ލެމަން ގްރާސް ރެސްޓޯރެންޓް--ފޮޓޯ:މިހާރު
27 ޖެނުއަރީ 2021 - 16:12
6 comments
ރެސްޓޯރެންޓް/ކެފޭ/ހޮޓާ ހުޅުވާ ވަގުތު އިތުރުކުރިތާ ތިން ދުވަހަށް ފަހު، ކޮވިޑްގެ ކޭސްތައް ކުއްލިއަކަށް މާ ގިނަވާން ފެށުމާ އެކު، އަނެއްކާވެސް އިކޮނޮމިކް މިނިސްޓްރީން މިއަދު ބަދަލު ގެނެސްފި އެވެ.
އެ މިނިސްޓްރީން މި ބަދަލު ގެނައި އިރު އެޗުޕީއޭ އިން ވަނީ މާލެ ސަރަހައްދުގައި ޕާޓީތަކާއި ހަފުލާތަކާއި ރަސްމިއްޔާތުތައް ބޭއްވުން މަނާކޮށް، ދަންވަރު 12 އިން ފަތިހު 4 އާ ދެމެދު ބޭރަށް ނުކުމެ އުޅުން ވެސް މަނާކޮށްފަ އެވެ.
އިކޮނޮމިކް މިނިސްޓްރީން ކުރި އިއުލާނުގައި ބުނީ މިއަދުން ފެށިގެން ފިހާރަތަކުގެ އިތުރުން، ސައި ހޮޓާ، ކެންޓީން، ކެފޭ އަދި ރެސްޓޯރަންޓް ފަދަ ކާބޯތަކެތީގެ ހިދުމަތް ދޭ ތަންތަން ހުޅުވާފައި ބެހެއްޓޭނީ ފަތިހު 4:30 އިން ރޭގަނޑު 11:30 އަށް ކަމަށެވެ.
ކާބޯތަކެތީގެ ހިދުމަތް ދޭ ތަންތަނުން އެޗުޕީއޭ އިން ކަނޑައަޅާ އުސޫލުތަކާ އެއްގޮތަށް އަމަލުކުރަން ވާނެ ކަމަށް ވެސް އިކޮނޮމިކް މިނިސްޓްރީގެ އިއުލާނުގައި ބުންޏެވެ.
ކޮވިޑް ކޭސްތައް ވަރަށް ބޮޑުތަނުން އިތުރުވާން ފެށިއިރު، ކެއިންބުއިމުގެ ހިދުމަތް ދޭ ތަންތަނާއި ފިހާތައް ހުޅުވާފައި ބެހެއްޓޭނެ ވަގުތު މިނިސްޓްރީން އޮތީ މި ފަހުން އިތުރުކޮށްދީފަ އެވެ. އެގޮތުން ހޮޓާ/ކެފޭ އަދި ރެސްޓޯރެންޓް ފަދަ ތަންތަން މެންދަމު 1:00 ވަންދެން ހުޅުވާފައި ބެހެއްޓެ އެވެ.
އެކަމަކު އިއްޔެ 140 އަށް ވުރެ ގިނަ މީހުން ކޮވިޑްއަށް ޕޮޒިިޓިވް ވުމަކީ ގިނަ މީހުން އެއްވެއުޅޭ ކަންކަން ހުއްޓާލަން ޖެހުމެވެ. އަދި ރައްކާތެރިކަމުގެ ފިޔަވަަޅުތައް ވަރުގަދަކުރަން ވެސް ޖެހުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުފެނުނަސް
28 January 2021
އަދަދުތައް 3 ދުވަހުން މައްޗަށް ދިއައީކީ ނޫން. ކޮވިޑްގެ އަދަދުތައް ފެންނަނީ ރިއަލްޓައިމްއަކު ނޫނެއްނު. މިއަދު ރިޒަލްޓް ލިބުނަސް ޓެސްޓް ކުރެވުނީ ކިތައް ދުވަސް ކުރިންތޯ ބަލާ އޭގެ ދެތިން ދުވަސް މާޒީގައި ވީ ކަމަކުން، ނޫނީ އެއަށްވުރެވެސް މާޒީގަ ވީ ކަންތައްތަކަކުން ބަޔަކަށް ބަލި ފުރަތަމަ ޖެހި ނޫނީ ފެތުރި މާ ފަހުން ބޮޑު އަދަދުތަކެއް ފެންނަނީ.
ޝިފޫ
28 January 2021
އެކަމަކު އިއްޔެ 140 އަށް ވުރެ ގިނަ މީހުން ކޮވިޑްއަށް ޕޮޒިިޓިވް ވުމަކީ ގިނަ މީހުން އެއްވެއުޅޭ ކަންކަން ހުއްޓާލަން ޖެހުމެވެ. އަދި ރައްކާތެރިކަމުގެ ފިޔަވަަޅުތައް ވަރުގަދަކުރަން ވެސް ޖެހުމެވެ. ކީކޭތަ މިކިޔަނީ؟
ހާމިދު ޝާހިދު
27 January 2021
ތިއީ ރައްޔިތުންނަށް ޖެއްސުން ކުރުން. ވާނުވާއެއް ނޭންގޭ. ބަޔަކު މަގުމައްޗަށް ނުކުމެ ސުލްހަވެރި މުޒާހަރާއެއް ކޮށްލާ ކޮންމެ ފަހަރަކު މި އަދަދުތައް މައްޗަށް އެބަ ޖައްސާލާ. އަހަރުމެން ބަލަން ބޭނުންވޭ، ކޮންމެ ދުވަހަކު ތިޔަ ޕޮސިޓިވްވާ މީހުންގެ ނަން ލިސްޓްތައް. އެ ލިސްޓްތައް ޝާއިޢު ކޮށްލަން ކުރޭނެތަ. ނޫނީ މަޢުލޫމާތު ލިބިގަތުމުގެ ޤާނޫނުގެ ދަށުންނަމަވެސް އެކަން ކޮށްދެވިދާނެތޯ! ކޮމިޝަނަރޫ...!
ބޮސްގެ ބޮސް
27 January 2021
ހުޅުވާފަ ބެހެއްޓޭ ގަޑި މަދެއް ނޫން ކުރާނީ.... ހުޅުވާފަ ބެހެއްޓޭ ވަގުތު ކުޑަ ކުރާނީ....
އިމާމް
27 January 2021
ރާސްލާފަ ފެތުރެމުންދާއިރު މިއެޅި ފިޔަވަޅަކީ ތާކުން ތާކު ޖެހޭ ކަމެއްނޫން..
ޖަމަލު
27 January 2021
އެކަމު ވާނެ ބޮޑުބެރާ މިއުޒިކު ޝޯ ކުޅެން ހުއްދަ ދޭން އެވެސް މާސްކު ނާޅާ. ގައިޑްލައިނާ ހިލާފަށް މިމީހުން އުޅެނީ. ފިޔަވަޅެއް ނާޅާ. މީ އަޅެ ޖަހާ ސަކަރާތެއްތަ