ ގެސްޓް ހައުސް ވިޔަފާރި ޑޮމިނޭޓް ކުރަނީ ނާޝިދު، ތީ މޭން އެއް، އެކަމަކު މާފުށި މިހާރު ނުޖަހާ ލޯކަލް އައިލެންޑެއް ވައްތަރެއް ކުޑަވަރެއްގެ ކޮންކްރީޓް ޖަންގަލްއަކާ ވައްތަރީ، ގުދުރަތީ ރީތިކަން ގެއްލިއްޖެ
ފަނިފު56
16 October 2020
ގެސްޓްހައުސް އުފެއްދުމުގެ ހަގީގަތް އޮޅިއްޖެ.
ޙަބީބު
16 October 2020
މމ މާފުށީ ގެސްޓް ހައުސް ހުޅުވު މަކުން ނުފުދޭ އެއީ މުޅިރާއްޖެޔައް ފައިދާ ހުރި ކަ މެއްވެސްނޫން މުޅިރާއްޖެޔައް ފައިދާ ކުރާނީ ޑޮ މެސްޓިކު އެއާޕޯޓުހުރި ރައްރަށުގަ ގެސްޓްހައުސް އަޅާ އެތަންތަނުގެ ރައްޔިތުންގެ ޖީބައް ފައިސާ ވަދެގެން ތިޔަނަގާ ޖީއެސްޓީ އަކުން ރައްޔިތުންގެ ޖީބަކައް ފައިސާއެއް އިތުރެއްނުވޭ ބޮޑުން މުއްސަނދިވެ އާސު މާނައް އަރަނީ ނިކަ މެތި މީހާ ނިކަ މެތިވަނީ
މޯޑް
16 October 2020
ތިޔަތަނަކީ ބޮޑު ތަނެއް. ތިޔަތަން މިނާނީ ތިތަނުގެ އޮކިއުޕަންސީއިން! ގެސްޓް ހައުސްގެ ދަރަޖަދެވުމުން ބަލަން ޖެހެނީ ދައުލަތައް ލިބެންޖެހޭ އާމްދަނީއަށް އުނިކަމެއް އާދެތޯ. އެއީ ދަރަޖަ ކުރުމުގައި އޮޅުވާލުމެއް ވާނަމަ!
ޅިބާލް
16 October 2020
މިއީ ބޮޑު ޖޯކެއް. 250 އެނދުގެތަނެއް ކިހިނެއް ގެސްޓް ހައުސްއަކަށް ވާނީ.
ގީސް
15 October 2020
ތިޔަރަށަށް މަހުޖަނުންގޮސް ރަށް ހިފައިފި. މިހާރު ހީވަނީ ރިސޯޓެއްގައި މީހުން ދިރިއުޅޭހެން. ރަށުވަންތަކަމާއި އަމިއްލަވަންތަކަމާއި އިސްލާމީ ދިވެހިންގެ ރީތި އާދަކާދަތަށް ނެތި ގޮއްސި ރަށުން މީހުން ނުބާލައިފިއްޔާ ކިތަންމެ ހައިވެސް ރަނގަޅު.
ބިންދޭންވީއޭ
15 October 2020
ރާއްޖޭގެ އެންމެ ބޮޑު ގެސްޓު ހައުސް މާފުށީގައި ހުޅުވައިފި ނަމަ ދެން ސަރުކާރަށް ސްޕެޝަލީ ސަރުކާރުގެ އިކޮން ކައުންސިލަށް ވިސްނެންވީ ނޫންތޭ ގެއްލުން މައްޗަށް ގެއްލުން ވަމުންދާ އައްޑޫ ގަމުގެ އެއާރޕޯރޓް ތަރައްގީ ކުރަން ނަމުގައި އެތަނަށް އިންޑިއާ އިން ލޯން ނަގައިގެން އަނެއްކާ އެތަނަށް 100 މިލިއަން ޑޮލަރު އިންވެސްޓް ނުކުރާށޭ އެ 100 މިލިއަން ޑޮލަރުން ހުޅުމާލޭ އިރުން އޮތް ބޮޑު ފަޅު ހިއްކާލާ އެތަނުގައި ހޮޓާ ތައް އަޅަން މާލެ ސަރަހައްދުގެ ވިޔަފާރިވެރިންނަށް
އަރުވާލި އާދަނުގެ ސިޔާސީ ހާސަރު
15 October 2020
މަރުހަބާ ރާއްޖޭގެ ރެކޯޑެއް ހެއްދެވި ފަދައިން ބޭރުގެ އެވޯޑްތަށް ހޯއްދަވާނެ ކަމަށް ހީކުރަން. މަރުހަބާ. ތިޔައީ ގަދަ ހިތްވަރު ގަދަ ސަޅި ޓީމް ވޯކްއެށް.
ގާނޫނު
15 October 2020
ގެސްޓްހައުސް ތަކަކީ ކުދިތަންތަން. ބޮޑުވީމަ ކިއަންވާނީ ހޮޓަލެކޭ ނުވަތަ ރިސޯޓެކެވެ.
ކޮކަޑި ހަކީމް
15 October 2020
"ޖުމުލަ 250 އެނދުގެ މި ގެސްޓު ހައުސް އަށް ހަތަރު މިލިއަން ޑޮލަރު (61.68 މިލިއަން ރުފިޔާ) ހަރަދުވި ކަމަށް އެ ކުންފުނީގެ ސީއީއޯ އަބްދުﷲ ނާޝިދު ވިދާޅުވި އެވެ." އެއްޗެއް ކިޔަނީކީ ނޫނިއްޔާ!!