01 ނޮވެމްބަރ 2020 - 13:22
35 comments
ވިޔަފާރި އުސޫލުން ބިދޭސީންނަށް އެކޮމޮޑޭޝަން ދޭ ތަންތަން ރަޖިސްޓްރީކުރަން ލާޒިމްކޮށް އިކޮނޮމިކް މިނިސްޓްރީން ގަވައިދެއް ހަދައިފި އެވެ.
ގަވައިދުގައި ބުނާ ގޮތުން ބިދޭސީންނަށް ވަޒީފާ ދޭ ފަރާތުގެ އަމިއްލަ ތަނެއްގައި ނުވަތަ ހަމައެކަނި އެ ފަރާތެއްގެ މުވައްޒަފުން ބޭތިއްބުމަށް ކުއްޔަށް ނަގާފައިވާ ތަންތަން ފިޔަވައި ދެން ބިދޭސީން ބައިތިއްބާ ތަންތަން ރަޖިސްޓްރީކުރަން ޖެހޭނެ އެވެ. އަދި ބިދޭސީން މަސައްކަތްކުރާ ގަވާއިދުގައި ބަޔާންކޮށްފައިވާ ޕްރޮފެޝަނަލް ގިންތީގެ ބިދޭސީންނަށް ދޫކޮށްފައިވާ ތަންތަން ވެސް ރަޖިސްޓްރީކުރާކަށް ނުޖެހެ އެވެ. މި ނޫން ތަނެއްގައި ބިދޭސީންނަށް އެކޮމަޑޭޝަން ދޭ ނަމަ ރަޖިސްޓްރީކުރަން ވަނީ ލާޒިމްކޮށްފަ އެވެ.
މިނިސްޓްރީން ބުނި ގޮތުގައި ބިދޭސީންނަށް އެކޮމަޑޭޝަން ދޭ ތަންތަން ރަޖިސްޓްރީކުރަން ޖެހެނީ އަމިއްލަ ފަރުދުންގެ ނުވަތަ ކުންފުންޏެއް ނުވަތަ ޕާޓްނާޝިޕެއް ނުވަތަ ކޯޕަރޭޓިވް ސޮސައިޓީއެއްގެ ދަށުންނެވެ. އަދި ވިޔަފާރިތައް ރަޖިސްޓްރީ ކުރަން ޖެހެނީ ބިޒްނަސް ޕޯޓަލްގައި އެކްޕެޓް އެކޮމަޑޭޝަންގެ ގޮތުގަ އެވެ.
ރަޖިސްޓްރޭޝަަނަށް ހުށަހަޅާއިރު އެ ވިޔަފާރިއެއްގެ ރަޖިސްޓްރޭޝަން ނަމްބަރު، ވިޔަފާރީގެ ނަން އަދި އެކޮމަޑޭޝަން ދޭ އެޑްރެސް ހުށަހަޅަން ޖެހެ އެވެ. އަދި އެތަން ބަލަހައްޓާ މީހަކަށް ގުޅޭނެ ނަމްބަރަކާއި އެ ތަނަކީ ވިޔަފާރި އުސޫލުން އެ ހިދުމަތްދޭ މީހާގެ އަމިއްލަތަނެއް ނަމަ ގޯތީގެ ރަޖިސްޓަރީގެ ކޮޕީ ހުށަހަޅަން ޖެހެ އެވެ. އެއީ ހިދުމަތްދޭ މީހާ ކުއްޔަށް ނަގާފައިވާ ތަނެއް ނަމަ އެކަން އެނގޭނެހެން އަދި ވެރިފަރާތުގެ އިއުތިރާޒެއް ނެތްކަން އަންގައިދޭ ލިއުމެއް ވެސް ހުށަހަޅަން ޖެހެ އެވެ.
މީގެ އިތުރުން ފްލޯ ޕްލޭނުގެ ކޮޕީ އާއި އެކޮމަޑޭޝަނުގައި ހުރި ކޮޓަރީގެ އަދަދާއި އެނދުގެ އަދަދާއި ހުރި ވަސީލަތްތަކުގެ މައުލޫމާތު ބަޔާންކުރާ ލިޔުމެއް ވެސް ހުށަހަޅަން ޖެހެ އެވެ. އަދި ރަޖިސްޓްރީ ކުރުމަށް 500ރ. ގެ ފީއެއް ދައްކަން ޖެހެ އެވެ.
މިނިސްޓްރީން ބުނީ ވިޔަފާރި ރަޖިސްޓްރީކުރުމުގެ ކުރިން އެތަން ހުރީ ބިދޭސީން މަސައްކަތްކުރާ ގަވާއިދުގައި ކަނޑައަޅާފައިވާ އެކޮމަޑޭޝަން އުސޫލާ އެއްގޮތަށްތޯ ބެލުމަށް ކައުންސިލްތަކުން އިންސްޕެކްޓް ކުރާނެ ކަމަށެވެ. އެ ތަންތަންތަނުގައި ދިރިއުޅެނީ ގަވާއިދާ އެއްގޮތަށް އުޅޭ ބިދޭސީންކަން ޔަގީންކުރަން ޖެހޭނެ ކަމަށް ވެސް މިނިސްޓްރީން ބުންޏެވެ.
ހުއްދައާ އެކު ހިންގާ އެއްވެސް ތަނެއް އުސޫލަށް ނުފެތޭ ނަމަ ކޮންމެ ތަނެއް 5،000ރ. އިން ޖޫރިމަނާކުރަން ގަވައިގައި ކަނޑައަޅާފައިވެ އެވެ. ފިޔަވަޅަށް ފަހު ވެސް އިސްލާހު ނުކޮށްފި ނަމަ ވިޔަފާރި ހުއްދަ ބާތިލްކުރާނެ އެވެ.
މި ގަވާއިދަށް އަމަލުކުރަން ފަށަނީ މި މަހު 29ގަ އެވެ.
ރާއްޖޭގައި ވަޒީފާ އަދާކުރާ ވަރަށް ގިނަ ބިދޭސީންނަކީ އިންސާނުން އުޅެން އެކަށީގެންނުވާ ފަދަ ތަންތަނުގައި ވަރަށް ދަތި ހާލުގައި އުޅޭ މީހުންނެވެ. އެއްތަނެއްގައި ގިނަ އަދަދެއްގެ ބިދޭސީން ތޮއްޖެހިގެން އުޅޭއިރު ރާއްޖޭގައި ކޮވިޑް-19 ޖެހުނު ގިނަ ބިދޭސީންނަކީ ވެސް އެފަދަ ތަންތަނުގައި އުޅުނު މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަންރީނދޫ
02 November 2020
އަހަރެމެން ވެސް ވޯޓްލައިގެން ވަރަށް އުންމިދާއެކު ގެނައި ސަރުކާރެއް މީ.. އެކަމަކު މިހާރު އެ މިނިސްޓްރީއަކުން ބޭނުންގޮތަކަށް ކަންކަން ކުރަމުން މިދަނީ .. ރައީސުލް ޖުމްހޫރިއްޔާއަކު ހުރިކަމެއްވެސް ނޭގޭ.. ހިދުމަތް އެއްގޮތަކަށް ވެސް ނުލިބޭ މިނިސްޓްރީއެއްގެ ގޮތުގައި އިކޮނޮމިކް މިނިސްޓްރީ ފަހަގަކުރަން.
އައިޝަ
02 November 2020
މީހުން އަތުން އޭއްޗެކޭ މީއްޗެކޭ ކިޔައިގެން ފައިސާ ފޭރުން ނޫންކަމެއް ސަރުކާރަކަށް ނުވޭ. ހާއްސަކޮށް ތި އިކޮނޮމިކް މިނިސްޓްރީ ފާހަގަކުރަން . މިހާރުވެސް ބިޒްނަސް އެއް އުވާލަަން އީމެއިލް އެއް ކޮށްގެން ތި މިނިސްޓްރީއަސް އޭގެ ޖަވާބެއް ހޯދަން ހޮޓްލައިން ގުޅާތާ މިހާރު 3 ހަފްތާވެސްޖެ.. އެންމެ ގޮތަކުންވެސް ފޯނު ނުނަގާ، ދެން މި އަންނަ މެޖެޖަކީ 1691 ތޯ އެއްޗަކަށް މެއިލް ކުރަން ،، ކުރިން ކުރި މެއިލްގެ ޖަވާބު ހޯދަން މެއިލް ކުރިތާ ވެސް ވީދުވަހެއް ނޭގެ. ހަބަރެއްނެތް.
ޙިނި
02 November 2020
މި ވެސް ބޮޑު ދުއްފާނެއް، މިކަމުގެ އަޑީ ގަ ތިބި ދިވެހިން ގަވައިދައްފައްތަބަލަ. ކުއްޔައް ދޭ ތަންތަނުން ކުޑަ ފީ އެއް ނަގާފަ ދަފްތަރެއް ހަދަން ވީ، އެ އަވަށަކުން ބަލަހައްޓާ ގޮތައް.
އުލިގަމް އިސްޓައިލް
02 November 2020
މިނިސްޓްރީން އެމްޑީޕީއަށް ބަލިވެއިނދެ ގަވައިދެއް ވިއްސީ ދޯ؟
ކުމުންދޫއަލީ
02 November 2020
ނިކަމެތިންގެ ފައިސާފޮތި އަތުލަން އަދިވެސް، މިލިއަނުން ފައިދާ ލިބޭ ދިރާގު ކުއްލިއަކަށް ގަވައިދެއް ހަދާލާފަ އަޅެ ޖޫރިމަނާ ކޮއްލަބަލަ...
ނަސީމާ އަހްމަދު ދީދީ
01 November 2020
އަހަރެން މިއުޅެނީ ރެގިއުލަރައިޒޭޝަން ޕްރޮގުރާމަށް މިދިޔަ ޖަނަވަރީ މަހު އެޕްލައިކޮށް ގުޑާނުލާ ޕެންޑިން ވެރިފިކޭޝަންގައި އިނީ. ދެން ގަލޮޅު ދަނޑަށް ދިޔައިމާ މިއިނގުނީ އެންސީއައިޓީއިން ޑޭޓާ ނަގާ ނުދީގެން މަސައްކަތް ލަސްވެފައިވާކަން. ދެވަނަ ކަމަކަށް އިކޮނޮމިކް މިނިސްޓްރީގެ ވެރިން މިސިންގ ބިދޭސީންގެ ކަންކަން ނިންމަން ޑިޝިޝަން ނުނެގިންނޯ ހުއްޓިފައިވަނީ. ޢެތަށް ބިދޭސީންނެއް ރާއްޖޭގައި ތާށިވެފައި އެބަހުރި މިނިސްޓްރީ އިން ޑިޝިޝަން ނުނަގައިގެން. ފައްޔާޒޫ
އަސްނާ
02 November 2020
އަހަރެން ވެސް މިއުޅެނީ ތިޔަހާލުގައި އެންސީއައިޓީގެ އެހީ ނުލިބިގެން އެމީހުންނަށް މަސައްކަތްނުވެފައިވާ ޚަބަރު އަހަރެންވެސް އެހިން. މިއީވާ ސަރުކާރެއް. އަނެއްކޮޅުން ސިނިއާރ މެނޭޖްމަންޓުން މައިގްރޭޓް ވެފައިވާ މީހުންނަށް ގޮތެއް ނުނިންމިގެން މަސަައްކަތްވަނީ ހުއްޓިފައި
ނައީމާ
02 November 2020
ކަލޯ އެއީވާތަނެއް ބަރަވެލި ދުވެލީގައި ހަމަދަނީ . ސަރުކާރަށް ލާރިވެސް ވައްދަން ނޭގޭ ބައެއް . ނިކަން ހިސާބު ހަދާލަބަލަ ކޮންމެ ދުވަހަކު 200 މީހުން ކްލިއަރ ކުރެވުނަސް ސަރުކާރަށް އެވަންނަނީ 50000 ( ފަންސާސްހާސް ރުރިޔާ ) މަހަކު 1.5 މިލިއަން ރުފިޔާ ރެވެނިއުގެ ގޮތުގައި ސަރުކާރަށް ވަންނާނެ . ހުވާ މިބުނީ ސަރުކާރަށް އަމްދަނީ ހޯދަން ނޭގޭ ބައެއް. ބޯހަލާކު
ބޯހުދު ޒިންދަގީ
01 November 2020
ވާނެ ހަމަ އެއްވެސް ކަމެއްނެތް. ބިދޭސީންނާދެކޮޅަށް ހިނގާނެ އެއްވެސްގާނޫނެއް މިރާއްޖޭގަ ނެތް.
މޫސަ123
01 November 2020
ގަވައިދާ ޚިލާފަށް އުޅޭ ބިދޭސިން ރަޖިސްޓްރީ ކޮށް އެމީހުނާ މެދު ގޮތެއްނިންމާނެ ކަމަށް ކުރީން ވިދާޅުވި ނަމަވެސް އަމިއްލަޔަށް ގައުމަށް ދާން އެދުނު މީހަކުފިޔަވައި އިތުރު މީހަކު މިހާތަނަށް ފޮނުވާލެވިފައިނުވޭ އިމިގްރޭސަން ގާނޫނު ބުނާގޮތުން ގަވައިދާޚިލާފަށް އުޅޭ ބިފޭސިން ލައްވާ މަސަ އްކަތް ކުރުވުމަކީ މަނާކަމެއް އަދި މަސަ އްކަތް ކުރުވާ މީހާ 50000ރ އިން ޖުރިމާނާ ކުރެވޭނެ މިކަން ނުބެލެނީ ކީއްވެތޯ ދައުލަތަށް ފަ އިސާ ކޮޅެ އް ހޯދަންތޯ ތިއުޅެނީ .
ހާސިމް
02 November 2020
އަހަރެން މިއުޅެނީ ތިޔަ ކަމުގައި ތާށިވެގެން ފެންޑިން ވެރިފިކޭޝަން އިން ގުޑާނުލާ މިހާރު 08 މަސް ދުވަސްވީ . ފައްޔާޒުއަށް މެޑެލްއެއް ހަދިޔާ ކުރަންވީ ...
އަރުވާލި އާދަނުގެ ސިޔާސީ ހާސަރު
01 November 2020
މިރާއްޖޭގައި ބޭރުމީހުން ކަން ކަން ހިގާގޮތް ބަލާއިރު ހީވަނީ މީކިއްޔަކީ އަދި ދުނިޔޭގައި ބަޔަކު ކޮށް އުޅޭ ކަމެއް ނޫންހެން. ދުނިޔޭގައި ކޮންމެވެސް އެއް ގައުމެއްގައި މިކަން ކޮށް އުޅޭ ހަރުދަނާ އުސޫލެއް ބަލާ ރާއްޖެއަށް ސަކޭގަ ވާޒާތަކަށް މިކަން ކުރަން ބޭނުން ނުވެފައި މިއޮތް އޮތުމަކީ މީގައި ފޮރުވިފައިވި ހާދަ ވަރުގަދަ ނަފާވެރިކަމެއް އެކުލެވިގެންތާ ދޯ.؟ މިސަރުކާރުން މިނިސްޓަރ ފައްޔާޒު ހާދަ ކަން ކަމެއް ތިޔަ ކަމުގައި ހަމަ މަގަށް އަޅުވަން އުޅުއްވައޭ. މަރުހަބާ ފައްޔާޒް
ވިދުވަރުދޯނީގެ އަލިގަދަ ދުރުމިން
01 November 2020
ލާޒިމް ކިތައް ކަންތައްތޯ ނުކޮށް އަޅައިނުލާ ބަހައްޓާފަ އެހުންނަނީ ކޮބައިތޯ ވިޔާފާރި ކުރާ ތަންތަނުގައި ބޭރު މީހުންނަށް ކޭޝިޔަރުންނަށް ނުތިބެވޭ ޤަވައިދު އެހެންވީމަ ބަލަން ޖެހެނީކީ ވަކި އެންމެ ކަމެއް ނޫން ވަޒީރު ބުނެފަ އޮތީ އެއީކީ މުހިންމު ކަނެއް ނޫނޭ އެހެންވީމަ އެއްވެސް ކަމަކީ މުހިންމު ކަނެއް ނޫން 2 ދުވަހަކު ތިވާހަކަ ދައްކާފަ ފޫވެއްޓިދާނެ އެއަރކޯނު ދިނީގަ އެކަނި ޚިދުމަތްކުރަން ދަސްވެފަ ތިބޭ މީހުން ގެނެސް ވަޒީރުންނަށް ލީމަ ވާގޮތް އެބަ ފެނޭ