ބާޒާރުން ކެރެޓު ހުސްވެ، ކިލޯއެއް 150ރ. އަށް

ފިހާރައެއްގައި ކެރެޓު ވިއްކަން ބަހައްޓާފައި: ބާޒާރުން ކެރެޓު ވަނީ ހުސްވެފައި-- ފޮޓޯ: މިހާރު

އިދުހާމް ނައީމް، މިހާރު

29 ޖެނުއަރީ 2021 - 16:47

ރާއްޖެއަށް ކެރެޓް އެތެރެކުރާ ފަރާތްތަކުގެ އަތުގައި ހުރި ސްޓޮކް ހުސްވެ، އޭގެ ކިލޯއެއްގެ އަގު 150ރ އަށް އަރައިފި އެވެ. މިއީ ފަހުގެ ތާރީހެއްގައި ކެރެޓްގެ އަގު މިހާ މައްޗަށް އުފުލުނު ފުރަތަމަ ފަހަރެވެ.

ބާޒާރުމަތީ ފިހަރާތަކުގެ ބައެއް ވެރިން ބުނާ ގޮތުގައި ކެރެޓު ނުލިބޭތާ މިހާރު ހަފުތާއެއް ވެއްޖެ އެވެ. އެ ސަރަހައްދުގެ ފިހާރަތަކުން ކެރެޓު ކިލޯއެއް 100ރ. އަށް ވުރެ މަތިން ވިއްކާތާ ވެސް ދުވަސްކޮޅެއް ވެއްޖެ އެވެ.

ރާއްޖެއަށް ކެރެޓު އެތެރެކުރާ ވިޔަފާރިވެރިޔަކު "މިހާރު"އަށް ބުނީ ބޭރުން ކެރެޓު ލިބުމުގައި ދަތިތަކެއް ހުރި ކަމަށެވެ. ނަމަވެސް އަންނަ މަހުގެ ފުރަތަމަ ދެ ހަފުތާ ތެރޭގައި ކެރެޓުގެ އާ ޝިޕްމަންޓެއް ލިބޭނެ ކަމަށް އޭނާ ބުންޏެވެ.

ބާޒާރުމަތީ ފިހާރަތަކާ އެކު ދަތުރުވެރިންގެ މާރުކޭޓާއި ލޯކަލް މާރުކޭޓުން ވެސް ކެރެޓު ވަނީ ހުސްވެފަ އެވެ. ކެރެޓު ދެން ލިބޭނީ އަންނަ ހަފުތާގައި ކަމަށް މާރުކޭޓުގެ ގޮޅިތައް ހިންގާ ބައެއް މީހުން ބުންޏެވެ. ނަމަވެސް އަގު ކުޑަވެދާނެ ކަމަކަށް އެ މީހުން ލަފައެއްނުކުރެ އެވެ.

މާރުކޭޓާއި ބާޒާރުގައި ކެރެޓު ހުސްވި ނަމަވެސް މާލެ ތެރޭގެ ބައެއް ފިހާރަތަކުން ކެރެޓު ލިބެން އެބަ ހުއްޓެވެ. ގިނަ ފިހާރަތަކުން ކެރެޓު ކިލޯއެއް 150ރ. އަށް ވިއްކާ އިރު ބައެއް ފިހާރަތަކުން 85ރ. އާއި 100ރ. އާ ދެމެދުގެ އަގުތަކުގައި ވިއްކަމުން ވެސް އެބަ ގެންދެ އެެ

ކެރެޓުގެ އަގު އާންމުކޮށް އުޅެނީ ކިލޯއެއް 20ރ. އާއި 35ރ. އާ ދެމެދުގަ އެވެ. ކެރެޓް ލިބުން ދަތިވާން ފެށުމާ އެކު މި މަހުގެ މެދަކާ ހަމައިން ފެށިގެން އަގު ވެސް ދިޔައީ އުފުލެމުންނެވެ.

ކެރެޓުގެ އިތުރުން ބާޒާރުން ލޮނުމެދު ވެސް ވަނީ ހުސްވާން ކައިރިވެފަ އެވެ. ލޮނުމެދު ކިލޯއެއް ވެސް މި ވަގުތު ލިބެން ހުރީ 150ރ. އަށެވެ.

ވިޔަފާރިވެރިން ބުނާ ގޮތުގައި ކެރެޓާއި ލޮނުމެދުގެ އަގު ކުރިއަށް އޮތް ދެ ހަފުތާގައި ވެސް ހުންނާނީ އެވަރުގަ އެވެ.

ލޯކަލް މާރުކޭޓް މާރުކޭޓް ސަރަހައްދު ކެރެޓް ތަރުކާރީ

10 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުހާނީ

31 January 2021

29.01.2021 ގައި ބާޒާރުގައި ކެރެޓް ކިލޯ އެއް ހުރީ 50ރ އާއި 55ރ އާ ދެމެދު. އެއްވެސް ތާކުން 70ރ މަތިން ހުއްޓާވެއް ނުދެކެން. ހަމަ ރީތި ރަނގަޅު ކެރެޓް ވިއްކަން ހުރީވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޮބޭ

30 January 2021

ފފިހާރައަކަށް ގޮސް އަގު ކިހާވަރެއްތޯ އަހާލުމުން ބުނީ އަގުހެވެއް ނޫނޭ. ޑޮލަރ އަގުބޮޑުވެއްޖެއޭ. މިހާރު މިއަގުގައި ނުވިއްކޭނެއޭ. މިހުންނަނީ މިމީހުންގެ އިޚްލާސްތެރިކަން ހުރި މިންވަރަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

30 January 2021

ޢަދި ކަންޑުމަހާ ވަޅޯމަހާ ރިހާކުރު ރާއްޖެޔައް އިންޕޯޓު ކުރާ ދުވެސްވެސް ފެންނާނެ، މިއޮތީވާގައުމެއް، ގައުމުގެ މުސްތަގުބަލެއްނެތްް ތަން މިފެންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމަލު

29 January 2021

ދެން ދިވެހިން އުޅޭނެ ކެރެޓު ނެތުނީމަ ގައިން ތަނެއް މަދުވާހެން. ފިޔާ ހުސްވެގެން ދެން ހީވީ އެހެން ފަދަ ކަމެއްހެން. ކެތްތެރިކަން އިސްކޮށް އެހެން ތަރުކާރި ތަކުން މިހާލަތުގައި ފުއްދާ އަދި އަމިއްލަ އުފެއްފުންތެރިކަން އިސްކުރަންވީ ވަގުތު މިއީ. މިރުސް އަގު ބޮަޑުވެގެން ވެސް މީސްމީހުންނަށް ބަދު ބަސް ބުނެ އުޅުނު