ޚަބަރު / ކުރީގެ މިނިސްޓަރު މުހައްމަދު މަލީހް ޖަމާލް

މަލީހުގެ ރައްދު: ވާނުވާ ނޭނގޭ ނަމަ އިސްތިއުފާ ދޭން ޖެހެނީ ބޮންޑޭ

ޝުރުފާ މުހައްމަދު، މިހާރު

20 އޮކްޓޯބަރ 2020 - 22:46

މި ސަރުކާރުގެ ޕްލޭންތައް އެނގިވަޑައިނުގަންނަވާތީ އޭނާގެ ބަދަލުގައި އިސްތިއުފާ ދެއްވަން ޖެހެނީ މާފަންނު މެދު ދާއިރާގެ އެމްޑީޕީގެ މެމްބަރު އިބްރާހީމް ރަޝީދު (ބޮންޑޭ) ކަމަށް ވިދާޅުވެ، ކޮމިއުނިކޭޝަން މިނިސްޓަރު މަލީހު ޖަމާލް މިރޭ ހޫނު ރައްދެއް ދެއްވައިފި އެވެ. މިއީ، މި ސަރުކާރުގެ ވަޒީރަކު ރައްޔިތުންގެ މަޖިލީހުގެ މެމްބަރަކަށް ސޯޝަލް މީޑިއާގައި މިހާ ފާޅުކަން ބޮޑު ގޮތެއްގައި ރައްދު ދެއްވައި، އިސްތިއުފާ އަށް ގޮވި ފުރަތަމަ ފަހަރެވެ.

ސަރުކާރުގެ ކޯލިޝަންގައި ހިމެނޭ ޖުމްހޫރީ ޕާޓީގެ ކައުންސިލް މެމްބަރު މަލީހުގެ ރައްދު ބޮންޑޭ އަށް މި ފޮނުވައިލެއްވީ، އައިލެންޑް އޭވިއޭޝަނާ ބެހޭ ގޮތުން ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒް ކޮމިޓީ (އެސްއޯއީ ކޮމިޓީ)ން އެކުލަވައިލި ރިޕޯޓުގެ މިއަދުގެ ބަހުސްގައި ބޮންޑޭ ވިދާޅުވި ވާހަކަތަކަކާ ގުޅިގެންނެވެ. ބަހުސްގެ ތެރޭގައި ބޮންޑޭ ވަނީ އިންޓަނެޓް އަގު ހެޔޮކުރަން މިނިސްޓަރު މަލީހު މަސައްކަތް ނުކުރައްވާ ކަމަށް ވިދާޅުވެ، މަލީހުގެ އިސްތިއުފާ އަށް ގޮވާލައްވައިފަ އެވެ.

ބޮންޑޭ ވިދާޅުވެފައި ވަނީ ކޮމިއުނިކޭޝަން ސައިންސް އެންޑް ޓެކްނޮލޮޖީ މިނިސްޓްރީ އަށް ކަންތައްތަކެއް ކުރަން އަންގައި މަޖިލީހުން މިދިޔަ ޖޫން މަހު ގަރާރެއް ފާާސްކޮށްފައިވާ ކަަމަށާއި އެ ގަރާރުގައިވާ ކަންތައްތައް އެ މިނިސްޓްރީން ކޮށްފަައި ނުވާ ކަމަށެވެ.

Internet aguheyo kuran masakkaiy nukuravvaathee Maleeh ge isthiufaa ah govaalaifi

The most trusted news source in the Maldives

Mihaaru

ރައްދުގައި މަލީހު ކުރެއްވި ޓުވީޓެއްގައި ވިދާޅުވީ، ސަރުކާރުން އެކުލަވައިލި ސްޓެޓެޖިކް އެކްޝަން ޕްލޭން (އެސްއޭޕީ) ގައި ހިމަނާފައިވާ ކަންކަން "ތުނޑުން ތުނޑަށް" ކުރިއަށްދާ ކަމަށެވެ.

"އެސްއޭޕީ ގެ ތަފްސީލް ބޮންޑާ އަށް ނޭނގުމުގެ ޒިންމާ މިނިސްޓްރީން ނަގަން ނުޖެހޭ،" މިނިސްޓަރު މަލީހު ވިދާޅުވި އެވެ.

މަލީހު ވިދާޅުވީ ރައްޔިތުންގެ މަޖިލީހުގެ އެއްވެސް ސިޓީއަކަށް ޖަވާބު ނުދީ ނޯންނާނެ ކަމަށާއި ވަކި ކަމެއް ކުރަން މަޖިލީހުން އަންގާފައި ވެސް ނެތް ކަމަށެވެ. މި ހާލަތަށް ކަންތައް ގޮސް، ވާނުވާ ނޭނގޭ ނަމަ އިސްތިއުފާ ދެއްވަން ޖެހިވަޑައިގަންނަވަނީ ބޮންޑާ ކަމަށް ވެސް މަލީހު ވިދާޅުވި އެވެ.

SAP ga Ministry aai mathikoffavaa kankan thundun thundah kuriyah ebadhey. SAP ge thafseel Bonda ah neygumuge zinmaa Ministryn nagan nujehey. Majlis sitee akah javaabu nudhee noannaane. Majlihun vaki kameh kuran angaafa nuvey. Vaanuvaa neygeynama isthiufaa dheyn jehenee Bondaa. https://t.co/tE6NGwCe9p pic.twitter.com/y0zBQ4Tll1
— Mohamed Maleeh Jamal (@maleehjamal) October 20, 2020

މިނިސްޓަރު މަލީހުގެ ޓުވީޓު

އާންމުންގެ ކަންބޮޑުވުން ވެސް އެކަމަކާ ގުޅިފައިވާ އިންޓަނެޓު އަގުބޮޑު ވުމުގެ މައްސަލަ ހައްލުކޮށް އިންޓަނެޓު އަގުހެޔޮކުރުމަކީ މި ސަރުކާރުގެ ވައުދެކެވެ. އަދި 2018 ވަނަ އަހަރުން ފެށިގެން އެ މަސައްކަތް ކުރިއަށްދާ ކަމަށް މިނިސްޓަރު މަލީހު އަންނަނީ ވިދާޅުވަމުންނެވެ.

މަލީހު ވިދާޅުވެފައި ވަނީ އިންޓަނެޓުގެ އަގު ހެޔޮކުރުމާ ގުޅޭ ގޮތުން ކޮމިއުނިކޭޝަން މިނިސްޓްރީން ކުރަންޖެހޭ ހުރިހާ ކަމެއް ނިމިފައިވާ ކަމަށެވެ. މިނިސްޓްރީން ބޭނުންވާ ގޮތް ރައީސް އޮފީހަށް ވަރަށް ކުރިއްސުރެ ހުށަހަޅާފައިވާއިރު، އެކަމުގައި ދެން ގޮތް ނިންމަން ޖެހެނީ ރައީސް އޮފީހުން ކަމަށް މަލީހު ވަނީ ތަކުރާރުކޮށް ވިދާޅުވެފަ އެވެ. ނަމަވެސް ރައީސް އޮފީހުން މި މައްސަލައިގައި އެއްވެސް އެއްޗެއް ނުބުނެ އެވެ. އަދި ގޮތެއް ވެސް މިހާތަނަކަށް ނުނިންމަ އެވެ.

ރައްޔިތުންގެ މަޖިލިސް އިންޓަނެޓް މެމްބަރު އިބްރާހިމް ރަޝީދު (މާފަންނު މެދު) ކުރީގެ މިނިސްޓަރު މުހައްމަދު މަލީހް ޖަމާލް

52 ކޮމެންޓް, 129 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބިރިހިންބެއްޔާ

22 October 2020

މަލީހަށް ހަމަ އައްސަރިބަހާއި ސާބަސް ޙައްޤު. ދިވެހި ދަރިޔެއްގެ ހައިސިއްޔަތުން ތިޔަ އަދާކޮއް ނިންމަވާލަ ދެއްވީ ކިފާޔަތުގެ ފަރުޟެއް. ޝުކުރާން. މިނިސްޓިރީ އޮފް ކޮމިއުނިކޭޝަން ސައިންސް އެންޑު ޓެކްނޯލޮޖީގެ ހިންގުމަށް މިކޮމެންޓަކު ނުބަލާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫބެއްޔާ

22 October 2020

މަލީހު އަކީ ކުޅަދާނަ ބޭފުޅެއް. މަލީހު މިނިސްޓަރުކަމުގައި މަހަކު އެއްފަހަރު އިންޓަނެޓް ސްޕީޑާއި އަގުގެ ވާޙަކަ ނޫސްތަކުގެ ފަލަ ސުރުޚީ އަށް އަރާ. އެމަނިކުފާނުގެ އޮފީސްކޮޅު ރިނޮވޭޝަން ނުއެއް ކުރޭ. މިނިސްޓާރު ދަނޑުހައްދާން ނިކަން ވަގުތު އޮވޭ. މިނިސްޓަރުގެ ޒިންމާ މިނިސްޓަރު ވަނީ ރައީސް އޮފީހާއި ހަވާލު ކުރައްވާފައި. ރައީސުލްޖުމްހޫރިއްޔާގެ އޮފީހުން މިހާރު ޓެލެކޮމް މިނިސްޓަރީ ހިންގަވަން ޖެހޭނީ. ބޮންޑޭ މައުލޫމާތު ހޯއްދަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިޑިން

22 October 2020

މަލީހު ކަލޭ ބަލާލިންތޯ ދިރާގު އަދި އުރީދޫ އަށް އިންޓަނެޓުން ލިބޭ ފައިދާގެ ބޮޑުމިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުތުފީ

22 October 2020

މަލީހަށް ބަސްބުނަނީ ބެނަންޖެހިގެން. އިންޓަރނެޓްގެ އަގު މިހާރު ކިތައްފަހަރު ހެޔޮކޮށްފިތޯ އަނގައިން. މިކަމުންވެސް އެގެނީ މަލީހަކީވެސް ތާކުންތާކު ނުޖެހޭމީހެއްކަން. އިންޓަރނެޓް ޚިދުމަތްދޭ ދެކުންފުންޏާއެކު އެއްބަސްވުމަކަށް ނާއިސް ކިހިނެތް މަލީހު އެކަންކުރާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުވާލި އާދަނުގެ ސިޔާސީ ހާސަރު

21 October 2020

ބޮންޑޭއާށް ރައްޔިތުން ތިޔަ ވޯޓެއް ދީ ހޮވީ ތިޔަކަން ޝަރުތުކޮށްފާތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަައްމަދު އިބުރާހިމް

21 October 2020

މަޖިލީސް މެމްބަރުން އެތަނުގައި ދައްކަވާވާހަކަތަކަށް ރައްދުދެއްވާ މެމްބަރ އިސްތިއުފާއަަށް ގޮވުމަކީ ހަޑި އަދި މިނިސްޓަރ އަކު އެއްގޮތަކަށް ވެސް ކޮށްގެންވާ ކަހަލަ ކަމެއްކަމުގައި ނުދެކެން........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ismail

21 October 2020

މާތްކަލާކޯ. ކޮންތާކުން ފައިބައިގެންތޯ އައިސްގެން ތިޔައުޅުއްވަނީ. ކެބިނެޓްގަ ސަވައިވް ވާން ހެޑްލައިން ހެދޭތޯ އުޅުއްވަނީ. ތިޔައީ 'ބަހަބޯ" ވެގެން އުޅުއްވާ ހަނޑޫފުކެއްގެ ވެލިއުވެސް ނެތް ބޭފުޅެއް. ވިދާޅުވެ ދެއްވާ ތިޔަމިނިސްޓްރީއިން ކޮށްދިނީ މިވެނި މަސައްކަތެކޭ މިދިޔަ 2އަހަރު ތެރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

21 October 2020

އަސްލު މިނިސްޓިރީ އޮފް ކޮމިއުނިކޭށަން ސައިންސް އެންޑު ޓެކްނޯލޮޖީމީ ކީއްކުރާ ތަނެއްކަން ބުނެދީބަލަ. ނުފެނޭ ކޮލެޖު ނުވާސިޓީތަކާ ގުޅިގެން އައިޓީ ސައިންސް ކިޔެވުމުގެ ދާއިރާ އިތުރު ފުރުސަތުތައް ހުޅުވާލާ ތަނެއް. ނުފެނޭ އިތުރު އިންޖިނޭރިން، އައިޓީ، ބަޔޯ މެޑް ޑިގުރީ މާސްޓާސް ޕުރޮގުރާމް ތައް ފަށާ ތަނެއް. ކުޑަމިނުން ނުފެނޭ ކޯޑިން ސްކިލްސް ސުކޫލުތަކައް ނުރަސްމީ ގޮތުގަ ނަމަވެސް ތައާރަޕް ވިތަންވެސް. ތިތަނައް ވިޝަނަރީ ލީޑާޝިޕް ހުރިމީހަކު ލާ ނޫނީ އުވާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

21 October 2020

މަށަށް ހީވަނީ ބޮންޑާ އަށް ވުރެ ކުރިން މި މަލީހަކު އިސްތިއުފާ ދޭނެހެން. މަލީހާއި ހަވާލު ކުރެވިފައިވާ މަސައްކަތުގެ މަސްއޫލިއްޔަތު އުފުލާތަނެއް ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީން

21 October 2020

އަހަރެން ވަރަށްތާއީދު މަލީހު ތިފެންވަރުގެ ރައްދެއް ދެއްވީތީ. ތި ބޮންޑާ ހީކުރަނީ ތިމަންއަކީ މާލޭ މެމްބަރެއްވީމާ އެހެން ހުރިހާ އެއްމެންނަކީ މޮޔައިންކަމަށް ހަދާ ރާއްޖެތެރޭ ލޮބުވެތި ރައްޔިތުންގެ އަގު ވައްޓާލަން މަސައްކަތްކުރާ ނާތަހްޒީބް މީހެއް. ތޭންކް މަލީހު.