މަރަދޫފޭދޫ އަކީ ވަކި ދާއިރާއަކަށް ހެދުމުގެ މައްސަލަ ސުޕްރީމް ކޯޓުން ބޭރުކޮށްލައިފި

ސުޕްރީމް ކޯޓު: އައްޑޫގެ މަޖިލިސް ދާއިރާތައް ކަނޑައެޅި ގޮތުގެ މައްސަލަ މިއަދު ވަނީ ބޭރުކޮށްލާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

17 ޖެނުއަރީ 2021 - 20:08

ރައްޔިތުންގެ މަޖިލީހުގައި އައްޑޫ މީދޫ ދާއިރާ އިން މަރަދޫފޭދޫ ވަކިކޮށް، މަރަދޫފޭދު އަކީ މަޖިލީހުގެ ވަކި އިންތިޚާބީ ދާއިރާއެއް ކަމަށް ކަނޑައަޅަން ސުޕްރީމް ކޯޓަށް ހުށަހެޅި މައްސަލަ މިހާރު ހުށަހަޅާފައި އޮތްގޮތަށް ނުބެލޭނެ ކަމަށް އެ ކޯޓުން މިއަދު ހުކުމްކޮށްފި އެވެ.

މަޖިލީހުގެ އިންތިޚާބީ ދާއިރާތައް ކަނޑައެޅުމުގައި މީދޫ ދާއިރާ އިން މަރަދޫ ފޭދޫ ވަކިކޮށް، ވަކި އިންތިޚާބީ ދާއިރާއަކަށް ހެދުމަށް ނުވަތަ މީދު އާއި މަރަދޫފޭދޫގެ ރައްޔިތުންގެ އިންތިޚާބީ ހައްގުތައް ނުގެއްލޭނެ ގޮތަކަށް އައްޑޫ ސިޓީގެ ދާއިރާ ކަނޑައަޅަން ސުޕްރީމް ކޯޓަށް ދުސްތޫރީ މައްސަލައެއް ހުށަހެޅީ އަމިއްލަ ފަރާތަކުންނެވެ. އޭގެ ކުރިން އެހެން ބަޔަކު އެ މައްސަލަ ހައި ކޯޓަށް ހުށަހެޅުމުން އެ ކޯޓުން ނިންމާފައި ވަނީ ދުސްތޫރީ މައްސަލައެއްގެ ގޮތުގައި ހައި ކޯޓަށް ނުބެލޭނެ ކަމަށެވެ.

ސުޕްރީމް ކޯޓުން މިއަދު ކުރި ހުކުމުގައި ވަނީ މަޖިލީހުގެ އިންތިޚާބީ ދާއިރާތައް ކަނޑައެޅުމުގެ ގާނޫނުގެ ދަށުން އިލެކްޝަންސް ކޮމިޝަނުން އިންތިޚާބީ ދާއިރާތައް ކަނޑައަޅާ ގޮތާ މެދު ހިތްހަމަނުޖެހޭ ނަމަ އެ ބާވަތުގެ މައްސަލަތައް ފުރަތަމަ މަރުހަލާގައި ބަލަން ޖެހޭނީ ހައި ކޯޓުން ކަމަށެވެ. އެ މައްސަލަ ހުށަހަޅާފައި ވަނީ ގައުމުގެ އާންމު މަސްލަހަތާ ގުޅުން ހުރި ދުސްތޫރީ މައްސަލައެއްގެ ގޮތުގައި ކަމަށް ވިޔަސް، އިންތިޚާބީ ދާއިރާތައް ކަނޑައެޅުމާ ބެހޭ ގާނޫނުގެ ދަށުން ސުޕްރީމް ކޯޓުގެ އަސްލީ އިހުތިސާސް އެ މައްސަލަ އަށް ލިބިގެން ނުވާ ކަމަށް އެ ހުކުމުގައިވެ އެވެ.

ނަމަވެެސް އިންތިޚާބީ ދާއިރާތައް ކަނޑައެޅުމާ ބެހޭ ގާނޫނުގައި ބުނާ އިޖުރައާތުގެ ތެރެއިން ހައި ކޯޓުން މައްސަލަ ބެލުމަށް ފަހު، ނިންމާ ނިންމުންތައް ސުޕްރީމް ކޯޓުގައި އިސްތިއުނާފު ކުރެވިދާނެ ކަމަށް ހުކުމުގައިވެ އެވެ.

ފަނޑިޔާރު އަލީ ރަޝީދު ރިޔާސަތު ބެލެހެއްޓެވި، ފަސް ފަނޑިޔާރުންގެ ބެންޗުގައި ދެން ތިއްބެވީ ފަނޑިޔާރު އަޒްމިރަލްދާ ޒާހިރާއި ފަނޑިޔާރު އައިޝާ ޝުޖޫން މުހައްމަދާއި ފަނޑިޔާރު މަހާޒް އަލީ ޒާހިރުގެ އިތުރުން ފަނޑިޔާރު މުހައްމަދު އިބްރާހިމެވެ.

އައްޑޫ ސިޓީގެ މަޖިލީހުގެ އިންތިޚާބީ ދާއިރާތައް ކަނޑައަޅާ ގޮތަށް ބަދަލު ގެނައީ 2014 ވަނަ އަހަރުގެ މަޖިލިސް އިންތިޚާބާ ދިމާކޮށެވެ. ކުރިން މީދު އާއި ހުޅުދޫ އޮންނަނީ އެއް ދާއިރާއެއްގަ އެވެ. މަރަދޫފޭދޫ އޮންނަނީި އެ ރަށާ ގުޅިފައިވާ މަރަދޫ ދާއިރާގެ ތެރޭގަ އެވެ. މަރަދޫފޭދޫއާ މުޅިން ވަކިން އޮންނަ މީދޫ ދާއިރާގެ ތެރޭގައި މަރަދޫފޭދޫ ހިމެނީ ހުޅުދު އަށް ވަކި ދާއިރާއެއް އަދި މަރަދު އަށް ވެސް ދާއިރާއެއް ހަމަޖެއްސުމަށް ފަހު އެވެ.

އައްޑޫ ރައްޔިތުންގެ މަޖިލިސް ސުޕްރީމް ކޯޓް އިލެކްޝަންސް ކޮމިޝަން ސ. މަރަދޫ ސ. މަރަދޫ ފޭދޫ ސ. މީދޫ

6 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮއްކަލެފުތާ

18 January 2021

ޖެރީ މެންޑްރިންއަށް ސަލާމްބުނި. އަދުލު އިންސާފު ހޯަދައިދޭނެކަމަށް ވައުދުވި މީހުން އަދުލާއި ކުޅެނީ ހީލަތްތެރިކޮށް. މަކަރުވެރިކޮށް. އަދުލުވެރިކަން ގާއިމްކޮށް ރާވައިގެން އިންތިޒާމްކޮށްގެން ހޭވި ހަޑި ފެންނާނެ. އެނގިގެންދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޑިޔައްތޮކިނަބާ

17 January 2021

އިންތިޚާބީ ދާއިރާތައް ކަނޑައެޅުމުގެ ޤާނޫނަކީ ޤާނޫނުއަސާސީއާ ފުށުއަރާ ޤާނޫނެއް. އެހެނީ އިދާރީދާއިރާތައް ޤާނޫނުއަސާސީގައި ވަނީ ކަނޑައަޅާފައި. އަދި ޤާނޫނުއަސާސީގައި ބުނަނީ ކޮންމެ އިދާރީދާއިރާއަކުން ހޮވާ މެންބަރުން ހޮވަންވާނީ އެ އިދާރީދާއިރާއަށް ނިސްބަތްވާ ރައްޔިތުންގެ މެދުގައި ނަގާ ވޯޓަކުންކަމަށް. އެކަމަކު މިހާރު މެންބަރުން ހޮވަނީ ޤާނޫނުއަސާސީގައި ބުނާގޮތަކަށްނޫން. ގޭދޮށުކުދިންގެ ވޯޓުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 January 2021

ޤާނޫނު އަސާސީގެ 72 ވަނަ މާއްދާގައި ލިޔެ އަމުރުކޮށްފައިވާ ހަމަތަކާއި މުޅިން ޙިލާފަށް ދާއިރާގެ ރަށްވެހިންނަށް ފުރުސަތު ޙާއްސަކޮށްފައިވާ މަޖިލިސް ގޮނޑިތަކަށް މާދުރު ރަށްރަށުގެ މީހުނަށް ކުރިމަތިލާން ފުރުސަތު ދީގެން އިންތިޙާބު ބާއްވަން އިލެކްޝަން ކޮމިޝަނުން ކުރިއަށްއޮތް މަޖިލިސް އިންތިޙާބުގައި އެކަން އެގޮތަށް ނުކުރެވޭނެ ކަމަށް އަމުރު ނެރެދެއްވުމަށް ދުސްތޫރީ މައްސަލައެއްގެ ގޮތުގައި ކޯޓަށް ވައްދަވާ. ރަށްރަށުގެ މަޖިލިސް ގޮނޑި ހިމާޔަތްކުރެވޭނީ އޭރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 January 2021

ޤާނޫނު އަސާސީގެ 72 ވަނަ މާއްދާ އާއި ޙާއްސަ މަޖިލީހުގައި ޤާނޛނުހަދާ މަޖިލީހަށް މެންބަރުން އިންތިޙާބު ކުރުމަށް ޖޯޝުގައި ދައްކާފައިވާ ވާހަކަ ތަކުގެ ޔައުމީއްޔާ އާއި ލާކަރުކަޒީ ޤާނޫނަށް ބަލާއިރުވެސް މަޖިލީހުގައި ދާއިރާތަކުގެ ރައްޔަތުން ތަމްސީލު ކުރާން ތިބެންވާނީ "ދާއިރާ ތަކުގެ ރަށްވެހިންކަން" ފާޅުކަން ބޮޑު ގޮތަކަށް އިގެން އެބައޮތް. # އަންނާންއޮތް މަޖިލިސް އިންތިޙާބު މިދެންނެވިގޮތަށް އިއުލާންކުރަން ކޮމިޝަންގެމައްޗަށް އަމުރުކުރުމަށް ކޯޓަށް ހުށަހަޅުއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 January 2021

ޤާނޫނު އަސާސީގެ 72 ގެ ހ އަދި ށ ގައިވާ ގޮތަށް އިންތިޙާބު ބޭއްވުމަށް އިލެކްޝަން ކޮމިޝަންގެމައްޗަށް ލާޒިމްކުރަން ކޯޓަށް މައްސަލައެއް ހުށަހަޅުއްވާ. # އޭގައި ސާފު ބަހުން ލިޔެފައިވަނީ "އިދާރީ ކޮންމެ ދާއިރާއަކުން މެންބަރަކު ހޮވާން ވާނެ" ކަމަށް. މާނައަކީ "އެއީ އިދާރީ ދާއިރާގެ ރައްވެއްސަކަށް ވާން ވާނެވާނެ" ކަމުގައިބުނެފައިވުން. # އެހެންނޫންނަމަ އެމާއްދާގައިއޮންނާނީ "ކޮންމެ ދާއިރާ އަކަށް" ކަމުގައި. "އަކުން" ގެ މާނައާއި "އަކަށް" ގެ މާނަ މުޅިން ތަފާތު ވާނެ.