މި ވީޑިއޯއިން ވައިކުޑަ ހުޅުވޭތަނާއި ހީޓް ޝީލްޑް ނެއްޓި، ދުރަށް ދާ ތަނާއި ބިމުގައި ހިރަފުހުގެ ރޯޅިތަކެއް އުފައްދާލާ މަންޒަރުގެ އިތުރުން "ސްކައި ކްރޭނުން" ޕާސަވިއަރެންސް ބިމަށް ދޫކޮށްލާތަން ވެސް ފެނޭ.
ނާސާގެ ޕާސިވިއަރެންސް އުޅަނދު ފެބްރުއަރީ 19، 2021 ގައި މާސްގެ ބިންގަނޑަށް ޖައްސާފައި ނެގި ފުރަތަމަ ފޮޓޯތަކުން އެއް ފޮޓޯ
23 ފެބުރުއަރީ 2021 - 10:02
7 comments
މި މަހު 19 ގައި މާސްގެ ބިމަށް ޖެއްސި އެމެރިކާގެ ޖައްވީ އުޅަނދު ޕާސަވިއަރެންސްގެ ޖައްވީ ދަތުރުގެ ފަހު ވަގުތުކޮޅު ވަރަށް ރީއްޗަށް ފެންނަ ވީޑިއޯއެއް ނާސާއިން އާންމުކޮށްފި އެވެ.
މިދިއަ އަހަރުގެ ޖުލައި މަހު އުދުއްސާލި އުޅަނދު މާސްއަށް ދާން ކުރި 470 މިލިއަން ކިލޯމީޓަރުގެ ދިގު ދަތުރަށް ފަހު މާސްގެ އެޓްމޮސްފިއާއަށް ވަދެގަންނަ ބާރު ސްޕީޑް ކޮންޓްރޯލްކޮށްލަން ވަކި ހިސާބަކުން ވައި ކުޑަ ހުޅުވާލަ އެވެ. އެޓްމޮސްފިއާގެ ތެރެއިން ދަތުރުކުރާ ވަގުތު އުފެދޭ ގަދަފަދަ ހޫނުން އުޅަނދު ސަލާމަތްކުރަން ލާފައި އޮންނަ ހީޓް ޝީލްޑް ނެއްޓި ދުރަށް ދެ އެވެ. މާސްގައި އުޅަނދު ޖައްސަން ބޭނުންވާ ހިސާބަށް ރީއްޗަށް މިސްރާބު ވަމުން، ތިރިވި އެވެ. އެންމެ ފަހުން ބިންގަނޑާ ހަމައަށް ގާތްވުމާ އެކު، ޕާސަވިއަރެންސް ރައްކާކޮށްފައި އޮތް ބައިގެ "އިންޖީނުތައް" ހިންގާލައި، އުޅަނދަށް ގެއްލުން ނުވާނެ މިންވަރަކަށް ސްޕީޑް ދަށްކުރެ އެވެ. ދެން ޕާސަވިއަރެންސް އޭގެ ތެރެއިން ތިރިއަށް ދޫކޮށްލަ އެވެ. އެގޮތަށް ދޫކޮށްލަނީ "ސްކައި ކްރޭން"ގެ ގޮތުގައި ބޭނުންކުރި ވާތަކުން ހިފަހައްޓައިގެންނެވެ.
އުޅަނދު ޖައްސަން ކަނޑައެޅި ޖެޒޭރޯ ވަޅުގަނޑުގެ ސަރަހައްދު އޮންނަނީ ރީތިކޮށެވެ. ނަމަވެސް އުޅަނދުގެ "އިންޖީނުތައް" ހިންގާލުމާ އެކު އެ ހިސާބުގަނޑުގެ ހިމޭންކަން ފޫދުއްވާލައި، ހިރަފުސްގަނޑު އުފައްދަ އެވެ.
އުޅަނދުގެ ތެރޭގަ އާއި އުޅަނދު ރައްކާކޮށްފައި އޮތް ބައިތަކުގައި ގިނަ ކެމެރާތަކެއް ހަރުކޮށްފައި ހުއްޓެވެ. އޭގެ ތެރެއިން ހަތް ކެމެރާ ހާއްސަކުރީ އުޅަނދު ބިމަށް ޖައްސާ މަންޒަރު ނަގާށެވެ.
މި މަންޒަރުތަކަކީ މާސްގެ ބިމަށް ފޮނުވާ އުޅަނދުފަހަރު ޖެއްސުމުގެ މަސައްކަތުގައި ރަނގަޅުކުރަން ޖެހޭ ކަންކަން އިސްލާހުކުރަން އިންޖިނޭރުންނަށް ލިބުނު ވަރަށް ބޮޑު ފުރުސަތެކެވެ.
ކެލިފޯނިއާގައި ހުންނަ ޖެޓް ޕްރޮފުލްސަން ލެބޯރަޓަރީ (ޖޭޕީއެލް)ގެ ޑައިރެކްޓަރު މައިކް ވެޓްކިންސް ވިދާޅުވި ގޮތުގައި ވީޑިއޯތަކުން އެނގެނީ ނާސާގެ މަތީ ފެންވަރެވެ.
ޕާސަވިއަރެންސްގެ ހުރިހާ ކަމެއް ބަލަހައްޓައި، އެ ކޮންޓްރޯލްކުރާނީ ޖޭޕީއެލްގައި ގާއިމްކޮށްފައި ހުންނަ ސެންޓަރުންނެވެ.
ވެޓްކިންސް ވިދާޅުވި ގޮތުގައި ނާސާގެ އުޅަނދުފަހަރު ސޯލާ ސިސްޓަމްގެ ތެރޭގައި ކުރި ދަތުރުގައި ފެނުނު އެތައް މަންޒަރެއް އާންމުންނާ ހަމައަށް ގެނެސްދީފައިވާނެ އެވެ. އޭގެ ތެރޭގައި ސެޓާންގެ ރިންގްތައް ފަހަނައަޅައިދިޔަ އިރު ނެގި ފޮޓޯތަކާއި މާސްގެ ބިންގަނޑު ފެންނަ ޕެނަރޯމާ ފޮޓޯތައް ހިމެނޭނެ ކަމަށް އޭނާ ވިދާޅުވި އެވެ.
އެކަމަކު "މިއީ މާސްގެ ބިމަށް އުޅަނދެއް ޖެއްސުން ފަދަ ކަމެއްގެ މަންޒަރުތައް އެގޮތަށް ފެނުނު ފުރަތަމަ ފަހަރު،" ވެޓްކިންސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙްމަދު 12
23 February 2021
10 މަސްދުވަހުން މާސް އަށް ދެވޭނީ ގަޑިއަކު 65277 ކިލޯމީޓަރުގެ ބާރުމިނުގައި ދަތުރުކޮށްގެން.
ހޭވިހަޑި
23 February 2021
މަންމަގެ އުނގުން ފެށިގެން ކަށްވަޅަށް ދާންދެން އިލްމު އުނގޭށޭ އޮވެއެވެ. އިލްމުގެ ބޭނުން ހެޔޮގޮތުގާ ހިފުމީ ވަރަށް ބޭނުންތެރި ކަމެކެވެ. މާސްގެ ބިން ބަލާލުމުގެ ފުރުސަތުވެސް ލިބުނީއެވެ. އަހަރެމެން ހެއްދެވި ފަރާތުގެ ކުޅަދުންވަންތަ ކަމާއެވެ.
ވިދާދި
23 February 2021
ހަނދަށްވެސް ދިޔައޭ ކި ދޯ . ހަމަ ތިކަހަލަ ވީޑިއޯ ހުރި އޭރުވެސް. މިއީ ބޮޑު ރޭވުމެއް. މާރސްއެއްނޫން އެފެންނަނީ. އެއީ އެމެރިކާގެ ސަހަރާގެ ކޮންމެވެސް ހިސާބެއްގައި ކުޅެފައިވާ މަންޒަރެއް. ނާސާއަކީ ފޭކް ތަނެއް.
ޕިކްސް
23 February 2021
އަތުގައޮތް ނޮކިޔާ ބައްތިންތަ މި ކޮމެންޓްކުރީ
ސްޓޭ ހޯމް ޕްލީޒް އައި ބެގް ޔޫ
23 February 2021
ވަރަށް އުފާވެރި ވާހަކައެއް
.ހހގހ
26 February 2021
ކަލޭތީ އަސްލު އެއްޗެއްތަ؟
ޅަބޭ
23 February 2021
ދެން ރާއްޖޭގަ އުޅޭ މަމޮޅޭ ރޯނުއެދުރުންތައް ބުނާނެ ތީ އެމެރިކާ މީހުން ހަދައިގެން އުޅޭ ކާޓޫނެކޭ. މާސް ކިޔާ ޕުލެނެޓެއް ނުހުންނާނެޔޭ، ސެޓެލައިޓެއް ނުއުދުހޭނެޔޭ، ޕުލެނެޓެއްވެސް ނުހުންނާނެޔޭ، ހަމަ އެކަނި މިދުނިޔެއޭ ހުންނާނީ.... ހެހހެހެހެހެހެ.... ނޮޓް ފަނީ!