ފްލެޓު ލިބޭ ދާއިމީ ލިސްޓު ނެރުން ޝަކުވާތަކާ ހެދި ލަސްވެއްޖެ

ހުޅުމާލޭގައި އިމާރާތްކޮށްފައިވާ ފްލެޓްތައް: މި ފްލެޓްތަކުގެ ދާއިމީ ލިސްޓު ނެރުން އަނެއްކާވެސް ވަނީ ލަސްވެފައި.

ފަޒީނާ އަހުމަދު، މިހާރު

31 ޑިސެމްބަރ 2020 - 10:31

ހިޔާ މަޝްރޫއުން ފްލެޓް ލިބޭ މީހުންގެ ދާއިމީ ލިސްޓު މި މަހުގެ ތެރޭގައި އިއުލާން ނުކުރެވުނީ ދިރިއުޅުމުގެ ހާލަތު ބެލި މިންގަނޑަށް ޝަކުވާ ހުށަހެޅުމުގެ ފުރުސަތު ދޭން ޖެހުމުން ކަމަށް ފްލެޓު ކޮމިޓީން އިއްޔެ ބުނެފި އެވެ.

އެ ކޮމިޓީން ކުރިން ބުނެފައި ވަނީ ހުރިހާ ކެޓަގަރީއެއްގެ ވެސް ދާއިމީ ލިސްޓު މި މަހު ނެރޭނެ ކަމަށެވެ. އެކަމަކު، ދިރާސާކޮށްފައިވާ ދާއިމީ ލިސްޓުތައް ދެން ނެރޭނީ ހުރިހާ ޝަކުވާތަކެއް ބަލައި ލިއުމުން ޖަވާބު ދިނުމަށް ފަހު ކަމަށް ކޮމިޓީން އިއްޔެ ބުންޏެވެ.

ދިރިއުޅުމުގެ ހާލަތަށް ކަނޑައެޅި 30 ޕޮއިންޓް ދިން މިންގަނޑު އާއްމުކުރީ ވަގުތީ ލިސްޓަށް ޝަކުވާ ހުށަހެޅުމުގެ މުއްދަތު ހަމަވުމުންނެވެ. މި މައްސަލައިގައި ގިނަ ބަޔަކު ކަންބޮޑުވުންފާޅުކުރުމުން ޝަކުވާއަށް ހަފުތާއެއްގެ މުއްދަތު އިއްޔެ ވަނީ ދީފަ އެވެ.

ދިރިއުޅުމުގެ ހާލަތު ބެލި މިންގަނޑާ ގުޅޭ ޝަކުވާއެއް އޮތް ނަމަ އަންނަ މަހުގެ 5 އާ ހަމައަށް ހުށަހެޅޭނެ އެވެ.

ހުޅުމާލޭގައި އިމާރާތްކޮށް މިހާރު ނިމިފައިވާ ފްލެޓްތަކަށް 25،000 އަށް ވުރެ ގިނަ މީހުން ފޯމު ލި އެވެ. މީގެ ތެރެއިން ފްލެޓު ލިބޭ މީހުންގެ ލިސްޓުތައް އިއުލާންކޮށް ފްލެޓު ކަށަވަރުވި ކަމުގެ ލިއުން ވެސް ކުރީގެ ސަރުކާރުގެ ބަދަލުވުމުގެ މަރުހަލާގައި ބައެއް މީހުންނަށް ދޫކުރި އެވެ. އެކަމަކު ފްލެޓްތައް ދޫކުރީ ދިރިއުޅުމުގެ ހާލަތު ވެސް ނުބަލައި ބޭނުން ބަޔަކަށް ކަމުގެ ޝަކުވާ ބޮޑުވި އެވެ.

އެ ޝަކުވާތައް ބަލަން މި ސަރުކާރުން ފްލެޓު ކޮމިޓީއެއް އެކުލަވާލައި ހުރިހާ ފޯމެއް އަލުން އިވެލުއޭޓްކުރީ އެވެ. މިހާރުގެ ކަންބޮޑުވުމަކީ ދެ އަހަރުވި އިރު ވެސް ކޮމިޓީގެ މަސައްކަތަށް ނުނިމިގެން ފްލެޓް ހަވާލުކުރުން ލަސްވުމެވެ.

އެޗްޑީސީން ބުނެފައި ވަނީ، އަންނަ މާޗް މަހުގެ ތެރޭގައި ހުރިހާ މަސައްކަތެއް ނިންމައި ފްލެޓްތައް ހަވާލުކުރެވޭ ވަރު ވާނެ ކަމަށެވެ. ފިނިޝިން ނުނިންމައި ހަވާލުކުރާ އެ ފްލެޓްތަކުގައި ދިރިއުޅެވޭވަރު ވާނީ އަންނަ އަހަރުގެ މެދުތެރޭގައި ކަަމަށް ލަފާކުރެވެ އެވެ.

ރައީސް އޮފީސް ހުޅުމާލެ ބޯހިޔާވަހިކަން ފްލެޓް ހިޔާ ފްލެޓްތައް ދިވެހި ސަރުކާރު

42 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްދޫ

02 January 2021

ޕޮއިންތް ދިނުން ވަރަށް ގޯސް. ގޯސްވުމުގެ ހެއްކަކީ އެކަކަށް 94.65 އަނެކަކަށް 94.63 އަނެކަކަށް 94.61 މިފެންވަރަށް މިނެކިރާލުމަށް މިނަގަނި 5 މިނިޓް އެއީ 100% ގޯސް ޕޮއިންޓް ކަން ސާބިތުކުރެވޭ ހެއްކެއް. ދެވެނަ ހެއްކަކީ ތަނެއްގަ ދިރިއުޅުނުމީހަކު އެތަނުގަ އުލެމުންދާހާލަތުބަޔަކުބަލާފަ އޮއްވާ އޭގެ ދޮޅުއަހަރުފަހުން އެހެންބަޔަކު އައިސްބަލާފަ ކުރިންބެލިހާލަތު ގޯސްކަމަށް ބުނާއިރު އެމީހުން މުޅިއުމުރުގަ އެންމެދުވަހަކުވެސް އެމިހާގެހާލަތު ދެކެފާނެތް މިއީ100%ގޯސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާޤާބިލު ސަރުކާރު

01 January 2021

ނާޤާބިލް ސަރުކާރު. ހިތަކުން ސަޅި އެއްޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

01 January 2021

ފްލެޓް ދޫކުރުމުގައި "މާލޭމީހުނަށް" އިސްކަންދެނީ އެމީހުނަށް ބޯހިޔާވަހިކަންހޯދާދޭނެތަނެއް ދޭކަށްނޫން. # މިކަމާއިޖަދަލުނުކޮށް ދޫކޮށްފައިވާމިފަދަ ފްލެޓްތައް ހުރިގޮތްބަލާ ދިރާސާކޮށްލައްވާ. # ޙަޤީގަތަކީ މާލޭގައި ބޯހިޔާވަހިކަމުގެ މައްސަލައެއްނެތްވަރަށް މާލޭގައި ގެއާއި އިމާރާތްތައް ހަދާފައިއެބަހުރި. އެކަމަކު މަޖުބޫރީޙާލަތްމެދުވެރިކޮށް ރާއްޖޭގެރައްޔިތުން މާލެއަށްޖަމާކޮށް ދައުލަތުން ކުރާކަމަކީ މާލޭމީހުނަށް އާމްދަނީ ހޯދާދޭނެވަސީލަތް އެމީހުނަށްދިނުން. ކީއްވެމުޅިރާއްޖެތަރައްޤީނުކުރާންވީ؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހު މަދު އަދި އަންނާނެ

31 December 2020

ދިރި އުޅު މުގެ ހާލަތު ބަލަން އައި މީހުން ސުވާލު ކުރަނީ މިގޭގައި ކިތައް ރެނދު ލާފަ ވޭތޯ ? ކުއްޔަަށް އުޅޭ ގެދޮރު ނެތް މީހާ އާއި ކޮން ބެހޭ ކަ މެއްތޯ އެގޭގައި ކިތަން މެ ރެދެއް ލިޔަސް. އެ މީހާ ގެދޮރު ނެތި ކުއްޔަށް އުޅޭތާ ކިހާ ދުވަހެއް ވެއްޖެތޯ އެހި ނަ މަ. ގައި މު އަޅުގަނޑު 30 އަހަރުވީ ކުއްޔަށް އުޅޭތާ. 92 އަކަފޫޓް ގެ ބިންކޮޅެއް އޮންނަނީ. 5 ދަރިންނާ ދަރިންގެ ދަރިން ގޮވައިގެން ކުއްޔަށް މިދުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު މު ހައްމަދު

31 December 2020

ހާދަ ދެރަ ކަ މެކޭ. ނާޤާބިލްކަ މުގެ ހައްދެއް ނެތް. އޮނިގަނޑެއް ހަދާލާ ހަވާލު ކޮށްލަން ދާހާ ވަގުތު. ދެން އާއް މު މީހާ އަތުގަ ލާރި ނެތް މީހާ ކިހާ މުއްދަތެއް ނަގާނެ ފިނިޝިންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަހަނާ

31 December 2020

ލޯކަލް ކައުންސިލްގެ އިންތިހާބު ނިމިދަންދެން ތިކަން ތިގޮތަށް ދިގުދައްމަމުންދާނެ ލިސްޓަށް ވަރަށް ބޮޑަށް އިހާނެތިވެފައިވާކަމަށް ގިނަމީހުންދަނީ ބުނަމުން ލިސްޓް އެކުލަވާލުމުގެ ކަންކަން ހިންގަމުން ދަނީ ވަރަށް ހާއްސަކޮވިލަކުން ކަމަށްވަނީ އެހެންވެ ވަރަށް ބޮޑަށް ސިޔާސީ ކުލަ ޖެހިފައިވާކަމަށް ވަނީ މިސަރުކާރުން ފުލެޓް ނޭޅޭނެތީވެ ކުރީގެ ސަރުކާރުން އެޅި ފުލެޓް މިސަރުކާރުގެ ސަޕޯޓަރުންނަށް ދީނިންމާލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

31 December 2020

ރައިސް ޔާމިން ގެނައި ވަރުގެ ތަރަައްގީ އަންނަ ކޮމްމެރައިސްސަކު ކުރާނަމަ ރާއްޖެ ވަރައް ތަރައްގީވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗް 8

31 December 2020

ކެޓަގަރީގެ ވަގުތީ ލިސްޓް ސައްހައެއް ނޫން، ޝަރުތު ހަމަނުވާ ބައިވަރު މީހުން އެބަތިބި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދޫ

31 December 2020

މި ސަރުކާރު ރައްޔިތުން ނުގެނައިނަމަ ފްލެޓަށް ފޯމްލީ 25 ހާސް މީހުނަށް ވެސް ފްލެޓް ކަސަވަރުވީސް. މިހާރު 110000 ނިންމަާ ހަވާލުކޮށް އަނެއް 110000 ހުންނާނީ މަސައްކަތް ނިމޭހާތާގަ. ހުރިހާ ކަމަކީ ރައްޔިތުންގެ ވިސްނުންކޮށިކަން . ރަސްޫލާ ހަދީސްކުރައްވަނީ މުއުމިނަކަށް އެއްހަރަކުން ދެފަހަރު ކައްޓެއްނުޖެހޭނޭ ކަމަށް. އެމްޑީޕީ ގެ ފުރަތަމަސަރުކާރުގެ ކަންވިގޮތަށް ވިސްނިނަމަ މިފަހަރު އެމްޑީޕީ ގެދަށުގެ ގައުމު ހަފުސްނުވީސް.