ހިމާޔަތްކޮށްފައިވާ ދޮންދީނީ: މި ދުވަސްވަރު އެހެން ގައުމުތަކުން ރާއްޖެ އަށް ދޫނި ހިޖުރަކުރުން އިތުރުވޭ
22 އޮކްޓޯބަރ 2020 - 12:15
10 comments
ރާއްޖެ އަށް ހިޖުރަކުރާ ދޫނި ހިފައި އެއަށް ގެއްލުން ދިނުން އިތުރުވެފައިވާ ކަމަށާއި މިފަދަ އަމަލުތައް ހިންގާ މީހުންނާ މެދު ގާނޫނީ ފިޔަވަޅު އަޅާނެ ކަމަށް އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) އިން މިއަދު އިންޒާރުދީފި އެވެ.
އީޕީއޭ އިން ނެރުނު ބަޔާނެއްގައި ބުނީ އަހަރުގެ މި ދުވަސްވަރަކީ ދޫނި ހިޖުރަކުރާ ދުވަސްވަރު ކަމަށާއި ރާއްޖެ އަށް ވެސް އެކި ކަހަލަ ދޫނި ހިޖުރަކުރާ ކަމަށެވެ. އޭގެ ތެރޭގައި، ހިމާޔަތްކޮށްފައިވާ އިރުވާހުދާއި ފްލެމިންގޯ ފަދަ ދޫނި ހިމެނޭ ކަމަށް އީޕީއޭ އިން ބުންޏެވެ.
ނަމަވެސް އެފަދަ ދޫނިތަކަށް ގެެއްލުންދީ ގޯނާކުރާ ކަމުގެ ޝަކުވާތައް އިތުރުވަމުން އަންނަ ކަމަށް އީޕީއޭ އިން ބުންޏެވެ. ހާމަ އަށް ހުންނަ ބިންތަކުގަ އާއި ހިއްކާފައިވާ ބިންތަކުގައި މަޅިފައްޗާއި ދަންތުރަ އާއި އެކި އާލާތްތައް ބޭނުންކޮށްގެން ދޫނިތައް ހިފާކަމުގެ ޝަކުވާ ލިބޭތީ އީޕީއޭ އިން ކަންބޮޑުވުން ފާޅުކޮށްފައިވެ އެވެ.
ރާއްޖެއަށް ހިޖުރާކުރާ ދޫނި ހިފުމާއި، އެއަށް އެއްވެސް ގޯނާއެއް ދިނުމަކީ މަނާކަމެކެވެ. އެފަދަ އެއްވެސް ކަމެއް ކޮށްފި މީހަކު ބޮޑު އަދަދަކުން ޖޫރިމަނާކުރުމުގެ ބާރު އީޕީއޭ އަށް އޮވެ އެވެ.
ހިމާޔަތްކޮށްފައިވާ ދޫނިތަކެއް ހިފައިގެން އީޕީއޭ އިން އެންމެ ފުރަތަމަ މީހަކު ޖޫރިމަނާ ކުރީ 2016 ވަނަ އަހަރު އެވެ. އެފަހަރު އެ މީހާ 100،000ރ. އިން ޖޫރިމަނާކުރި އިރު އޭގެ ފަހުން 2017 ވަނަ އަހަރު ވެސް ދޮޅު ލައްކަ ރުފިޔާއިން މީހަކު ޖޫރިމަނާކޮށްފައިވެ އެވެ.
ހިޖުރަކުރާ ދޫނި ރާއްޖެ އަންނަނީ ވަރަށް ދުރު ރާސްތާއެއް ކަޑައްތުކޮށްފަ އެވެ. އެކި މޫސުންތަކުގައި އެކި ބާވަތްތަކުގެ ދޫނި ރާއްޖެ އަންނައިރު، މޫސުން ބަދަލުވުމާ އެކު އެ ދޫނިތައް އެނބުރި ދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުމީހާ
22 October 2020
ބޭބެގެ އަމިއްލަ ނަފުސައްވެސް އަދި ރައްޔިތުންނަށްވެސް ދޭނެ ނަސޭހަތަކީ ނަމަނަމަ ދޫނި ނުހިފާތި. ސަރުކާރުގަ ނެތް ފައިސާއެއް. ރާއްޖޭގެ ދަރަނި އުޅެނީ އަތް ނުފޯރާ ފަށުގަ.
މެސީ
22 October 2020
ދެ މޫސުން ބެދޭ ހިސާބުގައި ރާއްޖެ އަށް އަންނަ ދޫނި އެއްޗެހި ހިމާޔަތް ކުރުމަ ކީ ފޫނެތް ފަޔަށް ފެންފުރުން ކަހަލަ ކަމެއް، އެ ސޮރުމެން އައިސް ރާއްޖޭގަ ވަޒަންވެރިވަނީ އެއް ނޫން ، އާލާވަނީ އެއް ނޫން ، އަންނަ ތަނަ ކަށް އަނބުރާ ދެވެނީ އެއްވެސް ނޫން. ދެން މާ ރަނގަޅުދޯ ކޮންމެވެސް މީހެއް އެ ހިފައިގެން ކާންދީގެން ރީތި ކޮށް ގެންގުޅުނަދިނިޔާ...
ދޮންދޫނި
22 October 2020
ގދ. ތިނަދޫ ކުރިމަތީގައި އޮންނަ ހަވޮޑިގަލާގަވެސް ދޮންދީނި އެބައުޅޭ. ކާޅުގެ އުނދަގޫ އެސޮރުމެންނަށް ފޯރާކަމަށް ވޭ. ކާޅާމެދުވެސް ފިކުރުކޮށް އެސޮރުމެންނަށް ދޭނެ އުގޫބާތެއް މި ސަތުކަން އެ ބަކަނޑައަޅަން ޖެހޭ.
ދިވެހިބަސް
22 October 2020
ފްލެމިންގޯ = ގުޑުގުޑާދޫނި
ސަމީރު އަލީ
22 October 2020
ހިމާޔަތްކޮށްފައިވާ ދޫނި ގެންގުޅޭ ރައްރަށުގައި ، އެކަން ބެލޭނެ މެކޭނިޒަމެއްނެތް ، ނަމުން އެންވައަ ޕޮރޮޓެކްޝަން
ރަދީފްއޮފިޝިއަލް
22 October 2020
އެންމެ މާތް މަޙްލޫގް ކަމުގައިވާ އިންސާނުން ކޮށާފަ ބިމަށް ތިރިކުރާ ގައުމެއްގަ ދޫންޏަށް ގޯނާ ކުރީމަ ފިޔަވަޅު އަޅާނެކަމަށްބުނެ އީޕީއޭއިން އިންޒާރު ދިނުމެކޭ ކަނޑުގަ އަޅާލެވޭ ރޮނގެކޭ އެއްވެސް ތަފާތެއް ނޯންނާނެ.ވ.ވެދުން
އޮނަރަބްލް އަފީފު ދީދީ
22 October 2020
އީޕީއޭ ހީކުރަނީ ހިމާޔަތްކުރާ ދޫނި ސޫފާސޫފިތަކަކީ ޤާނޫނުންލިބޭ ޙައްޤުތަކުގެވާހަކައިގޭ އަދި ޙައްޤަށް ހުރަސްއެޅޭނަމަ އެވާހަކަހިފައިގެން ކޯޓްތަކަށްދާނެ ބައެއްކަމަށްތޯ؟ މިހެންމިދެންނެވީ އައްޑޫ ދޮންދީނި ހިމާޔަތްކުރިއިރު ދޮންދީނި ނިދާނެ، ހާލިހަދާ ބިސްއަޅާނެ އަދި ޅަ ދޫންޏަށް ރައްކާތެރިކަމާއި ހިމާޔަތްލިބޭނެތަންތަން ނުވަތަ ގަސްތައްކަޑައަޅާ އެގަސްތައްބަލަހައްޓާ ހިމާޔަތްކުރާނެގޮތެއް ރާވާފައިނުވާތީ. ކީއްވެ ސިޓީސްކެއަރ، އީސީސީ ސަރަހައްދުގައި ބަބުކެޔޮގަސް އިންދާންލަފާނޔދިނީ؟؟
ކުއްޗު
22 October 2020
ސިޓީ ސްކެޔޮރ ، އިކްއިޓޯރިއަލް ހޮސްޕިޓަލް ވަށައިގެން އޮތް ސަރަޙައްދު، ގަމާއި ހެރެތެރެ އަދި ޝަންގްރިއްލާ އަދި ސިޓީގެ އަވަށްތަކުގައިހުރި ސަރުކާރު އިމާރާތް ތަކުގެ ތެރޭގައި ޖާގައޮތް ވަރަކުން ބަބުކެޔޮގަސް އިންދުމަށް ސިތީ ކައުންސިލުން އެފަރާތް ތަކުގައި އެދެންޖެހޭ. އަފީފު ދީދީ އެދައްކަނީ ވަރަށް ރަނގަޅު ވާހަކައެއް.
ދޮންދީނާމެން
22 October 2020
ދޮންދީނާ އަކީ ވެސް ހިމާޔަތްކޮށްފަ އޮތްދޫޏެއް. ދޮންދީނަށް އަނިއާކުރާތީ ކާޅު، ގާނޫނުގަ ބުނާ އެންމެ ބޮޑު އަދަދުން ޖޫރިމަނާކުރަންފެނޭ.
ދެންދެން
22 October 2020
ކާޅުވީމާ މަރުގެ އަދަބު. އިންސާފު ކޮބާ؟