އިދިކޮޅު ކޯލިޝަނުން މިއަދު ބޭއްވި ޕްރެސް ކޮންފަރެންސްގައި ނޫސްވެރިންނާ ވާހަކަ ދައްކަނީ. -- ފޮޓޯ: މިހާރު
23 ފެބުރުއަރީ 2021 - 16:32
9 comments
ލޯކަލް ކައުންސިލް އިންތިހާބުގައި ވާދަކުރަން ޕީޕީއެމް/ޕީއެންސީ ކޯލިޝަނުން ކުރިމަތިލި 38 މީހަކު ނަން އަނބުރާ ގެންގޮސްފައިވާ ކަމަށާއި އެއީ ވެރިކަމުގައި އޮތް އެމްޑީޕީން ނުފޫޒު ފޯރުވައިގެން ކަމަށް ތުހުމަތުކޮށްފި އެވެ.
މިއަދު ބޭއްވި ޕްރެސް ކޮންފަރެންސެއްގައި، ޕީޕީއެމް/ޕީއެންސީގެ ލޯކަލް ކައުންސިލް އިންތިހާބުގެ ކެމްޕެއިން ތަރުޖަމާނު ޑރ. އަބްދުﷲ ހަލީލް ވިދާޅުވީ އިންތިހާބަށް ކެމްޕެއިން ކުރަން ފުރުސަތު ލިބެން ދަތިވުމުން ވެސް ބައެއް ކެންޑިޑޭޓުން ނަން އަނބުރާ ގެންދިޔަ ކަމަށެވެ. ނަމަވެސް ގިނަ ކެންޑިޑޭޓުން ނަން ގެންދިޔައީ އެމްޑީޕީގެ ނުފޫޒުން ކަމަށް ތުހުމަތުކުރެއްވި އެވެ.
"އަޅުގަނޑުމެންނަށް މައުލޫމާތު ލިބޭ ގޮތުން އަޅުގަނޑުމެންގެ ތެރެއިން ބައެއް ކެންޑިޑޭޓުން ނަން އަނބުރާ ނަގާފައި ވަނީ އެމްޑީޕީން ހުށަހަޅާފައިވާ ފައިސާތަކުގެ ކަންތައްތަކުގައި ކަމަށް،" އެއްވެސް ހެއްކެއް ދެއްކުމަކާ ނުލައި ޚަލީލް ވިދާޅުވި އެވެ.
އިންތިޚާބަށް ކުރިމަތިލުމަށް ފަހު ނަން އަނބުރާ ގެންދަން ބޭނުންވާ މީހުންނަށް ކަނޑައެޅި ސުންގަޑި މިހާރު ހަމަވެފައި ވާއިރު އެންމެ ގިނައިން ނަން އަނބުރާ ގެންގޮސްފައިވަނީ އެމްޑީޕީން ކުރިމަތިލި މީހުންނެވެ. އެ ޕާޓީގެ 84 މީހަކު ވަނީ ނަން އަނބުރާ ގެންގޮސްފަ އެވެ. އިދިކޮޅުން ބުނަނީ އެއީ އިންތިހާބު ކާމިޔާބުވާނެ ކަމުގެ ޔަގީންކަން ނެތީމާ ކަމަށެވެ.
ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބަށް ކުރިމަތިލި މީހުންގެ ތެރެއިން 308 މީހުން ވަނީ ނަން އަނބުރާ ގެންގޮސްފަ އެވެ. އެއާ އެކު 120 ކެންޑިޑޭޓަކު އިންތިހާބަކާ ނުލައި ވަނީ ހޮވިފަ އެވެ. އޭގެ ތެރޭގައި އެމްޑީޕީ އަށް ލިބުނު ގޮނޑިތައް ގިނަ އެވެ.
ލޯކަލް ކައުންސިލް އިންތިޚާބުގެ 22 މަގާމަކަށް 30 ކެންޑިޑޭޓަކު ހޮވިފައިވާއިރު، އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ 31 ދާއިރާއަކަށް 90 މެންބަރުން ވަނީ ހޮވިފަ އެވެ.
ކޮވިޑް-19 ކޮންޓްރޯލްކުރަން އަޅާފައިވާ ފިޔަވަޅުތަކާ ހެދި ކެމްޕެއިނަށް ހުރަސްއެޅިފައިވާ ކަމަށާއި ހަމަހަމަ ފުރުސަތު ނުލިބޭ ކަމަށް ކުރާ ތުހުމަތު އިދިކޮޅުން މިއަދު ވެސް ތަކުރާރުކުރި އެވެ. ކޮވިޑް ފެތުރިފައިވާ ރަށްރަށުން އެހެން ރަށްރަށަށް މީހުން ދިއުން މަނާވެފައި ވާތީ އެކަމުގެ ހުއްދަ ހޯދަން އެޗްޕީއޭގައި އެދުމުން ވެސް ހުއްދަ ނުދޭ ކަމަށް ހަލީލް ވިދާޅުވި އެވެ. އެހެންވެ މިހާރު އިދިކޮޅުން ކެމްޕެއިން ހިންގަމުން އަންނަނީ އޮންލައިންކޮށާއި ފޯނުން ގުޅައިގެން ކަމަށް ވިދާޅުވި އެވެ.
ރަށްރަށުގައި ތިބި ޕާޓީގެ ކެންޑިޑޭޓުން، ރަށުގައި ތިބެގެން ކެމްޕެއިން ކުރުމަށް އޭނާ އެދިވަޑައިގަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހށނ
23 February 2021
އެހެންވީމަ ކޮރަޕްޓް މީހުން ގިނައީ ޕީޕީއެމްގަތާ. އިއްޔެ ސްޕޯކްސް މަންކަން ހަވާލު ކުރީ. ފުރަތަމައިނުންވެސް ޕާޓި ބަދުމާމުތިކޮށްލީ. އަދުރޭ ކައިރިން އެދުރުވީމަ ވާނެގޮތް.
އަރުތަ
23 February 2021
"އިންތިޚާބަށް ކުރިމަތިލުމަށް ފަހު ނަން އަނބުރާ ގެންދަން ބޭނުންވާ މީހުންނަށް ކަނޑައެޅި ސުންގަޑި މިހާރު ހަމަވެފައި ވާއިރު އެންމެ ގިނައިން ނަން އަނބުރާ ގެންގޮސްފައިވަނީ އެމްޑީޕީން ކުރިމަތިލި މީހުންނެވެ". ތިވެސް އެމްޑީޕީގެ ނުފޫޒުން ކަމަށް ތުހުމަތުކުރަމު. ޚަލީލޫ ދެން ތިޔާބުނާ ފައިސާތައް ނަންނެގި ޕީޕީ ކުދިންނަށް ލިބުނުތޯވެސް ބަލާލާތި ތިހެން އުޅޭއިރު.
ވިސްނާލުމަށް އެދެމޭ
23 February 2021
އޮއްހޯ ހޯ.. އެއްވެސް ހެއްކެ ގަރީނާއެއް އޮވެގެންތަ މިހުރިހާ ދުވަހު މިހާރުގެ ސަރުކާރުގެ ވެރިންނާ ބައެއް މީޑިޔާތަކުން އޭރުގެ ސަރުކާރު މިހާރުގެ އިދިކޮޅު މީހުންނަށާ ރޔާމީނަށް އެކިތުހުމަތުތަކުރަނީ އަދި ކުރުވަނީ.ހެއްކާއެކު ކޯޓަށް ހުށަހަޅާ ހުކުމްކުރީމަ އޭރުގެ މަޖުލިސް ބައެއްމެމްބަރުންނަ ރިޝްވަތުދީ ބަޢާވާތެ ރޭވިކަން ޝަރީއަތަށް ސާބިތުވީމަ އެކަން ގަބޫލުކުރިތަ މިހާރުގެ ސަރުކާރުގެ ވެރިންނާ ބައެއް މީޑިޔާތަކުން.ފާރިސްއަށްކުރި ހުކުމް ރަގަޅުކަމަށްނިންމީ ހައިކޯޓު
ބަޑީ
23 February 2021
"އަޅުގަނޑުމެންނަށް މައުލޫމާތު ލިބޭ ގޮތުން އަޅުގަނޑުމެންގެ ތެރެއިން ބައެއް ކެންޑިޑޭޓުން ނަން އަނބުރާ ނަގާފައި ވަނީ އެމްޑީޕީން ހުށަހަޅާފައިވާ ފައިސާތަކުގެ ކަންތައްތަކުގައި ކަމަށް،" އެންމެ ގިނައިން ނަން އަނބުރާ ގެންގޮސްފައިވަނީ އެމްޑީޕީން ކުރިމަތިލި މީހުންނެވެ. އެ ޕާޓީގެ 84 މީހަކު ވަނީ ނަން އަނބުރާ ގެންގޮސްފަ އެވެ. އިދިކޮޅުން ބުނަނީ އެއީ އިންތިހާބު ކާމިޔާބުވާނެ ކަމުގެ ޔަގީންކަން ނެތީމާ ކަމަށެވެ. ސާފެއްނުވި!!
ހާސަރު
23 February 2021
އެމްޑީޕީން ނަންނެގީމަ އެވަނީ ނުހޮވިދާނެތިން ނެގިކަމަށް! ޕީޕީއެމުން ނެގީމަ އެވީ މަޖްބޫރުން ނެންގީކަމަށް! ގަބޫލްކުރާކަހަލަ ވާހަކަ ދައްކަބަލަ
އަރުތަ
23 February 2021
ޚަލީލުމެން މިހާރު އެތިބީ ދެހަޅަޖަހާ ވައި އުތުރަށް އަރާފަ، ދެން ތިބެގެން އެޒާތުގެ ކޮހެއްނޫނީ ނުގޮވޭނެނު.
މައިމޫނާ
23 February 2021
ނުފޫޒު ފޯރުވައިގެން ތިފަދަކަމެއް ހިގާފައިވާނަމަ އެކަން ސާބިތްކޮއްދިނުމަކީ އަނެއްކެންޑިޑޭޓް ކަމެއް.
ކޮރަލް
23 February 2021
120 ކެންޑިޑޭޓަކު އިންތިހާބަކާ ނުލައި ވަނީ ހޮވިފަ އެވެ. މައުމޫނު ދައުރުގަ ކުޑަ ކާފު އާ ބޮޑު ކާފުގެ ވާހަކަ ދެކެވުނެވެ. ވީމާ ވޯޓަކާ ނުލާ 120 މީހުންނަށް މަގާމް ދިނުމަކީ ކުރީޒަމާނުގަ އޮތް ގޮތައް ވުރެ މާ ގޯސް ގޮތެކެވެ. ވީމާ އަލުން އިތުރު މީހުންނަށް ކުރިމަތި ލުމުގެ ފުރުސަތު ދޭން ޖެހެ އެވެ. އެއަށް ފަހު ގޮތެއް ނިންމި ދާނެ އެވެ.
އަރުތަ
23 February 2021
ރަނގަޅު ވާހަކައެއް، އިސްލާހު ކޮށްގެން ތިކަން ވާނީ، މިބުނީޤާނޫނު......................