ދުނިޔެ / އެމެރިކާގެ އިންތިޚާބު 2016

ރައްޔިތުންގެ ގިނަ މީހުން ވޯޓުލީ ހިލަރީ އަށް، ހޮވުނީ ޓްރަމްޕް

ޑޮނަލްޑް ޓްރަމްޕް ކާމިޔާބީއާ ގުޅިގެން ތަގްރީރު ދެއްވަނީ: އިންތިޚާބީ ނިޒާމު ބަދަލު ކުރުމަށް ބައެއް ފަރާތްތަކުން ދަނީ ގޮވާލަމުން. --ފޮޓޯ:އޭއެފްޕީ

ހަސަން އާމިރު، މިހާރު

10 ނޮވެމްބަރ 2016 - 11:58

29 comments

ވޮޝިންޓަން (ނޮވެމްބަރު 10) - އެެމެރިކާގައި އަންގާރަ ދުވަހު ބޭއްވި ރިޔާސީ އިންތިޚާބުގައި ގިނަ ރައްޔިތުން ވޯޓުދީފައި ވަނީ ހިލަރީ ކްލިންޓަނަށެވެ. އެކަމަކު އިންތިޚާބު ކާމިޔާބުކޮށް ރައީސްކަން ހޯއްދެވީ ޑޮނަލްޑް ޓްރަމްޕެވެ.

ވޯޓުލީ މީހުންގެ 47.7 ޕަސެންޓް ނުވަތަ 59،689،819 ވޯޓު ލިބިވަޑައިގެންނެވީ ހިލަރީ އަށެވެ. ޓްރަމްޕަށް ލިބިވަޑައިގެންނެވީ 47.5 ޕަސެންޓް ނުވަތަ 59،489،637 ވޯޓެވެ. ޓްރަމްޕަށް ވެރިކަމަށް ވަޑައިގެންނެވުނީ އެމެރިކާގެ ނިޒާމް އޮންނަ ގޮތުން އިލެކްޓޯރަލް ކޮލެޖް ވޯޓު ކާމިޔާބު ކުރައްވައިގެންނެވެ. ޓްރަމްޕަށް ވަނީ 538 އިލެކްޓޯރަލް ކޮލެޖް ވޯޓުގެ ތެރޭން 290 އިލެކްޓޯރަލް ވޯޓު ލިބިވަޑައިގެންފަ އެވެ. ހިލަރީ އަށް ލިބިވަޑައިގެންނެވީ 228 އިލެކްޓޯރަލް ވޯޓެވެ.

މިފަދަ ގޮތެއް ވަނީ 2000 ވަނަ އަހަރު ވެސް ދިމާވެފަ އެވެ. ރައްޔިތުންގެ ގިނަ މީހުން އެ ފަހަރު ވޯޓު ދިނީ ޑިމޮކްރެޓިކް ކެންޑިޑޭޓް އަލް ގޯ އަށެވެ. އެކަމަކު މައްސަލަ ޖެހުނު ފްލޮރިޑާގެ ވޯޓު އަލުން ގުނާ އެ ސްޓޭޓުގެ އިލެކްޓޯރަލް ވޯޓު ލިބުމާ އެކު ވެރިކަމަށް ވަޑައިގެންނެވީ ޖޯޖް ޑަބްލިއު. ބުޝް އެވެ. އަލް ގޯ އެ ފަހަރު ވަނީ ރައްޔިތުންގެ ވޯޓުގެ 48.4 ޕަސެންޓް ހޯއްދަވައިފަ އެވެ. ބުޝް އަށް ލިބިވަޑައިގެންނެވީ 47.9 ޕަސެންޓް ވޯޓެވެ.

އެމެރިކާގައި މިހާރު އޮންނަ ނިޒާމަކީ އެ ގައުމުގެ ބައެއް މީހުން ވެސް ހިތްހަމަ ޖެހޭ ނިޒާމެއް ނޫނެވެ. ކޮލަމްބިއާ ޔުނިވާސިޓީގެ ޕޮލިޓިކަލް ސައެންސް ޕްރޮފެސާ ރޮބާޓް ޝަޕިރޯ ވިދާޅުވީ ގިނަ މީހުންނަށް އޮޅުންގަނޑެއްގެ ތެރޭގައި އޮންނަ ނިޒާމް އުވާލުމަށް ގޮވާލާ އަޑުތައް އިތުރުވާނެ ކަމަށެވެ.

އޭނާ ވިދާޅުވީ އިލެކްޓޯރަލް ކޮލެޖް ވޯޓު އުވާލުމަށް އެމެރިކާގެ ގާނޫނު އަސާސީ އަށް ބަދަލު ގެންނަން ޖެހޭނެ ކަމަށެވެ. މިއީ ކުރަން ފަސޭހަ ކަމަކަށް ނުވާނެ އެވެ. އަނެއް ބަޔަކު ބުނަނީ ރައްޔިތުންގެ ގިނަ ވޯޓު ލިބޭ ކެންޑިޑޭޓަކަށް ވެރިކަން ނުލިބުމުން އާއްމުވާ ނަމަ އެމެރިކާގައި އޮތް ޑިމޮކްރެޓިކް ނިޒާމާ މެދު މީހުން ސުވާލު އުފައްދާނެ ކަމަށެވެ. ޑިމޮކްރެސީގެ އަސާސަކީ އެކަކަށް އެއް ވޯޓް ނަމަވެސް އެމެރިކާގެ ގާނޫނު އަސާސީ ބުނާ ގޮތުން ރައްޔިތުންގެ ސީދާ ވޯޓުން ވެރި މީހާ އިންތިޚާބެއް ނުކުރެވެ އެވެ. ރައްޔިތުން ވޯޓުލާ އިރު ވޯޓު ކަރުދާހުގައި ނަން ނެތް ނަމަވެސް ކޮންމެ ސްޓޭޓަކުން ވެސް "އިލެކްޓާސް" ހޮވާނެ އެވެ. ސްޓޭޓުގެ ޕޮޕިއުލާ ވޯޓު ލިބޭ ކެންޑިޑޭޓަކަށް އެ ސްޓޭޓުގެ ކޮލެޖް ވޯޓު ވެސް ލިބޭނެ އެވެ. ސްޓޭޓްތަކުގެ އިލެކްޓާސް ބިނާވެފައި ވަނީ ކޮންގްރެސްގައި މެންބަރުން ހިމެނޭ އަދަދަށެވެ. މިސާލަކަށް ދެ ވަނަ އަށް އެންމެ ބައިބޯ ޓެކްސަސްގައި 38 އިލެކްޓޯރަލް ވޯޓް ހިމެނެ އެވެ. އެ ސްޓޭޓުގެ ވޯޓު ކާމިޔާބު ކުރާ ފަރާތަކަށް ހުރިހާ އިލެކްޓޯރަލް ވޯޓެއް ލިބެ އެވެ. ޓެކްސަސްގެ ވޯޓު 53-43 ޕަސެންޓުން ޓްރަމްޕް ކާމިޔާބު ކުރެއްވުމުން އެ ސްޓޭޓުގެ 38 އިލެކްޓޯރަލް ވޯޓު ވަނީ ޓްރަމްޕަށް ލިބިވަޑައިގެންފަ އެވެ.

ހިލަރީ ކްލިންޓަން އެމެރިކާ އެމެރިކާގެ އިންތިޚާބު 2016 ޑޮނަލްޑް ޓްރަމްޕް

29 ކޮމެންޓް, 147 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިސްޓަމް އެރަރ

12 November 2016

އެމެރިކާގައި ވެެއްޖިޔާ ދެން އެމީހުން ހަދާފައި އޮތް ސިސްޓަމްގެ ތެރެއިން ނިސްބަތުން ގިނަ ވޯޓު ހިލަރީއަށް ލިބުނު ނަމަވެސް ޓްރަމްޕް ތިހޮވުނީ.. ރާއްޖޭގައިހެން ސުޕްރީމް ކޯޓުން އަަތްބާނައިގެެން އެތައް ފަހަރަކު ވަކި މީހަކު ހޮވެންދެން ވޯޓުލައިގެނެއް ނޫން....ރާއްޖެގައި ކަންވީގޮތް މާ ހަޑި ދޯ.. ދިވެހި ރާއްޖޭގެ ގާނޫނު ބަދަލް ކުރަންވީ އިންތިހާބުގައި ވޯޓު ލާނީ އެެންމެ ބުރެއްގައި ކަމަށާއި އެބުރެއްގައި އެންމެ މަތިން ވޯޓު ލިބޭ ކެންޑިޑޭޓަކަށް ވެރިކަން ލިބޭ ގޮތަށް.. އޭރުން އިންތިހާބަށް ހިނގާ ހަރަދު ކުޑަވެ ކޯލިޝަން ހަދައިގެން ބޮޑިބަތް ބަހާހެން ސަރުކާރުގެ މަގާމުތައް ބަހައި އެއްބަޔަކަށް ލިބޭ ބައި ކުޑަވެގެން ޝަކުވާކޮށް ރުޅިހަދައި މިޖަހާ ސަކަރާތް ވަރަށް ބޮޑަށް ކުޑަވެގެން ދާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސަ

12 November 2016

ކޮންކަހަލަ ބޯ ގޯސް ނިޒާމެއް؟ މި އީތޯ ޑެމޮކްރަސީއަކީ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިޓްލަރު

11 November 2016

އެމެރިކާގެ ގާނޫނު އަސާސީ ގަ އޮތްގޮތަށް އެނިމުނީ! އެނޫން ގޮތަކަށް ގާނޫނު އަސާސީ ބަދަލު ކުރަން މާ އުނދަގޫ ކަމަށް ވަންޏާ ތިކަން ހަމައަކަށް އަޅުވާލަން ރާއްޖޭގެ ކުޅަދާނަ ހުނަރުވެރި ތައުލީމީ މަޖްލިސް މެމްބަރުން ކޮޅެށް ގެންދަން ފެނޭ! ރިޔާޒު، ނިހާން އަދުރޭ ކަހަލަ ބޭކަލުން އެއްބުރުން ނަތީޖާ ދައްކާ ދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔުނުސް22

10 November 2016

ހަމަ އެމީހުންބުުނަނީ... "ޑިމޮކްރަސީގައި މެޖޯރިޓީ ރޫލްސްއޭ" ދެންމިއައްކިޔާނީ ކޯޗެކޭބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފްރޮމްދިސް

10 November 2016

ގިނަ މީހުން ވޯޓް ލީ ހިލަރީ އަށް ކަން މަމެން ހީކުރީ މުޅި ދުނިޔޭގެ އެންމެންނަށް ނޭގޭނެ ކަމަށެވެ. ނަމަވެސް މިއަދު މުޅި ދުނިޔެ އަށް އެގިގެން ދިޔައީ އެވެ. އެއީ މަމެން އުފާކުރާނެ ކަމެކެވެ. ފްރޮމް ދިސް މޫމެންޓް އެވްރީ ވަން އޮފް ދަ ވޯލްޑް ނޯސް ހިލަރީ ޔޫ ޑިޑް ގުޑް އިނަފް ފޯރ ޔޫއެސް ފެލޯ ސިޓިޒެންސް. ފްރޮމް ދިސް މޫމެންޓް އޮން، ފްރޮމް ދިސް މޫމެންޓް އޮން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުތާ

10 November 2016

ރާއްޖޭގެ އެންމެ ފައްކާ ޑިމޮކްރަސީ އަދި ސިސްޓަމެއްވެސް އޮތީ ، އެކަން އެބައިގޭނޫންތޯ ދުވާލަކު ދެއިރު ކާބޭސްގުޅައެއްހެން މަޖިލީސް މެމްބަރުންވެސް ދުވާލަކު ހަތަރު ނުވަތަ ފަސްފަހަރުވެސް ޕާޓީ ފެކްޝަންތަކަށް އެބަބަދަލުވޭ... ޑީލުހެދުމާއި ގޯނިގޯނިން ލާރިބެހުންވެސް އާއްމުވެފައިވާތީ މިވަރުގެ ޑިމޮކްރަސީއެއް ނުފެންނަނެ މިއުޑުދަށުންވެސް.... އަދި މިތަނުގައި އޮތް ޑިމޮކްރަސީގައި ރެލީތަކަށް މީހުން ހާޒިރުކުރުމަށް އުޖޫރަވެސް ދީހަދާ... ދެން ގައިޑުލައިނުގެ ވާހަކަވެސް......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުވަސްމީ

10 November 2016

އެމެރިކާ މީހުން އުޅެނީ މާ ވިސްނުން މޮޅު ބަޔަަކަށް ވެގަނެގެން ހަރާމުން ހަރާމް ވާގޮތެް ކުރަން ކަމެއް އިގޭނަމަ، ބާރުއޮތީމަ ނަންވަނި ވޯޓް ލީވެސް ހޮވީވެސް ހަމައެމެރިކާމީހުން ކަން އެމީހުންނަށް ޔަގީން ނުވަނީބާ ﷲ ކޮންމެކަމަށް ކުޅަދުންވަންތަ ކަން ޔަހޫދީންނާ ކާފަރުންނަށް އެގޭއިރުވެސް ގަބޫލް ކުރަން ބޭނުންނުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްފާޟިލާ ލައިލާ ނަޝީދު

10 November 2016

2018 ގައި އިލެކްޓޯރަލް ވޯޓިން ސިސްޓަމެއް ރާއްޖޭގައި ބާއްވާގޮތަށް އަވަހަށް ޤާނޫނު އިޞްލާޙްކޮށްލުމަކީ ކިހާ ބުއްދިވެރި ގޮތެއްތޯ ! އަވަހަށް އެގޮތަށް ފާސްކުރުމަށް މަޖުލިހަށް ހުށަހަޅަންވީ ނޫންތޯ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާޔާ

10 November 2016

ގިނަމީހުން ވޯތުލީ އަންނިއަށް އެކަމަކު ހޮވުނީ ޔާންބެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަހާ

10 November 2016

ޕުލީސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިއުޗަރިސްޓުން

10 November 2016

މަމެންގެ ޕްރެޑިކްޝަންސް ތަކުން ދައްކަނީ އެމެރިކާގެ އެތަން މިތާނގައި ވަރަށް ގަދައަށް މުޒާހަރާ ކޮށް މުޒާހަރާ ކޮންޓްރޯލުން ނެއްޓިގެން ގޮސް މުޅި އެމެރިކާގައި ކާރފިއު ހިންގާ އަދި އެމެރިކާގެ ރައީސް ކަމަށް ހޮވުނުު ޑޮނަލްޑް ޓްރަމްޕް ރައީސް ކަމުގެ ހުވާ ކުރުމުގެ ބަދަލުގައި އެމެރިކާގެ ގާނޫނު އަސާސީ ބަދަލު ކުރަން ރިޕަބްލިކަނުންނަށް މަޖްބޫރުވެގެން އެކަން ކުރާނެ ކަމަށެވެ. އަދި އެއަށް ފަހު އަނެއްކާ ޓްރާންސިޝަނަލް ޕީރިއަޑް އެއް ދީގެން އެޕީރިއަޑް ތެރޭގައި ހިލަރީ އާއި ޓްރަމްޕް ވާދަ ކޮށްގެން އަނެއްކާ ރިޔާސީ އިންތިޚާބުގެ ވޯޓް ލުން އަންނަ އަހަރު ބާއްވާނެ ކަމަށެވެ.