އެމްޕީއެލްގެ ސީއީއޯ ޝާހިދު އަލީ ނޫސްވެރިންނަށް މައުލޫމާތު ދެއްވަނީ--ފޮޓޯ:މިހާރު
17 ޖެނުއަރީ 2021 - 16:23
20 comments
މާލޭގެ ވިޔަފާރި ބަނދަރުގެ މަސައްކަތުގައި އުޅުނު އަބްދުﷲ އާސިމް މަރުވަން ދިމާވި ނުރައްކާތެރި އެކްސިޑެންޓް ހިނގި ގޮތް ތަހުގީގުކުރަމުން އަންނަ ކަމަށް، އެމްޕީއެލްގެ މެނޭޖިން ޑިރެކްޓަރު ޝާހިދު އަލީ މިއަދު ވިދާޅުވެއްޖެ އެވެ.
އުމުރުން 27 އަހަރުގެ އާސިމް އިއްޔެ މަރުވީ މި މަހު ހަތް ވަނަ ދުވަހުގެ ރޭ ކޮންޓޭނަރަކުން ބިއްލޫރި ޕެލެޓްތަކެއް ނެރެން އުޅެނިކޮށް އޭގެ ތެރެއިން ޕެލެޓެއް ވެއްޓި އޭގެ ދަށުވެގެން ލިބުނު ޒަހަމްތަކުގަ އެވެ. އައިޖީއެމްއެޗުގައި ފުރަތަމަ ފަރުވާ ދިން އިރު ކުޑަކޮށް ރަނގަޅުވުމުން ވޯޑަށް ވެސް އޭނާ ބަދަލުކުރި އެވެ. އެކަމަކު އޭގެ ފަހުން ހާލަތު ގޯސްވުމުން އައިސީޔޫގައި ފަރުވާދޭން ފެށި އެވެ.
ބިއްލޫރި ބޮޑެތި އެތައް ޝީޓެއް ހިމެނޭ ޕެލެޓެއް ވެއްޓި، ފުނޑުފުނޑުވި ބިއްލޫރިތަކުގެ ތެރެއިން އާސިމް ނެރުނީ ކޮންޓޭނަރު ކީހާލައިގެންނެވެ.
ޝާހިދު ވިދާޅުވީ އެ ހިތާމަވެރި ހާދިސާގެ ތަހުގީގުގައި، ވަކި ކަމަކަށް ބަދަލު ގެންނަން ޖެހިއްޖެ ނަމަ އެ ބަދަލެއް ގެންނާނެ ކަމަށެވެ.
އޭނާ ވިދާޅުވި ގޮތުގައި ރާއްޖޭގެ އެންމެ ބޮޑު ވިޔަފާރި ބަނދަރުގައި ސަލާމަތީ ކަންކަން ރަނގަޅު ކުރަން ދިމާވާ ދަތިތައް ވެސް ގިނަ އެވެ. އެގޮތުން ކޮންޓޭނަރުތަކުން މުދާ ނެރެން ޖެހެނީ ވެސް އެ އެއްޗެހި ބާލާފައި ބަހައްޓާ ސަރަހައްދުގައި ކަމަށް ވުމުން ވަރަށް ބޮޑެތި ދަތިތަކާ ދިމާވާ ކަމަށް ވިދާޅުވި އެވެ.
"އެހެން އެކަން ކުރަން ޖެހެނީ ވެސް ޖާގައިގެ ދަތިތަކާ ހެދި،" ޝާހިދު ވިދާޅުވި އެވެ.
"އަޅުގަނޑުމެން މަސައްކަތް ކުރަނީ ސޭފްޓީ މެޝާސްތައް އެންމެ ފުރިހަމައަށް އެޅޭތޯ. އެކަމަކު ޖާގައިގެ ދަތިތަކާ ހެދި އެންމެ ފުރިހަމައަށް ފިޔަވަޅެއް ނޭޅޭ."
ޝާހިދު ވިދާޅުވީ ރައްކާތެރިކަމުގެ ފިޔަވަޅުތައް އެންމެ ފުރިހަމައަށް ކަށަވަރުކުރެވޭނީ ގުޅީފަޅުގައި ހަދާ އާ ވިޔަފާރި ބަނދަރާ އެކު ކަމަށެވެ. އިންޑިއާ ސަރުކާރުގެ ބޮޑު ލޯނަކުން ހަދާ ބަނދަރަށް ބޭނުންވާ ބިން ހިއްކުމުގެ މަސައްކަތް މިހާރު ކުރިއަށް އެބަ ދެ އެވެ.
ޝާހިދު ވިދާޅުވި ގޮތުގައި މިހާރުގެ ހާލަތުގައި ވެސް އަޅަން ޖެހޭ ރައްކާތެރިކަމުގެ ފިޔަވަޅުތަކަށް އެމްޕީއެލްގެ މުވައްޒަފުންނާއި މަޖޫރީން ވެސް އަންނަނީ ހޭލުންތެރިކުރަމުންނެވެ. އެގޮތުން މިދިޔަ އަހަރު ވެސް އޭގެ ޕްރޮގްރާމްތައް ހިންގާފައިވާނެ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެމްޕީއެލް
18 January 2021
ޢާސިމް ނެރުނީ ކޮންޓައިނަރ ކީހާ ގެނެއްނޫން
ފަރެތި
17 January 2021
ނޫސްވެރިން ވެސް އެބަޖެހޭ ތި އެމްޕީއެލްގަ މުވައްޒަފުން ކުރަމުންދާ ރިސްކީ މަސައްކަތްތައް ބަލާލަން.ހަމައެކަނި ސަރުކާރުންވެސް އެއާޕޯޓް ތަރައްގީކުރީމަކާ ނިމުނީކީނޫން...ޕޯޓުވެސް އެބަޖެހޭ ޒަމާނީ ފެންވަރަށް ތަރައްގީ ކުރަން.
ބަރުފޯސްމުހައްމަދު
18 January 2021
ޢެކަން ކުރަންޖެހޭ މިނިސްޓަރު އޮންނަނީ 12 ޖަހާއިރުވެސް ގޭގަ ދެން މި ސަރުކާރަށް ކިހިނެތް ތިކަންވަނީ. ޜެގި އުލޭޓަރު އޮތީ އިންކި އުބޭޓަރުގަ. ޢެތާތިބީ ހުސް ކޮރަޕްޓް މީހުން.
އިބްރާހީމްސ
17 January 2021
ތެލަށް މިލިއަނުން ފައިސާ ނެގި މައްސަލައިގެ ތަހުގީގު ނިމޭނީ ކޮންއިރަކުންތޯ؟
ކޮވެލި
17 January 2021
އެމްޕީއެލް އަކީ މިނިވަން ކުންފުންޏެއް. ބޯޑެއް އޮތީ. ބޯޑު ޒިންމާ ވަނީ ހިއްސާދާރުންނަށް. އެއީ ފިނޭންސް މިނިސްޓަރު. ދެން ކޮން ނަހުލާއެއް. މުދާ ބޭލުމާ އަދި އެ މަސައްކަތް ރައްކާތެރި ކަމާ އެކު ކުރުމަކީ ކުންފުނީގެ ޒިންމާ އެއް. ތިތަނުން ޒިންމާ އެއް ނުނެގިއަސް ވާނެ ކަމެއް ނެތް. އައްޑޫ ވޯޓް ހޯދަން އަންނި ގެންގުޅޭ ކުދިންގެ ތެރެއިން ކުއްޖެއް ތިތާ އުޅެނީ.
ބަރުފޯސްމުހައްމަދު
18 January 2021
ބޯޑެ އް ސޯޓެ އް ނޯވޭ، ގަވާ އިދު ހަދާނީ އެކަމާ ބެހޭ ވުޒާރާ އިން. ބޯޑުން ވިޔަފާރި ނިންމުން ނިންމާ. ޓްރާންސްޕޯޓް މިނިސްޓަރަށް ނުވަންޏާ އިކޮނޮމިކް މިނިސްޓަރު މިކަން ހަވާލުވާންވީ. ޓްރާންސްޕޯޓް ހިންގޭނީ އެފަދަ މީހަކަށް. ނަހުލަ އައ އި ސާމީ އަށް ހިންގޭނީ ކޮރަޕްޝަން
އަބްދުއްޅާމުޙައްމަދު
17 January 2021
ތު އްތު ޓްވިޓާގަ މިވާހަކަ ނެތް ވަޒީފާ ލިބުނީމަ މިކަްވެސް މިދަނީ އަތްދަށުން. ބަަލަ ކަަންކަން ނުވަންޏާ އިސްތިއުފާ ދީ. ޓްރާންސްޕޯޓް މިނިސްޓަރު ފެ އިލްވެ އްޖެ
ބަރުފޯސްމުހައްމަދު
18 January 2021
ޢަބްދު އްﷲ އަށް އަދިވެސް ސެޓްފިކެޓް ނުލިބެތަ؟ ޢެމް.ޕީ. ޢެލް ހިންގަން މީނަ މާރަގަޅުވާނެ. ޓަނެ އް އޮތީޔާ ޓްވިޓާގަ ހިންގާލާ ތު އްތު
ދުއްވާފަ ދިޔަ ސައިކަލެއް
17 January 2021
މަހިތަށް އަރާ ނަހުލާ އެއީ ޓްރާންސްޕޯޓް ހިންގޭ ފެންވަރު ހުރި ބޭކަނބަލެއްބާ؟
ބަބީތާ
17 January 2021
މިނިސްޓްރީ ތަކުގެ ސިޔާސީ ބޮޑެތި މަގާމު މީހުންނަށް ދޭއިރު އެއީ ތަންތަން ހިންގޭ ފެންވަރުހުރި ހަރުދަނާ މީހުންތޯ އެބަ އެބަޖެހޭ. ތަނެއް ދޮރެއް ނޭގީ ޕާޓީގެ ދިދަ އުފުލައިގެން ދެކޮޅަށް ދުވެ އަޑުގަދަ ކުރާމީހަކަށް ބޮޑެތި މަގާމު ދޭގޮތަށް އޮންނަ ނަމަ މިގައު ދުވަހަކުވެސް ކުރިއަށް ނުދާނެ. ރައްޔަތުންނަށް ބޮޑެތި އުނދަގޫތަކާ ކުރިމަތިވާނީ.
ައަލ
17 January 2021
އެކްސިޑެންޓް ތަކުގައި މީހުން މަރުވެ އަނިޔާވި ރޭޓަށް ބަލާނަމަ ތިޔަ އެމްޕީއެލް އާއި މެދު ހަރުކަށި ފިޔަވަޅު އަޅަން ޖެހޭ..
އަރުވާލިސޮރު
17 January 2021
ނަހުލާއާއި ހަވާލުވެފަ ހުރި ހުރިހާ ތަނެއް މިއޮތޯީ މިހާލެއްގަ. ގަމުގަ އޮތް ފްލައިން ސްކޫލް އެ އޮތީ އޮތްގޮތް މަގުުމަތި މިއޮތީ އެފަދަ ގޮތަކަށް މިނިސްޓްރީގަ ހުސް ކޮރަޕްޝަން. އަދި ކޮރަޕްޓް މީހުން އެދަނީ ކޮންމެ ދުވަހަކު އެތަނަށް ލަމުން. 3 ދުވަހުން މިދިޔަ ސަރުކާރުގަ ލިބުނު ރަޖިސްޓަރީ މިހާރު 30 ދުވަހުން. ކުރީ ސަރުކާރުގަ އެ ދުވަހު ލާ ލައިސަންސް އެދުވަހު ލިބޭ މިހާރު މި ލިބެނޭ 3 ހަފްތާއިން.
އަރުވާލިސޮރު
17 January 2021
ތި އެމް.ޕީ.އެލް ގަ އެއްވެސް ތިކަހަލަ ކަމަކަށް އުސޫލެއް ނެތް. ނަހުލާ ކޮބާ މިކަން ވަރަށް ގާތުން ބަލާބަލަ. މިކަންކަން 2 އަހަރު ވިއިރުވެސް ނުވިއެއްނު.