އެންމެ ގިނަ މީހުން ފްލެޓަށް އެދުނު ކެޓަގަރީން ދިރިއުޅުމުގެ ހާލަތު ބަލަނީ

ސަރުކާރުން ކުރިއަށް ގެންދިޔަ "ހިޔާ މަޝްރޫއު" ދަށުން ފްލެޓް ލިބުނު ކަމުގެ ލިޔުން ހޯދުމަށް ހައުސިން މިނިސްޓްރީގެ ބޮޑު ގޭޓު ކުރިމަތީގައި ތިބި ބައެށް މީހުން---ފޮޓޯ/މިހާރު

21 އޮކްޓޯބަރ 2020 - 11:16

16 comments

ކުރީގެ ރައީސް އަބްދުﷲ ޔާމީންގެ ސަރުކާރުގައި ހުޅުވާލި ހިޔާ މަޝްރޫއުގައި އެންމެ ގިނަ މީހުން ފްލެޓަށް އެދުނު އެޗް7 ކެޓަގަރީން ދިރިއުޅުމުގެ ހާލަތު ބަލަން ފަށައިފި އެވެ.

ހިޔާ މަޝްރޫއުގެ 12 ކެޓަގަރީން 25،000 މީހުން ފޯމުލިއިރު، އެންމެ ގިނަ މީހުން ބޯހިޔާވަހިކަމަށް އެދުނީ 18 އަހަރާއި 40 އަހަރާ ދެމެދުގެ މީހުންނަށް ހުޅުވާލި ކެޓަގަރީން ކަމަށް ހައުސިން މިނިސްޓްރީން ވަނީ ބުނެފަ އެވެ.

ކުރީގެ ސަރުކާރުގައި ފްލެޓް ދިން ގޮތާ މެދު ކުރި ޝަކުވާތައް ބަލަން މި ސަރުކާރުން އުފެއްދި ފްލެޓް ކޮމިޓީން މިހާރު އަންނަނީ އެޗް7 އަށް ކުރިމަތިލީ މީހުންގެ ތެރެއިން ޝަރުތުހަމަވި މީހުންނަށް ގުޅައި ދިރިއުޅުމުގެ ހާލަތު ބަލަމުންނެވެ.

ހިޔާ މަޝްރޫއަށް ކުރިމަތިލީ މީހުންގެ ތެރެއިން ޝަރުތު ހަމަވި މީހުންގެ ލިސްޓުތައް ކުރީގެ ސަރުކާރުން ވަނީ އާއްމުކޮށް، ފްލެޓް ލިބުނު ކަމުގެ ކަށަވަރު ލިއުން ވެސް ދީފަ އެވެ. އެ ލިއުމަށް ބެލުމެއް ނެތި މި ސަރުކާރުން އެކުލަވާލަމުން އަންނަނީ މުޅިން އާ ލިސްޓެކެވެ. އެކަމަކު ހިޔާ މަޝްރޫއުގެ ހުރިހާ ފޯމެއް ވެސް އިވެލުއޭޓް ކުރަމުން އަންނަނީ ޔާމީންގެ ސަރުކާރުން ކަނޑައަޅައި އިއުލާންކޮށްފައިވާ މާކްސް ދިނުމުގެ މިންގަނޑާ އެއްގޮތަށް ކަމަށް ފްލެޓް ކޮމިޓީން ވަނީ ބުނެފަ އެވެ.

މިހާތަނަށް ވަނީ، ފަސް ކެޓަގަރީއަކުން ވަގުތީ ލިސްޓު އާއްމުކޮށްފަ އެވެ. އެއީ، ޑޮކްޓަރުންނާއި ނަރުހުންނާއި ޓީޗަރުންނާއި މާލޭގެ ރަށްވެހިންނާއި ނުކުޅެދުންތެރިކަން ހުންނަ މީހުންގެ އިތުރުން ދަފްތަރު ކެޓަގަރީގެ ލިސްޓެވެ.

ކުރީގެ ސަރުކާރުގައި ފްލެޓްތައް ދީފައިވާ ގޮތާ މެދު ބޮޑެތި ތުހުމަތުތަކެއް ކުރި އެވެ. މާކްސް ދޭނެ ވަކި ކްރައިޓީރިއާއެއް އިއުލާންކޮށްފައި އޮތަސް އެ ކްރައިޓީރިއާގައި ހިމެނި ދިރިއުޅުމުގެ ހާލަތުގެ ބައިން މާކްސް ދީފައިވާ ގޮތާ މެދު އޮތީ ސުވާލު އުފެދިފަ އެވެ. ގޭގެ އަށް ނުގޮސް ދިރިއުޅޭ ހާލަތުގެ ބައިން ޕޮއިންޓް ދިން ގޮތާ މެދު ގިނަ ބަޔަކު ޝަކުވާކުރި އެވެ.

ފްލެޓް ކޮމިޓީން ވެސް ބުނެފައިވާ ގޮތުގައި އޭރު ދިރިއުޅުމުގެ ހާލަތަށް 30 ޕޮއިންޓް ހިމަނާފައި އޮތް އިރު އެ ޕޮއިންޓް ދިން އުސޫލެއް ސާފެއް ނޫނެވެ. އެކަމަކު މިފަހަރު އެ ޕޮއިންޓް ދިނީ ގޭގެއަށް ގޮސް ދިރިއުޅުމުގެ ހާލަތު ބަލައިގެން ކަމަށް އެ ކޮމިޓީން ބުންޏެވެ.

ހުޅުމާލޭގައި އިމާރާތްކުރާ ފްލެޓްތަކުގެ ލިސްޓު އެކުލަވާލަމުން އަންނައިރު ކުރީގެ ސަރުކާރުން 7،000 ފްލެޓަށް ހުޅުވާލިއަސް ޓަވަރުތަކުގެ ގްރައުންޑް ފްލޯ ފިހާރަތައް ފަދަ ޒަރޫރީ ބޭނުންތަކަށް މި ސަރުކާރުން ހުސްކުރުމުން އެ މަޝްރޫއުގައި ފްލެޓުގެ އަދަދަކީ މިހާރު 6،720 އެވެ. މި ފްލެޓްތައް ނިމޭނީ އަންނަ އަހަރުގެ ފެބުރުއަރީއަށް ކަމަށް އެޗްޑީސީން ވަނީ ބުނެފަ އެވެ.

ފްލެޓްތައް ހަވާލުކުރަން ނިންމާފައި ވަނީ ފިނިޝިން ނުނިންމަ އެވެ. އެކަމަށް ވަކި މުއްދަތެއް ފްލެޓް ލިބޭ މީހުންނަށް ދޭން ނިންމާފައިވާއިރު، އެ މުއްދަތުގައި ކުއްޔެއް ނުނަގާނެ ކަމަށް ވެސް އެޗްޑީސީން ބުނެ އެވެ.

ރައީސް އޮފީސް ހުޅުމާލެ ދިވެހި ސަރުކާރު ފްލެޓް ހުޅުމާލެ ހައުސިން ހިޔާ ފްލެޓްތައް

16 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަރުބަޗޯ

22 October 2020

ތީތޯލާމަރު ކަޒީ ކުރާގޮތަ ކީ އަތޮޅުތަ ކުން މާލެޔައް ތޮއްޖައްސާ ބިންފުރާލުންތޯ ދެންދަރިންގެ ދަރިންނައް ވަންނާނެ ތަނެއްނުލިބި ބޮޑު އަނދަވަޅަ ކައް ތިޔަވެއްޓެނީ މިހާރުން މިހާރައް ހުޅުމާލޭގަ ރައްރަށުން އަރާތިބި މީހުން އާބާދު ކުރުން ހުއްޓާލާ އެރަށެއްގެ މީހަ ކައް އެރަށަ ކުން ގޯތިދީ ދެވެން ނެތް ރައްރަށުގަ ފުލެޓުއަޅާފަދީ މިތަން ހަލާ ކު ނު ކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު

22 October 2020

ދެންބުނާނެ މާލެ ތޮއްޖެއްސުމެއް އެމްޑީޕީގެ ނޯންނާނެޔޭ ހުސްދޮގު މާލެ ސަރަހައްދު މާލެ ރައްވެހިންނައް ބާއްވާފަ އަތޮޅު ތަ ކުން ކުރިމަތިލީ މީހުނައް އެރަށެއްގަ ފުލެޓު ދިނީމަ 3 ސަރަހައްދު ފުރިހަމަ ސިޓީތަކެއްގެ ގޮތުގަ ހިނގާނީ ތިހުރިހާ ފޯމެއް ބާތިލު ކޮއް މިހެންހަދާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބިރިހިންބެއްޔާ

22 October 2020

ބަލަ ބަލާފައި ދޭނީ ހަމަ، ކުއްޔަށް ދީފައި ރާއްޖޭންބޭރަށް ބަދަލުވާން ބޭނުންވާ ކުދިންނަށް. އެމްޑީޕީ ސަރުކާރުން އޮތީ ފުލެޓަކީ އާމްދަނީހޯދުމަށް ބޭނުންކުރެވޭނެ ވަސީލަތެއްކަމަށް ވިދާޅުވެފައި. ނަތީޖާ ވަރަށް ސާފު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިމޮކްރަސީ

22 October 2020

2023 ގެ ކުރިން ހިޔެއްނުވޭ ތިކަން ވާނެހެެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރު ނެތް މާލޭމީހާ

22 October 2020

އެނގޭ ފްލެޓް ލިބުނު މީހުން މި ކޮމެންޓަށް ޑިސްލައިކް ދޭނެކަން. އެކަމަކު ޙަގީގަތަކީ ބޯހިޔާވަހިކަމުގެކަން ކަމަކީ އެއްވެސް ސަރުކާރަކުން އިންސާފުވެރިކޮށް ކުރި ކަމެއް ނޫން. އަދި ކުރަމުންދަނީވެސް އިންސާފުވެރިކޮށެއް ނޫން. ކުރިއަށް އޮތް ތާގައި އިންސާފުވެރިކޮށް ކުރާނެ ކަމަށް ޤަބޫލުކުރެވޭ ކަމެއްވެސް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަތް ސަރުކާރު

21 October 2020

އަދި މާ އަވަހެއްނުން ތިކަން ކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާ ބެއްޔާ

21 October 2020

އަހަރެންގެ ބައްޕަގެ 3 ކޮޓަރީގެ ފުލެޓްއެއް ހުޅުމާލޭގައި ހުރޭ! ހާލަތު ބަލަން އައިއިރު އަހަރެންނާ އަހަރެންގެ މަންމަ އުޅެނީ ކުއްޔަށް ކޮޓަރިއެއް ހިފައިގެން! ހާލަތު ބަލާ ނިމުނީމައި މިހާރު އުޅެނީ އަހަރެންގެ ބައްޕަގެ ފުލެޓްގައި! އަނެއްކާ ތިޔަބުނަނީ ހާލަތުބަލާ ވާހަކަ ، ތިޔަޖެހުނީ އަނެއްކާ ފުލެޓުން ނިކުންނަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޥިސްނާ

21 October 2020

މަށަކީ މާލެއަށް އުފަންވެ އުޅެ ބޮޑުވިމީހެއް، ދެކުދިންލިބި އުޅެނީ 200 ފޯޓްވެސް ހަމަނުވާތަންކޮޅެއްގައި،، ހާލުބަލަން އައީ ހަމަގައިމުވެސް މާލޭ ކުދިންނެއްނޫން، ހާލަތުބަޔާންކުރުމުން ބުނީ ތިމަންނަމެން އުޅެނީ މާހާލުގަޔޯ، ދެންވިސްނާލާ ޕޮއިންޓްލިބޭނެގޮތް، 30 ވެސް ހަމަނުވި، ދެރައީ މިގޮތަށްކަންތަށްވާން އޮރިޖިނަލް މާލޭ މީހުން ދޫކޮށްލާތީ، އެމީހުންގެ ރަށުގަބޮޑެތި ގޯތި ގެސްޓްހައުސް ހަދާފަ މިކިޔަނީ ތިމަންނަމެންމާހާލުގަޔޯ ?????? ވިސްނާ ތެދުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޫވުބު

21 October 2020

މާލޭމީހުންނަކަށްނޫން މުޅިރާއްޖޭގެ އިގްތިސާދަށްވަންނަހާ ފައިސާއެއް ހަރަދުކުރަންޖެހޭނީކީ. ހަގީގަތަކީ މާލޭމީހުން 200 އަކަފޫޓުގެތަންކޮޅުވެސް މަކަރެއްހަދައިގެން އަތުއަޅުވާލާފަ ފްލެޓްވެސް ހޯދަނީ. ފްލެޓްލިބުނީމަ ފްލެޓްކުއްޔަށްދީފަ އުޅޭނީ ހަމައެއްކަލަ ހާލުގައޅެންޖެހޭ 200 އަކަފޫޓުގަ. އަނެއްކަމަކީ ހުޅުމާލެއަކީ މާލެއެއްނޫން. ދިވެހިހުރިހާ ރައްޔިތުންގެ ހައްގުހިމެނޭތަނެއް ހުޅުމާލެއަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައްޔޫ

21 October 2020

އަޅުގަޑަކީ 50 އަހަރުގެ މީހެއް، 35 އަހަރު ހޭދަކުރީ މާލޭގަ. ފްލެޓަކަށް އެޕްލައި ކުރުމުން ޕޮއިންޓް ދަށް ވެގެން އެކަމާ ސިޓީލީމާ ޔާމީން ގެ މިނިސްޓަރ މުއިއްޒު ދިން ޖަވާބަކީ ދިރިއުޅުމުގެ ފެންވަރު ބެލީމޯ، އަދި މިއަދާ ހަމައަށްވެސް ފޯނު ކޯލެއް ނާދޭ ، ދޮގު ހެދުމުގެ ޕީއެޗްޑީ ނަގާފަ ހުރި މީހެއްކަމުން އެކަމާ މާޔޫސްވެ ފްލްޓަށް، ފަހު ބުރުގައި އެޕްލައިވެސް ނުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

21 October 2020

މުއިއްޒު ނުގުޅާ އެއްވެސް މީހެއްގެ ދިރިއުޅުމުގެ ފެންވަރު ބަލަން. ދެން މިހާރު އަސްލަމް ގުޅައިފިތަ؟ ދިރިއުޅުމުގެ ފެންވަރު ބަލަން އަސްލަމް ފޮނުވި ކުދިން އެހީ ފެން ފައިބާހޯ، ފާރުގަ ރެނދު އެބަ ހުރިހޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުވާނާ.

22 October 2020

ދެންރަށައްދޭ އަވަހައް ކާކ ކުބުނީ ހުންނާށޭ އެމްޑީޕީ ނޫޅޭ މޮޔަބޮޑުވެގެން ހާލު ނޭނގި ގެނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރަގު ބޭ

21 October 2020

ހާލަތު ބަލަން މިގެއަކަށް ނުވެދެވޭނެ އެވެ. ހާލަތު ބަލާނީ ކަޓްވާލަން ޖެހޭ މީހުން ލަޓްޗާ ށެވެ. އަދި ޝަރުތު ހަމަ ނުވިޔަސް ދޭން ޖެހޭ މީހުނަށް މާކުސް އިތުރު ކުރުމަށެވެ. މިހާރު އަހަރެމެން މި ދިރި އުޅެނީ ކުރިން އުޅުނު ތަނަކު ވެސް ނޫނެވެ.ވީމާ އޭރު މަށަށް ލިބުނު މާކުސް ގޯސް ކަން މިހާރު މިއުޅޭ ތަން ބަލާގެން އެގޭނެ އެއްޗެއް ވެސް ނެތެއް ނޫންތޭ.