ހަނިފަރު ސަރަހައްދުގައި މަޑިތަކެއް: ގަވާއިދާ ޚިލާފަށް އެ ސަރަހައްދަށް ވަން ޔޮޓެއް ވަނީ ޖޫރިމަނާ ކޮށްފައި
02 ފެބުރުއަރީ 2021 - 12:03
10 comments
ހިމާޔަތް ކޮށްފައިވާ ބ. ހަނިފަރު ސަރަހައްދަށް ގަވައިދާ ޚިލާފަށް ވަން ޔޮޓެއް އެންވަޔަރްމެންޓަލް ޕްރޮޓެކްޝަން އޭޖެންސީ (އީޕީއޭ) އިން ޖޫރިމަނާކޮށްފި އެވެ.
އީޕީއޭ އިން ނެރުނު ބަޔާނެއްގައި ބުނީ "ވިޓާލިއާ 2 ލަންޑަން" ކިޔާ ޔޮޓެއް މިދިޔަ މަހު ހަނިފަރު ސަރަހައްދަށް ގަވާއިދާ ޚިލާފަށް ވަދެ އަދިި ޔޮޓްގައި ތިބި މީހުން އެ ސަރަހައްދުގައި ކައިޓް ސާފްކޮށް އަދި ހަނިފަރު ރަށަށް އަރައި، ހަރަކާތްތަކެއް ހިންގާފައިވާ ކަމަށެވެ. އެހެންވެ، ހަނިފަރު ސަރަހައްދުު ހިމާޔަތްކުރުމާ ބެހޭ ގޮތުން ހަދާފައިވާ ގަވާއިދުގެ ދަށުން އެ ޔޮޓްގެ ލޯކަލް އޭޖެންޓް ކަމަށްވާ އޭޝިއާ ޕެސިފިކް ސުޕަ ޔޮޓްސް ޕްރައިވެޓް ލިމިޓެޑް 6،000ރ. އިން ޖޫރިމަނާ ކޮށްފައިވާ ކަމަށް އެ ބަޔާނުގައިވެ އެވެ.
ޔުނެސްކޯ އިން ބަޔޮސްފިއާ ރިޒާވެއްގެ ގޮތުގައި ކަނޑައަޅާފައިވާ ހަނިފަރު ސަރަހައްދަށް ވަނުމަށް ހުއްދައެއް ނަގަން ޖެހެ އެވެ. އަދި ބައެއް ކަހަލަ ހަރަކާތްތައް އެތަނުގައި ކުރިއަށް ގެންދިއުމަކީ މަނާ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޓޭ
02 February 2021
6000 ރުފިޔާއިން ޖޫރިމަނާކުރުން އެއީ އެގޮތައް ގަވާއިދާ ޚިލާފަށް އެތަނައް މަނުމަށް ކީ މަރުހަބާއެއް. ޔޮޓެއްގަ ނާންނާނެ އެވަރުގެޖޫރިމަނާއެއް ހެވިފަ ދައްކަނުލެވޭވަރުބަޔެއް.
އޮނަރަބްލް އަފީފު ދީދީ
02 February 2021
ކޮފީ ސަމުސަލަށް ދިންފަދަ އަދަބެއްވެސް ދޭކަށް ނުކެރުނުދޯ؟! މިހާރު ތިހެދިގޮތުން ތިއޮތީ ރަސްމީކޮށް 6000ރ އަށް ބަޔޮސްފިއާ ސަރަޙައްދަށް ޕިކްނިކުގޮސް ސްނޮކްލިންގ ހަދާލާ ވަނދު ދަމާލެވޭނެކަންވެސް ކަޑައަޅާފަ. # ދެން ތިތަނަށް ވަދެ ތިކަން ކުރާމޫހުނަށްވެސް ދޭންޖެހޭނީ ހަމަ ރިޔަ އަދަބު. ތަފާތު ކުރުމަކީ ވެރިންނަށް ކުރެވޭނެ ކަމެއްނޫން. އެންމެންގެ މައްޗަށްވެސް ހިންގާންވާނީ ޤާނޫނާއި ޤަވާއިދު އެއްގޮތަކަށް.
މާސްޓަރ
02 February 2021
ދޫންޏެއްހިފާ މީހާ ލައްކައިން. ވިޔަފާރިތައް 6000ރ. ހަމަ ޕީ.ޕީގެ ޔާމީނުގެ ޝަރީޢަތް. ހެޔޮނިޔަތުގަ ޤާނޫނާ ޚިލާފުވީމަ ޖޫރިމަނާ ކުޑަވީ ކަމަށް ވާނީ.
ހަންމާދު
02 February 2021
ނުކެރުނު ދޯ. 6000 ރ ގަނޑު ދޯ އެންމެ.
އަބްޑޫޅް
02 February 2021
6,000 ޕާކިސްތާނު ރުފިޔާ ދޯ؟
ގަނޭ
02 February 2021
އެންމެ 6؟؟؟
ޙާލަތު
02 February 2021
ވަރަށް ރަަނގަޅު, އަދި ބ.ގޮއިދޫ ފަޅުގައި އޮންނަ އިންނަފުއްޓަށް ވަރައްގިނައިން ސަފާރީއާއި ޔޮޓް ގަވައިދާ ޚިލާފަށްވަދެ ފައިބާ ރޭކޮށްހަދާ މިކަންވެސް ބެލެންޖެހޭ
ކޮމެންޓޭ1
02 February 2021
އެހެންވީމަ 6000/- ރުފިޔާ ދައްކާލާފަ ތިޔަ ތަންތަނަށް ވަދެވޭނެތާ
އޮނަރަބްލް އަފީފު ދީދީ
02 February 2021
ދައުލަތުން މިފަދަ މަޖާ ކަންކަން ކުރާނަމަ ޤާނޫނާއި ޤަވާއިދު ތަންފީޒު ކުރުމަކީ ކުރެވޭނެ ކަމެއްނޫން. # ފަތުރު ވެރިކަމަށް ބަރޯސާވެފައިއޮތް ޤައުމުގެ ޔުނެސްކޯ ބަޔޮސްފިއާ ޒޯނަކަށްވަދެ މުޅި ތަން ފުޑާލުމުން 250 ސްޓާރލިންގ ޕައުންޑްގެ ޖޫރިމަނާއެެއް ކުރުމަކީ ޙަޤީގަތުގައިވެސް ޖޯކެއް. # ދިވެހި ރައްޔަތުމީހާ ނުބައިތަނެއްގައި ސައިކަލް ބަހައްޓައިފިނަމަ ޓޯކުރުމަށްފަހު 750ރ އިން ޖޫރިނަމާކޮށް 15 ދުވަހަށް ވެހިކަލް ހިފަހައްޓާ. އިންސާފަކީ މިކަހަލަ އެއްޗެއްތޯ؟
ހޭވިހަޑި
02 February 2021
ކިޔައިދީބަލަ ކުރަންވީ ކަންތަކާ ނުކުރެވޭ ކަންތައް. އަދި ޖުރުމަނާ ކުރުމުގާ ބަލާ މިންގަނޑު ތަކަކީ ކޮބައިތަ؟ އެވަރުގެ ނުބައިކަމެއް ކުރީމަ އެންމެ 6000 ރުފިޔާ؟؟؟