ފުލުހުންނާއި ނޫސްވެރިން ޑްރަގްގެ ހާލިތަކަށް!

ބައެއް މީޑިއާތަކާ އެކު، ފުލުހުން މިހާރު ފަށާފައިވާ ޑްރަގް އޮަޕަރޭޝަންގައި ބަޔަކު ފާސްކުރަން ހިފަހައްޓާފައިވާއިރު ނޫސްވެރިން އެ ސަރަހައްދުގައި ހަރަކާތްތެރިވަނީ.---ފޮޓޯ: ނިޝާން އަލީ/މިހާރު

29 ނޮވެމްބަރ 2020 - 11:30

56 comments

މަސްތުވާތަކެއްޗާ ދެކޮޅަށް ފުލުހުން ފެށި ބޮޑު އޮޕަރޭޝަނެއްގައި ފުރަތަމަ ފަހަރަށް ނޫސްވެރިން ބައިވެރިކޮށްފި އެވެ.

ރާއްޖޭގެ ބޮޑު ހަތަރު މީޑިއާއެއް ބައިވެރިކޮށްގެން މި އޮޕަރޭޝަން ހިންގަނީ ފުލުހުންްގެ ކްރައިމް އިންވެސްޓިގޭޝަން ކޮމާންޑާއި ޕޮލިސް މީޑިއާގެ އިސް ނެގުމަކަށެވެ. މީޑިއާތައް މި އޮޕަރޭޝަންގައި ބައިވެރިކުރަނީ، ކޮމިޝަނަ އޮފް ޕޮލިސް މުހަންމަދު ހަމީދު ވިދާޅުވި ގޮތުގައި "އިމްޕެކްޓް ޖާނަލިޒަމް" އަށް ފުރުސަތު ދިނުމަށެވެ.

ހަތްދިހަ ދެ ގަޑިއިރުގެ މި އޮޕަރޭޝަންގައި ބައިވެރިކޮށްފައި ވަނީ "މިހާރު"ގެ އިތުރުން ޕީއެސްއެމް، ސަން އަދި ރާއްޖެ ޓީވީ އެވެ. އޮޕަރޭޝަން ފެށީ ބުރާސްފަތި ދުވަހުގެ މެންދުރު ފަހު އެވެ. އޮޕަރޭޝަންގައި ބައިވެރިވާ ނޫސްވެރިން އަދިވެސް ތިބީ ސީންގަ އެވެ.

ހަމީދު ވިދާޅުވި ގޮތުގައި، މަސްތުވާތަކެތި ބޭނުން ކުރުމާއި އެތަކެތި ވިޔަފާރި ކުރުމާ ގުޅުން ހުރި އޮޕަރޭޝަންތަކުގައި ކުރިއަށް އޮތްތާނގައި ވެސް ނޫސްވެރިން ބައިވެރިކުރާނެ އެވެ. އޭގެ މަގުސަދަކީ އެކި ކަންކަން ހިނގާ ގޮތާ ދޭތެރޭ ހޭލުންތެރިކަން އިތުރު ކުރުން ކަމަށް އޭނާ ވިދާޅުވި އެވެ.

In an effort to raise awareness on the volume crime that occur in Male’ City and to enable “impact journalism” we gave journalists and reporters from 4 media outlets 72 hrs access to an on going police operation, targeted to curb street level peddling of narcotic drugs.
— Mohamed Hameed (@M_Hameedh) November 29, 2020

"މިހާރު"ން މި އޮޕަރޭޝަންގައި ބައިވެރިވި ނޫސްވެރިޔާ އާސިމާ ނިޒާރު ބުނި ގޮތުގައި ފުލުހުންނާ އެކު މި އޮޕަރޭޝަންގައި ބައިވެރިވުމުން ވަރަށް ގިނަ ކަންކަން ވަނީ ފެނިފަ އެވެ. އޭގެ ތެރޭގައި ފުލުހުން އޮޕަރޭޝަންތަކުގައި ރެއިޑް ކުރާ ގޮތާއި މަސްތުވާތަކެތީގެ ހާލަތު އޮތް ގޮތާއި ޓްރެންޑް ވަރަށް ރަނގަޅަށް ފެނުނުކަން އޭނާ ފާހަގަކުރި އެވެ.

އެ އޮޕަރޭޝަނުގައި މީޑިއާތަކުން ބައިވެރިވި ކޮންމެ ނޫސްވެރިއަކާ ފުލުހުންގެ ޑްރަގް އެންޑް އެންފޯސްމަންޓް ޑިޕާޓްމަންޓް (ޑީޑީ) ގެ މީހަކު ވަނީ ހަވާލުވެފަ އެވެ. އޮޕަރޭޝަން ހިންގާ ތަންތަނަށް ދިޔައީ ޑީޑީގެ ފުލުހުންނާ އެކުގައި ކަމަށާއި އޮޕަރޭޝަން ހިންގާ ސަރަހައްދަށް ވަނުމުގެ ކުރިން، އެ އޮޕަރޭޝަނެއް ހިންގާ ތަނެއްގެ މައުލޫމާތެއް ނުދޭ ކަމަށް އޭނާ ބުންޏެވެ.

ނޫސްވެރިންނާ އެކު ފުލުހުން މިހާރު ހިންގާ އޮޕަރޭޝަން -- ފޮޓޯ: ނިޝާން އަލީ/ މިހާރު

"މަސްތުވާތަކެތި ހޯދައި، އެތަނުގެ ތެރޭގައި ތިބި މީހުންނާ ސުވާލުކުރުމަށް ފުލުހުންނާ އެކު އެ ތަންތަނަށް ނޫސްވެރިން ވަދޭ. ބޭނުމަކީ، މި މީހުން މި މަސައްކަތް ކުރާ ގޮތުގެ ހަގީގީ މަންޒަރު ދެއްކުން. އެ ސީނަށް ފުލުހުން ވަންނަނީ ވެސް ނޫސްވެރިން ފޮޓޯ އާއި ވީޑީއޯ ނަގަން ފުރުސަތު ދެމުން،" އާސިމާ ބުންޏެވެ.

"މަސްތުވާތަކެއްޗާއި އެ ބޭނުން ކުރާ ސާމާނާއި އެކަމަށް ކުރާ އިންތިޒާމުތައް ފެންނަން ހުރި،" އޭނާ ބުންޏެވެ.

މި އޮޕަރޭޝަނާ ބެހޭ ތަފުސީލީ ރިޕޯޓްތަކެއް ކުރިއަށް އޮތްތާނގައި ކިޔުންތެރިންނާ ހަމައަށް ގެނެސްދޭނަމެވެ.

ފުލުހުން މަސްތުވާތަކެތި ނޫސްވެރިކަން ނޫސްވެރިން މީޑިއާ

56 ކޮމެންޓް, 159 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެސް

08 December 2020

ޑްރަގް އެންފޯސްމަންޓް ޑިފާރޓްމަންޓް އޭކޭއޭ ޑީއީޑީ. މައުލޫމާތު ދޭއިރު ރަނގަޅަށްތޯ މި ދެވެނީ ބެލުން ރަންގަޅު ކަންނޭނގެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިމަނިކުފާނު

30 November 2020

ހިތާމައަކީ އަދަބު ދޭންޖެހޭ ހިސާބުން އެވާގޮތަކުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރޭބޭ

30 November 2020

ނޫސްވެރިން ނެރޭ ރިޕޯޓްގެ ސަބަބުން ދެ ގޮތަކަށް އިމްޕެކްޓް ނިކުމެދޭނެ ކަމަށް ލަފާކުރެވޭ؛ 1. ޑީޑީގެ ރެއިޑް ކުރާގޮތް ހާމަވެ، ޕޮލިސް އިންޓެލިޖެންސް ކޮމްޕްރޮމައިސް ކޮންމެވެސް ވަރަކަށް ކޮށްފާނެ، އެހެން ކަމުން މިވިޔަފާރި ޑިސްޓްރިބިއުޓްކުރާ ކްލަސްޓަރތަށް ބޭނުންކުރާ އުކުޅުތަށް ބަދަލުކުރާނެ. 2. ކޮންމެވެސް ވަރެއްގެ ޖެހިލުންތަކެއްވެ ޑީލްތަށް މަދުވެގެންދިއުން އެކަށީގެންވޭ. އެކަމުގެ ސަބަބުން މިމާކެޓްގައި އަގުބޮޑުވެ ޑީލަރުންނަށް ފައިދާވުން ބޮޑުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންނާޑި

29 November 2020

ބޭރު ތަހުޒީބު ގައުމުތަކުގައި ވެސް ކުރަނީ ތި އުސޫލުން ރައްޔިތުން ގެ އިތުބާރު ހޯދުމަށް ކުރަން ޖެހޭ މުހިންމުކަމެެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

01 December 2020

ރައްޔިތުންގެ އިތުބާރު ލިބޭނީ ކުށް ސާބިތުވެ، ހުކުމްތަށް ތަންފީޒް ކުރެވިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަފުރާސިޔާބު

29 November 2020

ކޯޓު އަމުރު ހޯދިތަ؟ ބެލީ ކޯޓު އަމުރުގައި ބަޔާންކޮށްފައިވާ ގޮތަށް ޕެކްކޮށްފައި އަދި އެވަރުގެ ބަރުދަނެއް ހުރި އެއްޗެއްތަ؟ އެހެން ނޫނިއްޔާ އެންމެން ސަލާމަތްވީ. ފުލުހުންނާއި ނޫސްވެރިން ކުށްވެރިވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޔައްޓޭ/ ހުޅުމާލެ

29 November 2020

ދެން ނޫސްވެރިންގޮސްސަ ތިޔަ ހާލިތަކަށް ބިސް އަޅާނީކީ ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމީދު

29 November 2020

ބޮޑެތިމީހުން ފަހަތުން ދޭބަލަ.ތިކަން ހުއްޓުވޭނީ އޭރައް. ތި ގޭންގުކުދިން ދެދަޅަޔައް ގެންގޮސް ހެދިޔަސް ތިކަން މަދެއް ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭ ޚިޔާލު

29 November 2020

މީ ކޮންމެހެން، ނޫސް ވެރިންނަށާ މީސް މީހުންނަށް ދަޢުވަތުދީގެން ކުރާކަށް މާ މޮޅު ކަމެއް ނޫން! މީ މުޅި ކޮމިޔުނިޓީ ވެސް ލަދުގަންނަން ޖެހޭ ކަންކަން! އެ މީހުން އެހިސާބަށް ދާންޖެހުނީ މައިގަނޑުގޮތެއްގައި މައިން ބަފައިންގެ އިހުމާލުން! އަންނަން އޮތް ޖީލުތައްވެސް ރަގަޅުކުރަންޏާ ކުދިން ސުކޫލަށް ފޮނުވުން މަޖުބޫރުކޮށް ބަސްނާހާކުދިންނަށް އެކުދިންގެ އުމުރާ ގުޅޭ އަދަބުވެސް ދޭންވީ! ޖިންސު ތަފާތުނުކޮށް ކްލާސް ރޫމް ކުނިކެހުމުން ފެށިގެން ސްކޫލް ފާރުގައި ކުލަ ލުމަށް ދަންދެން ހުރިހާ މަސައްކަތެއް ކުރުވަންވީ! ބޯ ދިގުކުރުމްކަލަ ކަންކަން ހުއްޓުވަންވީ! ތަސައްރަފު ނުފުދޭކުދިން ކުރާކުށަށް މައިންބަފައިންނަށް އަދަބުދޭންވީ! ސްކޫލް ނިމުމުން މަތީ ތަޢުލީމަށް ދިއުމުގެ ކުރިން ނެޝަނަލް ސަރވިސް ވެސް ތަޢާރަފުކުރަންވީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަފްލާ

30 November 2020

ފިރިހެން ކިދިން އިސްތަށިގަނޑު ދިގު ކުރުމަކުން އެއީ މައްސަލައެއްނޫން ވ ރަނގަޅު ކުދިން މީހުންވެސް އިސްތަށިގަނޑު ދިގުކުރޭ އަންހެނަކާ ވައްތަރު ގޮތަށް ބޯ އައްސާފަ ނުބަހައްޓަންޏާ މައްސަލައެއްނޫން އަންހެނުންނާ ވައްތަރުކޮށް އުޅުން އިސްލާމްދީނުގަ ވަނީ ފިރިހެނުންނަށް ޙަރާމް ކުރައްވަފަ ހަމަ އފަދައިން އަންހެނުން ފިރިހެނުންނާ ވައްތަރު ކޮށް އުޅުން ހަމަ ޙަރާމް ވެގެންވާ ކަމެއް ނަމާދު ކުރާއިރު ފިރިހެން އިސްތަށި ގަނޑު އައްސާފަ ބެހެއްޓުން މީވެސް ހުއްދަ ނޫން ގޮތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

01 December 2020

ޢަފްލާ. އަހަރެމެން ކޮޕީ ކުރަންވީ ކާބަފައިންގެ ރީތި އަދާ. އެގޮތުން އަޅުގަނޑުމެންގެ ކާބަފައިންގެ ތެރެއިން ފިރިހެނުންނަކީ ރީތިކޮށް ބޯކޮށްފައި ބަހައްޓަން ޙާއްސަ ސަމާލުކަމެއް ދިން ބައެއް. އަދި ރީތިކޮށް ހެދުން އެޅުންވެސް އެއީ އެމީހުން ވަރަށް ލޯބިކުރިކަމެއް. އެކަމަކު މިހާރުގެ ޕާޓޭސް 'ސްޓައިލް'ގެ ކުދިން ޓީޝާޓޭއްލައިފައިހުންނައިރުވެސްހީވަނީގޯންޏެއްމަހައިގެންހުންނަހެން. އަހަރެމެން ބޮޑެތިވެގެން އައިއިރު އޭރުގެ ހަރު މީހުން އެއްވެސް ވަރަކަށް ބަލައެއް ނުގަނޭ މުޖުތަމައުގައި ބޮލުގެ އިސްތަށިގަނޑު ދިގޮކޮށްފައި ތިބޭ ކުދިންނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވާނެމިކަމެއް

29 November 2020

ލޮލް ކޮންތާކު ހިނގި ކަމެއްތަ؟ ކޮން އަވަށެއް؟ ކޮން މަގެއް؟ 5 ކާފުގެ ސުވާލަށް ޖަވާބު ނުދެވެންޔާ ނޫސް ލިޔުމުގެ ބޭނުމެއް އެބައޮތްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރަހަ

29 November 2020

ބަލަ ކިޔުންތެރިންގެވެސް ވިސްނުމެއް ހުންނަންވާނެ، އެއީ މިވަގުތަށް ފަސްކާފު ހަމަކުރެވެން ނެތީމަ، ތަހުގީގު ހިނގަމުންދާތީ. އެބުނީނު ފަހުން ހަކާފުލައިގެން ރިޕޯޓު ލިޔާނަމޭ ކެތްތެރިވެބަލަ