މިދިޔަ އަހަރު ރާއްޖެއިން ރެމިޓެންސްގެ ގޮތުގައި 92 މިލިއަން ޑޮލަރު ބޭރުކުރި

ބިދޭސީ މަސައްކަތު މީހުންތަކެއް ގަލޮޅު ދަނޑުގައި-- ފައިލް ފޮޓޯ/މިހާރު

އިދުހާމް ނައީމް، މިހާރު

27 ފެބުރުއަރީ 2021 - 11:42

މިދިޔަ އަހަރު ރެމިޓެންސްގެ ގޮތުގައި ބިދޭސީން 92.9 މިލިއަން ޑޮލަރު (ގާތްގަނޑަކަށް 1.4 ބިލިއަން ރުފިޔާ) ރާއްޖެއިން ބޭރަށް ފޮނުވާފައިވާ ކަމަށް އެމްއެމްއޭއިން ބުނެފި އެވެ.

އެމްއެމްއޭއިން ނެރުނު ކުއާޓާލީ އިކޮނޮމިކް ބުލެޓިންގައި ހިމެނޭ ހިސާބުތަކުން ދައްކާ ގޮތުގައި މިއީ 2019އާ އަޅާބަލާއިރު 24 ޕަސެންޓުގެ އިތުރުވުކެވެ. އެ އަހަރު ރާއްޖެއިން ބޭރުކުރީ 1.2 ބިލިއަން ރުފިޔާ އެވެ.

މި ރިޕޯޓުގައި ބުނެފައިވާ ގޮތުގައި ބޭރަށް ފައިސާ ފޮނުވައިދޭ ތަންތަނުގެ ވިޔަފާރިއަށް މިދިއަ އަހަރު ކޮވިޑްގެ ސަބަބުން މަޑުޖެހުން އަ އެވެ. ނަމަވެސް ތިންވަނަ ކުއާޓަރުގައި ރާއްޖޭގެ އިގްތިސާދު އަލުން ރަނގަޅުވާން ފެށުމާ އެކު އެ ކުއާޓާގައި ބޭރަށް ފައިސާ ފޮނުވި އަދަދު އިތުރުވެފައިވާ ކަމަށް އެމްއެމްއޭގެ ހިސާބުތަކުން ދައްކަ އެވެ.

މިދިޔަ އަހަރުގެ ހަތަރު ވަނަ ކުއާޓަރުގައި ރާއްޖެއިން ބޭރަށް ފޮނުވާފައިވަނީ 15.4 މިލިއަން ޑޮލަރު (ގާތްގަނޑަކަށް 237 މިލިއަން ރުފިޔާ) އެވެ. އެކަމަކު މިއީ ތިން ވަނަ ކުއާޓަރާ އަޅާބަލާއިރު 43 ޕަސެންޓުގެ ދަށްވުމެކެވެ.

އެމްއެމްއޭގެ ހިސާބުތައް ދައްކާ ގޮތުގައި ބިދޭސީން ބޭރަށް ފޮނުވާ ފައިސާގެ ބޮޑު ބައެއް ދަނީ، ރާއްޖޭގައި އެންމެ ގިނައިން އުޅޭ ބިދޭސީން ނިސްބަތްވާ ބަންގްލަދޭޝްއަށެވެ. އެގޮތުން ރާއްޖެއިން ރެމިޓެންސްގެ ގޮތުގައި ބޭރުކުރާ ފައިސާގެ 44 ޕަސެންޓް ދަނީ ބަންގްލަދޭޝް އަށެވެ. މިދިއަ އަހަރުގެ ނިސްބަތުން ބަލާ ނަމަ އެއީ 40 މިލިއަން ޑޮލަރު (624 މިލިއަން ރުފިޔާ) އެވެ.

ދެ ވަނައަށް އެންމެ ގިނައިން ރެމިޓެންސް ފޮނުވަނީ 19 ޕަސެންޓް ހިއްސާކުރާ އިންޑިއާއަށެވެ. މިދިއަ އަހަރުގެ ނިސްބަތުން ނަމަ އެއީ 17 މިލިއަން ޑޮލަރު (270 މިލިއަން ރުފިޔާ) އެވެ.

އިންވާޑް ރެމިޓެންސް (ރާއްޖެއަށް ވަންނަ ފައިސާ)ގެ ގޮތުގައި މިދިއަ އަހަރުގެ ފަހު ކުއާޓަރުގައި 12.8 މިލިއަން ރުފިޔާ ލިބުނެވެ. ރާއްޖެއަށް ރެމިޓެންސްގެ ގޮތުގައި އެންމެ ގިނަ ފައިސާ ވަންނަނީ ޔޫއޭއީންނެވެ.

އިގްތިސާދު ބިދޭސީން އެމްއެމްއޭ

9 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޭރުރޭރު

27 February 2021

ކޮބާތަ ރިޒޯޓުތަކާ ބޮޑަތި ބިޒްނަސްތަށް އޮޕަރޭޓު ކުރާ މީހުން ގެ ޑޮލަރުބޮނޑި. ކުރީ ދުަވުހު ޕިއްޒާހަޓޫން ޑެލިވަރ ކުރި ޕިއްޒާ ހިފަގެން އައި ލަންކާ މިހާވެސް ބުނަނީ ފައިސާ ދެއްކޭނީ ހަމައެކަނި ވިސާ ކާރޑުން ޑޮލަރުންނޯ. ނެގި ޕީއޯއެސް ވެސް އެއީ ހީވަނީ ކޮންމެސް ބޭރު ބޭންކެއްގެ ޕީއޯއެސް އެއްހެން. ދެން ވިސްނާލާ މިމީހުން ޓެކސްއަށްވެސް ހަދާލާނެ މަކަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވަރެއްނެތް

27 February 2021

ބަލަގަ އެމީހުން މިގައުމަށް ކޮށްދޭ ޚިދްމަތްވެސް ބަލަންވާނެ ނުންދޯ؟ އެވެރިންގެ ޚިދްމަތް ނުލިބޭނަމަ ދިވެހިންގެ ހާލު ހާދަހާވާ ނިކަމެތިވާނެދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

27 February 2021

ރައްޔިތުންގެ ކަންނެތްކަމަށްވުރެ ދައުލަތުގެ ސިޔާސަތު މާބޮޑުތަނުން ކަޑަ. ދިވެހިމީހާ ބޭރުމީހަކު ގެންގުޅޭނަމަ ކޯޓާ ގަންނަންޖެހޭ ވިސާފީދައްކަންޖެހޭ. އެކަމަކު ބިދޭސީމީހާ ކޯޓާބޭނުންނުވޭ ވިސާ ބޭނުންނުވޭ ޓެކްސްތައްފްރީ. ހިތުހުރިކަމެއްކޮށްގެން އުޅެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

27 February 2021

ސަރުކާރުގެ ނާގާބިލުކަން މިތާ ދިވެހިންނައް ވުރެ ބަންގަަޅައިން މިތާފަސޭހަ ފިހާރަ ހޮޓާ ހިންގަން. ޢިމިގިރޭޝަންގެ މުވައްޒިފުން އެބަ ވިޔަފާރި ރަޖިސްޓާކުރޭ ބައިއަޅާގޮތައް ބަންގާޅައިންނައް މަނީ ލޯންޑަރް ކޮއް އެމީހުން ކުރާ ވަގުވިޔަފާރިތަކައް ގާނުނީ ސިއްކަޖަހައދޭން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތޮންބެ‫

27 February 2021

ދ‫ިވެހިރާއްޖެއިން ޑޮލަރުތާށިވާ އެންމެބޮޑު މައްސަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެމިޓެންސް ޓެކްސް ވަނީ އުވާލާފަ

27 February 2021

3%ގެ ރެމިޓެންސް ޓެކްސް ނެގި ނަމަ ދައުލަތަށް 40 ހަކަށް މިލިއަން ރުފިއާ ލިބުނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަހަނެ

27 February 2021

މީއިން ފެންނަނީ ޒުވާން ޖީލު ކަންނެތްކަމުގަ ޤާފިލުވެފަ ތިބީމަ ޤައުމުގެ ކަންކަމާ ނުވިސްނޭވަރު، ގިނަދިވެހި ޒުވާނުން ބޭނުންވަނީ މަސައްކަތް ނުކޮށްލާރިލިބެން، ހަޤީގަތުގަވެސް ޤައުމީ މައްސަލައެއް. ރަންގަޅު މަދު ޒުވާނުން ހީވާގިކަމާއެކު މަސައްކަތްކޮށް ކުރީއަރާދާތަންވެސް ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުވާލި ބާގިރުގެ ސިޔާސީ ކޮސް

27 February 2021

ދިވެއްސަކު ބޭނުމެއްނުވޭ ދިވެއްސަކަށް ރަނގަޅުގޮތެއްވާކަށް. ވަޒީފާވެސް ޖަހަނީ ބޭރުމީހުންނަށް ދޭން. ކުރިއަށް އޮތްތަނުގާ ބިލިޔަނުން ޑޮލަރުބޭރުކުރާނެ. އެއީ ޝައްކެއްކުރިކަމެއްނޫން.