ބަންދުކޮށްފައިވާ އައްޑޫގެ ރިސޯޓުތައް ހުޅުވުމަށް އެކި ފަރާތްތަކުން ބާރު އަޅުއްވާ: މައުސޫމް

އަހުމަދު އަދްޝަން، މިހާރު

04 މާޗް 2021 - 09:22

ބަންދުކޮށްފައިވާ އައްޑޫގެ ދެ ރިސޯޓު، ޝަންގްރިއްލާ ވިލިނގިލި ރިސޯޓު އެންޑް ސްޕާ އާއި ކެނަރީފް އަލުން ހުޅުވުމަށް މަސައްކަތްކޮށް ދިނުމަށް އެކި ފަރާތްތަކުން ބާރުއަޅާ ކަމަށާއި އެކަމަށްޓަކައި ޝުކުރު ވެސް އަދާކުރައްވާ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވެއްޖެ އެވެ.

މިނިސްޓަރު ކުރެއްވި ޓްވީޓެއްގައި ވިދާޅުވީ އެ ދެ ރިސޯޓު ބަންދުކޮށްފައި އޮތުމާ ގުޅިގެން އައްޑޫ ސިޓީ ކައުންސިލާއި ރައްޔިތުންގެ މަޖިލީހުގެ އައްޑޫގެ އެކި ދާއިރާތަކުގެ މެމްބަރުން އޭނާ އަށް ގުޅުއްވައި އެ ތަންތަން ވީހާ ވެސް އަވަހަކަށް ހުޅުވައި ދިނުމަށް މަސައްކަތް ކޮށްދިނުމަށް ބާރު އަޅުއްވާ ކަމަށެވެ.

މިނިސްޓަރު މައުސޫމް މި މޭރުމުން ޓްވީޓް ކުރެއްވީ، ވިލިނގިލި ރިސޯޓާއި ކެނަރީފް ބަންދުކޮށްފައި އޮތުމާއި އައްޑޫގެ ޓޫރިޒަމް ދާއިރާގައި ހުރި ކަންބޮޑުވުންތައް އައްޑޫ ޑިވެލޮމަންޓް ކޮމިޓީ (އޭޑީސީ) އިން އިއްޔެ މިނިސްޓަރާ ބައްދަލުކޮށް ހިއްސާކޮށްފައި ވަނިކޮށެވެ.

ShangriLa aa Canareef huluveytho @AdduCityCouncil aai MPs, alhuga'ndah varah ginain gulhuvvaa 2 resort avahah hulhuvumah masakkaiy kurumah baaru alhuvvaa. Ekamahtakaa Addu City Council Members adh Rayyithunge Majilis Members ah shukuru!#SourhernMaldives @mvpeoplesmajlis
— Abdulla Mausoom (@Mausoom_Maus) March 3, 2021

އައްޑޫގެ ރައްޔިތުންގެ މިހާރުގެ އެންމެ ބޮޑު އެއް ކަންބޮޑުވުމަކީ ވެސް ދެ ރިސޯޓު ބަންދުކޮށްފައި އޮތުމުން އެ ތަންތަނުގެ މުވައްޒަފުން ބިކަވުމުގެ އިތުރަށް، އައްޑޫގެ އިގުތިސާދަށް ވެސް ނޭދެވޭ އަސަރުތަކެއް ކޮށްފައި ވުމެވެ.

ކޮވިޑް-19 އާ ހެދި ޝަންގްރިއްލާ އާއި ކެނަރީފް ބަންދުކުރީ މިދިޔަ އަހަރުގެ މެދުތެރޭގަ އެވެ. ރާއްޖޭގެ އެންމެ މަތީ ފަންތީގެ ރިސޯޓްތަކުގެ ތެރޭގައި ހިމެނޭ ވިލިނގިލި ރިސޯޓް ބަންދުކުރީ މުއްދަތެއް ނެތް ގޮތަށެވެ.

އޭޑީސީން ފާޅުކުރި ކަންބޮޑުވުންތަކާ ގުޅިގެން މިނިސްޓަރު ވިދާޅުވެފައި ވަނީ ދެ ރިސޯޓް ވެސް ހުޅުވުމަށް އެ ތަންތަނުގެ މެނޭޖްމަންޓްތަކާ ވާހަކަ ދައްކަމުން އަންނަ ކަމަށެވެ. އެހެންވެ ވަރަށް އަވަހަށް އުފާވެރި ޚަބަރެއް ދެއްވާނެ ކަމަށް ވިދާޅުވެފައިވެ އެވެ.

ރާއްޖޭގެ ޓޫރިޒަމަށް 50 އަހަރު ފުރުން އަންނަ އަހަރު އައްޑޫގައި ކުލަގަދަކޮށް ފާހަގަކުރަން ނިންމާފައިވާ އިރު، އައްޑޫގެ ޓޫރިޒަމް ދާއިރާގެ ކުރިމަގު އަދި ފެންނަން އޮތީ ވަރަށް ކުލަ ފަނޑުކޮށް ކަމަށް ގިނަ ބަޔަކު ދެކެ އެވެ.

Adduge tourismge kanboduvunathah tourism minister ah

The most trusted news source in the Maldives

Mihaaru

ނަމަވެސް ޑރ. މައުސޫމް މިދިޔަ ޖެނުއަރީ މަހު އައްޑުއަށް ކުރެއްވި ދަތުރުގައި ވިދާޅުވީ "ރާއްޖޭގެ ޓޫރިޒަމްގެ ރަން އަހަރަށް މަރުހަބާ ކިޔާ އިރު އައްޑޫގައި ފަތުރުވެރިކަމުގެ ދާއިރާގައި ހަރަކާތްތެރިވާ ހުރިހާ އެންމެންގެ މޫނަށް ހިނިތުންވުމުގެ ކުލަވަރު ގެނެސްދޭނެ" ކަމަށެވެ.

އައްޑޫ އިގްތިސާދު އައްޑޫ ސިޓީ ކައުންސިލް ޓޫރިޒަމް ޓޫރިޒަމް މިނިސްޓްރީ ޓޫރިޒަމް މިނިސްޓަރު ޝަންގްރިލާ ޑރ. އަބްދުﷲ މައުސޫމް (ޓޫރިޒަމް މިނިސްޓަރު)

10 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުވާނެ

05 March 2021

އަޅުގަނޑަކީީ ތި އައްޑޫ ހިސާބު ފުދޭވަރަކަށް މަޝްހޫރު ރިސޯޓް އެއް ހިންގަމުން އައި މީހެއް،އޮޕަރޭޓް ކުރުން ހުއްޓާ ނުލަން ވ މަސައްކަތް ކުރިން ،އައްޑޫ ހިސާބު 500 އަށްވުރެން ގިނަ ކުދިންނަށް ވަޒީފާ ދިނިން،ހުއްޓާލަން ޖެހުނު މައިގަނޑު ސަބަބަކީ ވައްކަން ކުރުން ގިނަވުން،ގެސްޓުންގެ ކޮންޕްލެއިން ގިނަވީ ވައްކަމާހުރެ،އެހެންވީމަ ތަނަށް އަންނާނެ މީހަކު ނުވީ،މިހާރު އދ އަތޮޅު ގައި ރިސޯޓް ހިންގާތާަ 12 އަހަރު ވެއްޖެ، ބަރާބަރު އެއްވެސް ވިޔާނުދާ މައްސަލަ އެއް ނާދޭ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

04 March 2021

ނުވާނެ އެއްކަމެއްވެސް. މުޅިން ސަޅިބައިސާ ކަނޑަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުތު

04 March 2021

އަށްޑޫއަކީ އިންޑަސްރިއަލް ހަބަކަށް ހެދިދާނެ އެކަންކުރުމުގެ ގާބިލު ބަޔަކަށް ވެރިކަން ލިބުނީމާ ދޯ؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްކިޕަރ

04 March 2021

އައްޑޫ އިންޓަނޭޝަނަލް އެއާޕޯޓް ތަރައްގީކޮށް ކޮޅުމަޑުލުން ދެކުނަށް އޮތް ހުރިހާ އަތޮޅެއްގެ ރިޒޯޓުތަކަށް ޓުއަރިސްޓުން ގެންނަ މައި ހަބަކަށް އައްޑޫއެއާޕޯޓު ހަދަންބޭނުން ނުވާނަމަ ތިޔަ އުޅެނީ އަނެއްކާވެސް ވޯޓާ ކައިރިކޮށް އައްޑޫ ރައްޔިތުން މެނިޕިއުލޭޓު ކުރަންކަން ވަރަށް ސާފު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިޓް

04 March 2021

ޢައްޑުއަށް މިކަންވާނެ. ގުޅިގެން މަސައްކަތް ކުރުން މުހިންމު. މައްސަލަޔަކީ ފިތުނަ ... އެބަޖެހޭ އެކަމާ ދުރުވަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

04 March 2021

ޖޫންމަހު ގޭން-ހޮންގކޮންގް އަދި ގޭން-ބީޖިންގ ދަތުރުފައްޓަވާނެކަމަށް ވަޒީރުވިދާޅުވި. އެއީހަމައެކަނި "މަންޒިލެއްގެގޮތުގައި އައްޑޫކާމިޔާބުނުވާނެކަން ދައްކާންވެގެން" ކުރާންއުޅޭދަތުރުތަކަކަށްވާތީތޯ ދުރާލާއިސްތިހާރުކޮށް ޝެޑިއުލްހާމަނުކޮށް ޓިކެޓްނުވިއްކައިގެން އުޅެނީ؟؟ އެއީތޯ ދުނިޔޭގެ އެއަރލައިންތަކުން އެކަންކުރާގޮތަކީ؟ # ތިޔަރިސޯޓް ނުހުޅުވުނުކަމުގައިވިޔަސް މާލެ-ގޭން-ހޮންގކޮންގ ރިޓާރން ހޮންގކޮންގ ގޭން މާލެ ޝެޑިއުލްފްލައިޓް ފެއްޓެވޭތޯ ބައްލަވާދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ

04 March 2021

އައްޑޫ ރިސޯޓްތައް ނުހިންގެނީ ވިޔަފާރީގެ ގޮތުން ދެކޮޅު ނުޖެހޭތީ! އައްޑުއަކީ ގުދުރަތީ ވެށި ހަލާކުކޮށްފައިވާ އަދި މިހާރުވެސް ބޮޑެތި ބަދަލުތަކެއް ގެނެސް ހަލާކު ކުރަމުންދާ ތަނެއް! އައްޑޫ ރިސޯޓް ހިންގާ މިހުން ވާދަ ކުރަން ޖެހޭނީ ތައިލެންޑް، ލަންކާ، މާލެއަތޮޅުގައި ހިންގާ ގެސްޓް ހައުސްތަކަށް އަންނަ ޓުއަރިޒަމް މާކެޓާ. އައްޑޫ ރިސޯޓްތަށް ހިގައި ގަންނާނީ ހުވަދޫ ޓްއަރިސްޓް ހަބް ތަރައްގީވެ ފުޅާވެ ހުވަދޫ ބްރޭންޑްގެ ތެރެއިން. އައްޑުއަކީ ޓްއަރިސްޓް ބްރޭންޑެއްނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު1

04 March 2021

ވަރަށްވެސް ބޮޑު ތެދެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެލެކޮސް ފެރެއިތާ

04 March 2021

ތީހުސް ވާހަކަ ދައްކާބައެއް އިލެކްޝަނެއް ބޯމަތިވީމަ ދަޅަދައކައިގެން ކޮމްޕިއުޓަރުތަކުން ގަނދަ ރީދޫކުލައިގެ ސްލޯގަންތއް ހަދައިގެން މޮޅެތި ގުރެފިސް ހަދައިގެން ދަޅަދައްކާ ބައެއް، ފެރެއިތާ މިކޯ މިއޮތީ ކަނޑި އަޑިއެެއޮތްބުރިޖާއި