ވިޔަފާރި / އެމްޓީސީސީ

ދުވާފަރު މަގުތަކުގައި ތާރު އަޅައި ނިންމައިފި

ދުވާފަރު މަގެއްގައި ތާރު އަޅާފައި: މި މަޝްރޫއުގެ 90 ޕަސެންޓު މަސައްކަތް ވަނީ ނިމިފައި-- ފޮޓޯ: އެމްޓީސީސީ

އިދުހާމް ނައީމް، މިހާރު

27 ޖެނުއަރީ 2021 - 12:27

2 comments

އެމްޓީސީސީން ރ. ދުވާފަރު މަގުތައް ހެދުމުގެ ފުރަތަމަ ފޭސްގެ ދަށުން މަގުތަކުގައި ތާރު އަޅައި ނިންމައިފި އެވެ.

އެމްޓީސީސީން ބުނި ގޮތުގައި ތާރު އަޅައި ނިމުމާ އެކު، މަގު ހެދުމުގެ މުޅި މަޝްރޫއުގެ 90 ޕަސެންޓު މިހާރު ވަނީ ނިމިފަ އެވެ. މިހާރު ކުރިއަށްދަނީ މަގުމަތީ ނިޝާން ޖެހުމާއި ޒިބްރާ ކްރޮސް ނިޝާން ޖެހުމުގެ މަސައްކަތާއި ސްޕީޑް ބްރޭކަރު ހަރުކުރުގެ މަސައްކަތް ކަމަށް އެ ކުންފުނިން ބުންޏެވެ.

މި މަޝްރޫއުގައި ވަނީ ހިނގާބިނގާވެ އުޅުމަށް 6813.08 އަކަ މީޓަރުގެ ސަރަހައްދަކާއި ވެހިކަލް ދުއްވަން 25،513 އަކަމީޓަރުގެ ސަރަހައްދެއްގައި ތާރު އަޅައިފަ އެވެ.

މިނިސްޓްރީ އޮފް ނޭޝަނަލް ޕްލޭނިން، ހައުސިން އެންޑް އިންފްރާސްޓްރަކްޗާއިން ހަވާލުކޮށްގެން ކުރިއަށްގެންދާ މި މަޝްރޫއަށް 47 މިލިއަން ރުފިޔާ ހަރަދުވާނެ ކަމަށް ވަނީ ލަފާކޮށްފަ އެވެ.