15 ފެބުރުއަރީ 2021 - 13:11
2 comments
މާލެ ސަރަހައްދު ނަގާފައި މިހާރު އެންމެ ބާރަށް ކޮވިޑް ފެތުރެމުން ދާ އައްޑޫގައި މިހާތަނަށް 1،300އަށް ވުރެ ގިނަ މީހުންނަށް ކޮވިޑް ވެކްސިން ދީފި އެވެ.
އައްޑޫ އިމަޖެންސީ އޮޕަރޭޝަން ސެންޓަރުން ބުނީ އިއްޔެއާ ހަމައަށް ޖުމްލަ 1،369 މީހުން ވެކްސިން ޖަހާފައިވާ ކަމަށެވެ. އޭގެ ތެރޭގައި ހިމެނެނީ ހިތަދޫން 1،130 މީހުންނާއި ފޭދޫން 108 މީހުން، މަަރަދޫން 76 މީހުން، މަރަދޫފޭދޫން 22 މީހުން އަދި ހުޅުމީދޫން 33 މީހުންނެވެ.
އައްޑޫގައި ވެކްސިން ޖަހަން ފެށީ، މާލެއެކޭ އެއްގޮތަށް، މި މަހު 1 ގަ އެވެ. އިއްޔެ 176 މީހަކު ވަނީ ވެކްސިން ޖަހައިފަ އެވެ.
އައްޑޫގައި މިހާތަނަށް 60 މީހަކު ވަނީ ކޮވިޑަށް ޕޮޒިޓިވްވެފަ އެވެ. އޭގެ ތެރެއިން ފަސް މީހަކަށް އެޑްމިޓްކޮށް އަންނަނީ ފަރުވާ ދެމުންނެވެ.
ކޮވިޑްގެ ކޭސްތަކެއް ފެނުމާ ގުޅިގެން އައްޑޫ މޮނިޓަރިން އަށް ލައި ކޮންޓެކްޓް ޓްރޭސިން ހެދުމުގެ އިތުރުން އިއްޔެ ވަނީ ރެންޑަމް ސާމްޕަލް ވެސް ނަގަން ފަށައިފަ އެވެ. އެ މަސައްކަތް ހަފުތާއަކަށް ކުރިއަށް ގެންދާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ މަގޭ ވެކްސިން
15 February 2021
ހުރިހާ އެންމެންނަށް ވެކްސިން ދިނުމަށް ގޮވާލަން. އެއްބަޔަކަށް ވެކްސިން ދީފަ އަނެއްބަޔަކު ބާކީ ކުރުމަކީ ބޭއިންސާފު. ކަނޑައެޅިގެން ބަލިޖެހެން އެއްބަޔަކު ދޫކޮށްލުމަކީ ދެރަކަމެއް. 18 އަހަރުން މަތީގެ އެންމެންނަށް ވެކްސިން ލިބެންޖެހޭ.
އޮނަރަބްލް އަފީފު ދީދީ
15 February 2021
15 ދުވަހުގެ ތެރޭގައި 13 ސަތޭކަ ވެކްސިން ކަމަށްވާނަމަ އެއީ ދުވާލަކަށް 86 މީހުން. އަދި ހިތަދޫ، މަރަދޫ، މަރަދޫފޭދޫ، ފޭދޫ، ހުޅުދޫ، މީދޫ މިއަވަށްތަކަށް ނިސްބަތުން ބަހާލައިފިނަމަ އެއީ ކޮންމެ އަވަށަކަށް ދުވާލަކަށް އެންމެ 14 މީހުން. # ތިޔަ ފިނިހަކަދުވެލީގައި ތިކަންކުރާނަމަ އައްޑޫސިޓީގެ އެންމެނަށް ވެކްސިންދިނުމަށް ރިޔާސީ 2 ދައުރަށްވުރެން އިތުރުމުއްދަތު ބޭނުންވާނެ ނޫންތޯ. # އައްޑޫ އިކްއިޓޯރިއަލް ހޮސްޕިޓަލްގަ ވަސީލަތްނެތްނަމަ ކްލިނިކް ތަކަށް ފުރުސަތުދެއްވާ.