18 ނޮވެމްބަރ 2020 - 10:35
14 comments
ހއ. ހޯރަފުށީ އެއާޕޯޓު ރަސްމީކޮށް ހުޅުވުން، އުތުރަށް ކުރަމުންދާ ވިއްސާރައާ ގުޅިގެން ސަރުކާރުން މާދަމާ އަށް ފަސްކޮށްފި އެވެ.
ހޯރަފުށީގައި ހެދި ހއ. އަތޮޅުގެ ފުރަތަމަ އެއާޕޯޓު ހުޅުވަން ފުރަތަމަ ތާވަލްކުރީ އިއްޔެ އަށެވެ. ނަމަވެސް މޫސުން ތަން ނުދޭތީ ދަނީ ރަސްމިއްޔާތު ފަސްކުރަމުންނެވެ.
ޓްރާސްޕޯޓް މިނިސްޓްރީގެ ސްޓޭޓް މިނިސްޓަރު އަހުމަދު ޒުހައިރު މިއަދު ވިދާޅުވީ އެއާޕޯޓު ހުޅުވުން ލަސްވަނީ މޫސުން ތަން ނުދޭތީ ކަމަށެވެ. ސަރުކާރުން ބޮޑު އިސްކަމެއް ދީގެން ހަދާފައިވާ މި އެއާޕޯޯޓު ހުޅުވަން ބޮޑު ރަސްމިއްޔާތެއް ބާއްވަން ހަމަޖައްސާފައިވާ ކަމަށާއި ވިއްސާރަ ވުމުން، އެ ރަސްމިއްޔާތު ބާއްވާނެ އިންޑޯ ޖާގައެއް ނެތް ކަމަށް އޭނާ ވިދާޅުވި އެވެ.
"މި ވަގުތު ފައިނަލް ޑޭޓް އަކީ މާދަމާ. އެކަމަކު މޫސުން ގޯސް ވެއްޖިއްޔާ އަނެއްކާ ވެސް ލަސްވެދާނެ. މި ވަގުތަށް ރަނގަޅަށް އޮތީ،" ޒުހައިރު ވިދާޅުވި އެވެ.
މާޗު 25، 2019 ގައި އެމްޓީސީސީއާ ހަވާލުކޮށްގެން ހަދަން ފެށި އެއާޕޯޓު ހުޅުވުމުގެ ރަސްމިއްޔާތުގައި ރައީސް އިބްރާހިމް މުހައްމަދު ސޯލިހު ބައިވެރިވެވަޑައިގަންނަވަ އެވެ. އެ މަނިކުފާނު ހޯރަފުއްޓަށް ވަޑައިގަންނަވަން ކުރިން ހަމަޖައްސަވާފައި އޮތީ އިއްޔެ އެވެ. އެކަމަކު، މޫސުން ގޯސްވުމުން ދަތުރުފުޅު ފަސްކުރެއްވީ އެވެ.
ހޯރަފުށީ އެއާޕޯޓު ހުޅުވުމުގެ ރަސްމިއްޔާތަށް އެ ރަށުގެ ރައްޔިތުން ވަނީ ގިނަ ތައްޔާރީތަކެއް ވެފަ އެވެ. އެގޮތުން އެއާޕޯޓު އަޅަން ފަޅުން ހިއްކި ސަަރަހައްދުގައި ގަސް އިންދައި، އެއާޕޯޓު ސަރަހައްދުގައި ނުނިމި ހުރި މަސައްކަތްތައް ވެސް ރަށުގެ އާންމުން ނުކުމެ ކޮށްފައި ވެ އެވެ.
ހޯރަފުށީ އެއާޕޯޓު ރަސްމީކޮށް ހުޅުވަން ވާއިރަށް އެ ސަރަހައްދު ޒީނަތްތެރި ކުރުމުގެ މަސައްކަތް ކުރަނީ.
ހޯރަފުށީ އެއާޕޯޓުގައި 1،200 މީޓަރުގެ ރަންވޭއަކާއި 8،635 ސްކޮއާ މީޓަރުގެ އޭޕްރަން އަކާއި ޓެކްސީވޭއެއް ތަރައްގީ ކޮށްފައި އެވެ. އެއާޕޯޓު ތަރައްގީ ކުރުމަށް މިދިޔަ އަހަރުގެ ތެރޭގައި 842،200 ކިއުބިކް މީޓަރުގެ ބިން ވަނީ ހިއްކައިފަ އެވެ.
ޓެކްސީވޭއަކާއި ޓާމިނަލް ކުރިމަތީގެ މަގުތައް ތަރައްގީ ކުރުމާއި 9473 އަކަމީޓަރުގެ ޕާކިން އޭރިއާއަކާއި 1718 އަކަމީޓަރުގެ ފަޔާ އެކްސެސް މަގެއްގެ އިތުރުން 720 މީޓަރުގެ އެއާޕޯޓް ސެކިއުރިޓީ އަދި ބީޗް ފެންސެއް ވެސް ހަދާފައި ވެ އެވެ.
ހޯރަފުށީ އެއާޕޯޓުގެ މަސައްކަތް ފަށަން ނިންމީ ކުރީގެ ރައީސް ޔާމީންގެ ވެރިކަމުގަ އެވެ. އޭރު އެއާޕޯޓު ހަދަން ނިންމީ އެ ރަށުގެ އުތުރުން އެއް ފަޅެއްގައި އޮންނަ މާފިނޮޅާ އެކު ބިން ހިއްކައިގެންނެވެ. ނަމަވެސް މި ސަރުކާރުން އެއާޕޯޓް ހެދީ ރަށުގެ ދެކުނުން ފަޅު ހިއްކައިގެން އެ ތަނުގަ އެވެ. ހޯރަފުށީ އެއާޕޯޓަކީ މި ސަރުކާރުން ހަދައި ހުޅުވައި ފުރަތަމަ އެއާޕޯޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާރީ
19 November 2020
މި އެއަަރފޯޓް މިލުކުވެރިކަން ހޯދަށް ފީފީއެމުން މިވަރަކަށް މިއުޅެނި ކީއްވެތަ. ހޯރަފުށީ ދާއިރާގެ ތާއީދު ރައީސް ޔާމީނަށް ގެއްލުނީ ހިސާބަށް ވުރެ ބޮނޑަށް ދޮގު ހަދާތި. އުދުންސާފަ ޖަންސާނި ހޯރައެއް ނޫނޭ މަތިންދާ ބޯޓޭ ކިޔާ ވެރިކަމުގެ ފަހުދުވަސް ކޮޅު މަހާޖަންރާފް ގެންގޮސް މާފިނޮޅު ރަށްބޭރުގަ ބާންވާފަ ނަގިލި ކަހަނީއޭ ހޮޅިބައި ހަރެއް ނުލިއޭ ކިޔާ ބޯޓް ގެންދިޔައީ. މި މީހުންނަށް ހީވަނީ ރަށްއިތުން މީ ގަޅިންކަމަށް. އެކަމަގެ ރައްދު ވޯޓްން ހިތި ގޮތަކަށް ޔާމީނަށް ދީފަ އޮށްނާނި.
ތުއްތޮންބެ
18 November 2020
އާކުކުޅަކައް ގާބިހެއްއެޅިއްޖެ. މުސްކުޅިންކިޔާއުޅޭ ކާޅުހާލިހެދީމާ ކުނބޯބިސްއަޅާވާހަކަ. ޝުކުރިއްޔާ ދިވެހިންގެ ތަަރައްގީގެބާނީ ރައީސް އަބުދުﷲ ޔާމީން އަބުދުލްގައްޔޫމް.
ހާމިދު ޝާހިދު
18 November 2020
ރައީސް ޔާމީން ވެހޭ ވާރޭގައި ތެމި ފޯވެފައި ހުރެގެން ގޮސް، ކުޅުދުއްފުށީ އެއަރޕޯޓަށް ބޯޓު ޖައްސާފައި އެތަން ހުޅުވީ. އެ ހިތްވަރު ހުންނަން ޖެހޭނެ ރައީސަކު ވެއްޖެއްޔާ !
ވ. ޢާދަނު
18 November 2020
މިހާރުމިވީ އިބިލީހުގެ ކައިވެންޏަށްދޯ. ޢާދަނުގޮވައިގެން މިކަންވާނެބާ. 16 މިލިއަނުގެޓާމިނަލްހަދަން 25މިލިއަންތަޅާލިގޮތް ބަލަން އޮޑިޓަރޖެނެރަލަށް ގޮވާލަން.
އަހުމަދުބޭ
18 November 2020
ރާއްޖެއަށް ކުރަމުން މިދާވިއްސާރަ އިނގިގެންތޯ ތިޔަކޮމެންޓް ތިޔަކުރީ، މިކަމުގައި ބުނާނެ އެއްޗެއްނެތް މުޅިރާއްޖެއަށް އެބަވިސްސާރަކުރޭ، މޫސުން ވަރަށްގޯސް
ހާމިދު ޝާހިދު
18 November 2020
މޫސުމާ ބެހޭ އޮފީހުން އެންމެފަހުން ނެރެފައިވާ ރިޕޯޓްގައިވެސް ބުނެފައިވަނީ ނ. އަތޮޅާއި ދ. އަތޮޅާ ދެމެދުގައޭ މިމޫސުން ގޯސްވެގެން މިއުޅެނީ. ހޯރަފުއްޓަކަށް މިއަދުވެސް ވާރޭ ނުވެހޭ ކަމަށް ދައްކަނީ. މިނައްވުރެއް ފިނޑިން އުޅޭނީ ކެރި ކޮޅެއް ވެހިލާއިރަށް ރަޖާ ލައިގެން ބޮޑާށި މައްޗަށް އަރާ.
ރާއްޖެ
18 November 2020
ދަރުމަވަންތަ ހޮސްޕިޓަލާއި ސަލްމާން މިސްކިތް ހުޅުވަނި ކޮން ދުވަހަކު؟
މުޑަހަންޖާ
18 November 2020
ބޭރުގެ އެއާލައިންތައް ކ.މާލެއަށް ފަށާއިރު އެކަމުގަ އުފާފާޅުކުރަނީ މާލޭމީހުން، އެއީ އޭގެސަބަބުން ރިސޯޓުތަކުގެ އޮކިއުޕެންސީ ރަނގަޅުވެ ހުރިހާޓެކުހެއް ރަށަށް ނަގައިގެން ރަށުގަ ހިތުހުރިކަމެއް ކުރެވޭތީ. ހަމައެގޮތަށް ތިޔަ އެއާޕޯޓުތަކަކީ ކ.މާލޭ ގޭގޭގެ ކޮޓަރިތަކުގެ އޮކިއުޕެންސީއަށް ހަދާތަނަކަށްވާއިރު ތިރަސްމިއްޔާތު ބާއްވަންވީ މާލޭގަނޫންތަ.
ރަށްއިތުމީހާ
18 November 2020
އަދުރޭމެން ޔާމިނު ހެދި އެއާރފޯޓަކަށް ހަދަށް ކިތައްމެ ވަރަކަށް މަސައްކަތް ކުރިޔަސް ދިވެހި ރަށްއިތުން ގަބޫލުނުކުރާނެ. ހާންސަކޮށް ހޯރަފުށީ ރަށްއިތުން ވެސް ގަބޫލު ނުކުރޭ. ބުއްދި ހަމަޖެހޭ ވާހަކަ ނުދަށްކާތި ކަލޯ އަދުރޭ.
މޯޑް
18 November 2020
ވީހާވެސް އަވަހަކަށް ތި އެއާރފޯޓް ހުޅުވާ ރަށްއިތުންނަށް ހިދުމަތް ދޭށް ފަށަންވީ. މިސަރުކާރުން ހިންގި ވަރަށް ރަގަޅު މަސްރޫއެއްތީ. ސުކުރިއްޔާ ރައީސް ސޯލިހު. ސުކުރިއްޔާ ސައްލެ. ސުކުރިއްޔާ އެމްޓީސީސީގެ ހީވާގި މުއަށްޒަފުން. ހާންސަކޮށް ސީއޯ އާޒިމަށް .
ރަދީފްއޮފިޝިއަލް
18 November 2020
މަރުހަބާ ހޯރަފުށީގެ ރައްޔަތުން.ހޯރަފުށީގަ އޮތީ އެއާޕޯޓެއް ނޫން.އެއީ އެއާ ސްޓްރިޕެއް ނުވަތަ ލޭންޑިން ސްޓްރިޕެއް.އެއާޕޯޓެއްގަ ހުންނަން ޖެހޭ ގިނަ ސިފަތަށް ހަމަވަނީ ރާއްޖޭގަ ހުރި މަދު އެއާޕޯޓްތަކެއްގަ.އެހެންވީމަ އެއާޕޯޓޭ ނުކިޔަމާ ދޯ.
އަލިހަންދުރޯ
18 November 2020
ދިވެހި ރަދީފަކު އެއާސްޓްރިޕް ކިޔާ ބަހެއް ނޯންނާނެ. އޮންނާނީ އެއާޕޯޓު.
ރަދީފްއޮފިޝިއަލް
18 November 2020
ޒާތީނުވެ އަސްލު ޓޮޕިކްގަ ޓެކްނިކަލް ރައްދެއް ލިބުނުނަމަ ޖަވާބު ލިބޭނެ.ނަމަވެސް ތިހެން ކޮސްގޮވީމަ އެކަމަށް ރައްދުދޭނެ ގޮތެއް ނޯންނާނެ.ސޮރީ ބްރަދާ.
ފޮނިޓައްޕު ހަސަނު
18 November 2020
ހޯރަފުށީގައި އެއާރޕޯޓެއް އެޅުން ވަރަށް މުހިއްމު ސަބަބަކީ ހޯރަފުށިން ކުޅުދުެއްފުއްޓަށް ނުވަތަ ހަނިމާދޫ އެއަރޕޯޓަށް ދިއުމަށް ކަނޑުމަގުން ދިގު ދަތުރެއް ކުރަން ޖެހުން. ނަމަވެސް ކުޅުދުއްފުށިން ހަނިމާދޫ އެއަރޕޯޓަށް ލޯންޗެއްގައި 15 މިނުޓުން ދެވެން އޮއްވައި ކުޅުދުއްފުށީގައި އެއާރޕޯޓެއް ހެދީ. މިދާވަރުން ދާނަމަ ކ.ވިލިގިލީ މީހުންވެސް އެއާޕޯޓެއް އަޅަން ހުށަހަޅާނެ.