ޖޯ ބައިޑަން ކެބިނެޓުގެ ބައެއް މަގާމުތައް އިއުލާން ކުރައްވަނީ. --ފޮޓޯ:އޭއެފްޕީ
25 ނޮވެމްބަރ 2020 - 12:29
5 comments
ޑެލަވެއާ (ނޮވެމްބަރު 25) - އެމެރިކާގެ މަގާމަށް އަލުން އާދެވިއްޖެ ކަމަށާއި ދުނިޔެ ލީޑް ކުރުމަށް ތައްޔާރުވެފައިވާ ކަމަށް ރައީސް ކަމަށް އިންތިޚާބުކޮށްފައިވާ ޖޯ ބައިޑަން ވިދާޅުވެއްޖެ އެވެ.
ޖެނުއަރީ 20 ގައި މަގާމާ ހަވާލުވެވަޑައިގަންނަވާ ބައިޑަންގެ ސަރުކާރުގެ މުހިންމު ހަ މަގާމެއް އިއުލާން ކުރައްވަމުން އެމަނިކުފާން ވަނީ މުހިންމު ތިން ކަމެއް ފާހަގަ ކުރައްވައިފަ އެވެ. ޑެލަވެއާގެ ވިލްމިންޓަންގައި ވާހަކަ ދައްކަވަމުން ބައިޑަން ވިދާޅުވީ ގުޅުންތައް އަލުން ވަރުގަދަ ކުރުމާއި ކޮރޯނާވައިރަހާ ދެކޮޅަށް އަދި މޫސުމީ މައްސަލަތަކާ ދެކޮޅަށް ވެސް މަސައްކަތް ކުރަން ޖެހޭ ކަމަށެވެ.
ދުނިޔޭގެ ގައުމުތަކުގެ ލީޑަރުންނަށް އިޝާރާތް ކުރައްވައި ބައިޑަން ވިދާޅުވީ ދުނިޔޭގެ ލީޑަރެއްގެ ގޮތުން އެމެރިކާ މަސައްކަތް ކރާތަން އަނެއްކާވެސް ބެލުމަށް ކެތް މަދުވެފައިވާ ކަމަށެވެ.
"މި ރައީސް، ރައީސް ޓްރަމްޕް ވަނީ އެމެރިކާގެ ހައިބަތު ބަދަލުކޮށްފައި. އެމެރިކާ ފަސްޓް (ފުރަތަމަ) ވަނީ އެމެރިކާ އެކަހެރިކޮށްލުމަށް ބަދަލުކޮށްފައި،" އެންބީސީ ނިއުސް އަށް ބައިޑަން ވިދާޅުވި އެވެ.
ނޫސްވެރިންނާ ވާހަކަ ދައްކަވަމުން ބައިޑަން ވިދާޅުވީ ކޮވިޑް ކޮންޓްރޯލް ކުރުމުގެ ޕްލޭން އާއި ވެކްސިން ފޯރުކޮށްދޭނެ ގޮތުގެ ޕްލޭންތައް ހަދާފައިވާ ކަމަށެވެ.
ރައީސް ބަރަކް އޮބާމާގެ ނައިބަކަށް ހުންނެވި ބައިޑަން ވިދާޅުވީ މި ފަހަރުގެ ވެރިކަން "އޮބާމާގެ ތިން ވަނަ ދައުރަކަށް" ނުވާނެ ކަމަށެވެ. އޮބާމާ-ބައިޑަންގެ ވެރިކަން ކުރި ދުވަސްވަރަށް ވުރެ ދުނިޔެ މިހާރު މާބޮޑަށް ބަދަލުވެފައިވާ ކަމަށް ވެސް ބައިޑަން ވިދާޅުވި އެވެ.
ބައިޑަން އިއުލާން ކުރެއްވި އިސް މަގާމުތައް
* އެންތަނީ ބްލިންކެން: ސެކްރެޓަރީ އޮފް ސްޓޭޓް
* ޖޯން ކެރީ: ތިމާވެއްޓާ ބެހޭ މަންދޫބު
* އަވްރިލް ހައިންސް: ޑިރެކްޓަ އޮފް އިންޓަލިޖެންސް
* އަލިހަންދުރޯ މަޔޯކަސް: ސެކްރެޓަރީ އޮފް ހޯމްލޭންޑް
* ޖޭކް ސުލިވަން: ވައިޓް ހައުސް ނޭޝަނަލް ސެކިއުރިޓީ އެޑްވައިޒަރު
* ލިންޑާ ތޯމަސް-ގްރީންފީލްޑް: އދ. އަށް ކަނޑައަޅާ އެމެރިކާގެ ސަފީރު
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިމްޕަލް
26 November 2020
އަލީރާޖާ ތިބަލަނީ ބެލަންސްޝީޓަށް އެކަނި. އެހެންވީމަވަނީ މަޝްހޫރު ކޯޑަކްކުންފުނިއަށް ވީގޮތް. ފޮޓޯނެގުމަށް ބޭނުންކުރާ ހުރިހާއެއްޗެއް 100އެތައް އަހަރެއްވަންދެން އުފައްދަމުން، 1975ގައި ފުރަތަމަ ޑިޖިޓަލްކެމެރާ އުފެއްދާ އެތައްފިކުރީމުދަލެއްގެ ހައްގު 2007އާ ހަމައަށްއޮތް ކުންފުނި ބާރުގެއްލިފައިވަނީ 120،000 މުވައްޒަފުން ގެންގުޅުނު. މިހާރު 6000... މާލެއަށް އަރާފައިބަން އެއްގަމުދުއްވާ އުޅަދެއް ބޭނުންކުރާނަމަ ޗައިނާގެ ބާރުގެ ކުޑަމިންވަރެއް ވަޒަންކޮށްލެވޭނެ.
ސިމްޕަލް
25 November 2020
ބާރލިން ފާރުވެއްޓި ޔޫއެސްއެސްއާރު ރޫޅިގެން ދިޔައިމާ އެމެރިކާއަށް ވިސްނިފައޮތީ، އެމެރިކާއާ ވާދަ ކުރެވޭނެ އެހެން ފަރާތެއް ނެތްކަމަށް. އެނިދީގައި ތިއްބާ ޗައިނާ އަރައިގެން އައިސް މިހާރު ދުނިޔޭގެ އެއްބާރަަށް ވެފައި މިއޮތީ. ދުނިޔެ ލީޑް ކުރުމުގެ ބާރެއް މިހާރު އެމެރިކާގެ ކިބައިގައިނެތް. އެބާރު ޗައިނާއާ އެކު ހިއްސާކޮށްގެން ކުރިއަށް ދެވެން އޮތީ.
އަލީރާޖާ
26 November 2020
ޗައިނާގެ ޖީޑީޕީ އަކީ 13.61 ޓްރިލިއަން ޑޮލަރު. އެމެރިކާގެ ޖީޑީޕީއަކީ 20.54 ޓްރިލިއަން ޑޮލަރު. ޗައިނާގެ ޖީޑީޕީ ޕާ ކެޕިޓާ ( މުއްސަދިކަން ބޮލަކަށް ޖެހޭ ނިސްބަތަކީ) 9770 ޑޮލަރު. އެމެރިކާގެ ޕާ ކެޕިޓާ އަކީ 62794 ޑޮލަރު. ދެން ކަލޭ ކިޔާދީބަލަ ކޮން އެއްޗެއްތޯ އެއްވަރު ވެގެން ތިޔަ ކޮމެންޓު ލިޔުނީ؟
އެދުރުބޭ
26 November 2020
އަލީ ރާޖާއަށް ނޭގުނަސް އެމެރިކާގެ ދަރަނި ހުރީ އަތްފޯރާ ފަށަށްވުރެ މަތީގަ. އެމެރިކާގެ ދަރަނީގެ ބޮޑުބައެއް ޙިއްސާކުރަނީ ޗައިނާގެ ފައިސާއިން. ހަމައެކަނި ޖީ.ޑީ.ޕީ ފިގަރއިން އިކޮނޮމިކް ކެޕަރބިލިޓީ އަންދާޒާކުރާހާ ގަމާރު ނުވެބަލަ. އެހެންނޫނަސް ކުރިއެރުމުގެ ރޭޓަށް ބަލާއިރުވެސް 10 ވަރަކަށް އަހަރު ތެރޭގައި ތިޔަ ފިގަރވެސް ޗައިނާއިން އަތުލާނެ.
އަލީރާޖާ
26 November 2020
އެދުރުބެ ތިހިރީ މާ ބޮޑަށް އިގިފަ. އެމެރިކާއިން އެންމެ ގިނައިން ދަރަނި ނެގާފައި އޮތީ ޖަޕާނުން. އެއީ 1.2 ޓްރިލިއަން ޑޮލަރު. އާމްދަނީ 9 ހާސް ޑޮލަރު ބޮލަކަށް ޖެހޭ ޗައިނާއާ 62 ހާސް ޑޮލަރު ބޮލަކަށް ޖެހޭ އެމެރިކާއާ އެއްގޮތަކަށްވެސް އަޅާ ނުކިޔޭނެ. އެވަރުގެ މުއްސަދިކަން ހުރި ގައުމަކަށް ދަރަނިވެސް ގިނައިން ނެގޭނެ. އަދި ފައިސާގެ ބާަރުގައި އެހެން ކަންކަންވެސް ކުރެވޭނެ. ޗައިނާވެސް އެކި ގައުމުތަކުން ޓްރިލިއަން ޑޮލަރަށްވުރެ ބޮޑަށް ދަރަނި ނަގާފައި އެބައޮތް.