ހިޔާ މަޝްރޫއުގެ ދަށުން ގާއިމްކުރި ފްލެޓަކަށް، ފެނާއި ނަރުދަމާ ގުޅުމުގެ މަސައްކަތް ކުރަނީ.-- ފޮޓޯ: އެމްޑަބްލިއުއެސްސީ
17 ޑިސެމްބަރ 2020 - 12:19
17 comments
ހުޅުމާލޭގެ ދެވަނަ ފިޔަވަހީގެ 7000 ހައުސިން ޔުނިޓުގެ ފެނާއި ނަރުދަމާ ނިޒާމް ގާއިމްކުރުމުގެ މަސައްކަތުގެ ބޮޑު ބައެއް ނިންމައިފި އެވެ.
އެމްޑަބްލިއުއެސްސީން މިއަދު ކުރި ޓްވީޓުގައި ބުނީ ސާފު ބޯފެން ފޯރުކޮށްދިނުމުގެ 59 ޕަސެންޓް މަސައްކަތް ނިންމާފައިވާ ކަމަށެވެ. ނަރުދަމާގެ ނެޓްވޯކް އެޅުމުގެ 100 ޕަސެންޓް ނިންމާފައިވާއިރު 16 ޓަވަރުގެ ތެރެއިން 13 ޓަވަރަށް ނަރުދަމާގެ ކަނެކްޝަން ގުޅާފައިވާ ކަމަށް ބުންޏެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން ފެށި ބޯހިޔާވަހިކަމުގެ ބޮޑު މަޝްރޫއުގެ ދަށުން އިމާރާތްކުރި ފްލެޓުތަކަށް ފެނާއި ނަރުދަމާ ގުޅުމުގެ މަސައްކަތް ފަށާފައިވަނީ މިދިޔަ ސެޕްޓެމްބަރު މަހުގެ ތެރޭގަ އެވެ. އެ ކުންފުނިން ވަނީ އަންނަ ފެބްރުއަރީ މަހުގެ ކުރިން އެ މަސައްކަތް ނިންމާލެވޭނެ ކަމަށް ބުނެފަ އެވެ.
ހިޔާ މަޝްރޫއުގެ ދަށުން ގާއިމްކުރި ފްލެޓަކަށް، ފެނާއި ނަރުދަމާ ގުޅުމުގެ މަސައްކަތް ކުރަނީ.-- ފޮޓޯ: އެމްޑަބްލިއުއެސްސީ
ހުޅުމާލޭގެ ދެވަނަ ފިޔަވަހީގައި ގާއިމުކޮށްފައިވާ 16 ޓަވަރަށް ޖުމުލަ 580 ކަނެކްޝަން އެމްޑަބްލިއުއެސްސީން ގުޅައިދޭނެ އެވެ. އަދި 11,003 މީޓަރުގެ ނަރުދަމާގެ މައި ނެޓްވޯކަކާއި 283 މޭން ހޯލާއި ދެ ޕަންޕިން ސްޓޭޝަން ގާއިމް ކުރާނެ އެވެ.
Construction of Water & Sewer Network at 7000 housing-unit area in Hulhumale’ Phase 2 is well underway. 59% of water network & 100% of sewer network has been completed. Out of 16 buildings, sewer connections to 13 buildings have been completed. #MWSCProjects pic.twitter.com/q57Zy5Y38l
— Male' Water and Sewerage Company Pvt. Ltd. (@MWSC_Official) December 17, 2020
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ކުރިން ބުނީ ހިޔާ ފްލެޓްތައް އަންނަ މާޗް މަހު ހަވާލުކުރެވޭތޯ މަސައްކަތް ކުރަމުން އަންނަ ކަަމަށެވެ.
ހިޔާ މަޝްރޫއުގައި 16 ޓަވަރު އިމާރާތްކޮށްފައިވާ އިރު، ކޮންމެ ފްލޯއެއްގައި، 20 ފްލެޓް ހުރެ އެވެ. ކޮންމެ ފްލެޓެއްގައި މަދުވެގެން ފަސް މީހުން ދިރިއުޅޭނެ ކަމަށް އެޗްޑީސީން ލަފާކުރެ އެވެ. އެ އަދަދުން ބަލާއިރު އެއީ ފްލޯއެއްގައި 100 މީހުންނެވެ. އެހެންކަމުން ކޮންމެ ޓަވަރެއްގައި، ގާތްގަނޑަކަށް 2،400 މީހުން ދިރިއުޅުން އެކަށީގެންވެ އެވެ. މުޅި 16 ޓަވަރަށް ބަލާ ނަމަ އެ އަދަދު 40،000 އާ ކައިރިކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޗް8
18 December 2020
ކެޓަގަރީގެ ވަގުތީ ލިސްޓް ނެރެފައިވަނީ އިންސާފު ވެރި ކޮށެއް ނޫން، ޝަރުތު ހަމަ ނުވާ ބައިވަރު މީހުން އެބަތިބި، ޝަކުވާ ހުށައަޅަން އަނެއްކާވެސް ހުޅުވާލަން ފެނޭ
އޮނަރަބަލް ބޮޑު މުހަންމަދު
17 December 2020
ރަށްފުށުގައި އަރާމުކޮށް ދިރިއުޅެވެން އޮއްވާ ތިޔަ ކޮތަރުކޮށިތަކުގައި ދިރިއުޅެން ވިސްނާނީ މޮޔައިން
ާއުނިމާ
17 December 2020
ރައްފުށުގެ ދިރިއުަޅުން އޮއްވާ މާލެއަަސްވެސް އައިސް ކޮތަރު ކޮށިތަކުގަ އެތައް ބަޔަކު މިހާރުވެސް އުޅެމުންދާކަން ނޭގެނީތޯ
އަލިއްކޮ12
17 December 2020
ގިނަ މީހުން ނައިޔާ ހަމަ ރަންގަޅީ އޭރުން މަގޭ ޖީބަށް ލުއިވާނެ ނަމަވެސް ހިތާމަޔަކީ ކަލޭމެން ކުދިން ތިއަރާމު ދިރިއުޅުން ދޫކޮށް މިތަނަށް އަންނަކަން ފާދާވަނީ މާލޭ މުއްސަނދިންނަށް މާލޭގެ އިމާތާތް ތަށް ފަންސަވީސް ބުރިޔަށް އަރައިގެންދިޔައިރު އެއްމެރަށެއްގަވެސް 10 ބުރީގެ އިމާރާތެއްހުރިހެނެއްހީނުވޭ ހުރެއްޖެއިޔާ އަންގާލަދީބަލަ މަށަށްފެނުނީ 6 ބުރިޔަށް އެންމެއުސްކޮށް ހުއްޓާ ތަފާތު ވަރަށްބޮޑު ވިމާ 5ކުޅަނދު މަދުމީހުން ރަށްތަރަށްގީވޭތޯ މަސައްކަތް ކުރޭ!!!!!!!!!
ނައު11
17 December 2020
އެހާ ގިނަބަޔަކު ޢުޅޭ ތަނެއްގަ މައްޗައް ފެންދާނޭ މަހިތަކަށް ނާރާ ޕަންޕު ނުބަހައްޓާ.
ޕަންޕު
18 December 2020
ކާކުތަ ބުނީ ޕަންޕު ނުބަހައްޓާ ފެން އަރާނެއޭ އެހިސާބަށް... އެތަންހަދާ ބަޔަކު ޕަންޕު ވެސް ބަހައްޓާނެތާ ދޯ!!
އަލިހަންދުރޯ
20 December 2020
ބްރޯ. މާލޭގައި މިހުންނަ ގޭގޭގައިވެސް ހުންނަނީ ޕަމްޕު ބަހައްޓާފަ. ކިހިނެއް ތިޔާތަނަށް ޕަމްޕު ނުލާ ފަރުޖެހޭނީ؟
ކޮލަމާފުށި
17 December 2020
ސަރާސަރު ބޮޑު ބިމެއްހިއްކާފަ 50000ހާސް މީހުން ތޮއްޖައްސަލަނީ ކުޑަ ތަންކޮޅކަށް..މީ ރައްޔިތުންނަށް ޔަމީނު ޖެއްސި އަނިޔާ ވެރިކަމެއް.
ސްކިޕަރ
17 December 2020
ދިރުމެއްނެތް، އަގެއް ނެތް ސަރާސަރު ބިންތަކަށް ދިރުންގެންނެވި ރައީސަކީ، ރައީސް ޔާމީން. ސަރާސަރު ބިންތައްވެސް ސުންނާފަތިކޮށް، ރައްޔިތުންގެ ހައްގު ރައްޔިތުންގެ އަތުން ފޭރިގަތް ފަނާކުރަނިވި ސަރުކާރަކަށްވުރެ މާބޮޑަށްވެސް ރަގަޅު.
ނާޒި
17 December 2020
2023 ނިމޭއިރުވެސް ތި ފްލެޓްތަކަށް ބަޔަކަށް ވަދެވޭވަރު ވާނެބާ
ބަސް
17 December 2020
ދުވެލި ހުރިގޮތުން ހީނުވޭ.
ހައްގުބަސް
17 December 2020
ކުރީގެ ސަރުކަރުން ކުރިކަމެއް ހުޅުލާލެން ފެންނަން ހުރީ.
މަންޑޭލާ
17 December 2020
ހަދާ ނިމިފަ ހުރި ފްލޭޓުތައް ސަރުކާރައް 3ވަނަ އަހަރައް އެޅީއިރުގަވެސް ފްލެޓުތަކުގެ ހައްގުވެރިންނަ ނުދީ ކުރީގެ ސަރުކާރުގެ އަގުވައްޓާލެވޭތޯ ބެލީ.
ހިފެހެއްޓުމެއްނެތްކަރުނަ
17 December 2020
ނިމެނީ ނިމެނީ ނުކިޔާ ނިންމާފަ އޭގެ ހައްގުވެރިންނާ އެތަންތަން ހަވާލުކޮށްބަލަ.
ޝޮކްތެރަޕީ
17 December 2020
ރައިސް ޔާމިން ދެވަނަ ދައުރަކައް ހޮވުނުނަމަ މިހާރު ފްލެޓުތަކުގަ މީހުން ދިރިއުޅޭނެ.
ސްކިޕަރ
17 December 2020
ތިޔަ މަސައްކަތުގައި ކޮންމެވެސް ވަރަކަށް އުޅޭ މީހެއްގެ ހައިސިއްޔަތުން އަހަންނަށް އެނގިފައިވާ ކަމަކީ 16 ޓަވަރުން ކުރެ އެންމެ ޓަވަރެއްގެވެސް އެންމެ މަތީ 10 ފްލޯ އާއި ހަމައަށް ރަނގަޅު ޕްރެޝަރެއްގައި ފެން ފޯރުކޮށް ދެވޭނޭ ގާބިލުކަމެއް އެމްޑަބްލިއުއެސްސީގައި ނެތްކަން. އަދި ފެން ގިނައިން ބޭނުންކުރާ ދުވަހެއްގައި (މިސާލަކަށް ހުކުރު ދުވަހު) 10 ވަނަ ފްލޯއާއި ހަމައަށްވެސް ފެން އަރައިގެން ނުދާނެކަމަށް ވަނީ.