އެންމެ ފަހުން 2019 ވަނަ އަހަރު ބޭއްވި އޯ ލެވެލް ޓޮޕް 10ގެ ޖަލްސާގައި، އެއް ވަނަ ހޯދި ދަރިވަރުންނާއެކު ރައީސް އިބްރާހިމް މުހައްމަދު ސޯލިހު އަދި އެޑިއުކޭޝަން މިނިސްޓަރު ޑރ. އައިޝަތު އަލީ ފޮޓޯއަކަށް ހުއްޓިވަޑައިގެން.-- ފޮޓޯ: ހުސެއިން ވަހީދު/ މިހާރު
30 ޖެނުއަރީ 2021 - 14:08
37 comments
އެންމެ ފަހުން ރާއްޖޭގައި އޮތް އޯ ލެވެލް އާއި އޭ ލެވެލްގެ ހަމައެކަނި އެއް ވަނަ ދަރިވަރުންނަށް ރަސްމިއްޔާތެއް ބާއްވައި އިނާމު ދޭތީ، އެހެން ވަނަތައް ލިބުނު ބައެއް ކުދިން ހިތްހަމަނުޖެހި، އެޑިޔުކޭޝަން މިނިސްޓްރީގެ ނިންމުން ބަދަލުކުރަން ގޮވާލައި، ޕެޓިޝަނެއް ހަދަން ފަށައިފި އެވެ.
އޯ ލެވެލް އާއި އޭ ލެވެލްގެ ގަދަ 10 އަށް ކުރިން އިނާމު ދޭން ވަރަށް ބޮޑު ޖަލްސާއެއް ބާއްވަ އެވެ. އަދި އެއީ ގްރޭޑް 10 އާއި 12 ނިންމާ ދަރިވަރުންނާއި ބެލެނިވެރިންގެ ވަރަށް ބޮޑު އުއްމީދަކާ ގުޅިފައި ވެސް އޮންނަ ރަސްމިއްޔާތެކެވެ.
ނަމަވެސް ކޮވިޑް-19ގެ ނުރައްކާ ކުޑަނުވެ އަދިވެސް ދިގުދެމިގެންދާތީ ސަރުކާރުން ގެންދަނީ ބައެއް ރަސްމިއްޔާތުތައް ކުޑަކޮށް އަދި އަނެއް ބައި ރަސްމިއްޔާތުތައް ކެންސަލްކުރަމުންނެވެ. އެގޮތުން ގަދަ 10އަށް އިނާމު ދިނުމުގެ ރަސްމިއްޔާތު ވެސް ކުޑަކޮށްލީ އެވެ.
މިހާރު އިނާމު ދޭން ތައްޔާރުވަނީ 2019ގެ އޯ ލެވެލް އަދި އޭ ލެވެލްގެ ގަދަ 10ގެ ދަރިވަރުންނަށެވެ.
ކޮވިޑާ ގުޅިގެން މިދިއަ އަހަރު އެއިން އެއްވެސް އިމްތިހާނެއް ރާއްޖޭގައި ބާއްވާފައެއް ނުވެ އެވެ.
އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރު އަހުމަދު މުޖާހިދު ސޮއިކުރައްވައި މިދިޔަ ބުދަދުވަހު ސްކޫލުތަކަށް ފޮނުއްވި ސިޓީއެއްގައި މި އަހަރުގެ އިނާމު ދިނުމުގެ ރަސްމިއްޔާތު ކުރިއަށް ގެންދަން ރާވާފައި އޮތް ގޮތް ވަނީ އަންގަވައިފަ އެވެ. އެގޮތުން ފެބްރުއަރީ 25 ގައި ތާޖުއްދީން ސްކޫލް ހޯލްގައި ބާއްވާ ރަސްމިއްޔާތުގައި އިނާމު ދޭނީ އޯ ލެވެލް އާއި އޭ ލެވެލް އިން ހަމައެކަނި އެއް ވަނަ ހޯދި ދަރިވަރުންނާއި ވަކިވަކި މާއްދާތަކުން ރާއްޖެ އާއި ދުނިޔެއިން އެއް ވަނަ ހޯދި ދަރިވަރުންނަށް ކަމަށް ސިޓީގައިވެ އެވެ.
ސިޓީގައި ބުނެފައިވާ ގޮތުން ދެ ވަނައިން ފެށިގެން 10 ވަނައިގައި ހިމެނުނު ދަރިވަރުންނާއި އެހެން ވަނަތައް ހޯދި ދަރިވަރުންނަށް އިނާމާއި ހަނދާނީ ލިޔުން ދިނުން އޮންނާނީ މާޗު 1، 2021 ގައި އޮންލައިންކޮށް ބާއްވާ ޖަލްސާއެއްގަ އެވެ.
އެޑިޔުކޭޝަން މިނިސްޓްރީގެ އެ ނިންމުމާ މެދު ބައެއް ދަރިވަރުންނާއި ބެލެނިވެރިން ހިތްހަމައެއް ނުޖެހެ އެވެ. އެކަމާ ދެކޮޅަށް އޮންލައިންކޮށް ދަރިވަރުން ތައްޔާރުކުރާ ޕެޓިޝަނުގައި ބުނީ ގަދަ 10ގައި ހިމެނި ސްޓޭޖުން އެ އެވޯޑު ހޯދުމަކީ އެތައް ދަރިވަރުންގެ ހުވަފެނެއް ކަމަށެވެ. އެއީ ބެލެނިވެރިންނާއި ޓީޗަރުންނަށް ވެސް އަންނާނެ "އެންމެ ފަހުރުވެރި ވަގުތުކަން" ވެސް ޕެޓިޝަންގައި ފާހަގަކޮށްފައިވެ އެވެ.
ޕެޓިޝަންގައި ބުނި ގޮތުގައި ބަލިމަޑުކަމުގެ ސަބަބުން މިހާރު މި އޮތް ހާލަތު އެނގުނަސް، މިއަށް ވުރެ ރަނގަޅަށް އެކަން ކުރެވިދާނެ އެވެ. އެހެންކަމުން އެޑިޔުކޭޝަން މިނިސްޓްރީގެ ނިންމުމަކީ "އިންސާފުން ނިންމި ނިންމުމެއް ކަމަށް ގަބޫލެއް ނުކުރަން،" ކަމަށް ޕެޓިޝަންގައި ބުންޏެވެ.
ޕެޓިޝަންގައި ދަރިވަރުން އެދެނީ ހުރިހާ ކުދިންނަށް ބައިވެރިވެވިގެން ރަސްމިއްޔާތެއް ބޭއްވޭނެ ފުރުސަތު ލިބެންދެން ފަސްކޮށްދިނުމަށެވެ.
"ދަރިވަރުންނާއި ބެލެނިވެރިންނާއި ޓީޗަރުންގެ ބުރަ މަސައްކަތް ފާހަގަކުރާ ރަސްމިއްޔާތަކަށް ވާތީ، އެ އެންމެންނަށް ބައިވެރިވެވޭނެ ގޮތެއް ހޯދައިދޭށެވެ،" ޕެޓިޝަނުގައި އެދިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަައު4
31 January 2021
މާތް ކަލާކޯ ސްޓޭޖް މަތިން ސެޓްފިކެޓް ނުލިބިގެންތަ މިއުޅެނީ. ގައުމުގެ މައި ހޮސްޕިޓަލުގެ އައިސީޔޫ 50% ފުރިގެންނޭ މިއުޅެނީ. މައިތިރިވެބަލަ.
އައްކި
31 January 2021
ބެލެނި ވެރިންނާ ދަރިވަރުންނާ ގިނަ ސުކޫލު ތަކުގެ ޓީޗަރުން ތިޔަ ދައްކުވާދެނީ ރީތި ނަމޫނާ އެއް ހައްގު އިންސާފު ލިބެން ޖެހޭ ކަން ތަފާތު ކުރުން ނައްތާލަން ޖެހޭކަން އެހެނިހެން ހަފްލާ ތަކައް ވުރެ ތަޢުލީމު މުހިންމުކަން ތިޔަ އަޑު އުފުލުން ތަކައް ހަމަ ސާބަސް
ނަފުސު
31 January 2021
ކޮން ކުއްޖަކީވެސް މޮޅު ކުއްޖެއް މާޝަ الله
މިދޫ
31 January 2021
ހުރިހާ ކުދިން ހިތްވަރު ކުރޭ ސަރުކާރުން ތި ކުދިންގެ އަޑު އައްސަވާނެ
ހށނ
31 January 2021
ޕެޓިޝަނަކީ ވަކި މަގުސަދެެއް ހާސިލުކރަން ކޮންމެވެސް އެކެއްގެ ނުވަތަ ދެމީހެއްގެ ހިޔާލައް ބާރު ހޯދަން ބަޔަކު އޮޅުވާލައިގެން ނުވަތަ ރުއްސައިގެން އެންމެންގެ ނަމުގަ އަޑުއުފުލުން. އެއީ ފަސާދައެއް.
އަހްމަދު ޒަކީ
31 January 2021
ދަރިންނަށް ތިދައްކަދެނީ ވަރަށް ނުބައި ނަމޫނާއެއް. ތިބާގެ ކޮށި ވިސްނުމަކީ އެއްމެ ރަނގަޅުކޮށް ކަމުގައި ގަބޫލުނުކޮށް ހާލަތަށް ވިސްނާއި އެންމެގެ ރައްކަލަކަށް ހެދިފައިވާ ގަވައިދުތަކަށް ބޯލަބާށެވެ. ކުދިންނަށް ކިޔަވަދޭންވީ ސްޓޭގް މަތިން ތަށި ހޯދާކަށް ނޫނެވެ. ރިވެތި އަހްލާޤާއި ރަނގަޅު ވިސްނުމެއް ލިބި، ފާގަތި މުސްތަގުބަލަކަށެވެ. ގޮތްދޫކޮށް މިންވަރަށް އީމާންވެ، ހާލަތަށް ގަބޫލުކޮށް ކިޔެވި އެއްޗެއްގެ ބޭނުން ހިފާނެގޮތް ކުދިންނަށް ދަސްކޮށްދޭންނީ ބެލެނިވެރިން.
ސާަބެ
31 January 2021
ކިޔަވާ ކުދިން ނައް އެކަނިތަ ހާލަތު އަންނަނީ ކުޅިވަރު ކުޅޭމީހުނަކައް ހާލަތެއް ނާދޭތަ ތިމާ އާ ތި ތިބެނީ ގޭގަތަ އަބަދު
ތެދު މމ
31 January 2021
ހާލަތު ގޯސްކަން ދަރިވަރުން ނާ ބެލެނިވެރިން ގަބޫލު ކުރޭ އެކަމު ނިންމި ނިންމުމަކީރަނގަޅު ކަމެއްގެގޮތުގާވަކާލާތު ކުރާ ކޮންމެ ބޭފުޅަކުވެސް ގަބޫލު ކުރަން ޖެހޭނެ އިންސާފުން ކަން ކުރުމަކީ އެންމެ ރަނގަޅު ގޮތްކަން ތެދެއްމެ 1 ވަނަ އާއެހެން ވަނަ އާ ތަފާތު ވާނެ އެކަމު ދުނިޔޭގެ 2 އިން 10 އާ ހަމަ އައް ރާއްޖޭގެ އެއްވަނަ އައް ވުރެ މަތި ވާނެ ކަން ކޮންމެ ބޭފުޅަކުވެސް ޤަބޫލް ކުރާނެ ވީ އިރު އެކުދިންނައްހަފުލާގާ ނުލިބި އެއައްވުރެ ދަށުން ލިބުނުކުދިންނައް ލިބެން ޖެހޭބާ
ބެއްޔާބެ
31 January 2021
ހާލަތު ދެނެގަނެވޭ ވަރުގެ ގާބިލްކަން ނެތް ނަމަ ތިޔަ ކިޔެވި އެއްޗެއްގެ ބޭނުމެއް ނެތް. ދުނިޔޭގެ އެހެން ގައުމުތަކުގައި ވެސް ގްރެޖުއޭޝަން ކަހަލަ ބޮޑެތި ހަފްލާތައް ވެސް މިހާރު ބާއްވަނީ އޮންލައިންކޮށް.
ހަމަހަމަ ކުރައްވާ......
31 January 2021
ތިޔަހެން ނުހައްދަވާށެ އިނގޭތޯ ވެރީ ސޮރީ! ކުދިންނާއި ބެލެނިވެރިން އެދޭ ގޮތަށް އެ ޖަލްސާ ބާއްވައިދެއްވަވާނެ ކަމާއިމެދު ޝައްކެއް ނުކުރަމެވެ. ސަބަބަކީ ހަމައެކަނި 1ވަނަަ އަށް ޖަލްސާ ބާއްވާއިފިނަމަ ކޮވިޑްގެ މި ސްޓްރެސް ޙާލަތުގައި އެއީ ބަޔަކަށް ދެވޭ އިތުރު ސްޓްރެސް އެކެވެ. އެދޭ ގޮތަށް ޖަލްސާ ބާއްވައި ދެއްވައިފިނަމަ އެމީހުންގެ ހިތްތަކަށް ވަރަށްބޮޑު ހަމަޖެހުމަކާއި އުފާވެރި ކަމެއް ލިބޭނެއެވެ. މާލޭގެ ދެކުނު ފަރާތު ސްޓޭޑިއަމްގައި ތިޖަލްސާ ބޭއްވޭނެ އެވެ.
ވަނަބަނަ
31 January 2021
ވަނަވަނަ ހޮވާކަށް ނުޖެހޭ ތިކަން ކެންސަލްކުރޭ ބޮޑު ބަލިމަޑުކަމެއްގެ ތެރޭ ކޮން ހަފްލާއެއް ބާއްވާކަށް ބޭކާރު ކަމެކޭތީ