ބަލައިނުގަތް ކަމަށް ބުނި މައްސަލަ ހުށަހަޅާފައެއް ވެސް ނެތް: ސިވިލް ކޯޓު

ސިވިލް ކޯޓުގައި މުވައްޒަފުން މަސައްކަތް ކުރަނީ: އެ ކޯޓުން ބުނީ އިދިކޮޅު ކޯލިޝަނުން ހުށަހެޅި މައްސަލަ ބަލައިނުގަތް ކަމަށް ބުންޏަސް އެފަދަ މައްސަލައެއް ލިބިފައި ވެސް ނެތް ކަމަށް. -- ފޮޓޯ: ނިޝާން އަލީ/ މިހާރު

ލަމްޔާ އަބްދުﷲ، މިހާރު

18 ޖެނުއަރީ 2021 - 14:52

7 comments

ލޯކަލް ކައުންސިލްތަކުގެ އިންތިހާބަށް ކެމްޕޭނުކުރުމުގައި ހަމަހަމަ ފުރުސަތު ނުލިބޭތީ އިދިކޮޅު ޕީޕީއެމް/ޕީއެންސީ އިން ސިވިލް ކޯޓަށް ހުށަހެޅި މައްސަލަ ބަލައިނުގަތް ކަމަށް ބުންޏަސް އެފަދަ މައްސަލައެއް ހުށަހަޅާފައި ވެސް ނެތް ކަމަށް ސިވިލް ކޯޓުން މިއަދު ބުނެފި އެވެ.

ސިވިލް ކޯޓުގެ ރެޖިސްޓްރާ އަބްދުލްސަލާމް ވިދާޅުވީ މިއަދު ކޯޓު ބަންދުވުމާ ހަމަ އަށް ވެސް އެފަދަ މައްސަލައެއް ކޯޓަށް ލިބިފައި ނެތް ކަމަށެވެ.

އިދިކޮޅު ކޯލިޝަނުން މައްސަލަ ހުށަހެޅި ކަމަށް ބުނީ ސިވިލް ކޯޓު ހުންނަ ޖަސްޓިސް ބިލްޑިން ކައިރިއަށް ޕާޓީގެ އިސް ބައެއް ބޭފުޅުންނާއި ލީގަލް ޓީމުން މިއަދު މެންދުރު ގޮހެވެ.

ހުށަހެޅި މައްސަލަ ބަލައިނުގަތް ކަމަށް ބުންޏަސް ކޯޓަށް މައްސަލަ ހުށަހަޅާފައި ވެސް ނުވާ ކަމަށް ބުނާތީ އިދިކޮޅު ކޯލިޝަންގެ ތަރުޖަމާނު ހީނާ ވަލީދާ ސުވާލުކުރުމުން ވިދާޅުވީ ކޯޓުން އެހެން ބުނަނީ ކީއްވެކަން އެނގިވަޑައިނުގަންނަވާ ކަމަށެވެ. މައްސަލަ ހުށަހެޅީ ލައިވްކޮށް ދެއްކި އިވެންޓެއްގައި ކަމަށާއި އެތަން އެންމެންނަށް ވެސް ފެންނާނެ ކަމަށް ވިދާޅުވި އެވެ.

ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވެފައިވަނީ ކޯޓުން މި މައްސަލަ ބަލައި ނުގެންފި ނަމަ، ހައި ކޯޓާއި ސުޕްރީމް ކޯޓަށް ހުށަހަޅާނެ ކަމަށާއި އެކަމާ މެދު ގޮތެއް ނިންމަން މިއަދު ކުއްލި ބައްދަލުވުމެއް ބާއްވާނެ ކަމަށެވެ.

ސިވިލް ކޯޓް ލޯކަލް އިންތިހާބު ޕީޕީއެމް/ޕީއެންސީ އިއްތިހާދު

7 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

1234

19 January 2021

މިވެރިންނަކަށް ލަދުގަންނާކަށްވެސް އެގޭހެނެއް ހީއެއްނުވޭ ؟ ތިމާމެންގެ ވެރިކަމުމުގައި ކަންކުރިގޮތް ހިތައްއަރުވައިލުން ރަގަޅުވާނެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

18 January 2021

"މައްސަލަ ހުށަހެޅީ ލައިވްކޮށް ދެއްކި އިވެންޓެއްގައި ކަމަށާއި އެތަން އެންމެންނަށް ވެސް ފެންނާނެ ކަމަށް ވިދާޅުވި އެވެ". ކޯޓުތަކަށް މިހާރު މައްސަލަ ހުށަހަޅަނީ އެގޮތަށް ލައިވްކޮށް އިވެންޓް ބާއްވައިގެންތަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށްއިތުމީހާ

18 January 2021

މިސަރުކާރުން އެއްކަމެއް ނުކޮށްދިނަސް އަދުރޭބޭ ލީޑަރ ކަމުގައިވާ ދެ ފާޓީގެ މީހަކަށް ދޭނެ ވޯޓެއް ނޯންނާނެ. ދިވެހި ރަށްއިތުންނަށް އޮޅިފަކާ ނެތޭ ކަލޭމެން ކުރި ވައްކަންތަކާ ހިންގި ޖަރީމާތައް މަތިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލަށް އެދެމޭ

19 January 2021

މަރުވެގެންދިޔައިރުވެސް ޝަހާދަތުގެ ދެކަލިމަ އަބޫޖަހުލު ނުކީ ކިބުރުވެރި ބޮޑާވެ ހަސަދަވެރިކަމުން..އަދި އޭނަ އެދަކަލިމަ ކިޔަންބޭނުންވިގޮތަށަ އެހެން މީހަކު އެކަލިމަ ކިޔިމަށްވެސްބޭނުމެނުވި..އެހެންވީމަ އިތުރަށް ބުނެދޭނެ ވާހަކައެއް އޮންނާނެހެން ހީނުވޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

18 January 2021

އިދިކޮޅެއް އެބައޮތްތަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

18 January 2021

ގައިމުތާ، މިހާތަނަށް ރާއްޖޭގަ އުފެދުނު އެއްމެ ވަރުގަދަ ދެޕާޓީ އެކުވެގެން އުފެއްދި އިދިކޮޅު ކޯލިޝަންވަރުގެ ކޯލިޝަނެއް އަދި ރާއްޖޭގަ އުފެދިފައެއްނެތް. އަނެއްކާ ކޮންކަހަލަ ވަރުގަދަ ސަޚުސިއްޔަތުތަކެއް، ތިކޯލިޝަނުގަ ހިމެނޭ ޕާޓީތަކުގެ ލީޑަރުންގެ ގޮތުގަ އެތިބީ، ނަން ކިޔާލިއަސް ގައިން ހީބިހި ނަގައިގެންދާވަރުވޭ.