ގަން އެއާޕޯޓްގައި ހުރި ޖެޓްތަކެއް. ފޮޓޯ/ އޭއައިއޭ
28 ޑިސެމްބަރ 2020 - 21:02
20 comments
ގަން އިންޓަނޭޝަނަލް އެއާޕޯޓަށް މި މަހު ރެކޯޑް އަދަދަކަށް ޕްރައިވެޓް ޖެޓް ޖައްސައިފި އެވެ.
ރާއްޖޭގެ އެންމެ ދެކުނުގައި ހިންގާ މި އެއާޕޯޓްގައި މި ވަގުތު ވެސް 35 ޖެޓް އެބައޮތެވެ. މިއީ 2015 ގެ ފަހުން ގަން އެއާޕޯޓަށް މިހާ ގިނަ އަދަދަކަށް އެއްފަހަރާ ޖެޓްތައް ޖެއްސި ފުރަތަމަ ފަހަރެވެ. ކުރީގެ ރެކޯޑަކީ 26 އެވެ.
ގަން އެއާޕޯޓް ހިންގާ އައްޑޫ އިންޓަނޭޝަނަލް އެއާޕޯޓް ކޮމްޕެނީ (އޭއައިއޭ) ގެ ޕަބްލިކް ރިލޭޝަން އެގްޒެކެޓިވް މިސްބާހް ނަޒީރު މިއަދު ވިދާޅުވީ މި މަހުން ފެށިގެން އަންނަ މަހުގެ 15 އާ ހަމައަށް ގަން އެއާޕޯޓަށް 100 އެއްހާ ޖެޓް އަންނާނެ ކަމަށެވެ.
"މިއީ މި އެއާޕޯޓްގެ ތާރީހުގައި ވެސް ރެކޯޑް އަދަދަކަށްވާނެ،" އޭނާ ވިދާޅުވި އެވެ. "މިހާރު މޫވްމަންޓްތަކަށް ދުވާލަކަށް އަށެއްކަ ޖެޓްގެ މޫވްމަންޓް ގަން އެއާޕޯޓްގައި އެބަ ހިނގާ."
އޭއައިއޭ އިން ބުނީ ގަމަށް އަންނަ ޖެޓްތަކުގެ ތެރޭގައި ފަސިންޖަރުން ގޮވައިގެން އައިސް ވެލާނާ އިންޓަނޭޝަނަލް އެއާޕޯޓަށް އެ މީހުން ބާލައި ޕާކްކުރަން އަންނަ ޖެޓްތައް ވެސް ހިިމެނެ އެވެ. އެ ކުންފުނިން ބުނި ގޮތުގައި އައްޑޫގައި އޮތް އެންމެ ބޮޑު ދެ ރިސޯޓް ކަމަށްވާ ޝަންގްރިއްލާ ވިލިގިލި ރިސޯޓް އެންޑް ސްޕާ އާއި ކެނެރީފް (ހެތެރަތަ) ކޮވިޑް-19 އާ ހެދި ބަންދުކޮށްފައި ނެތް ނަމަ މި އަހަރަކީ މިހާރު އަންދާޒާކޮށްފައި އޮތް ވަރަށް ވުރެ މާ ގިނައިން ޖެޓްތައް އަންނާނެ އަހަރެކެވެ.
ގަން އެއާޕޯޓްގައި ހުރި ޖެޓްތަކެއް. ފޮޓޯ/ އޭއައިއޭ
"އެކަމަކު މިތަނަކު ނެތް މިހާރު ޖެޓްތަކުގައި އަންނަ ޓޫރިސްޓުންނަށް ހިދުމަތްދޭނެ ލަގްޒަރީ ބެޑްތަކެއް. އެއީ މި ވަގުތު އޮތް ވަރަށް ބޮޑު ގެއްލުމަކަށްވާނީ،" މިސްބާހް ވިދާޅުވި އެވެ. "މިތަނުގައި ޖެޓްތައް ޕާކްކޮށްފައި، ޑޮމެސްޓިކް ފްލައިޓެއް ނަގައިގެން ރާއްޖޭގެ އެކި ދިމަދިމާލަށް ޖެޓްތަކުގައި އަންނަ މީހުން ޗުއްޓީ ހަދާލަން ދަނީ."
އޭނާ ވިދާޅުވި ގޮތުގައި ޖެޓްތަކުގައި އަންނަ ބައެއް ކްރޫން މިހާރު ވެސް ގަމުގެ އީކްއޭޓަ ވިލެޖާއި ސައުތު ޕާމް ރިސޯޓްގެ އިތުރުން އައްޑޫގެ ފެންވަރު ރަނގަޅު ގެސްޓްހައުސްތަކުގެ ހިދުމަތް ހޯދަ އެވެ.
ގަން އެއާޕޯޓްގައި އޮތް ޖެޓެއްގެ ކައިރީގައި އެއާޕޯޓްގެ އޮފިޝަލުންތަކެއް. ފޮޓޯ/ އޭއައިއޭ
"އަސްލު މި އެއާޕޯޓާއި އައްޑޫގެ ޓޫރިޒަމް ޕްރޮމޯޓްކުރަން ކުރަން ޖެހޭ މަސައްކަތް ނުކުރެވޭތީ އެއާޕޯޓްގެ ހަގީގީ ފައިދާ ނުފެންނަނީ،" މިސްބާހް ވިދާޅުވި އެވެ. "އައްޑޫ ޕްރޮމޯޓްކުރި ވަރަކަށް ގަން އިންޓަނޭޝަނަލް އެއާޕޯޓްގެ މޫވްމަންޓްތައް އިތުރުވަމުން ދާނެ."
އައްޑު އަށް އަންނަ ޖެޓްތަކުގެ ތެރޭގައި ކުދި ޖެޓްތަކާއި އޭ320 މަރުކާގެ ބޮޑެތި ޖެޓްތައް ވެސް ހިމެނެ އެވެ. އާ އަހަރާ ދިމާކޮށް އާންމުކޮށް އައްޑު އަށް އަންނަ ޖެޓްތަކުގެ އިތުރުވެ އެވެ. ޑިސެމްބަރު މަހަކީ އެންމެ ބާރު ބޮޑުވާ މަހެވެ. އަދި އެ ޖެޓްތައް ގަން އެއާޕޯޓްގައި ހަތަރު ދުވަހާއި ހަފުތާއެއްހާ ދުވަހުގެ މުއްދަތަކަށް މަޑުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
30 December 2020
ދެއުޅި އެއްނުވާ ހޮޅިވާހަކަ. އެއޮތްބޮޑު އަރިއަތޮޅުގެ ޓޫރިޒަމް ތަރައްޤީކުރީ މާލޭއެއަރޕޯޓުން. ފީތާއަކާއިގެން ފައިބާ މިންއަޅަންވީ ނޫންތޯ؟ ވެގެން އުޅޭގޮތް އެގޭ. ނެގި ކަޓުގެ ދަރަނި އަދާކުރަން ގޭން އެއްޕޯޓް ބަޔަކަށް ދޭންވެގެން ޖަހާމަޅި. މިސަރުކާރަކަށް ހުވަދު އަތޮޅުގައިވެސް އެއާޕޯޓެއް ނޭޅޭނެ. ޚުރަން އެގޭކަމަކީ ހަރުމުދާ ޖަހައި ގަރުމާއި ވިއްކުން.
ސަމުގާ . ލާމު
29 December 2020
ސުވާލަކީ ތިވަރުން ތިތަނަށް ފައިދާވާނެތޯ ؟ އަބަދުވެސް އިވެނީ ގެއްލުމުގަ ހިންގާވާހަކަ . މިލިޓަރީ ބޭހަކައް ހެދުން ރަގަނޅު
މާލެ / މުހައްމާ
29 December 2020
ގޭން އެއާރޕޯޓަކީ ދައުލަތައް ބޮޑެތިގެއްލުންކޮޢްގެން ހިންގާ އެއަޕޯޓެއް 2019ވަނަ އަހަރު ނިމުނުއިރު ޖުމްލަ ގެއްލުން 365މިލިޔަން،މިކީ ސަރުކާރަކައް އަބަދަކު ކުރެވޭނެކަމެއް ނުން،ދެކުނުގައި ޓްއަރިޒަމް ފުޅާކުރެވެން އޮތީ ހުވަދޫަގައި އިންޓަނޭޝަނަލް އެއަޕޯޓެއް އޮވެގެން.ގައުމީ އަދި އިޤްތިސާދީ ވިސްނުމަކުން ބަލާނަމަ ދެކުނުގެ ރައްޔިތުންނަން އެންމެފައިދާ އޮތް ގޮތަކީ ހުވަދޫގައި އިންޓަނޭޝަނަލް އެއަޕޯޓެއް އަވަސް މުސްތަގްބަލެއްގައިހެދުން .
ހުޅުމާލެ،، ސަމް
29 December 2020
100% ވާހަކައެއް . އެއަޕޯޓްތައް ފައިދާގައި ހިންގޭނީ އެއަޕޯޓާއި ކައިރި ހިސާބުގައި ޓުއަރިސްޓު އެނދު ހުރެގެން. ހުވަދޫއަކީ މޫސްތަގްބަލް ވަރަށް އުޖާލާ ހިސާބެއް، ދެކުނު ރައްޔިތުންގެ އިޤްތިސާދީ މައިހަބަކަށް ހުވަދޫވާނެކަމާއި މެދު އެއްވެސް ޝައްކެއްނެތް . ހުވަދޫގައި ކުއްޔައް ދޫކޮއްފައިވާ 15 ރަށް ތަރައްގީވެ ނިމުމުން ގިނައަދަދެއްގެ ބެޑްތަައް އިތުރުވެ ސަރަހައްދުގެ ރައްޔިތުންނަށް އޭގެފައިދާ ކުރާނެ .
ޔާނު
29 December 2020
އައްޑޫ ދެކެ ހާދަ ޖޭވެއޭ ދޯ މިމީހުންތައްާ
ދޮންމަނިކެ
29 December 2020
ޕާކު ކުރުމުގެ ރެކޯޑެއްތޯ..
ސދއބދހ
29 December 2020
އައްޑޫވެސް ތަރައްގީ ކުރަން ޖެހޭ. ދިވެހި ސަރުކާރަށް އައްޑޫ އެކަންޔެއް ނޫން ތަރައްގީ ނުކުރެވިފަ އޮތީ. މިއީ މުޅި ރާއްޖެއަށް ދިމާވެފަ އޮތް މައްސަލައެއް. އައްޑޫ މީހުންނަށް ހީވާ ކަހަލަ ތިމަންނަމެން މީ އެހެން ގައުމެއްގެ ބައެކޭ. ކިތަންމެ ވަރަކަށް ސުވަދީވް ވާން އުޅުނަސް ވަކިވެ ގަނެގެން ލިބޭނެ ގެއްލުން ބޮޑުވާނީ. ދިވެހި ސަރުކާރާ ގުޅިގެން އަމިއްލަ ރައް ތަރައްގީ ކުރެވޭތޯ އެންމެންވެސް ބަލަން ވީ. ގައުމީ ފިކުރުގަ ސިޔާސީ ފިކުރު ދޫކޮއްލަން ވީ
ހަމީދު .
29 December 2020
ނުޖެހޭ އަޅުވެތިވެގެން ދެކަކޫ މައްޗަށް ތިރިވާކަށް. ދައުލަތެއްނަމަ އެ ދައުލަތުގެ ރައްޔިތުންނާއި މެދު އެއްގޮތަކަށް އިންސާފުން އަމަލު ކުރާންޖެހޭނެ ކަމަށް އަހަރުމެން ދަންނަނީ.
ރަންނަބަނޑޭރި
29 December 2020
އެއްދުވަހު އަޑު އިވެނީ މާފަރު އެއާޕޯޓް ފުރިގެން ބަންޑުންވާ ވާހަކަ.. އަނެއް ދުވަހު އިވެނީ ގަން އެއާޕޯޓް ފުރިގެން ބަންޑުންވާ ވާހަކަ.. އެކަމަކު މިތަންތަނުން ފައިދާއެއް ނުވާތީ ހިންގާ ކުންފުނި އޮންނަނީ އަބަދު ބަނގުރޫޓުވެފަ، އިންފްރާސްޓްރަކްޗަރ ތަރައްގީކުރަން އިންވެސްޓްކުރާނެ ފައިސާއެއް ނުހުރޭ.. އަބަދުވެސް ބިލިއަނުން އިންވެސްޓް ކުރަންވީ މާލޭ އެއާޕޯޓަށް.. މިވާގޮތެއް ހަމަ ނުވިސްނޭ..
އަރުމާނީ
29 December 2020
އައްޑޫ އަކީ ކެޕޭސިޓީ އޮތް އަތޮޅެއްނޫން. ހުވަދޫއަތޮޅުގައި ރައްތަށް އޮތީ. އެތާ އިންޓަނޭޝަނަލް އެއާޕޯޓެއް އަޅާފަ ބާއްވަންވީ. ސަތޭކަ ރިސޯޓު ހަދާލެވޭނެ ހުވަދު އަތޮަޅުގައި.
ލޮޖިކް
29 December 2020
ރިސޯޓް ގިނަވެގެން ތަރައްޤީ ކުރާނެނަމަ ކުރީހީ އަރި އަތޮޅު. އެކަމު މިތާގެ ހޮސްޕިޓަލްތަކަށް ސްޕެޝަލިސްޓް ޑޮކްޓަރެއް ނުވަތަ މެޝިނަރީއެއްގެ ހިސާބު ފޯރުކޮށްލަން ކެރުނި ސަރުކާރެއްވެސް އަދި ނާދޭ
އައްޑޫ މުހައްމާ.
29 December 2020
އަރުމާނީ ތިއުޅެނީ ހުވަފަނެއްގަ. އަހަރުމެން އައްޑޫ މީހުން މިބުނަނީ މާލެ ނޫން ތަނެއް ތަރައްޤީ ކުރާށޭ. ފުވައްމުލައް ހުވަދޫ ކީއްކުރަން އެއަށްވުރެން ދުރުގައިއޮތް ލާމް އަތޮލު ތަރައްޤީ ކުރި ކަމުގައިވިޔަސް އަހަރުމެން އެގޮތް ވެސް ޤަބޫލު ކުރާން ތައްޔާރު. އަރުމާނީ ނޭގޭ ކަމަކީ ހަދާ ނިމިފައިއޮތް ގަން އެއަރޕޮޓް ރަންކުރުމަށް ދެކޮޅު ހަދާ ބަޔަކު މުޅިން އާ އެއަރޕޯޓެއް އެތައް ސަތޭކަ މިލިޔަން ރުފިޔާ ޙަރަދު ކޮށްގެން ހުވަދޫ އަތޮޅުގައި ނާޅާނެކަން.
ނާސިރާ
29 December 2020
ކެޕަސިތީ ނެތޭ ތިބުނީ އައްޑޫގައި ސެމީ ޕރޮފެޝަނަލް މީހުނާއި އެއަރޕޯޓް ހިންގުމުގެ ފަންނީ މީހުން އެއަރ ކްރާފްޓް އިންޖިނަރުންނާއި ޕައިލެޓުން ފައިނޭންޝަލް ދާއިރާގެ ފަންނީ މީހުނާއި އެޑްމިނިސްޓެރޭޓިވް ދާއިރާގެ މީހުން އަދި ލޭބަރުން ވެސް ހުވަދޫ އަތޮޅުގައި ތިބިވަރަށް ނެތް ވާހަކަ ތޯ؟ އަދި އެއަރޕޯޓާއި ގުޅިގެން އެއްފަސް ބިން ބޮޑޫ ވަސީލަތް ޤާއިމް ކުރެވޭެނެ ބިން އައްޑޫގައި ނެތީމާތޯ ؟ ނޫން ނަމަ ތަނަވަސް ކަމުގެ ގޮތުންވެސް އައްޑޫ މީހުން ތަންކޮޅެއް ފަހަތުގަ އުޅޭތީތޯ؟
މާލެ / ދިވެހިން
29 December 2020
އައްޑޫގައި އެއަޕޯޓެއް އޮތުމަކީ ހުވަދޫ ގައި އިންޓަނޭޝަނަލް އެއަޕޯޓެއް އޮނަނަން ނުޖެހޭ ސަބަބެއް ނޫން . ބޮޑެތިފައިދާގައި ހިންގޭނެކަން މިހާރުވެސް ދަނީފެންނަމުން. ބޮޑު އާބާދީ އަކާއި ޓްއަރިޒަމް/ މަސްވެރިކަން ފުޅާކުރެވެން އޮތީވެސް ހުވަދުގައި ..
އައްޑޫ / ސްވާދީބު
29 December 2020
މިހާރުވެސް ހުވަދޫގައި އެއަރޕޯޓެއް އެޅުމުގެ މަސައްކަތް ފައްޓަބަލަ. މާލެ / ދިވެހިން ގެ ނަމުގައި ކޮމެންޓް ކޮށްފައިވާ މީހާގެ ވާހަކަ މުޅިން ބަދަލު ވާނެ. ބުނާނެ ޖެހިގެން އޮތް އައްޑޫގައި ބޮޑު ސިންގާ އިންޓަރނޭޝަނަލް އެއަރޕޯތެއް އޮތްވާ ދައުލަތުން ބޮޑު ޙަރަދު ކޮށްފައު ކީއްކުރަންހޭ ހުވަދޫ އަތޮޅުގައި އެއަރޕޯޓް އަޅާންވީ؟ އަހަރުމެން އައްޑޫ މީހުންގެ މައްސަލަ އެއްނެތް. ހުވަދުއަށްވެސް އަހަރުމެން ވަޒީފާއަށް ހިގައިދާނަން. އެއަރޕޯޓް އަޅާދީބަލަ.
މަވެސް ހުވަދޫ /
29 December 2020
ހުވަދޫގައި އެއަޕޯޓެއް އެޅުމަށް ހުށަހަޅައިފައިވަނީ ފޮރިން އިންވެސްޓަރުން.އިންވެސްޓަރަކު އިންޓަނެޝަނަލް އެއަޕޯޓެއް އެޅުމަށް ހުށައަޅާނީ ފައިދާގައި އެކަން ކުރެވޭނަމަ.ހުވަދޫގައި ކުރި އަރަމުން އަންނަ ފަތުރުވެރިކަން އިތުރު ހަރުފަތަކަށް ގެނައުމަށް އިންޓަނޭޝަނަލް އެއަޕޯޓެއް އޮންނަންޖެހޭ.ބަޔަކު ނުރުހުނަސް މިކަން ކުރާނެކަމާއިމެދު ޝައްކެއްނުކުރަން..
ތުއްތުނާ 1
29 December 2020
ކޮމެންޓް ތަކަށް ބަލާއިރު ހަސަދަވެރިކަން ........ ސުވާލަކީ އައްޑޫ މިއީ އެހެން ގައުމެއްގެ ބައެއްތޯ ؟........
އޮނަރަބްލް އަފީފު ދީދީ
29 December 2020
ކ.އަތޮޅު މާލޭ އެއަރޕޯޓާއި ޙިލާފަށް ގޭން އިންޓަރނޭޝަނަލް އެއަރޕޯޓް ސަރަޙަައްދީ މެގަސިޓީ ނުވަތަ ދެކުނުގެ ޑޮމެސްޓިކް ހަބްގެ އިތުރަށް ގަލްފާއި އެފްރިކާ ބައްރުން އޯޝޭނިއާއަށް އަދި ޔޯރޮޕާއި އޭޝިޔާ ގުޅުވާލަދޭ ހަބެއްގެ ގޮތުގައި ތަރައްޤީ ކުރާން އަހަރުމެން މިބުނަނީ ސަބަބު ތަކެއްނެތީމައެއްނޫން. # ފްލައިޓް ތަކަށާއި ޓްރާންސިޓް ފަސެންޖަރުންނަށް އަދި ކާގޯ ޓާމިނަލްއާއި ފިއުލްގެ އިތުރުން މެއިންޓަނެންސްގެ ހިދުމަތާއިއެކު ޤަތަރު ނުވަތަ ލުފްތާންސާ ފަދަ ބަޔަކަށް ގޭން ޑިވޮލޯޕްކުރާންދޫކޮށްލާންޖެހޭ.