ކެފޭއެއްގައި ބަރިސްޓާއަކު ކޮފީ ހަދަނީ: ކޮވިޑް ރިލީފް ލޯނު މިހާރު ކުދި އަދި މެދު ފަންތީގެ ވިޔަފާރިތަކަށް ވެސް ލިބޭނެ-- ފޮޓޯ: ބީއެމްއެލް
11 ނޮވެމްބަރ 2020 - 13:25
6 comments
ޔޫރަޕިއަން އިންވެސްޓްމަންޓް ބޭންކް (އީއައިބީ)ގެ ފަންޑުގެ ދަށުން ބީއެމްއެލުން ކުދި އަދި މެދު ފަންތީގެ ވިޔަފާރިތަކަށް ކޮވިޑް ރިލީފް ލޯނު މިއަދުން ފެށިގެން ދޫކުރަން ފަށައިފި އެވެ.
ކޮވިޑް-19ގެ ސަބަބުން ރާއްޖޭގެ އިގްތިސާދަށް ކޮށްފައިވާ ނޭދެވޭ އަސަރާ ގުޅިގެން އީއައިބީން ވަނީ ބީއެމްއެލް އާއި ފިނޭންސް މިނިސްޓްރީއާ އެކު 20 މިލިއަން ޔޫރޯ (ގާތްގަނޑަކަށް 364.3 މިލިއަން ރުފިޔާ)ގެ ލޯނު އެއްބަސްވުމެއްގައި ސޮއިކޮށްފަ އެވެ. މިއީ ޓޫރިޒަމާއި އެހެނިހެން ސިނާއަތްތަކުގައި ހިމެނޭ ކުދި އަދި މެދު ފަންތީގެ ވިޔަފާރިތަކަށް އެހީތެރިވުމަށާއި އިގްތިސާދު ކޮޅަށް ޖެހުމުގެ ގޮތުން ދޭ ފަންޑެކެވެ.
މިއީ އެކްސްޓާނަލް ލެންޑިން މެންޑޭޓުގެ ދަށުން ދޫކޮށްފައިވާ ލޯނަކަށްވުމުން ޔޫރަޕިއަން ޔޫނިއަންގެ "ކޮމްޕްރިހެންސިވް ގެރެންޓީ"ގެ ދަށުން ހާއްސަ ލުއިތަކެއް ލިބޭނެ އެވެ.
މި ފަންޑުގެ ދަށުން ބީއެމްއެލުން ލޯނު ދޫކުރާނީ 3،000 އަށް ވުރެ މަދުން މުވައްޒަފުން ގެންގުޅޭ ވިޔަފާރިތަކަށެވެ. އެގޮތުން ކޮންމެ ވިޔަފާރިއަކަށް ވެސް 15.42 މިލިއަން ރުފިޔާއާ ހަމައަށް ލޯނަށް އެދި ހުށަހެޅޭނެ ކަމަށް ބީއެމްއެލުން ބުންޏެވެ.
ބީއެމްްއެލުން ބުނި ގޮތުގައި ކޮވިޑް ރިލީފް ލޯނު ލިބޭނީ އެހެން ލޯނުތަކަށް ވުރެ ކުޑަ އިންޓަރެސްޓު ރޭޓެއްގަ އެވެ. އަދި ލޯނު ދައްކަން ދޭ މުއްދަތު ވެސް އެހެން ލޯނުތައް ދައްކަން ދޭ މުއްދަތައްވުރެ ދިގުވާނެ ކަމަށް ބޭންކުން ބުންޏެވެ. އިންޓަރެސްޓް ރޭޓާއި ލޯނު ދައްކަން ޖެހޭ މުއްދަތު ވަރަށް އަވަހަށް އިއުލާން ކުރާނެ ކަމަށް ބޭންކުން ބުންޏެވެ.
ބީއެމްއެލްގެ ސީއީއޯ އަދި މެނޭޖިން ޑިރެކްޓަރު ޓިމް ސޯޔާ ވިދާޅުވީ މި ލޯނުގެ ސަބަބުން ކޮވިޑް-19އާ ގުޅިގެން ގެއްލުން ލިބުނު ވިޔަފާރިތަކަށް އެ ގެއްލުމުން އަރައިގަތުމުގެ ފުރުސަތު ލިބޭނެ ކަމަށެވެ. އަދި މީގެ ސަބަބުން ރާއްޖޭގެ އިގްތިސާދު ރަނގަޅު ކުރުމަށް ކުރަމުން އަންނަ މަސައްކަތަށް އިތުރު ހަލުވިކަމެއް ލިބޭނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަސަ
11 November 2020
3000 މުއައްޒިފުންނަށްވުރެ މަދު މުއައްޒިފުން ގެންގުޅޭ ފަރާތްތަކަށޭ އޮތުމުން ލަފާކުރެވެނީ ރިސޯޓް އޯނަރުން ފަދަ ،ރިޔަލްސްޓްޓް ވިޔަފާރި ކުރާ ފަރާތްފަދަ ފަރާތްތަކަށް ކަމަަށް. އާދައިގެ ރައްޔިތަކާއި ހަމަޔަށް ލައްވާލާނެ ހެނެއް ހީއެއްނުވޭ. ޢަމުދުން ރަށްފުގަ ދިރިއުޅާ ފަރާތްތަކަށް
ނަގުލު ފިއްތި
11 November 2020
އާދައިގެ މީހަކަށް ތި ބމލ އިން 25000ރފ ލޯނު ގަނޑެއްވެސް ފަސޭހަ ރަހުމަތެއްގަ ނުލިބޭ. ލޯނެއް ނެގުމަށްފަހު އެންމެ މަހެއް ޑިއުވެފަ ހުއްޓަސް ދެން ލޯނަކަށް އެޕްލައި ކުރެވެނީ ގަރުނެއް ފަހުން.
ހިތްހަލާކު.
11 November 2020
ތިޔަ ލޯންތައް، ނޫނީ ބައެއް ނަމަވެސް ހިލޭ އެހީއަށް ބަދަލުވާން ޖެހޭ. ދަރަނި ބޮޑު ކުރީމާ އިތުރު އަނދަވަޅަކަށް ވިޔަފާރިތައް ވެއްޓުން ނޫންކަމެއް ނުވާނެ.
ނަހޫ
11 November 2020
ވަކިބަޔަކު ތިވެސް ދިރުވާލާނީ. އަސްލު ލިބެންޖެހޭ މީހުންނަށް ނުލިބޭނެ. ކޮން ތިންހާސް މީހުންނެއް ކިޔާކަށް. ތިދޭންވާނީ މެދު އަދި ކުދިވިޔަފާރިތަކަށް އެކަނި. އެހެންނޫނީ ކޮންމެސް އެހެންކަމެއް ކުރަން ތިއުޅެނީ. ތި ދޭންވާނީ ސަތޭކަ މުއައްޒަފުންނަށްވުރެ މަދުން އުޅޭ ކުންފުނިތަކާއި ވިޔަފާރިތަކަށް.
ޕިންކީ ބަނާނާ
11 November 2020
ހަރާން ފަދަ މި އުޑު ދަށުގަ ވެސް ތި ލޯނަށް ޝަރުތުތަށް ހަމަވާވަރުގެ ކުޑަ އަދި މެދު ފަންތީގެ ވިޔަފާރިއެއް ވާނަމަ. ހުސް ހަމަ ޕީއާރު ސްޓަންޓް، ހެޔޮ ނިޔަތުން ދޭން އުޅޭ އެއްޗެއް ނޫންތީކީ. ތި ގޮތައް ވިޔަފާރިވެރިންނަށް މުދާ ގެންނަން ޑޮލަރު ވެސް ދޭވާހަކަ އޮތް، %30 ވެސް ގިނަފަހަރު ނުދޭ. މީގެ ސަބަބުން ގެއްލުން އެންމެ ބޮޑަށް ވަނީ އާދައިގެ ނިކަމެތިންނަށް، ޑޮލަރު ބޮޑު އަގުގަ ގަނެފަ މުދާގެނެސްގެން ވިއްކަން ޖެހެނީ އަތްނުފޯރާފަށުގަ.
ލޫލް
11 November 2020
3000 މުވައްޒަފުންނަށް ވުރެން މަދުން މުވައްޒަފުން ގެންގުޅޭނީ ސިވިލް ސަރވިސް ނޫން ހުރިހާ ތާކުން. 20 މިލިއަން ޔޫރޯގެ އެހީއިން ލޯނު ތިދެނީ މީހަކަށް 1 މިލިއަން ޑޮލަރާ ހަމައަށް. ގާތްގަނޑަކަށް 20 ފަރާތަށް ލޯނު ދެވޭނީ. ތި އޮންނާނީ ބޭންކުގެ ވެރިންނާ ގުޅުން އޮތް ބަޔަކަށް ދީ ނިންމާފައި. ރާއްޖޭގައި 15 މިލިއަން ރުފިޔާ އެއީ ކުދި ވިޔަފާރިތަކަށް ދީ އުޅޭ އަދަދެއް ނޫން. ރިޒޯޓު މަހުޖަނުންނަށް ދީ ތިވެސް ހުސްކުރޭ