ވިޔަފާރި / ރެޑްވޭވް

"ރެޑްވޭވް ޕެވީލިއަން" ހުޅުވައިފި

ރެޑްވޭވް އިން އަލަށް ހުޅުވި ފިހާރަ--ފޮޓޯ: ނިޝާން އަލީ/،މިހާރު

ފާތިމަތު ޝަނާ މުހައްމަދު، މިހާރު

17 ފެބުރުއަރީ 2021 - 22:44

4 comments

ފަރުނީޗަރާއި އިލެކްޓްރޯނިކްސް އަދި ބަދިގެ ސާމާނަށް ހާއްސަ "ރެޑްވޭވް ޕެވީލިއަން" ހުޅުވައިފި އެވެ.

ރެޑްވޭވް ޕެވީލިއަން ހުޅުވީ ހިތަށްފިނިވާ މަގުގައި ކުރީގެ އަލޯރާ ފިހާރަ ހުރި ތަނުގަ އެވެ. ތިން ފަންގިފިލާއަށް ހުންނަ އެ ފިހާރައިން ރެޑްވޭވުން ވިއްކާ ގިނަ ބްރޭންޑްތަކުގެ އިލެކްޓްރޯނިކް ސާމާނާއި ބަދިގެ ސާމާނު ލިބޭނެ އެވެ.

އޭގެ ތެރޭގައި "ޝާޕް" އާއި "ޝިބާ" އާއި "ހައިސެންސް" އުފެއްދުންތައް ވެސް ހިމެނެ އެވެ.

ރެޑްވޭވުން ބުނީ އެ ފިހާރައިން އިންޑަސްޓްރިއަލް އިލެކްޓްރޯނިކްސް ވެސް ލިބޭނެ ކަމަށެވެ.

ރެޑްވޭވް އިން އަލަށް ހުޅުވި ފިހާރަ--ފޮޓޯ: ނިޝާން އަލީ/،މިހާރު

މިއަދު ހެނދުނު އެ ފިހާރަ ހުޅުއްވައިދެއްވީ ރެޑްވޭވްގެ ޗެއާމަން، ރައްޔިތުންގެ މަޖިލީހުގެ އޭދަފުށި ދާއިރާގެ މެންބަރު އަހުމަދު ސަލީމެވެ.

ރެޑްވޭވް ޕެވީލިއަންގެ ފުރަތަމަ ދެ ފްލޯ ހާއްސަކޮށްފައިވަނީ ފަރުނީޗަރަށެވެ. އަދި ތިން ވަނަ ފްލޯ ހާއްސަކޮށްފައިވަނީ އިލެކްޓްރޯނިކް ސާމާނަށެވެ.

ރެޑްވޭވް އިން އަލަށް ހުޅުވި ފިހާރަ--ފޮޓޯ: ނިޝާން އަލީ/،މިހާރު

ރާއްޖޭގައި ސުޕަމާޓް ވިޔަފާރި އެންމެ ފުޅާކޮށް ހިންގާ ރެޑްވޭވްގެ ގިނަ ފިހާރަތަކެއް މާލެ އާއި ހުޅުމާލޭގައި ވެސް މިހާރު ވަނީ ހުޅުވައިފަ އެވެ. ހުޅުމާލެ އާއި މާލޭގައި 12 ފިހާރަ ހިންގަ އެވެ. ނަމަވެސް އިލެކްޓްރޯނިކް ސާމާނާއި ފަރުނީޗަރަށް ހާއްސަކޮށް މިއީ ރެޑްވޭވުން ހުޅުވި ދެވަނަ ފިހާރަ އެވެ. މީގެ ކުރިން "ރެޑްވޭވް ލިވިން" ގެ ނަމުގައި ވެސް މިބާވަތުގެ ތަކެތި ވިއްކާ ފިހާރައެއް ހުޅުވި އެވެ.

ރެޑްވޭވް ރެޑް ވޭވް ލިވިން ރެޑްވޭވް މެގަ މޯލް

4 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަހުމަދު ޒާހިދު

18 February 2021

ތިޔަ ފިހާތައް ހުޅުވަނީ އޭދަފުށި ރައްޔަތުން ވިއްކައިގެން، އެމީހުންދިން ވޯޓުގެ ނާޖާއިޒް ފައިދާ ނަގައިގެން، އޭދަފުއްޓަށް ކޮށްދިން އެއްވެސް ކަމެއް ފެންނާކަށްނެތް، އޭދަފުށި ރައްޔަތުން ގުނބޯހެއްދިގެން އަބަދަކު ނުތިބޭނެ، އާއްޓޭ ހޮވާނަން 2024 ގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮހައްޓޭ

18 February 2021

ތިހެން މިދިޔަ ދައުރުގަވެސް އާއްޓޭ ހޮވި. ސަލީމް ކައިރި ފަރަށް ދާން ޖެހޭނީ ތިޔަ އާއްޓޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

18 February 2021

އެއްކޮޅުން ސަރުކާރަށް ބަވަމުން މާ ސިންގާ ބޮނޑެތި ފިހާރަ މި ހުޅުވަނި. ޔާމީނު ދައުރުގަ މި ސަލީމްބެ ކައްޗަށް އެއްމެ ފިޔަވަޅެއް އެޅިކަމަށް ޓަކައި މުޅި މީހާގެ ވިޔަފާރި ކިރިޔާ ބަގުރޫޓް ނުކޮށްލީ. އެކަމް އަދިވެސް އެވަރު މީހަކު ނެތިގެން މީނަ އުޅެނި. މިސަރުކާރު ގެ ސަޅި ކަމަކީ ވާދަވެރިން ނަށް ވެސް ފުރުސަތު ދޭތީ. ސިޔާސީގޮތުން ކިތައްމެ ހިޔާލު ތަފާތު ވިޔަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

18 February 2021

ގަންނަން ބޭނުންވާ ސާމާނުތައް ވީހާވެސް ކައިރިން ލިބެންހުރުމަކީ ގިނަބަޔަކަށް ފަސޭހަވާނެކަމެއް. ގޭގެ އުތުރާ ދެކުނުގައި ދެތިން މިނެޓުން ހިނގާފަދެވޭ ހިސާބުގައި ދެތަންހުރޭ. އެހެންވެ ވަރަށް ފަސޭހަ.