އއ. ތޮއްޑޫގައި ދަނޑު ހައްދާފައި އޮންނަ ސަރަހައްދު.-- ފޮޓޯ: ޖުމާން އާދަމް
09 ނޮވެމްބަރ 2020 - 15:52
7 comments
ދަނޑުވެރި ކަމާ ގުޅުންހުރި މަސައްކަތްތައް ކުރުމަށް ހުޅުވާލި ހަ ރަށުގެ ބީލަން ކަރުދާހާ ބެހޭގޮތުން މައުލޫމާތު ދިނުމަށް ބާއްވާ ޕްރީބިޑް މީޓިން އަންނަ ހަފުތާގެ ބުދަ ދުވަހު ބާއްވަން ފިޝަރީޒް މިނިސްޓްރީން ނިންމައިފި އެވެ.
މި ބައްދަލުވުން އޮންނާނީ ބުދަ ދުވަހުގެ މެންދުރު 1:00 ގައި ޒޫމް މެދުވެރިކޮށެވެ. އެއީ ކޮވިޑް-19 ފެތުރިފައި ވާތީ، ގިނަ މީހުން އެއްތަނަކަށް އެއްވުން ރައްކާތެރި ނޫން ވީމަ އެވެ.
ސަރުކާރުގެ ސްރެޓެޖިކް އެކްޝަން ޕްލޭންގައި ކަނޑައެޅިފައިވާ ދަނޑުވެރިކަމުގެ ސިޔާސަތުތައް ތަންފީޒުކުރުމުގެ ގޮތުން، ފުރަތަމަ ބުރުގައި ހަ ފަޅު ރަށެއް ބީލަމުގެ އުސޫލުން 21 އަހަރުގެ މުއްދަތަށް ކުއްޔަށް ދޫކުރާނެ އެވެ. މިގޮތުން ދޫކުރަން ހަމަޖެހިފައިވަނީ ހއ. މަޑުލު، ށ. ކަކާއެރިޔަދޫ، ނ. ނެޔޮ، ބ. މާއްޑޫ، ނ. ތޮޅެންދޫ އަދި ގއ. އޮއިނިގިއްލާ އެވެ.
މި ރަށްތަކަކީ ދިވެހިރާއްޖޭގެ ކާބޯތަކެތި އުފެއްދޭ މިންވަރު އިތުރުކޮށް، ރާއްޖެއަށް އެތެރެކުރަންޖެހޭ ކާބޯތަކެތީގެ މިންވަރު މަދުކޮށް، ކާނާގެ ޔަގީންކަން ކަށަވަރުކޮށްދިނުމުގެ ގޮތުން ފިޝަރީޒް މިނިސްޓްރީން ދޫކުރާ ރަށްތަކެވެ.
ފިޝަރީޒް މިނިސްޓްރީން ބުނެފައިވާ ގޮތުގައި ދަނޑުވެރިކަމުގެ މަސައްކަތުން ލިބޭ ނަފާ އިތުރުކުރުމަށް ބާރު އެޅުމުގެ ގޮތުން މި ރަށްތަކަށް ދައްކަން ޖެހޭނީ އަހަރަކު އަކަފޫޓަކަށް 10 ލާރި އެވެ. އަދި މިނިސްޓްރީން ކަނޑައަޅާ ކާނާގެ ބާވަތްތައް ބިމުގެ 30 ޕަސެންޓް ސަރަހައްދުގައި ހައްދަން ޖެހޭނެ ކަމަށް އެ މިނިސްޓްރީން ވަނީ ޝަރުތުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާދިޔާ
10 November 2020
ނ. ކަރިންމާ ވައްޓަރެވެ ކިޔާ ފަޅުރަށް ދަނޑުވެރިކަން ކުރުމަށް ނަގައިގެން އުޅޭ ފަރާތުން އެކަން ކުރަނީ އެހެން މަގްސަދެއްގައި، ތިން ތަރީގެ ކޮޓަރިތައް އެތަނުގައި ހަދައިގެން އާއިލާ މީހުން ޗުއްޓީ ހޭދަކުރަން އޮންނަ ރަށެއް މީ. މި ރަށުގެ ބޭނުން ނ.އަތޮޅު ރައްޔިތުންނަށް ވާން އަންނަނީ ފަތުރުވެރިކަން ފުޅާކޮށްގެން. މި ކަމުގައި ސަރުކާރުން އަވަސް ފިޔަވަޅެއް ނާޅައިފިނަމަ، މަނަދޫ، ވެލިދޫ، ހޮޅުދޫ މިތިން ރަށު މީހުން ސަރުކާރާ ދެކޮޅަށް ނިކުންނާނެ
ބަގުރޫޓް
10 November 2020
ތި ކަމުގެ ތެރެއަށް ވަތް މީހަކު ވާނީ ހާނާ އެވެ. ކޮންމެ މީހަކު ވެސް ކަމެއް ފަށާނީ ފޮނި އުއްމީދު ތަކަކާ އެކުގަ އެވެ. އެކަމަކު ރާއްޖޭގެ ފަޅުތަށެއް ކުއްޔަށް ނަގާގެން ( އަމުދުން މިހާރު ކުއްޔަށްދޭ ގޮތަށް ކުއް ހިފާގެން) ބަގުރޫޓް ނުވެ(ސަރުކާރަށް ނުދަރާ)ސަލާމަތްވި މީހަކު ބުނެ ބަލާށެވެ.
ނާ އުއްމީދު
09 November 2020
ދެފަހަރު އެެއްބިމުގައި ދަނޑު ހައްދާއިރު ބިމުން ކާނާ ހުސްވެ ދަނޑު ހަނނަ ފަސްވާ ދޮންވެލި ފަޅު ރަށް ރަށުގައި ދަނޑު ހައްދާނީ ކިހިނެއް ތޯއެވެ. ފަސް ދަނޑު ހައްދާގެން އެެއް ދަނޑު ވިއްސާރަ އަށް އަނެއްދަނޑު ސަރުކާރު ކުއްޔަށް އަނެއް ދަނޑު ރަނިންގ ކޯސްޓަށް އަނެއް ދަނޑު ނާލު ބޯޓަށް އަނެއް ދަނޑު ގެރިގުޅި ވިއްކާ ފިހާރަ އަށް ދީފައި އޯނަރަށް އޮންނަނީ ދެއަތެވެ.
ގެރިގުއި
10 November 2020
ޗަކޮއެ އަށް ތިޔަހުރީ ރަނގަޅަށް ދަނޑުވެރިކަން ދަސްވެފަ
ނަގުލުން ދާށި
09 November 2020
ދަނޑުވެރި ކަމަށް ފަޅުރަށެއް ކުށްޔަށް ދޭއިރު ކުލި ކަނޑައަޅާފައި އެރަށުނުގެ ބިމުން އެބަޔަކު ތެޔޮ ނަގާފާނެ ކަމަށް ބަލާފައެވެ. ނުވަތަ ޓޫރިޒަމް ހިންގާފާނެ ކަމަށް ބަލާފައެވެ. އެކަމަކު އެ ދެކަން ނުކުރެވޭނެ ގޮތް ހަދާ ފައެވެ. މަގޭ ސުވާލަކީ ރާއްޖެއިން ފަޅުރަށެއް ކުއްޔަށް ހިފާގެން ބޭރުމީހުން ދަނޑުވެރިކަމަށް އިންވެސްޓް ނުކުރަނީ ކީއްވެތޯއެވެ.ޖަވާބަކީ ދެކޮޅު ނުޖެހޭ މޮޔަ ކަމަކަށް ވާތީއެވެ
ބަގުޑި
09 November 2020
ދަނޑުވެރި ކަމުގެ ދާއިރާ އަށް ދިމާވެފައިވާ އެެއްމެ ބޮޑު ގޮންޖެހުމަކީ ނިނިސްޓަރ ޒަހާ ވަހީދު އެވެ. ޑިޒިޝަން މޭކް ކުރަން ނުކެރޭ ފިނޑި ނާޤާބިލް މޮނިސްޓަރަކު އެ ދާއިރާ އަށް ޢައްޔަން ކޮށްފައި ވާ ކަމެވެ. ހަދާ ޤަވާއިދު ތަށް ހުންނަނީ ކުޑަކުދިންގެ ވިސްނުމުގައެވެ. ފަޅުރަށް ތަކާ ބަގުޑި ލާގެން އޮންނަ ގޮތަށެވެ. ކަމެއް ކުރަން ދޫކޮށްލާ ކަށް ނުކެރެއެވެ.
އޮނަރަބްލް އަފީފު ދީދީ
09 November 2020
މިރަށްރަށް މިހާރުވެސް ރަށްތައް ނަގައިގެން "އާއިލާ ބޭފުޅުން މަޖާކޮށް ދަތުރުދާން އޮތްނަ ރަށްތަކެއް" ގެ ގޮތުގައި އެފަރާތް ތަކަށް އިތުރު ރަށެއްދިނުމުގެ ގޮތުން ދޫކުރާ ރަށްރަށަށް ނަހަދާ މިއިން ކޮންމެ ރަށެއް 4 ފަރާތަކަށް ނުވަތަ މަދުވެގެން 2 ފަރާތަކުން ދަނޑުވެރިކަމުގެ މަސައްކަތް ކުރާން ދޫކުރުން ވަރަށް މުހިންމު. # ރާއްޖޭގައި ތިބި ރަށްރަށް މާލޭބޭފުޅުންގެ އާއިލީ ރަށްތަކެއްގެ ގޮތުގައި އޮތުމަށް ކައުންސިލް ތަކުން ތަރުޙީބު ދީގެން ނުވާނެ. މިކަން ބަދަލުކުރާންޖެހޭ.