އާޒިމާ: އޭނާގެ މައްޗަށް ދެ ދައުވާއެއް އުފުލައި، ދައުލަތުން މިއަދު ވަނީ ކްރިމިނަލް ކޯޓަށް ފޮނުވާފައި --ފޮޓޯ/މިހާރު
10 ނޮވެމްބަރ 2020 - 10:31
17 comments
ކުރީގެ ރައީސް އަބްދުﷲ ޔާމީންގެ ސަރުކާރުގައި ހިންގި އެމްއެމްޕީއާރުސީގެ ބޮޑު ހިޔާނާތުގެ މައްސަލައިގައި ރައީސް އޮފީހުގެ ކުރީގެ ލީގަލް އެފެއާޒު މިނިސްޓަރު އާއިޝަތު އާޒިމާ ޝަކޫރުގެ މައްޗަށް އުފުލާފައިވާ މަނީލޯންޑަރިން އަށް މަގުފަހިކޮށްދިން މައްސަލަ ކްރިމިނަލް ކޯޓުން އެހެން ފަނޑިޔާރަކާ ހަވާލުކުރުމުން އާޒިމާގެ ފަރާތުން ހައި ކޯޓަށް ހުށަހަޅައިފި އެވެ.
އޭނާގެ މައްޗަށް ކުރަނީ ދައުލަތުގެ މުއައްސަސާތަކަށް ދޮގު މައުލޫމާތު ދިން ކަމުގެ ދައުވާ އާއި މަނީލޯންޑަރިން އަށް މަގުފަހިކޮށްދިން ކަމުގެ ދައުވާ އެވެ. މި މައްސަލަ ކްރިމިނަލް ކޯޓުގައި ފުރަތަމަ ބެއްލެވީ ގާޒީ ހައިލަމް އެވެ. ނަމަވެސް އޭނާ މަގާމުން އިސްތިއުފާ ދެއްވުމުން ދެން އެ މައްސަލަ ބެއްލެވީ ގާޒީ ހަސަން ސައީދެވެ. އޭނާ ވެސް މިހާރު ވަނީ މައްސަލައިން ތަނާޒުލްވެވަޑައިގެންފަ އެވެ.
އެހެންވެ، އާޒިމާގެ ވަކީލުންގެ ފަރާތުން ނެރުނު ނޫސްބަޔާނުގައި ބުނީ ގާޒީންނަކީ އެ ބޭފުޅުން ބައްލަވާ މައްސަލަތައް ވަކިން އިހުތިޔާރު ކުރުމުގެ ފުރުސަތު އޮންނަ ބައެއް ނޫން ކަމަށެވެ. މައްސަލައަކުން ތަނާޒުލްވެވަޑައިގެން އެހެން ފަނޑިޔާރަކާ މައްސަލަ ހަވާލުކުރެވޭނީ ވެސް ވަކި ހަމައެއްގެ މަތިން ކަމަށް އާޒިމާގެ ފަރާތުން ނެރުނު ބަޔާނުގައި ވެ އެވެ.
ބަޔާނުގައި ބުނީ އާޒިމާގެ މައްޗަށް ދައުވާކުރާ ދެ މައްސަލަ އިން ގާޒީ ހަސަން ތަނާޒުލްވެވަޑައިގަތީ އެކަމުގައި އަމަލުކުރާ ގާނޫނީ ޖާގަ އިން ބޭރުން ކަމަށެވެ. އެ ތަނާޒުލްވެވަޑައިގަތުން ކްރިމިނަލް ކޯޓުން ބަލައިގަތީ ވެސް ގާނޫނީ އުސޫލުން ބޭރުން ކަމަށް ބުންޏެވެ.
އާޒިމާގެ ވަކީލުން ބުނީ މައްސަލަ ހައި ކޯޓަށް ހުށަހަޅަން ނިންމީ، އެ ދެ މައްސަލަ ބަލަމުން އަންނަތާ އަހަރެއްހާ ދުވަސްވެ، މައްސަލަ ކުރިއަށް ގެންދިއުމާ މެދު ގޮތެއް ނިންމުން ގާތްވެފައި ވަނިކޮށް، ގާޒީ ހަސަން ގާނޫނީ އިމުން ބޭރުން މައްސަލަ އިން ތަނާޒުލްވެވަޑައިގެން ކޯޓުން އެކަން ބަލައިގެންފައިވާތީ ކަމަށެވެ. އެހެން ގާޒީ އަކާ އެ މައްސަލަ ހަވާލުކުރުމުން މައްސަލަ އަށް އެހެން ނުފޫޒެއް ފޯރައި، މިނިވަންކަން ގެއްލިފައިވާ ކަމަށް ގަބޫލު ކުރެވުމަކީ ވެސް ހައި ކޯޓަށް އެ މައްސަލަ ހުށަހަޅަން ނިންމި ސަބަބެއް ކަމަށް އާޒިމާގެ ވަަކީލުންގެ ފަރާތުން ނެރުނު ބަޔާނުގައި ވެ އެވެ.
މައްސަލަ އިން ތަނާޒުލްވެވަޑައިގެންނެވި ގާޒީ ހަސަން ސައީދަކީ ކުރިން ފެމިލީ ކޯޓުގެ އިސް ގާޒީ އެވެ. އާޒިމާގެ ވަކީލުންގެ ޓީމުގައި ހިމެނޭ ވަކީލް އަލީ ސައީދަކީ ހަސަން ސައީދާ ގާތް ގުޅުމެއް އޮންނަ ބޭފުޅެކެވެ.
އާޒިމާގެ ފާރާތުން ބަޔާން ނެރުނީ ކުރީގެ ޑެޕިއުޓީ ޕްރޮސެކިއުޓާ ޖެނެރަލް މަރިޔަމް ނިހާޔަތާއި ކުރީގެ އެސިސްޓަންޓް ޕްރޮސެކިއުޓާ ޖެނެރަލް އައިޝަތު ފަޒްނާ އަހުމަދު އަދި ވަކީލް އަލީ ސައީދެވެ.
އާޒިމާގެ މައްސަލަ ކްރިމިނަލް ކޯޓުގައި ބަލަމުން އަންނަތާ މިހާރު ވަނީ އަހަރަކަށް ވުރެ ގިނަ ދުވަސްވެފަ އެވެ. މައްސަލަ ދިގުލައިގެން ދިޔުމުގައި އާޒިމާ ކޯޓަށް ހާޒިރު ނުކުރެވުމާއި އޭނާގެ އެދިވަޑައިގަތުމަށް އިތުރު ވަގުތު ދިނުން ފަދަ ކަންކަން ހިމެނެ އެވެ. އެ ޝަރީއަތް މިހާރު ހިންގަނީ ވެސް އަލުން ޝަރީއަތް ފަށައިގެން ކުރިއަށް ގެންދަން އާޒިމާ އެދިވަޑައިގެންފައި ވަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
10 November 2020
އާޒިމާ ވަރައް ފުންނާބު އުސްވާނެ، ،އާޒިމާއައް އިރުޝާދު ދެވޭ ޒާތު ގާޒީއެއް ހަމަޖެހުނީމަ ފުންނާބު އުސްކަންމަތީ ދެމިހުންނާނީ
ގަދަހުސޭން
10 November 2020
"އުފެދުމުގާވެސް ތިއޮތީ ބާތިލް" އެހެންނޫންތޯ އާޒިމާ؟
އަރުވާލި އާދަނުގެ ސިޔާސީ ހާސަރު
10 November 2020
ތިޔަ. ޝަކުވާ ބާއްވާފަ ރައީސް ބަދަލް ކޮށް ޔާމީން އަށްޔަނު ކުރަން ދެއްތޮ ތިޔަ އުޅުއްވަނީ.
އަހައްމާގެ ނަސޭހަތް
10 November 2020
ﷲ އީ ކުޅަދުންވަންތަ އިލާހެވެ! ސުބްޙާނަ ﷲ.. މި ބޭފުޅާއަކީ ދަންވަރު ސުޕްރީމްކޯޓުގައި ޙުކުމްތައް ހަމަޖެއްސުމަށް އުޅުނު ކަމަނާ ނޫންހެވެ! މިއަދު އިންސާފޭ ބޭއިންސާފޭ ކިޔާ ހަޅޭލަވާއިރު ލަދު ޙަޔާތް ކޮބައިތޯއެވެ ؟ ދެން ބާކީ އޮތްތަނަށްވެސް ﷲ އަށް ތައުބާވެ ރައްޔެތުންގެ ކިބައިނ މަޢާފަށް އެދި ﷲ ގެ ޙަޟްރަތުގައި ދުޢާދަންނަވާށެވެ! ﷲ ހެއު މަގު ތިބާއަށާއި އަޅުގަނޑަށާއި އެންމެންތަކުންނަށް ދައްކަވާ އެމަގުން ހިނގުމުގެ ތައުފީޤު ދެއްވަވާށި...
ރިޝްވާން ޢަބްދު ﷲ
10 November 2020
މި މައްސަލަ އެންމެ ފަހުން ބެއްލެވި ފަނޑިޔާރު ކީއްވެތޯ ދަންނަ މީހަކުކަން އެނގޭއިރުވެސް މައްސަލަ ބެލީ ؟ ނޫހެއްގައި ޖެހީމާ ތަނާޒުލްވަނީ ނޫހުގައި ޖެހީމާ ތޯ ބޭފުޅާއާ ވަކީލާ ގާތްކަން އެނގުނީ ؟ ނޫނީ އެހިސާބުން ކަންކަން ފަޅާއެރީމާ މަތިއަޅަނީތޯ ؟ އަސްލު ތީގެން ތިއެނގެނީ އޭރުވެސް މިހާރުވެސް މިއިން މީހަކުގެ ޤާބިލުކަމެއް ނެތްކަން! ކޮބާތަ ތިތާ ހުރި އިސްގާޒީ ؟؟؟ އޭނާ އަކީ ތަނާޒުލް ވުމުގައި ގޮތް ނިންމާމީހާ! އޭނާ ގެވެސް އުރަތްޕެއްވެސް ނެތްދޯ ؟ ނޫނީ ނޭނގެނީތޯ ؟
ސިޓީ އައްޔަ
10 November 2020
އާޒިމާ އަށް ވަރަށް އިޙްތިރާމާއެކު! އަޅުގަނޑު 2016 ގައި ހުށަހޅިމައްސަލައެއް އޭގެ 3 އަހަރު ފަހުން ނިންމީ 6 ފަނޑިޔާރުން އެކަކު އަނެކަކަށް ބަދަލުވުމަށްފަހު! ފަނޑިޔާރުގެ ނަންވެސް ބަދަލުވިކަންވެސް އެނގެނީ ކޯޓަށް ދާފަހުން! ނިމުނުއިރު ހުކުމުގައި އޮތީ ހުސް ތާކުންތާކު ނުޖެހޭ ވާހަކަ! ދެފަރާތުން ކުރެ ފަރާތެއް ދެއްކިވާހަކަ އެއްވެސް ނެތް! މިހުރިހާ ކަމެއް ހިނގިއިރު އާޒިމާ އަކީ ލީގަލް މިނިސްޓަރު! ތިމާ އަށް ކަމެއްވީމާ ވަރަށް ވެރުވޭދޯ ؟ އަދި އެންމެ 3 ނު އާޒިމާ ؟
ރަންނަބަނޑޭރި
10 November 2020
ތިހުރީ ހަމަ ކުރަން ރަނގަޅު ޝަކުވާ. އެކަމަކު ހިތާމައަކީ އާޒިމާ ބާރުގަ ހުންނެވިއިރު އެހެން މީހުންނާއިމެދު މިފަދައިން ބޭއިންސާފުން ކޯޓުތަކުން ކަންކުރި އިރު އެތަން ނުފެނުން. އަދި ނުވިތާކަށް ފަނޑިޔާރުންނާއި ޕްރޮސެކިއުޓަރ ޖެނެރަލްއަށް ނުފޫޒުފޯރުވާ ބިރުދައްކަން މަސައްކަތް ކުރެއްވިކަން. އެދުވަހު އާޒިމާގެ ޤާނޫނީ ޒިންމާ ހެޔޮގޮތުގަ އަދާކުރައްވާ ރައީސުލް ޖުމްހޫރިއްޔާއަށް ރަނގަޅަށް ޤާނޫނީ ލަފާ ދެއްވިނަމަ ދިވެހި ދުސްތޫރީ ހަޔާތަށްއައި އެކަޅު ޞަފުޙާތައް ހުއްޓުވުނީސް.
ފެންނުވަރާ ގުޅީ ރަމޭޝް
10 November 2020
ނާ ޖާނޭ ކޭސޭ ޕަލްމޭ ބަދަލް ޖާތޭހޭ، ޔޭ ދުނިޔާސޭ ބަދަލްތޭ ރިޝްތޭ. (މާނާ އަކީ ދުނިޔޭގެ ކޮންމެ ވަގުތު ކޮޅަކީވެސް ބަދަލުވެގެންދާނޭ ހިނދުކޮޅެކެވެ).
ފުންނާބު
10 November 2020
އެންމެ ގިނައިން "ތަނާޒުލް"ވެ ބޭނުންހައި މައްސަލަތަކެއްގެ ތެރެއަށް އަމިއްލައަށް ވަދެގެން އުޅުނު މީހަކު އެހެން މީހުންނާއި ދިމާލަށް އިނގިލިދިއްކުރުމަކީ ވަރަށް ލަދު ކަމެއް. ވ.ސަލާމް
ުވައިސޫރި
10 November 2020
އާޒިމާގެ ވަކީލާ މައްސަލަ ކުރިންބެއްލެވި ގާޒީ އއާދެމީހުންނަކީ އެއްބަޑު އެއްބަފާ ދެމީހުންހެން ހާދަހީވެ ސަބަކީ ދެމީހުންގެނަމައްބަލާއިރު ލަފާކުރެވޭގޮތަކީ މިއީއެވެ ވީމާ ކަނާތުންޖަހާ ވައަތް ބުރިކުރާނީ ކިހިނެއްތޯ