އަލީއެކްސްޕްރެސްއާ އެކު އަލީބާބާގެ އެޕްތަކެއް އިންޑިއާގައި މަނާކޮށްފި

އިންޑިއާ އިން މަނާކުރި ޗައިނާގެ އެޕްތަކުގެ އަދަދު މިހާރު 220 އަށް އަރާ

އަހުމަދު އަދްޝަން، މިހާރު

26 ނޮވެމްބަރ 2020 - 08:03

ޓިކްޓޮކާއި ޕަބް-ޖީ އަދި ވީޗެޓް ފަދަ އިންޑިއާގައި މަގުބޫލު ޗައިނާގެ އެޕްތަކެއް އިންޑިއާ އިން މަނާކޮށްފައި ވަނިކޮށް އަނެއްކާ ވެސް އިތުރު އެޕްތަކެއް އަންގާރަ ދުވަހު މަނާކޮށްފި އެވެ.

މިއީ ޗައިނާގެ އެޕްތަކެއް އިންޑިއާ އިން މަނާކުރި ތިން ވަނަ ފަހަރެވެ. ޖޫން މަހުގެ 29 ގައި 59 އެޕެއް މަނާކުރުމަށް ފަހު، ސެޕްޓެމްބަރު 2 ގައި އިތުރު 118 އެޕެއް މަނާކޮށްފައިވެ އެވެ.

އަންގާރަ ދުވަހު ޖުމްލަ 43 އެޕެއް މަނާކޮށްފައިވާ އިރު އޭގެ ތެރޭގައި މަޝްހޫރު ކުންފުނި އަލީބާބާ ގްރޫޕްގެ ހަތަރު އެޕެއް ވެސް ހިމެނެ އެވެ. އެއީ އަލީއެކްޕްރެސް އާއި އަލީޕޭ ކޭޝިއާ އާއި އަލީސަޕްލަޔާޒް އަދި އަލީބާބާ ވޯކްބެންޗެވެ.

އިންޑިއާ އާއި ޗައިނާއާ ދެމެދު ހޫނުވެފައިވާ ސިޔާސީ ކޯޅުންގަނޑުގެ ތެރެއިން ޗައިނާ އަށް ދަތިކޮށް، އެ ގައުމަށް އިންޑިއާ އިން ބަރޯސާވުން ހުއްޓައިލަން ކުރިއަށް ގެންދާ މަސައްކަތުގެ ތެރެއިން ޗައިނާގެ އެޕްތައް އިންޑިއާގައި މަނާކުރަނީ އިންފޮމޭޝަން ޓެކްނޮލޮޖީ ގާނޫނުގެ 69 ވަނަ މާއްދާގެ ދަށުންނެވެ.

#BREAKING: Government of India blocks 43 more #Chinese mobile apps from accessing by users in India. Issues orders for blocking under Section 69A of the Information Technology Act. Apps banned include Alibaba, Aliexpress, Alipay, CamCard and Chinese Social. pic.twitter.com/dKBDRbJxhb
— Aditya Raj Kaul (@AdityaRajKaul) November 24, 2020

އިންޑިއާގެ އިލެކްޓްރޯނިކްސް އެންޑް އިންފޮމޭޝަން ޓެކްނޮލޮޖީން ބުނެފައިވާ ގޮތުގައި ޗައިނާގެ އެޕްތައް މަނާކުރަނީ އެ އެއްޗެހިން އިންޑިއާގެ ގައުމީ ސަލާމަތަށް ނުރައްކާވަމުންދާތީ އާއި ރައްޔިތުންނަށް ރައްކާތެރިކަން ކަށަވަރުކޮށް ދިނުމުގެ ގޮތުންނެވެ.

އިންޑިއާ އިން މަނާކުރި ޗައިނާގެ އެޕްތަކުގެ އަދަދު މިހާރު 220 އަށް އަރަ އެވެ.

ޗައިނާގެ އުފެއްދުންތަކަށް ބަރޯސާވުން ހުއްޓައިލަން ނިންމައި، އިންޑިއާގެ ބޮޑުވަޒީރު ނަރެންދުރަ މޯދީ ވަނީ "މޭކް އިން އިންޑިއާ" ގެ ނަމުގައި އިނިޝިއޭޓިވެއް ވެސް އިއުލާންކުރައްވައިފަ އެވެ.

އިންޑިއާ އާއި ޗައިނާއާ ދެމެދު މި އަހަރު މައްސަލަ ހޫނުވާން ފެށީ ގަލްވާން ވެލީގެ ޗައިނާވީ ފަޅީގައި އެ ގައުމުން އަސްކަރީ މަރުކަޒުތަކެއް ހަދަމުން އަންނަ އިރު، އިންޑިއާގެ ބިމުގެ ތެރެއަށް ވަދެފައިވާ ކަމަށް އިންޑިއާ އިން ދައުވާކުރަން ފެށުމާ ގުޅިގެންނެވެ. އަދި މި ހޫނުގަނޑުގެ ތެރޭގައި ހަމަލާތައް ބަދަލުކުރެވި ދެ ގައުމުގެ އަސްކަރީ އޮފިސަރުންތަކެއް މަރުވެފައިވެ އެވެ.

އިންޑިއާ އެޕަލް ޗައިނާ އިންފޮމޭޝަން ޓެކްނޮލޮޖީ

7 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަން

26 November 2020

އިންޑިޔާގެ އޮންލައިން ވިޔަފާރީގެ މެޖޯރިޓީ އެމެރިކާއިން ވަނީ އެމޭޒޮންއާ ވޯލްމާޓުން މިހާރު ގަނެފަވާ ފްލިފްކާޓް މެދުވެރިކޮށް ނަގާފަ. ދެން މިއެއްޗިއްސާ ވާދަކޮށްފާނެ ކޮމްޕެޓިޝަން އެ ނައްތާލީ. ހުރިހާ ދެރައެއް ލިބޭނީ އަގުހެޔޮކޮށް މުދާ ގަންނަ ރައްޔިތުންނަށް. އެމެރިކާއަށާ އެމީހުން ފަންޑުކުރާ ސިޔާސީ ފަރާތްތަކަށް ހުރިހާ ފައިދާއެއް. މިއީ އެބުނާ ފްރީ މާކެޓްއާ ޑިމޮކްރަސީ. މިހެން ޗައިނާ ކޮންޓްރޯލް ނުކުރެވޭތީ އެމެރިކާއިން އެ ހުރިހާ މައްސަލެއް ޖައްސަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީޖޭޕީ

26 November 2020

އިންޑިޔާއިން ޗައިނާއާ އެއްހަމަ ކުރަންް އަދި 100 އަހަރު ނަގާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްފާ

26 November 2020

ދެން އިސާހިތަކު، މިއުޅޭ ރޫހާނީ، މިރާއްޖެއިންވެސް އަލީއެކްޕްރެސްއަށް ނުވަދެވޭގޮތްހަދަން ވިއްދަފާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލެއްގި ކޮމިޝަނަރ

26 November 2020

ތިގޮތަށް ކަލޭމެންގެ ނުފޫޒުން ރާއްޖެ ސަލާމަތްކުރުމަށް ހެލްކަޕްޓަރާ ސިފައިންކޮޅުވެސް ގެންގޮސްދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް

26 November 2020

ތިކަހަލަ ކަންކަމުގައި އެންމެ ރަނގަޅީ އެޕްތައް ހުއްޓުވުމެއް ނޫނެވެ. ރީކޯ މޫސަގެ ވިސްނުން އިސްކުރުމެވެ. ހަނދާންވާގޮތުގައި ނުވަދިހައިގެ އަހަރެއްގައި ރީކޯ ބުންޏެވެ. ތިމަންނަ ފިލްމު ކުޅެ ލަވަކުޅެނީ އިންޑިއާ ފިލްމުތަކާއި ލަވަތަކުގެ ނުފޫޒު ރާއްޖެއިން ނައްތާލާށެވެ. އެކަން މިއަދު މިވަނީ ވަރަށް ބޮޑަށް ހާސިލުވެފައެވެ. އާންމުންގެ ހިތްދަމައިގަންނަ އެޕްތައް ނެރެ ޗައިނާގެ ނުފޫޒު ކަނޑުވާށެވެ. ޖަޕާނުވެސް އަދާވާތްތެރިންނާ ކުރިމަތިލަނީ މިފަދަ ގޮތަކަށެވެ.