ޑަބްލިއުއެޗްއޯގެ ޑިރެކްޓަ ޖެނެރަލް ޓެޑްރޯސް އަދަނޮމް ގެބްރެޔެސުސް ނޫސްވެރިންނާ ވާހަކަ ދައްކަވަނީ. --ފޮޓޯ:އޭއެފްޕީ
19 ޑިސެމްބަރ 2020 - 11:34
4 comments
ކޮވިޑް-19ގެ ބަލިމަޑުކަން ނިމުމުގެ ކޮޅުމަތި މިހާރު ފެނިފައިވާ ކަމަށާއި ނަމަވެސް އެބަލިން ރައްކާތެރިވާން އަޅާފައިވާ ފިޔަވަޅުތައް އަދި މުޅިން ދޫކޮށްލައިގެން ނުވާނެ ކަމަށް ދުނިޔޭގެ ސިއްހަތު ޖަމިއްޔާ ޑަބްލިއުއެޗްއޯއިން އިއްޔެ ބުނެފި އެވެ.
ޑަބްލިއުއެޗްއޯއިން ބޭއްވި މީޑިއާ ބްރީފިންއެއްގައި އެ ޖަމާއަތުގެ ޑިރެކްޓަ ޖެނެރަލް ޓެޑްރޯސް އަދަނޮމް ގަބްރެޔެސުސް ވިދާޅުވީ ކޮވިޑްގެ ކެންޑިޑޭޓް ވެކްސިންތަކުގެ ދެ ބިލިޔަން ޑޯޒް، އދ. އިން ކަނޑައަޅާފައިވާ ވެކްސިން ޕްރޮގްރާމް، ކޮވެކްސްއަށް ލިބޭނެ ކަން މިހާރު ކަށަވަރުކުރެވިފައިވާ ކަމަށެވެ.
ކޮވެކްސްއަކީ ކޮވިޑަށް ފަރުވާ އާއި ވެކްސިން ހޯދަން ގުޅިގެން މަސައްކަތްކުރަން ޑަބްލިއެޗްއޯ އާއި ޔޫރަޕިއަން ޔޫނިއަން އަދި ބޭސް އުފައްދާ ކުންފުނިތަކާއި ގައުމުތަކުން އުފަައްދާފައިވާ ފެސިލިޓީއެކެވެ.
ޓެޑްރޯސް ވިދާޅުވީ އެއަށް ވުރެ އިތުރަށް ވެސް ވެކްސިންގެ ޑޯޒްތައް ހޯދަން މަސައްކަތް ކުރަމުން އަންނަ ކަމަށެވެ.
"މިއީ ބަލިމަޑުކަމުގެ ނިމުން ފެންނަ ހިސާބަށް އައިކަމުގެ ހިތްހަމަޖެހުން ލިބިގަންނަންވީ ވަގުތު. ނަމަވެސް ރައްކާތެރިވާން ކުރާ މަސައްކަތް ހުއްޓައިނުލަން ފަރުވާތެރިވާން ޖެހޭނެ. އަޅުގަނޑުމެންގެ އަމިއްލަ ނަފްސުތަކާއި އެހެން މީހުން ރައްކާތެރިކުރުމަށް ފިޔަވަޅު އެޅުމުގެ ޒިންމާ އަޅުގަނޑުމެން އުފުލަން ޖެހޭނެ،" އޭނާ ވިދާޅުވި އެެވެ.
ކޮވެކްސްއަށް ދެ ބިލިޔަން ޑޯޒްގެ ވެކްސިން ލިބޭނެ ކަން ކަށަވަރުކުރެވުމުގެ މާނައަކީ، ޑަބްލިއުއެޗްއޯ އިން ބުނިގޮތުގައި، އެ ފެސިލިޓީގައި ބައިވެރިވެފައިވާ 190 ގައުމަށް ވެސް އަންނަ އަހަރު ވެކްސިން ލިބޭނެކަން ކަށަވަރުވުމެވެ. އެގޮތުން އަންނަ އަހަރުގެ ފުރަތަމަ ކުއާޓަރުގައި ގައުމުތަކަށް ވެކްސިން ގެންދަން ފެށޭނެ ކަމަށް ވެސް އެ ޖަމާއަތުން ބުންޏެވެ.
ޑަބްލިއުއެޗްއޯއިން ލަފާކުރާ ގޮތުގައި އަންނަ އަހަރު ނިމޭ އިރު ހުރިހާ ގައުމެއްގެ ވެސް އާބާދީގެ 20 ޕަސެންޓް މީހުންނަށް ކޮވިޑްގެ ވެކްސިން ދެވޭނެ އެވެ. އަދި ދެން ތިބި މީހުންނަށް 2022 ވަނަ އަހަރު ވެކްސިން ދީ ނިންމާލެވޭނެ އެވެ.
ކޮވިޑް-19 އަކީ އެބަލީގެ މާ ބޮޑު ހަގީގަތެއް އަދި ނޭނގޭ އާ ބައްޔަކަށް ވާތީ އެބަލިން ރައްކާތެރިވުމަށް ގައުމުތަކުން ވަރަށް ހަރުކަށި ފިޔަވަޅުތައް އެޅި އެވެ. އޭގެ ތެރޭގައި ދަތުރުފަތުރުކުރުން ހުއްޓައިލުމާއި މީހުން ގެއިން ބޭރުގައި އުޅުން މަނާކުރުން ހިމެނެ އެވެ. އެ ފިޔަވަޅުތަކާ ހެދިި އިގުތިސާދީ ގޮތުން ގިނަ ގައުމުތަކަަށް ބޮޑެތި ގެއްލުންތައް ލިބުނެވެ.
ކޮވިޑަށް ވެކްސިން ހޯދަން ކުރި މަަސައްކަތްތައް ކާމިޔާބުވުމާ އެކު ގިނަ ގައުމުތަކުން ވަނީ ފިޔަވަޅުތައް ލުއިކޮށްފަ އެވެ. މިހާރު ވެސް ދެ ވެކްސިނަކަށް އެމެރިކާ އިން ވަނީ ހުއްދަ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުހާގެބޯ
19 December 2020
99% ރަގަޅުވާ ރޯގާ އަކަށް މުޅިދުނިޔޭގެ އާބާދީއަށް ވެކްސިންދޭން މިދެނީ ކީއްކުރަން. %95ކާމިޔާބު ވެކްސިންއެއް ކަމަށް ދައުވާކުރާއިރު ކިހާ ކާމިޔާބުތޯ ބަލާނީ ކާކު؟ ދިނުމުން ދިމާވެދާނެ ގެއްލުމުގެ ޒިއްމާއެއް ނުނަގާނެކަމަށް ކުންފުނިތަކުން ބުނަމުންދާއިރު ތެޅިފޮޅިގަނެގެން މިފަދަ އެއްޗެއް ގަޔަށް ޖެހުމަށްފަހު ދެން އެބޭރުކުރުމަށް ހެދޭނެގޮތެއް ނެތްކަން އެގެނީ ކިތައް މިޙުންނަޢްބާ.ދާއިމީ ގެއްލުމެއް ލިބިދާނެ މާއްދާއެއް ވޭތޯ އިތުބާރިހުރި ކިތައް ފަރާތުން ބަލާނެތޯ.
ސްކިޕަރ
19 December 2020
ތިޔަ ބުނާ ކޮޅުމަތި ފެންނަނީ އެބައެއްގެ ރައްޔިތުންދެކެ ކުލުނާއި ލޯބިހުރި ވެރިން ތިބި ގައުމުތަކަށް. ދިވެހީންނާއި ދިވެހި ބިމުގެ މުއްސަނދިކަމުން މަންފާ ނަގައިގެން ނިއުޔޯކާއި ލަންޑަނުން ގެދޮރު ގަނެގެން، އަނބިދަރިން އެތަންތަނުގައި ވަޒަންވެރިކޮށްގެންއުޅޭ ބައެއްގެ އެއްވެސް ލޯތްބެއް ކުލުނެއް ދިވެހިރައްޔިތުންނަކަށް ނުހުންނާނެ. ދިވެހިރާއްޖެއަކީ ސިޔާސީމީހުންގެ ޕްލޭގްރައުންޑް. ދިވެހީންނަކީ އެމީހުންގެ ޕްލޭ ޕަޕެޓްސް. ނަޝީދު، އިބޫ، އެމްޑީޕީ އިސްތިއުފާދީ.
ސަރަފޭ
19 December 2020
ހިއްމަ ޖެހުމެއްނެއް! ރާއްޖެކަހަލަ ފަރުވާކުޑަ ކުމީހުން އުޅޭތާކައް ތިހާ ރައްކާތެރި ކާމާއެކު ގެންގުޅެން ޖެހޭވެސިނެއް ނުގެޅެންވޭނެ. ބޯން ފޯރުކޮއްދޭ ފެންފުޅިތަކާ އެހެނިހެން ބުނިއްތައްވެސް އަވީގަ ބަހައްޓައިގެން ތާޒާކަން ކެޑޭފަހުން ބޯންލިބެނީ! އަދި ފިހާރަ ތަކައް ގެންނަ އެއްގަމުމަސްވެސް އެތައް ފަހަރަކު ފިނިކަޑުވާ ފުރިޖުކުރޭ
އަބޫބަކުރުބެ
19 December 2020
ٱلْحَمْدُ لِلَّٰهِ رَبِّ ٱلْعَٰلَمِينَ.