އަނިޔާ ލިބޭ ގިނަ އަންހެނުންނަށް އެކަށީގެންވާ އެހީއެއް ނުލިބޭ: ނައިބު ރައީސް

ނައިބު ރައީސް ފައިސަލް ނަސީމް، އަންހެނުނަށް ކުރާ އަނިޔާއާ ނައްތާލުމާ ގުޅޭގޮތުން ވާހަކަދައްކަވަނީ -- ފޮޓޯ: ރައީސް އޮފީސް

ލަމްޔާ އަބްދުﷲ، މިހާރު

25 ނޮވެމްބަރ 2020 - 14:31

އަނިޔާ ލިބޭ ގިނަ އަންހެނުންނަށް އެކަށީގެންވާ އެހީ ނުލިބޭ ކަމަށާއި އަންހެނުންނަށް އަނިޔާކުރާ ގިނަ ބަޔަކަށް އަދަބު ނުލިބި މިނިވަންކަމާ އެކު އުޅޭ ކަމަށް ނައިބު ރައީސް ފައިސަލް ނަސީމް މިއަދު ވިދާޅުވެއްޖެ އެވެ.

ބައިނަލްއަގްވާމީ ގޮތުން މިއަދު ފާހަގަކުރާ، އަންހެނުންނަށް ކުރާ އަނިޔާ ނައްތާލުމުގެ ދުވަހާ ގުޅިގެން ނައިބު ރައީސް ދެއްވި ވީޑިއޯ ހިތޯބުގައި ވިދާޅުވީ ރާއްޖޭގައި ކޮންމެ ތިން އަންހެނެއްގެ ތެރެއިން އެކަކީ ކޮންމެވެސް ކަހަލަ އަނިޔާއެއް ލިބިފައިވާ މީހެއް ކަމަށް ތަފާސް ހިސާބުން ދައްކާއިރު އޭގެ ތެރެއިން ގިނަ އަންހެނުންނަށް، އެކަމުން ސަލާމަތްވެ ދިރިއުޅުން ބިނާކުރަން އެކަށީގެންވާ އެހީ ނުލިބޭ ކަމަށެވެ.

"...އެ މީހުންގެ ދިރިއުޅުން އަލުން ބިނާކުރަން ބޭނުންވާ އެހީ އާއި ރައްކާތެރިކަން އެކަށީގެންވާ ވަރަކަށް ނުލިބޭ. އަދި އަނިޔާ ކުރާ މީހުންނަށް އެއްވެސް އަދަބެއް ނުލިބި ސަލާމަތްވޭ،" ފައިސަލް ވިދާޅުވި އެވެ.

ކޮވިޑް-19 އިން ރައްކާތެރިވާން އެޅި ފިޔަވަޅުތަކުގެ ސަބަބުން ދިރިއުޅުމުގެ ހާލަތަށް ގިނަ ބަދަލުތަކެއް އައި ކަމަށާއި މި ދަތިކަމުގެ ތެރޭގައި އަންހެނުންނަށް އަނިޔާ ލިބުން އިތުރުވި ކަމަށް ނައިބު ރައީސް ވިދާޅުވި އެވެ.

"އެހެންވެ، ކޮވިޑުން އަރައިގަންނަން އަޅުގަނޑުމެން ކުރާ މަސައްކަތުގައި އަންނެހުންނަށް ކުރާ އަނިޔާއަށް އިންސާފުހޯދައި ދިނުމަކީ ވަރަށް ބޮޑު އިސްކަމެއް ދޭ ކަމެއް،" ނައިބު ރައީސް ވިދާޅުވި އެވެ.

އަންހެނުންނަށް ކުރާ އަނިޔާއަށް އިންސާފު ހޯދައި ދިނުމަކީ މި ސަރުކާރުން ވެފައިވާ ވައުދެއްކަން ފާހަގަކުރައްވަމުން ފައިސަލް ވިދާޅުވީ އަންހެނުންނަށް ރައްކާތެރިކަމާ އެކު ތިބެވޭނެ ތަންތަން ހެދުމާއި އިންސާު ލިބޭނެ ގޮތަށް ޝަރުއީ ނިޒާމް އިސްލާހުކުރުން ހިމެނޭ ކަމަށެވެ.

Eliminating Violence Against Women remains a key commitment of President @ibusolih's Government as we join our international partners in a collective effort to #orangetheworld in 16 days. pic.twitter.com/5dGqnqdNoN
— The President's Office (@presidencymv) November 25, 2020

ރައީސް އޮފީހުން މިއަދު ކުރި ޓްވީޓެއް

"އަޅުގަނޑުމެންގެ ސަގާފަތުގައި ހިމެނޭ އަންހެނުންނަށް ގެއްލުންވާ ފަދަ ކަންތައްތައް ނައްތާލަން ވެސް މި ސަރުކާރުން އެބަ މަސައްކަތްކުރަން،" ފައިސަލް ވިދާޅުވި އެވެ.

އަންހެނުންނަށް ކުރާ އަނިޔާ އަކީ ވަކި ގައުމަކަށް އޮތް މައްސަލައެއް ނޫން ކަމަށާއި އަދި މި އަނިޔާ ނައްތާލަން މަސައްކަތްކުރަން ޖެހޭނީ ހުރިހާ ގައުމެއް ގުޅިގެން ކަމަށް ވެސް ނައިބު ރައީސް ވިދާޅުވި އެވެ.

އަންހެނުންނަށް ކުރާ އަނިޔާ ދެކޮޅަށް ބައިނަލްއަގުވާމީ ގޮތުން ފާހަގަކުރަނީ ކޮންމެ އަހަރެއްގެ ނޮވެމްބަރު 25 އެވެ. މި ދުވަހާ އެކު "ސިކްސްޓީން ޑޭސް އޮފް އެކްޓިވިޒަމް" ފަށައި، އެކި ކަންތައްތަކާ ދެކޮޅަށް މަސައްކަތްކުރާ ހާއްސަ ކެމްޕެއިނެއް ހިންގަ އެވެ. މި ކެމްޕެއިން ނިންމާލާނީ ކޮންމެ އަހަރެއްގެ ވެސް ޑިސެމްބަރު 10 ވަނަ ދުވަހު، ދުނިޔޭގެ އިންސާނީ ހައްގުތަކާ ގުޅޭ ދުވަހު އެވެ.

އަންހެނުން ވަކި ޖިންސަކަށްވީތީ އަނިިޔާކުރުން ގެވެށި އަނިޔާ ނައިބު ރައީސް ފައިސަލް ނަސީމް

10 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ންންންން

26 November 2020

ނައިބު ރައީސް ރިސޯޓެއްގެ މަސާޖް ޕާލާގަ ހުރި ކުއްޖަކަށް އަނިޔާކުރި ހަބރެއް ވެރިކަމަށް އައިތަނުގަ ކޮންމެވެސް ހަބަރެއް އޮތް؟ އެއްވެސް ބޭފުޅަކަށް މިކަން އެނގިވަޑައިގަންނަވާތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުބީ

25 November 2020

ނައިބް ރައީސް ވިދާޅުވީ ވަރަށްވެސް ބޮޑުތެދެއްކަމަށް ޤަބޫލުކުރަން! އަނިޔާ ލިބުނުތާ 1 އަހަރާއި 1 މަސް ވީ. ހޮސްޕިޓަލުން އަދި ހުދު އަމިއްލައަށް މަސައްލަ ހުށައެޅިން. އަޅުގަނޑަށް ލިބުނި އިންސާފެއްނެތް އެކަމު އަނިޔާކުރި މީހާ މިހާރު ހުރި ޔުނިފޯމް އެޅި އަހަރުމެންގެ ހިމާޔަތުގަ ގުރުބާންވާން އޮތް މުވައްސަސާގެ ސެކްޝަނެއްގެ އެކްޓިން ހެޑް އަކަށް ! އުއްމީދަކީ ކޮންމެވެސް ދުވަހަކުން އިންސާފު ލިބޭނެކަމަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިނީ

25 November 2020

އަނިޔާ ލިބެނީ އެ އަންހެން މީހާޔާ ހެދި އެއްނު، އެހެންވީމަ އިންސާފު ލިބެންޖެހނީ އަނިޔާދިން މީހުންނަކަށްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައްގު ތެދު

25 November 2020

މީ އަދުލު އިންސާފެއް އޮތް ގައުމެއް ނޫން. ޢެތައް އުމުރުން ދުވަސްވީ މައިންނާއި ބަފައިން އެބައުޅޭ އަނިޔާގެ ޝިކާރާގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންހެން

25 November 2020

މިހާ މުހިންމު މައްސަލައެއްގަ ރައީސްގެ ހިތޯބެއްގެ ބަދަލުގަ ނައިބު ރައީސް ހިތޯބެއް ދެއްވުމަކީ މިއީ ސަރުކާރަށް ދެވަނަ ދަރަޖައިގެ މައްސަލައެއްކަން ދައްކައިދޭ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުލައި2020

25 November 2020

ދެން ތިހެން ނުކިޔާ އެހީ ވާންވީއެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

25 November 2020

ހައްގު އަދަބު ގެ ބަދަލުގަ އެހީގެ ވާހަކަދައްކަނީ ނުކުޅެދިފަވާ ބަޔަކަށް ގާނޫނު އަސާސީގެ ބާރު ރައްޔިތުންގެ މައްޗަށް ނުހިންގޭތީވެއެވެ. ތިހުންނަނީ ސިޔާސީގޮތުން ވެރިކަން ދަމަހައްޓަން ޖައްސާ މޮޅެތި އުކުޅުތަކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެލިސް

25 November 2020

ނައިބު ރައީސް މިހެންބުނީމަ ރީއްޗެއްނޫން. ދެ އަހަރުވީއިރު މިކަން ރަނގަޅުކުރުމަށް ކުރީ ކީއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

25 November 2020

ސިދާތާ ވަކި ކުރީ. އިތުރު ކަމެއް ނުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާތިބު ކަތީބު

25 November 2020

ރަނގަޅު ކުރިކަމެއް ކޮބައިތޯ؟ އަބަދުވެސް އިވެނީ ރަނގަޅުކުރަންޖެހޭ. ބަޔަކާ ބައްދަލުކުރައްވާފަ ވާހަކަ ދައްކަވާފިއޭ. ކަމަކާމެދު ވިސްނަންޖެހެއޭ. މިހާރު މިދިޔައީ އާ ލެވެލްއަކަށް.ނުބެލެއޭ ނުކުރެވެއޭ. ބަލަގެއާ ކުރަން ތިބީ ތިމީހުންނޭ. ރައްޔިތުންގެ ސަރުކާރޭ ކިޔާފަ ރައްޔިތުން މަގުމައްޗަށް ނިކުމެގެން ކުރުވުމަކީ ޑިމޮކްރަސީގެ މާނައެއްނޫން. ޑިމޮކްރަސީއަކުން ހޮވަނީ މަސައްކަތް ކުރަންޖެހޭ ސަރުކާރެކޭ!!!