ނިއު ޒީލެންޑްގެ ދަރިވަރުންތަކެއް.
20 ފެބުރުއަރީ 2021 - 08:40
8 comments
މައްސަރުކަންތައް ޖެހުމުން "ޕީރިއަޑް ޕަވަޓީ" އަކީ އަންހެން ދަރިވަރުންގެ ކިޔެވުމަށް ބުރޫއަރަންޖެހޭ ސަބަބަކަށް ވިޔަ ނުދިނުމަށް ނިއު ޒީލެންޑްގެ ހުރިހާ ސްކޫލްތަކެއްގެ އަންހެން ދަރިވަރުންނަށް ހިލޭ ސެނިޓަރީ ނެޕްކިން ނުވަތަ ޕެޑް ދޭން ނިންމައިފި އެވެ.
މިދިޔަ އަހަރު 15 ސްކޫލެއްގައި ޕައިލެޓް ޕްރޮގްރާމެއްގެ ގޮތުގައި މިކަން ކުރިއަށް ގެންގޮސް އެކަމުގެ ކާމިޔާބީއާ ގުޅިގެން މި އަހަރުގެ ޖޫން މަހުން ފެށިގެން ނިއު ޒީލެންޑްގެ ހުރިހާ ސްކޫލެއްގެ އަންހެން ދަރިވަރުންނަށް ޕެޑް/ޓޭމްޕޮން ދޭނެ އެވެ.
ބޮޑުވަޒީރު ޖަސިންޑާ އާޑެން ވިދާޅުވީ މައްސަރުކަންތަކާ ހުރެ އެއްވެސް ދަރިވަރެއްގެ ކިޔެވުމަށް ހުރަސް އެޅުމަކީ ގަބޫލުކުރެވޭނެ ކަމެއް ނޫން ކަމަށެވެ. އަދި އެ ކަމަކީ އަންހެނުންނަށް ދިމާވާ ހާއްސަ އެކަމަކު "ނޯމަލް" ހާލަތެއް ކަމަށާއި އެކަމުގެ ސަބަބުން އެއްވެސް ފުރުސަތަކުން އެ މީހުން މަހުރޫމުވެގެން ނުވާނެ ކަމަށް ވިދާޅުވި އެވެ.
ޖަސިންޑާ ވިދާޅުވި ގޮތުގައި ނިއު ޒީލެންޑްގެ ކޮންމެ 12 އަންހެން ދަރިވަރުންގެ ތެރެއިން އެކަކީ މާލީ ދަތިކަމާ ހުރެ މައްސަރުގެ މައްސަލަތަކަށް ބޭނުންވާ ތަކެތި ހޯދަން ނުކުޅެދިފައިވާ އާއިލާތަކުގެ ކުދިންނެވެ.
"އެކަމުގެ ސަބަބުން ދަރިވަރުންނަށް ކްލާސްތައް އެބަ ގެއްލޭ. ސަރުކާރުން ހުރިހާ ސްކޫލަކަށް ޕެޑް ފޯރުކޮށްދީ ދަރިވަރުންނަށް އެ އެއްޗެހި ހިލޭ ލިބޭނެ ގޮތްވުމަކީ ޕީރިއަޑް ޕަވަޓީ ނިމުމަކަށް ގެންނަން ކުރެވޭ ވަރަށް މުހިއްމު މަސައްކަތަކަށް ވާނެ،" އޭނާ ވިދާޅުވި އެވެ. "މީގެ ސަބަބުން ދަރިވަރުންގެ ހާޒިރީ ރަނގަޅުވުމާ އެކު ދަރިވަރުންގެ ސިއްހަތަށް އެދެވޭ ހެޔޮ ބަދަލުތަކެއް ވެސް އަންނާނެ."
ސަރުކާރުގެ މި ސްކީމް ޖޫން މަހު ހުރިހާ ސްކޫލަކަށް ފުޅާކުރާ އިރު 2024 އާ ހަމައަށް 18 މިލިއަން ޑޮލަރު ހޭދަކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހަމަގަބީ
20 February 2021
މިކަން އަވަހަށް މިރާއްޖެެގަ ފަށަން އަންނިއަށް ބުނެ އަންގަމެވެ.
ލަކުނު 007
20 February 2021
މި ރާއްޖޭގައި ކޮންމެ ދަރިވަރަކަށް އައި-ޕެޑް ހިލޭ.
ދިއްދޫމީހާ
20 February 2021
އަހަރެމެން އަދިވެސް މިތިބީ ކުޑަދަރިފުޅު ވިހާގެން ހަދިޔާ ފޮށީގެ އިންތިޒާރުގާ
ބަޑީގެބަޑީ
20 February 2021
ބަޑީބުނީ ރަނގަޅުވާހަކައެއް. އެކަމަކު 18ނުވަންޏާ އަމިއްލައަށް މަސައްކަތްކޮށްގެން ޒަރޫރީ ބޭނުންތަށް ފުއްދަން އާމްދަނީ ހޯދާނެ ފުރުސަތެއްވެސް ނުލިބޭނެ ގިނަފަހަރަށް. އާއިލާ ކިތަންމެ ފަޤީރަސް. ޕެޑް ބޭނުންނުކޮށް ހުންނަންޖެހުނަސް. އެނޫނަސް އެބިއުސްޑް އަންހެންކުދިންނަށް މާބޮޑު ގޮތްތަކެއްނޯވޭ. ފިރެހެން ކުދިންނަށްވުރެ ނިސްބަތުން ގިނައީ އެބިއުސްޑް ކުދިން. މީ ރާއްޖޭގަ ކުރަންވަރަށް މުހިންމުކަމެއް
ރާއީ
20 February 2021
އިންސްޕިރޭޝަން ލީޑަރ ޖަސިންޑާ
ބަޑީ
20 February 2021
ބޭނުން ޖެހިފާވާ ބަޔަކަށް ލުއިފަސޭހަ ކޮށްދިނުމަކީ ވަރަށް ރަގަޅުކަމެއް އެކަމު، ހިލޭ އެއްޗެހި ދިނުމުގެ ޘަޤާފަތަކީ އެހާރަގަޅު ކަމެއްހެނެއް ހިޔެއްނުވޭ. ކަންކަން ހާޞިލްކުރަން ގަދައަޅާ މަސައްކަތް ކުރަން ހިތްވަރުދީ ފުރުޞަތުތައް ފަހިކޮށްދިނުން މާ ރަގަޅުވާނެކަންނޭގެ.
ހިތިތަޖުރިބާ
20 February 2021
އަންހެނުންނަށް "ގޮނޑި" ހާއްސަ ކުރުމާ ހެނދުނުގެ ނާސްތާއަށްވުރެ މާބޮޑަށްވެސް މުހިންމުކަމެއް. ސްކޫލްތައުރު ޕެޑްނެތިގެން ސްކޫލަށް ނުދާންހުރި ހަނދާންވޭ އަދިވެސް. ޕެޑްނެތީމަ ޕެޑްނުޖަހާ ސްކޫލަށް ދާށޭ ބުނެ މަޖްބޫރުވެސް ކުރުވާ. ސްކޫލްގަ ޕެޑްނުހުންނާތީ ޗޭންޖް ނުކުރެވި މިހާރުވެސް ކިތަށްކުދިން ތިބޭނެ ރާއްޖޭގަ. ސާފުތާހިރުކަމާ ސިއްޙާތަށްވުރެ މުހިންމުވަނީ ކިޔެވުމުގެ ވާދަވެރިކަމާ ދެއްކުންތެރިކަން.
20 February 2021
ސްކޫލްގަ ހުއްޓާ ޕެޑް އަށް ބޭނުން ވެއްޖެނަމަ ސްކޫލް އިން ލިބޭނެ.