މާލެ: ޖުލައި 1، 2020: އިސްކަންދަރު ސްކޫލުގެ ދަރިވަރުންތަކެއް ކުލާހަށް ވަނުމުގެ ކުރިން ޓެސްޓު ކުރަނީ.-- ފޮޓޯ: އަހުމަދު އަވްޝަން /މިހާރު
18 އޮކްޓޯބަރ 2020 - 14:11
10 comments
މި އަހަރު ބާކީ އޮތް ދެ މަސް ދުވަހު، މާލޭ ސަރަހައްދުގެ ގްރޭޑް ހަޔަކުން ދަށުގެ ދަރިވަރުން ސްކޫލަށް ގެންގޮސް ކިޔަވައިދޭން ފެށޭނެ ކަމަށް ނުބެލެވޭ ކަމަށް އެޑިއުކޭޝަން މިނިސްޓްރީން ރޭ ބުނެފި އެވެ.
އެޗްއީއޯސީން ބޭއްވި ނޫސްވެރިންގެ ބައްދަލުވުމުގައި އެޑިއުކޭޝަން މިނިސްޓްރީގެ ސްޓޭޓް މިނިސްޓަރު ޑރ. އަބްދުﷲ ރަޝީދު ވިދާޅުވީ ގްރޭޑް ހަޔަކުން ފެށިގެން ދަށުގެ ދަރިވަރުން އަލުން ސްކޫލްތަކަށް ނެރެ، ކިޔަވައިދޭނެ ވަގުތު ނެތް ކަމަށެވެ.
ނަމަވެސް މާދަމާ މާލެ ސަރަހައްދުގައި ގްރޭޑް އަށެއްގެ ދަރިވަރުން ސްކޫލްތަކަށް ގެންގޮސް ކިޔެވުން ފަށާނެ އެވެ. އަދި މި މަހު 25 ގައި ގްރޭޑް ހަތެއްގެ ދަރިވަރުންނަށް ސްކޫލްތައް ހުޅުވާލާނެ ކަމަށް ވެސް ޑރ. ރަޝީދު ވިދާޅުވި އެވެ.
އެކަމަކު އޭނާ ވިދާޅުވީ ނޮވެމްބަރު މަހު އިމްތިހާންތައް ފަށަން ޖެހޭތީ އެހެން ގްރޭޑްތަކުގެ ކުދިން އަނެއްކާ ސްކޫލަށް ނެރެގެން ކިޔެވުން ކުރިއަށް ގެންދެވޭހާ ވަގުތެއް ނެތް ކަމަށެވެ. އެކަމަކު އެ ގްރޭޑްތަކަށް ވެސް މިހާރެކޭ އެއްގޮތަށް ޓެލިކްލާސްތަކާއި އޮންލައިންކޮށް ކިޔަވައިދިނުން ކުރިއަށްގެންދާނެ ކަމަށް ވިދާޅުވި އެވެ.
"އެ ކުދިންނަށް ހަމަ ގޭގައި ތިބެގެން މިހާރު ވެސް އޮންލައިންކޮށް ކިޔަވައި ދިނުމުގެ ކަންކަން ކުރިއަށް އެގެންދަނީ. އެ ގްރޭޑުތަކަށް މި އަހަރު ދެން ހަމަ އެގޮތަށް ދާނެ ކަމަށް މި ބެލެވެނީ،" ޑރ. ރަޝީދު ވިދާޅުވި އެވެ.
އޭނާ ވިދާޅުވީ ސްކޫލްތައް ހުޅުވައިގެން ކިޔަވައިދިނުން ކުރިއަށް ގެންދަނީ އެޗްޕީއޭއިން އަންގާފައިވާ އުސޫލުތަކާ އެއްގޮތަށް ރައްކާތެރިކަމުގެ ފިޔަވަޅުތައް އަޅައިގެން ކަމަށެވެ.
ޑރ. ރަޝީދު ވިދާޅުވި ގޮތުގައި ކޮވިޑްގެ ހާލަތު ގޯސްވެ ސްކޫލް ބަންދުކުރަން ޖެހިއްޖެ ހާލަތަކަށް ވެސް އޮތީ ތައްޔާރަށެވެ. އެފަދަ ހާލަތެއް މެދުވެރިވެއްޖެ ނަމަ އޮންލައިން ކްލާސްތައް ކުރިއަށްގެންދާނެ ޕްލޭނެއް ވެސް ހަދާފައިވާ ކަމަށް އޭނާ ވިދާޅުވި އެވެ.
މާލޭ ސަރަހައްދުގެ ގްރޭޑް 9-12ގެ ދަރިވަރުން ސްކޫލްތަކަށް ގޮސް ކިޔަވައިދޭން މިހާރު ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓައި މް ޕާސް
19 October 2020
ގްރޭޑް 10 އަށް ދިޔައި މަ ކިޔަވައިދޭނީ. އޭގެ ކުރިން ޓައި މް ޕާސް ކުރާނީ.
އެމްސް
19 October 2020
އެހެނަސް މާލޭގެ މޭޔަރ އެ އުޅެނީ އުނގުޅޭ ބާޒާރު ނުބޭއްވިގެން!
ހަސަދު
18 October 2020
އަންނަ އަހަރޯ. މިޖީލް ބޮޑުވުމުގެ ކުރިން ސްކޫލް ހުޅުވޭވަރުވާނެބާ!!!
ކިޔެވުން
18 October 2020
ކިޔެވައި ދިނުމަކީ ހިލޭ ކޮށްދޭންޖެހޭ ކަމެއްގެ ގޮތުގައި ގާނޫނުގައި ކަޑައަޅަންވީ. ކިޔެވުމުން ފައިދާވަނީ ގައުމަށް. މުޖުތަމައަށް. އެހެންވީއިރު އެއްވެސް ލާރިއެއް ނަގައިގެން ކިޔަވައި ނުދެވޭގޮތަށް ހަދަންވީ.
ހަނުހުންނަ މީހާ
20 October 2020
ކޮންމެ ކުއްޖަކަވެސް ހިލޭ ކިޔެވޭނެ މަގު ތަރުކާރުން އޮތީ ތަނަވަސްކޮށްދީފަ. ފޮތްފަނސްސޫރުވެސް އޮތީ ހިލޭދީފަ. ތިބޭފުޅާ އަމިއްލައަށް ބޭނުންވެގެން ފައިސާދީފަ ކިޔަވައިދިނުކީ ތިބޭފުޅާގެ އަމިއްލަ ކަމެއް.
ޙިނި
18 October 2020
އޮންލައިން ކޮއް ކިޔަވާދެނީ 1-2 ގަޑިއިރު އެކަމު ސްކޫލްފީގެ %90 އެބަނަގާ ދުވަހައް ފީނުދައްކައިފިޔާ %100 ފީއެބަލަގާ. މީ އެޑިއުކޭޝަނުން އަންގައިގެން ތިބޭފުޅުންގެ މިންގަންޑުދަށުން ކުރާކަމެއްތޯ.
ޙިނި
18 October 2020
މި ގޮތައް ރައްޔިތުން ފެލާލާ އިރު ސަރުކާރުން އަޅާ ނުލާ ނޭންގޭކަމައް ހަދައިގެން ބޮޑު ވަރިހަމަ އަލުވައިގެ ތިބުމަކީ ސަރުކާރު މުވައްސަސާތަކުގެ ނުކުޅެދުން ތެރިކަން ހުރިމިންވަރު ހާމަކޮއްދޭ އަލިގަދަ މިސާލެއް.
ފަޒްބެ29
18 October 2020
ދޮންކަލޯ ފީނުދެއްކޭ ފެންވަރުގެ މީހުން ދަރިން އިންޓަނޭޝަނަލް ސްކޫލަށް ނުފޮނުވާނީ.
އަހަރެން ގެ ދަރި
18 October 2020
މަގޭދަރި ކަޑާލާފަ ވަގުތުން ސަރުކާރު ސުކޫލަކަށް ބަދަލުކުރިން. އަނެތްކާވެސް ހަމަޔަކަށް އެޅި ރަގަޅަށް ކިޔަވާދެވެން ފެށުމުން ބަދަލުކޮށްލާނީ. ކަޑާލަން ސިޓީލީމަ ސުކޫލުންބުނި 3 މަސްފަހުން ފީ ދެއްކިޔަސް އެންމެ ރަގަޅޭ. އެކަމަކު މަގޭ ހިތަށްއެރީ 3 މަސްފަހުން 3 މަހުގެ ފީ ދައްކަންވީމަ ހައްތާ އުދަގޫވާނީ މަށްށޭ.
މުކްރާނު
18 October 2020
ގަބޫލު ކުރަން މިދަނޑިވަޅަކީ އުނދަގޫ ދަނޑިވަޅެއްކަން ވެސް. އެކަމްވެސް ސަރުކާރު ސުކޫލުތަކުން ހިލޭ ކިޔެވެން އޮއްވަވެސް އިންޓަނޭޝަނަލް ސުކޫލަކަށް ދަރި ލާންވާނީ ކޮންމެފަދަ ހާލަތެއްގަވެސް ސްކުލު ފީ އެފޯޑް ކުރެވޭނެ ކަމަށް ޔަގީންކޮށްފަ. އިތުރު އޮޕްޝަންހުރި ކަމެއް މިޔަކީ. އެހެން ގޮތެއް ނެތިގެން ތޯލީ؟ ސަރުކާރު ސުކޫލްތައްވެސް ދެރައީކީ ނޫން މިހާރު ވަކި. ލިބޭ މިންވަރު ނިކަން ދަނެގެން ވިބޭނުންތައް ބަހާލައިގެން ތިބޭ ނަމައީ ފިކުރުކޮށްގެން މިބޭޒާރެއް ނުވެސް ވީހޭ