އިސްލާމީ މަރުކަޒަށް ވަދެ ބަރަހަނާވި މައްސަލަައިގައި މީގެ ދެ ދުވަސް ކުރިން ހައްޔަރު ކުރި ބަންގްލަދޭޝްގެ ފިރިހެން މީހާ މިހާރު ދޫކޮށްލާފައިވާ ކަމަށާއި މަސައްކަތް ކުރަނީ އޭނާ ގައުމަށް ފޮނުވައިލަން ކަމަށް ފުލުހުން މިއަދު ބުނެފި އެވެ.
މިދިޔަ ބުރާސްފަތި ދުވަހު އިޝާ ނަމާދަށް ފަހު، މިސްކިތުގައި މީހުން ތިއްބާ، އެ މީހާ އެތަނަށް ވަނީ ހެދުން ލައިގެން ހުރެ އެވެ. އެކަމަކު ވަކި ހިސާބަކުން، އަޑު ގަދަކޮށް، ލައިގެން ހުރި އެއްޗެހި ބާލައި ބަރަހަނާވި އެވެ. އޭގެ ފަހުން އޭނާ ރަށަށް ފޮނުުވައިދޭން އެދި ހަޅޭއްލަވަން ފެށި އެވެ.
އެ މީހާ މިސްކިތުން ނެރުނީ، އެ ތަނުގައި ތިބި ބައެއް މީހުންނާއި ފުލުހުން ވެގެންނެވެ.
ފުލުހުން މިއަދު ބުނީ އެއީ ނަފުސާނީ މައްސަލަތަކެއް ހުރި މީހެއް ކަމަށް ފާހަގަ ކުރެވިފައިވާ ކަމަށާއި އޭނާގެ ސްޕޮންސަރުންނާ ގުޅިގެން ގައުމަށް ފޮނުވައިލުމަށް މަސައްކަތް ކުރަމުން އަންނަ ކަމަށެވެ.