އިދިކޮޅު ޕީޕީއެމް/ޕީއެންސީން ރޭ މާލޭގައި ބޭއްވި ޖަލްސާގައި ކުރީގެ ނައިބު ރައީސް ޑރ. ޖަމީލް އާއި އެ ކޯލިޝަންގެ ބައެއް އިސްވެރިން.---ފޮޓޯ: ނިޝާން އަލީ/މިހާރު
27 ޑިސެމްބަރ 2020 - 00:44
23 comments
އަނިޔާ ލިބިފައިވާ މީހުންނަށް އިންސާފު ހޯދައިދިނުމަށް ރައްޔިތުންގެ މަޖިލީހުން ދާދި ފަހުން ފާސްކުރި އިންތިގާލީ އިންސާފުގެ ގާނޫނު ރަނގަޅަށް ތަންފީޒު ކުރާނީ ޕީޕީއެމްގެ ސަރުކާރެއްގައި ކަމަށް ކުރީގެ ނައިބު ރައީސް އަދި ޕީޕީއެމްގެ އެޑްވައިޒަރު ޑރ. މުހައްމަދު ޖަމީލު ރޭ ވިދާޅުވެއްޖެ އެވެ.
އިދިކޮޅު ޕީޕީއެމް/ޕީއެންސީން މާލޭގެ ކާނިވާ ސަރަހައްދުގައި ބޭއްވި "ވިސްނާ" ޖަލްސާގައި ޑރ. ޖަމީލު ވިދާޅުވީ މި ސަރުކާރު ހިންގާ ކޯލިޝަންގެ އެންމެ ބޮޑު ޕާޓީ އެމްޑީޕީން އެންމެ ފަހުން ފާސްކުރި އިންތިގާލީ އިންސާފުގެ ގާނޫނަކީ އެ ޕާޓީގެ އަމިއްލަ ކަރަށް މަހައިލި މަޅިއެއް ކަމަށެވެ. އެ ގާނޫނުގެ ދަށުން ފުރަތަމަ ބަލަން ޖެހޭނީ އެމްޑީޕީގެ ސަރުކާރުން މީހުންނަށް ދީފައިވާ އަނިޔާތައް ކަމަށް އެ މަނިކުފާނު ވިދާޅުވި އެވެ.
"އެންމެ ފުރަތަމަ ބަލަން ޖެހޭނީ ސުޕްރީމް ކޯޓުގައި ތަޅު އެޅުވި މައްސަލަ، އަބްދުﷲ ގާޒީ ވަގަށް ނެގި މައްސަލަ، ރައީސް އަބްދުﷲ ޔާމީން ހައްޔަރު ކުރި މައްސަލަ، ގާސިމް އިބްރާހިމް ހައްޔަރު ކުރި މައްސަލަ، ހުދު އަޅުގަނޑު ހައްޔަރު ކުރި މައްސަލަ އަދި މުލިއާގޭ ތެރޭގައި ހޯރަ އިއްބެ އާއި އޭނާގެ އެހެން ރައްޓެހިން ދިރިއުޅުނު މައްސަލަ،" ކުރީގެ ރައީސް އަބްދުﷲ ޔާމީންގެ ސަރުކާރުގެ ފުރަތަމަ ނައިބު ރައީސް ޑރ. ޖަމީލް ވިދާޅުވި އެވެ.
އިދިކޮޅު ކޯލިޝަނުން ރޭ މާލޭގައި ބޭއްވި ޖަލްސާގެ ތެރެއިން.---ފޮޓޯ: ނިޝާން އަލީ/މިހާރު
އިންތިގާލީ އިންސާފުގެ ގާނޫނު ޕީޕީއެމްގެ ސަރުކާރެއްގައި ފުރިހަމަ އަށް ތަންފީޒު ކުރުމުން ނޮވެމްބަރު 3، 1988 ގައި ޝަހީދުވި މީހުންގެ އާއިލާތަކަށް އިންސާފު ލިބޭނެ ކަމަށް އެ މަނިކުފާނު ވިދާޅުވި އެވެ.
ޑރ. ޖަމީލް ވިދާޅުވިގޮތުގައި، އެ ގާނޫނު ރަނގަޅަށް ތަންފީޒު ވެއްޖެ ނަމަ ކުރީގެ ރައީސް އަދި މިހާރު ރައްޔިތުންގެ މަޖިލީހުގެ ރައީސް މުހައްމަދު ނަޝީދު 1،000 އަހަރަށް ޖަލަށް ލާން ޖެހޭނެ އެވެ.
"ހިތާމައާއެކީގައި ދަންނަވާލަން ބޭނުންވޭ އިންތިގާލީ އިންސާފުގެ ބިލު ރަނގަޅަށް ތަންފީޒު ވެއްޖެ ނަމަ ރައީސް ނަޝީދު އެއްވެސް ޝައްކެއް ނެތް ގޮތުގައި 1،000 އަހަރު ޖަލުގައި ހުންނަވާނެ،" ޑރ. ޖަމީލު ވިދާޅުވި އެވެ.
އިދިކޮޅު ކޯލިޝަނުން ރޭ މާލޭގައި ބޭއްވި ޖަލްސާގެ ތެރެއިން.---ފޮޓޯ: ނިޝާން އަލީ/މިހާރު
އެ މަނިކުފާނު ވިދާޅުވީ، އެމްޑީޕީން މި ހުރިހާ ދުވަހަކު ޝަކުވާ ކުރީ ހުރިހާ ބާރަކާއި އަޣުލަބިއްޔަތު ނުލިބޭތީ ކަމަށެވެ. ނަމަވެސް މިއަދު އެ ބާރުތަކާއި އަޣުލަބިއްޔަތު ލިބުމުން ރާއްޖޭގެ ހާލަތު އިތުރަށް ދަށްވެ، އިންސާފުގެ ދޮރު ކިލަނބު ވެފައިވާ ކަމަށް ވިދާޅުވި އެވެ.
އޭގެ ނަތީޖާ އަކީ ޑރ. ޖަމީލް ވިދާޅުވިގޮތުގައި، އިދިކޮޅު ފަރާތްތަކަށް ވެސް އެއްވެސް ރައްޔިތަކަށް ވެސް މިއަދު އިންސާފު ނުލިބުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަރުވާލި އާދަނުގެ ސިޔާސީ ހާސަރު
28 December 2020
ތިޔައީ ރައީސް ނަޝީދު 2008ގައި ހުވާކުރެއްވީމައި 2012ގައި ވަހީދު ހަވާލްވުން ޒާތު ޖޯޝާއި ޖަޒުބާތުން ފުރިގެންވީ ޒާތު އަދުރޭމެން ސިޔާސީ މާޔޫސްކަމުގައި ނިދާލަށް ( ނާނާ ) އަކަށް ހިތްގައިމު ސަޅި ވާހަކަފުޅެއް. މަރުހަބާ
ފޮނިޓައްޕު ހަސަނު
27 December 2020
ޕީޕީެއެމުން ރިޔާސީ ކެންޑިޑޭޓެއް ނެރެން ނަން އިއުލާނު ކުރާ ހިސާބުން ތި ޖަމީލު ނިގޫ ޖެހިތާ ބޯޖަހާފައި ތި ޕާޓީ ދޫކޮށް ދާނެ.
ހަސަނު
27 December 2020
މީހަކު ހަލާކު ވަނީ އެއޮއްގެން....
ފުއްމަންކަނޑާ
27 December 2020
ތާފާތެއް ގެނެވޭނި ތަފާތު ވިސްނުމަކުން ދެކޮޅަށް ދެރައުންޑް ކުޅެވުނީމާ އެއް އެތިކްސްއެއްގެ އެއްބައެއްކަން އެގެންވާނެ. އަނެއްކާ 3ވަނަ ރައުންޑަކާ 4ވަނަ ރައުންޑެއް ކުޅެފައި މީހާރު ތިނުކުންނެވީ ހަމަ އޭގެ 5 ވަނަ ރައުންޑަށް! އަބަދުވެސް ބޭނުންފުޅުވަނީ އަނެއްކާވެސް ކުރީ ޓީމަށް އަރާ، ފަހުޓީމަށް ޗެލެންޖްކޮށްގެން އިންސާފު ދެއްތޯ؟ ދެކޮޅުގަވެސް މުޑުދާރު އެއްބައެއް އެއްގޭމެއް. ދެންތިބި އެންމެން މަރުމޯލު ހެދިގެން ފަހަރަކު ކޮޅަށް މަރުފަލި ޖަހަން ހަމަ ތިބޭނީތޯ؟
އަލްޖިބްރާ
27 December 2020
ކަލޭގެ ބަސް އަޑުއަހާނީ ކާކު ؟ ކަލޭތީ ވެރިކަމަށް ހޮވުނަސް ވެރިކަން ހަވާލު ނުކުރާނަމޭ ބުނިމީހާ ! އެހެންބުނަފަ އަނެއްކާ ދުވީ ފިލަން ! ފިލާ އޮވެފަ އަނެއްކާ ތިދުވަނީ އަތުގަދަތް އެޅިމީހާ ސަލާމަތް ކުރާށޭ ކިޔައިގެން ! ތިވަރުގެ މީހުން ލާންވީ މޮޔައިންގެ ޖަލަކަށް !
އަބްޙަރީ
27 December 2020
ހުސް އަމިއްލައެދުމުން ފޯވެފަތިބި މާސިންގާކޮރަޕްޓްބައެއް!
ުވައިސޫރި
27 December 2020
ޖަމީލަކީ ދެބަޖަހާ ގޮއްރާޅެއް ދައްކާވާހަކަޔަކާ އަމަލެއް ދިމާނުވާ މީހާޔައް ހިޔަނިފެނިގެންއުޅޭ ކިބުރުވެރި ބޮޑާމީހެއް
ފޮނިޓައްޕު ހަސަނު
27 December 2020
އިގޯ އަކީ ވަރަށް ނުބައި ބައްޔެއް އަބަލި ޖެހޭ މީހުން ގަބޫލު ކުރާގޮތުން އެމީހުންނަށް ވުރެން މޮޅަށް އެހެން ބަޔަކަށް އެކައްޗެއްވެސް ނޭގޭނެ އަދި މޮޅެއް ވެސް ނުވާނެ، އޭގެ ސަބަބުން އެހެން މީހުންނާއި ގުޅިގެން އުޅޭކަށް ވެސް ނޭގޭނެ. ދިވެހި ބަހުން މިބައްޔަށް ކިޔަނީ ކިބުރު ބަލި.
ކޮލަމާފުށި
27 December 2020
ބަލަ ޖަމީލޫ..ގަދަބަސްބުނުން ހުއްޓާލަން ނުވޭތަ؟ މީހުން ޖަލަށް ލުން ނޫންވާހަކައެއް ކަލޭ އަނގައިން ފަހަކަށް އައިސް ބޭރެއް ނުވޭ.
އަހުމަދުބޭ
27 December 2020
މިދެއުޅިއެއް ނުވާމީހުން ދައްކާ ވާހަކަ އަޑުއަހަން ގޮސް ތިބި މީހުންނާ ދޭތެރޭ އަހަރެންނަށްވިސްނެނީ؟ ރާއްޖެއިން މިސިޔާސީ ޕާޓީތަށް އުވާލައި މިގެންނަން އުޅޭޑިމޮކްރަސީ ސައިޒްކޮށް ގެންނޫން ގޮތަކަށް މިގައުމަށް ހަމަޖެހުމެއް ނުލިބޭނެ، ރައްޔިތުންނޭ ހޭއަރާ ސިޔާސީ ކުޅިގަނޑު ހުއްޓައިލައި ގައުމާ ދީނާ ދުނިޔެއާ ދޭތެރޭ ވިސްނާ މިއުޅޭ ދެއުޅިއެއް ނުވާ ސިޔާސީވެރިން އެކަހެރި ކޮށް އެވެރިންނަށް ފިލާވަޅެއްދޭންވީ ވަގުތު މިއޮތީ އައިސް