ލައިފްސްޓައިލް / ސްކޮލަޝިޕް

އީލޮން މަސްކްގެ 100 މިލިއަން ޑޮލަރުގެ ކާބަން ޕްރޮގްރާމަށް ހުޅުވާލާނީ އެޕްރީލް 22 ގައި

ވިހަ ކާބަނާ ދެކޮޅަށް ފުރިހަމަ ތިން ހައްލު ގެނެސްދޭ ބަޔަކަށް އިނާމު ދޭނެ

އީލޮން މަސްކް އިނާމު ދޭ ކާބަން ރިމޫވަލް މުބާރާތުގެ ޕޯސްޓަރެއް.

އަހުމަދު އަދްޝަން، މިހާރު

10 ފެބުރުއަރީ 2021 - 07:30

2 comments

ޖައްވަށް ބޭރުވާ ވިހަ ކާބަންތައް ދަމައިގަންނަ ފުރިހަމަ ހައްލެއް ނުވަތަ ޓެކްލޮނޮޖީއެއް އީޖާދުކުރާ ބަޔަކަށް 100 މިލިއަން ޑޮލަރު ދޭން ނިންމައި މަހުޖަނު އީލޮން މަސްކް މިދިޔަ މަހުގެ ތެރޭގައި އިއުލާންކުރި ޕްރޮޖެކްޓާ ބެހޭ އިިތުރު ތަފުސީލުތައް އާންމުކޮށްފި އެވެ.

އިންސާނިއްޔަތަށް ބޭނުންތެރި ޓެކްނޮލޮޖީ ތަރައްގީކުރަން އާންމުންނަށް ހިތްވަރުދޭ އެކްސް ޕްރައިޒް ފައުންޑޭޝަނާ ގުޅިގެން ސްޕޭސް އެކްސް އާއި ޓެސްލާ ކުންފުނީގެ ވެރިޔާ "އެކްސްޕްރައިޒް ކާބަން ރިމޫވަލް" ގެ ނަމުގައި ހަތަރު އަހަރުގެ މުއްދަތަށް ކުރިއަށް ގެންދަން ނިންމާފައިވާ މި ޕްރޮގްރާމަކީ މުބާރާތެއްގެ ސިފައިގައި ކުރިއަށް ގެންދާ ސްކޮލަޝިޕް ޕްރޮގްރާމެކެވެ.

އެގޮތުން، ވިހަ ކާބަންއާ ދެކޮޅަށް މަސައްކަތްކުރާ ޓެކްނޮލޮޖީތައް އުފައްދަން ޝައުގުވެރިވާ ކޮންމެ މީހަކަށް މި ޕްރޮގްރާމަށް ކުރިމަތިލެވޭނެ އެވެ. އަދި މީގައި ބައިވެރިވާން ރަސްމީކޮށް ހުޅުވާލައި މުބާރާތާ ބެހޭ ގައިޑްލައިންތަކުގެ ތަފުސީލުތައް އާންމުކުރަން ހަމަޖެހިފައި މި އަހަރުގެ "އާތު ޑޭ" އާ ދިމާކޮށް އެޕްރީލް މަހުގެ 22 ގަ އެވެ.

Proud to announce our $100M XPRIZE Carbon Removal to pull 10 gigatons of carbon dioxide from the atmosphere annually. Created by us, funded by @elonmusk, and launching on Earth Day 2021. 🌏 ♻️

Sign up: https://t.co/VkVkdUDmWY @zenia_tata #XPRIZEcarbonremoval #climatechange pic.twitter.com/p2LAYgnKJr
— XPRIZE (@xprize) February 9, 2021

މުބާރާތް ކުރިއަށް ގެންދާނީ ކުރިމަތިލާ މީހުންނާއި އެ މީހުން ހުށަހަޅާ ހުށަހެޅުންތަކަށް ބަލައި 15 ޓީމަކަށް ބަހާލައިގެންނެވެ. އަދި ކޮންމެ ޓީމަކަށް މަސައްކަތް ކުރިއަށް ގެންދަން މިލިއަން ޑޮލަރު ދޭނެ އެވެ. މީގެ އިތުރުން ކޮންމެ ޓީމަކުން ވެސް ހޮވާލެވޭ ގޮތަށް 25 މީހަކަށް 200،000 ޑޮލަރުގެ ސްކޮލަޝިލެއް ލިބޭނެ އެވެ.

ދެހާސް ފަންސަވީހުގައި މުޅި މުބާރާތް ނިންމާލައި ވަނަތަކަށް ހޮވޭ ހައްލުތައް ހުށަހަޅާ ޓީމްތަކަށް ދޭން ނިންމާފައިވާ އިނާމުތަކަށް ބަލާ އިރު އެއް ވަނަ 50 މިލިއަން ޑޮލަރު ދޭނެ އެވެ. ދެވަނަ އަށް 20 މިލިއަން އަދި ތިން ވަނަ އަށް 10 މިލިއަން ޑޮލަރެވެ.

ATTENTION Climate Warriors. $100M @XPRIZE purse funded by @ElonMusk. Searching for world’s smartest engineers & innovators. Gigaton scale carbon removal. Sign up https://t.co/nquG91vuxX
— Peter H. Diamandis (@PeterDiamandis) February 8, 2021

އެކްސްޕްރައިޒްގެ ބާނީ އަދި އެކްޒެކެޓިވް ޗެއާމަން ޕީޓާ އެޗް ޑައަމަންޑިސް ވިދާޅުވީ "އެކްސްޕްރައިޒް ކާބަން ރިމޫވަލް" ޕްރޮޖެކްޓަކީ މޫސުމީ ބަދަލުތަކާ ދޭތެރޭ މިހާރަށް ވުރެ ސީރިއަސްކޮށް ވިސްނަން ގިނަ ބަޔަކަށް ފުރުސަތު ލިބޭނެ ކަމަކަށް ވާނެކަމުގެ އުންމީދު ބޮޑު ކަމަށެވެ.

މި ޕްރޮޖެކްޓާ ގުޅޭ ގޮތުން އީލޮން ވިދާޅުވީ ކްލައިމެޓް ޗޭންޖާ ދެކޮޅަށް މިހާރު ބޭނުން ވަނީ ތިއަރީތައް ނޫން ކަމަށާއި ބޭނުން ވަނީ އަމަލީ މަސައްކަތް ކަމަށެވެ.

"ޕްރެކްޓިކަލީ މަސައްކަތްކޮށްގެން ނަތީޖާއެއް ހޯދުން މުހިއްމީ. އަދި މިކަމަށް އޮތް ވަގުތު ވެސް ކުޑަ. އެހެންވީމަ ވަގުތުގެ މުހިއްމުކަން ވަރަށް ވެސް ބޮޑު." އޭނާ ވިދާޅުވި އެވެ.

މި ޕްރޮގްރާމްގެ މަސައްކަތް ވިލަރެސްކުރަން ތިމާވެއްޓާއި ޓެކްނޮލޮޖީ ދާއިރާގެ ތަޖުރިބާކާރުން ބައިވެރިވާނެ އެވެ.

Thimaavesheege technologyakun 100 million dollarge inaameh

The most trusted news source in the Maldives

Mihaaru

ތިމާވެށި ތައުލީމް ސްކޮލަޝިޕް ކްލައިމެޓް ޗޭންޖް

2 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮން ހަސަނު

10 February 2021

ތި ޕްރޮގްރާމް ރަގަނޅު ޓެކްނޮލޮޖީއެއް ހޯދިއްޖެނަމަ ތި 100 މިލިއަންގެ ބަދަލުގައި އެތައް އެތައް 100 މިލިއަންއެއް އެލޮން މަސްކް އަށް ލިބޭނެ. އަދި ފަރުވާއެއް ނުހޯދިއްޖެނަމަ 100 މިލިއަން އަކީ އެލޮން މަސްކް އަށް ބަލާއިރު ގެއްލިދާން މާބޮޑު އެއްޗަކަށް ނުވާނެ. މިޔަށް ކިޔާ އުޅެނީ " ވިޔަފާރި އަކީ ރިސްކް ނަގަން ކެރުމޭ". އެކި މީހުން ނަގާނީ އެކި ވަރުގެ ރިސްކް. އެމީހެއްގެ ފެންވަރުން