20 ޑިސެމްބަރ 2020 - 11:48
20 comments
އެސްޓީއޯގެ ޑިޖިޓަލް ބޭންކްގެ ހިދުމަތް އަންނަ އަހަރުގެ މާޗް މަހު ފެށޭނެ ކަމަށް އެ ކުންފުނީގެ މެނޭޖިން ޑިރެކްޓަރު ހުސައިން އަމްރު ވިދާޅުވެއްޖެ އެވެ.
އަމްރު "މިހާރު" އަށް ވިދާޅުވީ، މިއީ ރާއްޖޭގައި ހިންގާ ކޮންވެންޝަނަލް ބޭންކްތަކާ ހިލާފަށް، ހިންގުމުގައި ހަރަދު ކުޑަ ބޭންކެއް ކަމަށެވެ. އަދި ހިދުމަތް ހޯދުމުގައި ވެސް ލުއި ގޮތްތައް ހެދިފައި ހުންނާނެ ކަމަށް އޭނާ ވިދާޅުވި އެވެ.
އަމްރު ވިދާޅުވީ، ޑިޖިޓަލް ބޭންކުން މަދު ސިކުންތުކޮޅެއްގެ ތެރޭގައި އެކައުންޓެއް ހުޅުވޭނެ ކަމަށެވެ. އެކަން ކުރަން އެއްވެސް އޮފީހަކަށް ދާކަށް ނުޖެހޭނެ އެވެ. މީގެ އިތުރުން އެއް މިނެޓް ތެރޭގައި ލޯނެއް ނެގޭނެ ކަމަށް އޭނާ ވިދާޅުވި އެވެ. އަދި ކަސްޓަމަރުންނަށް މާލީ ގޮތުން ހާސިލް ކުރަން ބޭނުންވާ ކަންކަމަށް މަގުފަހިވާ ގޮތަށް، މުއާމަލާތްތައް ފަސޭހައިން ޓްރެކް ކުރެވޭނެ ކަމަށް އޭނާ ވިދާޅުވި އެވެ.
"މި ބޭންކް ހިންގާނީ މީހުންނާ ވަރަށް ގާތްކޮށް. އަވަހަށް ހިދުމަތް ލިބޭނެ ގޮތަށް. ޔޫރަޕްގެ މަޝްހޫރު ޑޮއިޗޭ ބޭންކުން ކޮންސަލްޓެންސީ ހޯދުމުގެ މަސައްކަތް މި ކުރަނީ،" އަމްރު ވިދާޅުވި އެވެ.
އޭނާ ވިދާޅުވީ، ކުރިއަށް އޮތް ޖެނުއަރީ މަހުން ފެށިގެން ދެ މަސް ދުވަހަށް ކޮންސަލްޓެންސީ ހޯދުމަށް ފަހު މާޗް މަހު ޑިޖިޓަލް ބޭންކުން ހިދުމަތް ދެވޭނެ ކަމަށް ގަބޫލުކުރައްވާ ކަމަށެވެ.
ރާއްޖޭގެ އެންމެ ބޮޑު އެއް ކުންފުނި އެސްޓީއޯ އިން ޑިޖިޓަލް ބޭންކްގެ ހިދުމަތް ދިނުމުގެ ގޮތުން، ރާއްޖޭގެ ބޭންކިން ނިޒާމާ ގުޅޭ ގޮތުން އާންމުންގެ ހިޔާލު ހޯދުމުގެ ބޭނުމުގައި މާކެޓް ސާވޭއެއް މިހާރު ކުރިއަށް ގެންދެ އެވެ. މި ސާވޭ ކުރަނީ ސީޑީއީ ކޮންސަލްޓެންސީއާ ގުޅިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފްޝާން
21 December 2020
ސުޕަމާޓަށް ޖައްސާލާއިރު އެތައް ރެކެއް ހުހަށް. ކުރީ ހަފްތާގައި ގަތް އެއްޗެއް ފަހު ހަފްތާއަކު ނުލިބޭ. ބަލަގަ ބްރައުނީ ނުކައޭ މި ތިބެނީ. ފުރަތަމަ ސުޕަމާޓަށް ބްރައުނީ ގެނެބަލަ
ޖަމީލުބެ
20 December 2020
ބޭންކިންގެ ހުއްދަވެސް ނެގީތޯ؟ ދިރާގުން އުރީދޫންވެސް ތިކަން ކުރަން ފެނޭ.. އަދި ޕީއެސްއެމުން އިންޓަރ ނެޓާއި ފޯން ސާވިސަސް ފަށަން ޖެގޭ
އަފޫ އަފޫ
20 December 2020
ރަނގަޅު ކަމެއް އެކަމް އެސްޓީއޯގެ މެންޑޭޓްގައި ހިމެނޭ ކަމެއްބާ މީ؟
މެންޑޭޓް
21 December 2020
މެންޑޭޓް އެއީ ބަދަލު ނުގެނެވޭނެ އެއްޗެއްތަ؟
ފަހުދު
20 December 2020
އެންމިނެޓްތެރޭ ކަރައެއް ފަޅާލެވިދާނެ
އަލީރާޖާ
20 December 2020
ބީއެމްއެލް ނޫން ގޮތެށް ބޭނުން!
ސްކިޕަރ
20 December 2020
ބީ.އެމް.އެލް އިން ދަނީ ޒުވާނުންނާއި، ކުދި އަދި މެދުފަންތީގެ ވިޔަފާރިވެރިންނަށް ކެހިދެމުން.
ޖާޑި10
20 December 2020
މަރުހަބާ އަމްރު. ތިބޭންކަށް ބޭނުންވާ ގާބިލް މީހުން ހޯދުމަށް ބީއެމްއެލް ބަލާލާތި. އެތާ އެބަތިބި ކަސްޓަމަރ ސަވިސް ގުރޫ އިންނާއި ހިއުމަންރިސޯސް ގުރޫއިން. ވަރަށް ރަނގަޅުވާނެ
ނަޝީދު.
20 December 2020
ހާދަ އަގުބޮޑު ގަޑިޔެއް އަޅާފަ ތިއޮތީ؟
ލަދުކުޑޭ
20 December 2020
މީގެ 5 އަހަރު ކުރިންވެސް އޭނާ އަޅާ ގަޑިއެއް. ޖޭވީތަ؟
ހޮޓްކިންގ
20 December 2020
އެސްޓީއޯއިން 1 މިނިޓް ތެރޭ ޑިޖިޓަލް ބޭންކު މެދުވެރިކޮށް ލޯނު ނެގޭވާހަކަ ބުނީމާ މިހިރީ ހައިރާންވެފަ. މިއުޅެނީ އިންޓަނެޓްގެ ޚިދުމަތް ދޭ ކުންފުނިން ދޭޚިދުމަތް ސްލޯކަމުން ކުރިޔަށް ނުކަނޑައިގެން، ފޯނުކޮށްލެއް ކުރީމާ ޖަވާބު ނުދޭ 30 މިނިޓް ހޭދަވާއިރުވެސް. ދެން ތި ދައްކަނީ ކޮންގޮތަކަށް މެގަސްޕީޑްގައި ތި ޚިދުމަތް ދޭވާހަކަތޯ. ތިވިދާޅުވާ ލޯނު ނަގަނީ އަމިއްލަ ފޮށި އުޅުވައިގެންކަމަށްވާހަނަ އެފޮށި ހުޅުވަންވެސް ނަގާނެ 5 މިނިޓް އެންމެ މަދުވެގެން.
ހަކީމް
20 December 2020
އެކައުންޓު ތަކުގައި ބަގުޑި ބައްދައިގެން އުޅޭ "މަގޭ ބޭންކޭ" ކިޔައިގެން އުޅޭ މީހުން ވަރަށް މޭކަރާނެ. އޮންލައިން ވޮލެޓް އަދި ލާރީގެ މުއާމަލާތް ކުރާ ހިދުމަތް ތަކަށް އެކްސެސް ދޭނެ ކަމަށް ހީކުރަން. މިޒަމާނުގައި މިއީ ވަރަށް މުހިންމު ކަމެއް.