ކޮވިޑް-19 ވެކްސިން: ރާއްޖޭގައި ވެކްސިން ޖަހަން 20،000 އަށް ވުރެ ގިނަ މީހުން ވަނީ ރަޖިސްޓާވެފައި--
27 ޖެނުއަރީ 2021 - 12:48
16 comments
ކޮވިޑް-19 އިން ރައްކާތެރިވުމަށްޓަކައި ވެކްސިން ޖެހުމަށް 20،000 އަށް ވުރެ ގިނަ މީހުން މިހާތަނަށް ރަޖިސްޓަރީ ވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދު ބުނެފި އެވެ.
އެ އިދާރާ އިން ވަނީ ވެކްސިން ޖަހަން ބޭނުންވާ މީހުންނަށް ހާއްސަ ޕޯޓަލްއެއް ހަދައިފަ އެވެ. އެ ޕޯޓަލް މިދިޔަ ހަފުތާގައި ހުޅުވާފައިވާއިރު، މިހާތަނަށް 20،848 މީހުން ވެކްސިން ޖަހަން ރަޖިސްޓަރީ ވެފައިވާ ކަމަށް އެޗްޕީއޭގެ އޮފިޝަލަކު ވިދާޅުވި އެވެ.
ޕޯޓަލްގައި ރަޖިސްޓަރީ ވާ މީހުން ދިރިއުޅޭ ތަނާއި ސިއްހީ ހާލަތާ ބެހޭ މައުލޫމާތު އެޗްޕީއޭ އިން ހޯދާނެ އެވެ. އެ މައުލޫމާތުތައް ބޭނުންކޮށްގެން، ވެކްސިން ދިނުމުގެ ތަރުތީބެއް ކަނޑައަޅާނެ ކަމަށް އެ އިދާރާ އިން ބުންޏެވެ. ވެކްސިން ޖެހުމުގެ އެޕޮއިންޓްމަންޓާއި ވެކްސިން ޖެހިކަމުގެ ޑޮކިއުމަންޓުތައް ވެސް ޕޯޓަލް މެދުވެރިކޮށް ލިބޭނެ ކަމަށް އެޗްޕީއޭ އިން ބުނެ އެވެ.
ވެކްސިން ދިނުމުގައި އިސްކަން ދިނުމަށް އެޗްޕީއޭ އިން ނިންމާފައި ވަނީ ސިއްހީ ދާއިރާގައި އުޅޭ މީހުންނާއި އުމުރުން ދުވަސްވީ މީހުންނާއި ހައި ރިސްކް ކެޓަގަރީގައި ހިމެނޭ މީހުންނަށެވެ. އެޗްޕީއޭ އިން ބުނެފައިވާ ގޮތުގައި، އުމުރުން 16 އަހަރުން ދަށުގެ ކުދިންނާއި މާބަނޑުމީހުންނަށް ކޮވިޑް ވެކްސިން ނުޖަހާނެ އެވެ.
ވެކްސިން ހޯދުމަށް ކުރާ މަސައްކަތުގެ ތެރެއިން ސަރުކާރުން ވަނީ ވެކްސިންގެ 700،00 ޑޯޒް ގަތުމަށް އެސްޓްރާޒެނެކާއެކު އެއްބަސްވުމެއްގައި ސޮއިކޮށްފަ އެވެ. އިންޑިއާގެ ސަރުކާރުން ހަދިޔާ ކުރި 100،000 ޑޯޒްގެ ކޮވިޝީލްޑް ވެކްސިން ވެސް ވަނީ ރާއްޖެ ގެނެސްފަ އެވެ. ސަރުކާރުން ބުނެފައި ވަނީ އެއީ 50،000 މީހުންގެ ގަޔަށް ޖެހޭ ވަރުގެ އަދަދެއް ކަމަށެވެ.
މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މިހާރު އަންނަނީ ކޮވިޝީލްޑް ވެކްސިނާ ބެހޭ ދިރާސާތައް ހަދަމުންނެވެ.
ވެކްސިން ޖަހަން ފަށާނެ ތާރީޚެއް އެޗްޕީއޭއަކުން އަދި ނުބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
28 January 2021
ނަންރީތި ހުސޭނައް ބުނަން ހަގީގަތް ސާފުކޮއްފަ ވާހަކަ ދައްކާނީ,ގައުމުގަ ފަސާދަ އުފައްދަން މަސައްކަތްނުކުރޭ.
ޝަރޫ
27 January 2021
މިފުރިހަމައަށް ޓެސްޓު ކުރެވިފައި ވެކްސިން އެއްނޫން!
ޒަރާނާ
27 January 2021
ފުރަތަމަ ޑޯޒުދޭތާ 5 ހަފްތާ ފަހުން ދެވަނަޑޯޒު މިދިޔަ އަހަރު އޮކްޓޫބަރުގަ ތިޔަ އުފެއްދީ ބާކީ3 މަސް މުއްދަތް ހަމަނުވެ ވީމާ މުއްދަތް ހަމަނުވަނިސް ފުރަތަމަ ޑޯޒު ޖެހޭތޯ ބަލަން ވެގެން ސަރުކާރު މުވައްޒަފުންނައް ސިޔާސީ ވާހަކަ ނުދެއްކޭނެ ކަމައްބުނީ މީގެ ހަގީގަތަކީ އަދިވެސް ޑަބްލިޔުއެޗްއޯއިން ހުއްދަ ނުދޭކަން ވީމާ އިބޫއާ ނަސިދުއާ ފަޒުނާ މާރިޔާ އީވާ އިމުރާނު މަލިލިސް ހުރިހާ މެންބަރުން މިޖަހާ ފުރަތަމަ އޭރުން ރައްޔިތުން ހިތްހަމަ ޖެހޭނީ ފޭކު ނުޖަހަތި ހަމަ މީތިޖ
ހަސަނު
27 January 2021
6 މަސްދުވަހުގެ ގެރެންޓީ ހުންނަނީ ކޮވިޑް ވެކްސިނުގަ.. އިންޑިއާއިން ގެނައި އެތިކޮޅު ހަމަ ވުމުގެ ކުރިން ޖެހޭތޯ ބަލަމާ..
އުދުހޭ
27 January 2021
އިލެކްޝަންކޮވިޑަކީ ހަމައެކަނި ރާއްޖެއިން ފެންނަ ވޭރިއަންޓެއްބާ؟
1234
27 January 2021
ޗައިނާ ވެކްސިން އެކި ގައުތަކުގައި ޖަހަމުންދަނީ ތިބުނާ ތަނަކުން ހުއްދަދީގެންތަ؟
ހައުލަތް.
27 January 2021
ޗައިނާ ވެކްސިނަކީ ވަރައް ރަނގަޅު އެއްޗެއް. އެކަމު އަހަރެމެން ޖަހާނީ އެމެރިކާގެ ފައިޒާ ވެކްސިން. ކޮލިޓީ ސަޅިވާނެ އެމީހުން ވެކްސިންގަ. ތިމީހުން އޮކްސްފޯރޑް ވެކްސިން ޖަހާލާ ދެން.
ނަންރީތި ހުސޭނު
27 January 2021
ހުއްދަ ދީގެން. ނޭގެންޔާ އޮޅުން ފިލުވާ
ޢަލީ.
27 January 2021
ޗައިނާ ރަށިޔާ އަކީ އެމެރިކާގެ ހަތުރުން ޑަބްލިޔުއެޗްއޯއަކީ އެމެރިކާނުން ހަރަދުކުރާ އެމީހުންގެ ޕަޕެޓެއް އެމީހުން ނޭދޭ އެހެންބަޔަކު ސުޕަރ ޕަވަރަކައް ވާކައް މީދުނިޔެ ފެށުނިއްސުރެ އޮންނަ ހަނގުރާމައެއް މުސްލިމުންގެ ބާރުދިޔައީ މުސްލިމުން ކަންނެތްވެ ތެޔޮކޮޅު ސާފުކުރުންވެސް ޔަހޫދީންނައް ހަވާލު ކުރީމަ އިރާގުގެ ކުރީގެ ރައިސް ސައްދާމު ކަމުނުދިޔައީ ގައުމު ވިއްކާނުލީމަ މިއަދު އިންޑިޔާއައް ރާއްޖެ ކަމުދާނެ ޖާސޫސުކުރަން ވަދެވޭތީ ވިސްނާފިކުރުކުރާ ބަޔަކައް ވަމާ
ނައަ ނައި
27 January 2021
ލިބޭގެއްލުމުގެ ޒިންމާ ސަރުކާރުން ނަގާނަމަ ކޮވިޑް-19ވެކްސިން ޖެހިދާނެ؟
ގެދާނޯމޮސް
27 January 2021
ފްރީކޮށް ވަޅުލައިދޭނެ : އަންދައެއް ނުލާނެ ގެރެންޓީ ދެމެވެ.
ނަންރީތި ހުސޭނު
27 January 2021
ނުނަގާނެ، އަތް އަނގަޔާ ދިމާ ނުވެގެން ރައްޔިތުން އުޅޭއިރު ބަލިމަޑުކަމުގެ ތެތޭގަވެސް މާލިއްޔަތު ދަވާލާ ޑަބްލިއުއެޗްއޯ އިން ރައްޔިތުންނައް ެ އިންކަމްސަޕޯޓުގެ ގޮތުގަ އެހީވާލް ލާރިދިނީމަ އެކަން ސިއްރުކޮއްގެން ޕާޓީ އައުވާނުންނައް ލާރި ބަހާފަ މާލިއްޔަތުން ެެެެެެެ އިންކަމް ސަޕޯޓުގޮތަ އެތައް މިލިޔަނެއްދީފީމޭ ކިޔާއޮޅުވާލި ބަޔަކު ރައްޔިތުންނައް ހަމްދަރުދީއެއް ހެޔޮނިޔަތުގަ ވާނެތަ؟
ށަވިޔަނި
27 January 2021
މުޅި ދުނިޔެއިން ވެކްސިން ޖަހަންފެށިއިރު ދިވެހިންނަށް ހިލޭ ލިބުނު ވެކްސިންވެސް އެހުރީ ބަހައްޓާފައެވެ.
ފަތޫނާ5
27 January 2021
ދިވެހިން ފުދޭ ވަރަކަށް ބޮޑާވާނެ. ހީވަނީ މިއި މަތީ ބައެއްހެން. މުޅި އުމުރު ރިހާ ކުރުކާ ކުދިންވެެސް ބުނަނި ވެކްސިން ސޭފް ނޫންކަމަށް. މިމީހުންނަކީ ކަނޑުމަހުގެ ބަނޑުވެެސް ކައްކައިގެން ކާ ބަޔެއް. ލަދުގެ ކަންފުޅެއް ނެތް.
ދޮން ހަސަނު
27 January 2021
ކިހިނެއްތޯ ފުޑް އެންޑް ޑްރަގް އޮތޯރިޓީން ކޮވިޝީލްޑްގެ ދިރާސާތައް ހަދާނީ. އެތަނުން އެ އުޅެނީ ރާއްޖެ އެތެރެކުރާ ޕެނަޑޯލް ގުޅައެއްގެވެސް ސްޓްރެންތު ބަލާނުލެވިގެން.
ކޭކު
27 January 2021
ދިރާސާ ކުރަނީ ޑރ ޝާހު ގޭގަ ހުންނަ މެޝަނަކުން. ހިނި އަންނަނި.