ރާއްޖެއަށް އެއް ލައްކަ ވަނަ ޓޫރިސްޓް އައުން ފާހަގަކުރުން--ފޮޓޯ:ޓޫރިޒަމް މިނިސްޓްރީ
13 ޑިސެމްބަރ 2020 - 12:45
17 comments
ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި މި ވަގުތު މަސައްކަތް ކުރަނީ މޯލްޑިވްސް އިމިގްރޭޝަންގެ ސަތޭކައެއްހާ މުވައްޒަފުން އެއީ މަދު އަދަދަކަށް ވުމުން ކަންކަން ރަނގަޅު ކުރުން ކުރިއަށް ގެންދާ ކަމަށް އިމިގްރޭޝަނުން މިއަދު ބުނެފި އެވެ.
މީޑިއާ އޮފިޝަލް ހަސަން ޚަލީލް ވިދާޅުވީ، އެއާޕޯޓުގައި މަސައްކަތްތައް ވަރަށް މަދު މުވައްޒަފުންނާ އެކު ކުރަމުން އަންނަތާ 3-4 އަހަރު ވެއްޖެ ކަމަށެވެ. އިމިގްރޭޝަންގެ މުވައްޒަފުންގެ އަދަދު މި ވަގުތު ހުރީ އެއާޕޯޓަށް އަހަރަކު ހައެއްކަ ލައްކަ ޓޫރިސްޓުން އައި އިރު ވެސް ހުރި ވަރަށް ކަމަށް އޭނާ ވިދާޅުވި އެވެ.
ހަލީލް ވިދާޅުވީ، މި ދުވަސްވަރު އަނެއްކާ ވެސް މިވަނީ، މިދިޔަ އަހަރެކޭ އެއްވަރަށް ޓޫރިސްޓުން އަންނަން ފަށައިފައި ކަމަށާއި ސޯޝަލް ޑިސްޓެންސިންގެ އުސޫލާ އެކު ހިދުމަތް ދެވޭނީ ފަހަރަކު 300 މީހުންނަށް ކަމަށެވެ.
އެއާޕޯޓަށް މިހާރު 3،000 އަށް ވުރެ ގިނަ މީހުން ދުވާލަކު އާދެ އެވެ. ކޮވިޑްގެ ހާލަތުގެ ކުރިން މިދިޔަ އަހަރު އެވްރެޖުކޮށް ޑިސެމްބަރު މަހު 4،000 އާއި 5،000 އާ ދެމެދުގެ އަދަދަކަށް މީހުން ރާއްޖެ އަށް އައެވެ.
ޚަލީލް ވިދާޅުވީ، މި ދުވަސްވަރު ގިނަ ވަގުތު ހޭދަވަނީ އެޗްޕީއޭގެ އުސޫލާ އެއްގޮތަށް ކަންކަން ކުރަން ޖެހޭތީ ކަމަށާއި އެކަމަކު އިމިގްރޭޝަންގެ ކައުންޓަރުތަކުގެ ހިދުމަތް އަވަސް ކުރުމަށްޓަކައި މިހާރު ހުރި ވަސީލަތްތަކާ އެކު ވެސް މަސައްކަތްތައް ކުރަމުން އަންނަ ކަމަށެވެ.
ކޮވިޑްގެ ހާލަތަށް ފަހު ޓޫރިސްޓުން ރާއްޖެ އަށް އަންނަ ވަރު މިވަނީ ވަރަށް ބޮޑަށް އިތުރުވެފަ އެވެ. މީގެ އެންމެ ބޮޑު ސަބަބަކީ މި ސަރަހައްދުގެ އެންމެ ސޭފް ޑެސްޓިނޭޝަންގެ ގޮތުގައި ރާއްޖެ މަޝްހޫރުވެފައި އޮތުން ކަމަށް ޓޫރިޒަމް ދާއިރާގައި މަސައްކަތް ކުރާ މީހުން ބުނެ އެވެ. ބޯޑަރު ހުޅުވައިލި ފަހުން އެއް ލައްކަ ޓޫރިސްޓުން އިއްޔެ ހަމަވެފައިވާ އިރު ކުރިއަށް އޮތް ހަފްތާ ތެރޭ ފަސް ލައްކަ ޓޫރިސްޓުންގެ ޓާގެޓް ހަމަވާނެ ކަމަށް ބެލެވެ އެވެ. މިއީ މި އަހަރަށް ޓޫރިޒަމް މިނިސްޓްރީން ކަނޑައަޅާފައިވާ ޓާގެޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔޫއާރމައި ސޯނިޔާ
14 December 2020
އަދި އަވަހެއް ނޫންތޯ އޮފް ސީޒަންގަ ތިކަން ކުރަން މަޑަޖަހަމާ
ހޯރަބޭ
13 December 2020
އޮއްޓަރެއް ހުރި ވާހަކައެއް ދަށްކަބަލަ އިމިގުރޭސަނުން ވެސް
އާރީ
13 December 2020
އިމިގްރޭސަން ކުދިން ޑިއުޓީގަޑީ ވަރަށް ގިނައިން ފެނޭ ކޮފީ ތަކުން. ކެފޭތެރޭ އިމިގްރޭސަން ގުރޭފެއް ނެތް ގަޑިއެއް މަދުވާނެ. ދެން ކޮން ހިދުމަތެއް ދެވޭނެ.
ލުތުފީ
14 December 2020
ތިއީ ބަލާލި ކޮންމެދިމާއަކުންވެސް ފެންނަން އޮތްކަމެއް. ރަސްމީ ވަޒީފާގަޑީގަ ކޮފީމޭރުގައި ގިނައިރު ތިބޭމުވައްޒަފުން ވަރަށްގިނައިން ފެނޭ. އޮފީސްތަކުން ޚިދުމަތް ނުދެވޭ އެންމެބޮޑު އެއްސަބަބަކީ މިއީ.
ކަޑަކުޑާ
13 December 2020
ކޮންމެހެން 30 މީހުން ހޯދަން އުޅޭނެ ކަމެއް ނެތް. ތި އިމިގްރޭޝަންގައި މިހާރުވެސް އެއްވެސް މަސައްކަތެއް ނުކުރާ 100 މީހުން ތިބޭނެ. ލަދު ކޮބާ؟
ސާބަސް ހަސަނާ
13 December 2020
ޑިފެންސް މިނިސްޓަރަށް އިމިގްރޭޝަނެއް ނުހިންގުނު. ކަމުގެ ސީރިއަސް ކަމަށް ބަލައި، އިމިގްރޭޝަން ޓޫރިޒަމްގެ ދަށަށް ގެންގޮސްގެން ނަމަވެސް ކުރިއަށް އޮތް 24 ގަޑި އިރުގެ ތެރޭގައި ތިމައްސަލަ ހައްލު ކުރަން ޖެހޭ
ހޭލާހޭލާ
13 December 2020
ހިދުމަތް އަވަސް ކުރަން ގޮތް ހޯދަން ކަލޭމެންނަށް ވަގުތު ދެވިއްޖެ. މިހާރު އަހަރެމެން ބޭނުމީ ބަންގާޅު މީހުން ތި ކައުންޓަރު ތަކަށް ލާން. އޭރުން ސްޕީޑް ދެގުނަވެ، ހަރަދު %75 އަށް ކުޑަ ކުރެވޭނެ
ޑެބީ
13 December 2020
މައިމޫނާއާއި ޓެގް ޓީމާ އެޗްޕީއޭ ބޭރުކޮށްގެން ތިކަންވާނީ.
އޮނަރަބްލް އަފީފު ދީދީ
13 December 2020
އިމިޤްރޭޝަން ޤާނޫނާއި ހިލާފު މީހުން މިހާގިނަ ޤައުމެއްގައި މިހާރު އޮންނަފަދަ ލުއިގޮތަކަށް އިމިޤްރޭޝަން ކައުންޓަރާއި ހަމައަށް ދެވޭތީ އޭގެ ނާޖާއިޒު ފައިދާ ބައެއް އޮފިސަރުން ނަގާފައިވާކަން ސާބިތުވާން އެބަހުރި. # މިކަމަށްވެސް ހައްލު ހޯދާން ކޮންމެ ކައުންޓަރަކަށް ވަކި ކިއޫ ލައިނެއް ހެދުމުގެ ބަދަލުގައި މެއިން އެއްލައިނެއް އޮވެފަ އެލައިނުގައި ތިބޭ މީހުންގެ ޕާސްޕޯޓް ލައިން ތެރެއިން ބަލާފައި ވީސާ ހަމަވެފައިވާމީހުން ލައިން ތެރެއިން ދަމައިގަނެވޭފަދަ ގޮތަކަށްހަދާންވެއްޖެނޫންތޯ؟
ކަޓް
13 December 2020
އޭރުން މިހާރު އޮފިސަރުން ނަގަމުންދާ ކަޓް ހުއްތޭނެތީ ތިކަން ނުކުރާނެ. ތިޔަ ބުނާ ކަންކަމަކީ އެތައް ބަޔަކު ބައިވެރިވެގެން އެންމެނަށް ކަޓް ލިބޭ ގޮތަށް ހިންގާ ކަންކަން. ޕާސްޕޯޓް ޔެތޭގައި ޑޮލަރު ލާފައި ދިއްކުރުމަކީ އާދައެއް. ވަކިން ސިތީ އުރަ ދީފައި ތައްގަނޑު ޖަހާ ބަންގް މީހުން ވަރަށް ގިނަ.
އޮނަރަބްލް އަފީފު ދީދީ
13 December 2020
ދިވެހިރާއްޖެއަކީ ކ.އަތޮޅު މާލެ ކަމަށްހީކޮށް އެގޮތަށް ކަންކަންރާވައިގެން ހޯދާންތިއުޅޭހައްލު ނުހޯދޭނެ. # ތިގޮތަށް ހިދުމަތްފުޅާކުރަން އިމިޤްރޭޝަނަށާއި، ކަސްޓަމްސް، ޕޯޓްހެލްތަށާއި، ބެގެޖް އަދި އެއަރލައިން ތަކުގެ ގްރައުންޑް ސްޓާފުންނާއި ގުޅުންހުރި ވިޔަފާރި ތަކުގެ މުވައްޒަފުން ގިނަ ކުރިވަރަކަށް އިތުރު މައްސަލަތައް ކުރިމަތިވެ އެއަރޕޯޓްގެ ރައްކާތެރިކަންވެސް ކުޑަވެގެންދާނެ. # ކީއްވެގެންތޯ ހަނިމާދޫ އަދި ގޭންއެއަރޕޯޓް ތަރައްޤީކޮށް ހިންގުމަށް ދެކޮޅުހަދަނީ؟
ބަސް
13 December 2020
ތި އެއާރޕޯރޓަކީ ބޮޑުލަދެއް. ތިތަން މިޒަމާނުގެ ފެންވަރަށް ތަރައްޤީ ކުރެވުނު ވެރިއަކުނެތް. ކުރު މުއްދަތެއްގައި ގައުމަށް އެންމެ ބޮޑު ތަރައްޤީ ގެނައި މީހާއަށްވެސް ތިކަން ނުކުރެވުނު. ރައީސު އިބްރާހީމް މުޙައްމަދު ޞާލިޙުގެ ވެރިކަން ނިމުމުގެ ކުރިން ތިތަން ތަރައްޤީ ކޮށްފިއްޔާ އެއީ ގައުމުގެ ބަޠަލެއް.