ވިޔަފާރި / ޓޫރިޒަމް

އަޒުރް އެއާގެ ދަތުރުތައް ފަށައިފި، ފުރަތަމަ ދަތުރުގައި ވެސް 500 ޓޫރިސްޓުން

އަޒުް އެއާގެ ފްލައިޓު ވީއައިއޭގައި ޖައްސަނީ-- ފޮޓޯ: ވީއައިއޭ

އިދުހާމް ނައީމް، މިހާރު

29 ނޮވެމްބަރ 2020 - 11:41

6 comments

ރަޝިއާގެ އެންމެ ބޮޑު އެއް އެއާލައިން ކަމަށްވާ އަޒުރް އެއާގެ ޝެޑިއުލް ދަތުރުތައް ރާއްޖެއަށް އިއްޔެ އަލުން ފަށައިފި އެވެ.

މި ދަތުރުތައް ފެށުމުގެ ގޮތުން އިއްޔެ އައި ބޯޓުން އެކަނި ވެސް 500 ޓޫރިސްޓުން ވަނީ ރައްޖެއަށް ޒިޔާރަތްކޮށްފަ އެވެ. މިއީ، ކޮވިޑް-19 އާ ގުޅިގެން ޓޫރިޒަމް ހުއްޓިފައި އޮތުމަށް ފަހު އަލުން ހުޅުމާ އެކު މިހާތަނަށް އެއް ފްލައިޓަކުން އެންމެ ގިނަ ޓޫރިސްޓުން އައި ދަތުރެވެ.

އެ އެއާލައިނަށް މަރުހަބާ ކިޔުމުގެ ގޮތުން ވެލާނާ އިންޓަނޭޝަނަލް އެއާޕޯޓުގައި ހާއްސަ ރަސްމިއްޔާތެއް ބޭއްވި އެވެ.

އަޒުރް އެއާއިން ރާއްޖެއަށް ކުރިއަމުން އައި ދަތުރުތައް ހުއްޓާލީ ކޮވިޑް-19ގެ ސަބަބުން ރާއްޖޭގެ ބޯޑަރު ބަންދުކުރުމާ ގުޅިގެންނެވެ. ނަމަވެސް އަލުން ބޯދަރު ހުޅުވުމާ އެކު ރަޝިއާގެ ޓޫރިސްޓުންގެ މެދުގައި ރާއްޖެއަށް އޮތް މަގުބޫލުކަން މަތިވުމުން އެ އެއާލައިނުގެ ދަތުރުތައް އަލުން ފަށަން ނިންމީ އެވެ.

With a promising record of over 500 passengers in a single flight, @AzurAir resumes its direct service today bringing a stronger hope to our toursim industry 😃 ✈️ ☀️ 🇷🇺 🇲🇻 #VisitMaldives #ReDiscoverMaldives #worldsleadingdestination #WeAreAviation pic.twitter.com/YwHrTIaGOG
— VelanaAirport (@VelanaAirport) November 28, 2020

އަޒުރް އެއާއަށް މަރުހަބާ ކިޔައި ވީއައިއޭއިން ކުރި ޓްވީޓު--

އެ އެއާލައިނުން ވަނީ މި މަހުގެ 17އިން ފެށިގެން ރާއްޖެއަށް ޗާޓަރު ފްލައިޓުތައް ފަށައިފަ އެވެ. ނަމަވެސް މި ހަފްތާއިން ފެށިގެން ހަފްތާއަކު އެއް ދަތުރު ކުރާނެ އެވެ. ނަމަވެސް ކުރިއަށް އޮތް ތަނުގައި މި ދަތުރުތައް އިތުރުކުރާނެ ކަމަށް އެ އެއާލައިނުން ބުނެ އެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުގައި ރާއްޖޭގެ ބޯޑަރު އަލުން ހުޅުވި ފަހުން އެންމެ ގިނަ ޓޫރިސްޓުން އައިސްފައި ވަނީ ރަޝިއާއިންނެވެ. އެ ގައުމުން މިހާތަނަށް 14،855 ވަނީ ޒިޔާރަތްކޮށްފަ އެވެ.

ޓޫރިސްޓުން ޓޫރިޒަމް އަޒުރް އެއާ

6 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުރާސިލް

29 November 2020

މި ޚަބަރުގައިވާ މަޢުލޫމާރު ރަނގަޅުތޯ ހަމަ ވަރަށް ސުވާލު އުފެދެއެވެ. މި ފޮޓޯއިން ފެންނަނީ ބޮއިން 777 އީރު300 ގެ މަތިންދާ ބޯޓެކެވެ. މީގެ ބޯޓަކުން އެންމެ ގިނައިން އުފުލޭނީ 396 ފަސިންޖަރުންނެވެ. ދުނިޔޭގައިމިވަގުތު ހުރި މަތިންދާ ބޯޓުތަކަށް ބަލާއިރު 500 ފައިންޖަރުން އުފުލޭނީ ހަމަ އެކަނި އެއާބަސް އޭ380ގެ މަތިންދާ ބޯޓެއްގައި އެކަންޏެވެ. އެހެންވީމާ މިޚަބަރުގައ އެވާ އަދަދަށް އެއްފަހަރާ އެ މަތިންދާބޯޓުގައި މީހުން ރާއްޖެ ނާދެވޭނެކަން ކަށަވަރެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަހަންގީރު

30 November 2020

ފަހަރެއްގައި ވެދާނެ އަވަށްޓެރި އިންޑިއާގަ ބަސްދަތުރުތައް ކުރާ ގޮތަށް ބޯޓުގެ މަތީގައާ ބޭރުގަ އެލިގެންވެސް ބަޔަކު ގެނައީ ކަމަށް. އަހަންނަށްވެސް 500 މީހުންނޭ ޖަހާފަ އޮތީމަ ވަރަށް ދިރާސާކޮށްފިން. އެކަމަކު މި ފްލައިޓްގަ އެވަރަށް އުފުލޭނެ ކަމަށް މަގޭ ހިސާބުތައް ދެއްކީ މިބުނާ ގޮތަށް. ބޯޓު މި ކޮޅަށް އައި އިރުގެ ފޮޓޯ އެއް ލިބުނީމަ ޔަގީންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިސޯރޓްބޯއީސް‫

29 November 2020

އ‫ެކަމަު އަޅުގަނޑުމެން ރިސޯރޓުގަ ވަޒީފާއަދާކުރާ މީހުންނައް ތިކަމުންވާކަމެއްހަމަ ހަރާމުންހަރާން ހުރިހާ މަންފާއަކާނަފާއެއް ރިސޯރޓުއޯނަރުންނައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

29 November 2020

އެއްފެންވަރެއްގެ މަގާމެއްގަ ވަޒީފާ އަދާ ކުރާ ދިވެހި މީހާ އާ ދޮންމީހާ ގެ މުސާރަ އެއްވަރު ކޮށް ދިނުން އެދެމެވެ . ތަފާތު ނުކުރާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަވ

29 November 2020

ތިޔަ ފަތުރުވެރިކަމަކީ ރާއްޖޭގެ އުފެއްދުންތެރިކަން ދަށްވެ ރާއްޖޭގެ ރަށްތަށް ބިދޭސީންނަށް ވިއްކަން މެދުވެރިކުރުވި ރާއްޖެއަށް ފައިދާއަށްވުރެ ގެއްލުން ބޮޑުވި ވިޔަފާރިއެއް. ރާއްޖެ އިސްތިހާރުވެ ރާއްޖެއަށް ގިނަ މީހުން އަޔަސް ހަގީގީ ފައިދާ ލިބެނީ ބިދޭސީންނަށް. އާއްމުރައްޔިތުންނަށް އޮތީ ނިކަމެތިކަން. ދިވެހިރާއްޖެއޭ ބުނާތީ ނަމަކުން ލިބޭ ފައިދާއެއްފިޔަވާ އިތުރުކަމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޑަހަންޖާ

29 November 2020

ތި 500 މީހުން އައުމުގެ މާކުރީގަ މާލޭމީހުން ތިބީ 500 މީހުން އަތުން ލިބޭނެ ފައިސާގެ ހިސާބު ޖަހައިގެން ރަށުތެރޭ މަޝްރޫއުތައް ރާވައިގެން، ތިމީހުން އައޭކިޔާފަ ރާއްޖޭގެ އެހެން ރަށަކަށް ވާނެ ފައިދާއެއްނެތް.