ފެނަކަ ކޯޕަރޭޝަންގެ މެނޭޖިިން ޑިރެކްޓަރު ސައީދު: އެ ކުންފުންޏަށް ކޮރަޕްޝަންގެ ތުހުމަތު ކުރަނީ އެ ކުންފުނީގެ އަގުު ވައްޓާލުމުގެ ރޭވުމެއްގެ ތެރެއިން ކަމަށް އެ ކުންފުނިން ބުނޭ --- ފޮޓޯ/މިހާރު
04 މާޗް 2021 - 19:08
11 comments
ފެނަކަ ކޯޕަރޭޝަނަށް ކުރާ ކޮރަޕްޝަންގެ ތުހުމަތުތަކުގައި އަސާސެއް ނެތް ކަމަށާއި އެއީ އެ ކުންފުނީގެ މަސައްކަތްތަކާ މެދު ހަސަދަވެރިވެގެން ރޭވުމެއްގެ ތެރެއިން ކުރާ ކަމެއް ކަމަށް ފެނަކައިން ބުނެފި އެވެ.
ފެނަކައިން އެގޮތަށް ބުނީ އެ ކުންފުނީގައި ކޮރަޕްޝަނަށް މަގުފަހިވާ ކަންކަން ހިނގާ ކަމަށް ބުނެ އެންޓި ކޮރަޕްޝަން ކޮމިޝަން (އޭސީސީ) އިން ރައީސް އިބްރާހިމް މުހައްމަދު ސޯލިހްގެ ސަމާލުކަމަށް އެކަން ގެންނަވާފައި ވަނިކޮށެވެ.
ފެނަކަ އިން މިއަދު ނެރުނު ބަޔާނެއްގައިވަނީ އެ ކުންފުންޏަށް ކޮރަޕްޝަންގެ ތުހުމަތުތައް ކުރަމުންދަނީ އެއްވެސް އަސާސެއް ނެެތި ކަމަށާއި އެކަން ކުރަނީ އެ ކުންފުނިން ހޯދަމުންދާ ކުރިއެރުންތަކާ މެދު ހަސަދަވެރިވެ، އަދި އެ ކުންފުނީގެ ނަން ކިލަނބު ކުރުމަށްޓަކައި ރޭވުމެއްގެ ތެރެއިން ކަމަށް އެ ބަޔާނުގައިވެ އެވެ. އަދި އެ ކުންފުނީގެ އާ މެނޭޖްމަންޓް ޑިސެމްބަރުު، 2018 ގައި އައުމަށް ފަހު މަސައްކަތް ކުރަމުން ދަނީ ތެދުވެެރިކަމާ އެކު ކަމަށް އެ ބަޔާނުގައިވެ އެވެ.
"އެންމެހައި މަސައްކަތްތައް ކުރަމުން ދަނީ ތެދުވެރިކަމާއި އަމާނާތްތެރިކަމާ އެކު ރައްޔިތުންނަށް އެންމެ ފައިދާ ހުރި ގޮތުގައި ނަޒާހަތްތެރިކަން ކަށަވަރު ކުރެވެނިވި ގޮތެއްގައި،" އެ ބަޔާނުގައިވެ އެވެ.
އެ ބަޔާނުގައިވަނީ ކޮރަޕްޝަނަށް މަގުފަހިވާ ގޮތަށް ހުރި ހުރިހާ އުސޫލުތަކެއް އެ ކުންފުނިން ބަދަލު ކޮށްފައިވާ ކަމަށާއި އެ ކުންފުނީގެ އަގު ވައްޓާލަން ބަޔަކު މަސައްކަތް ކުރަނީ ކުރީގެ މެނޭޖްމަންޓުން ކޮށްފައިވާ ކަންތައްތަކުގެ ސަބަބުން ކަމަށް އެ ބަޔާނުގައިވެ އެވެ. އަދި ދައުލަތުގެ އިދާރާތަކުން ކަންކަން ނިންމުމުގެ ކުރިން ދިރާސާކޮށް، ހަގީގަތް ނޯޅޭނެ ގޮތަކަށް މައުލޫމާތު އާންމު ކުރަން އެދޭ ކަމަށް ވެސް އެ ބަޔާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަކުރުގުޅި
05 March 2021
ސައީދު އސސ އެއްވަރު އެކުރަނީ ސިޔާސީ ޕާޓީ އެކާ. މީވަރަށް ބޮދު މައްސަލައެއް. ސައީދު އެހަދަނީ ތެދުތޯ ނުވަތަ ދޮގުތޯ މަޖްލިސް އިން ބަލަން ޖެހޭ.
އަލިފުތު
05 March 2021
ވަރަށް ދެފުށްފެންނަ ގޮތަށް ކުރިންނުނިމި ހުރިމަސައްކަތަށް 2ގުނަބޮޑު ކޮއްފާ ކޮމްވެސް ރައްޓެހި ބަޔަކާއި ހަވާލުކުރީމާ އޯކޭ؟؟؟؟؟؟؟؟؟؟؟؟
ކޮރަޕްޝަން ފްރީ
05 March 2021
ފެނަކައިން ދޭ ހިދުމަތް އަތޮޅުތެރޭގައި ދިރިއުޅޭ ރައްޔިތުން މިހާރު ބަލައިގަނޭ!
ހުސައިން
05 March 2021
ފެނަކައަކީ 0 ދަވްލަތުގެ ހިއްސާ އޮންނަ ކުންފުންޏެއް. ޕަބްލިކް ކުންފުންޏަކަށްނުވާހިނދު ކުންފުނިން ޕަބްލިކަށް ސްޓޭޓްމެންޓް ފޮނުވާކަށްނުޖެހޭނެ. ނަމަވެސް އޭސީސީން ސަރުކާރުގެ ސަމާލުކަމަށްގެނައި ތުހުމަތުގައި ރައީސް އޮފީހުގެ ބަހެއް ނޫހުގައި އޮންނަން އެބަވޭ.
ކަދީ
05 March 2021
ފެނަކަ ކުންފުނީގައި ތިބި ވަކި ބަޔަކަށް ތުހުމަތުކޮށް މައްސަލަތަށް ބަލަން ފެށުމުން ކުންފުނީގެ ނަމުގައި ބަޔާން ނެރުމަކީ ވަރަށް ހަޑި ހުތުރު އަން ޕްރޮފެޝަނަލް ކަމެއް. ތީ ބަލަ ސިޔާސީ ޕާޓީއެއް ނޫނޭ! އަލަކަށް ނޫން ސަރުކާރު ކުންފުންޏެއްގައި ތިބި ބަޔަކަށް ތުހުމަތު ކުރަނީ. އެކަމަކު އެ މީހުންވެސް ކުންފުނީގެ އަގު ތިވަރަށް ވައްޓާނުލާ. ތިތަން ހިންގަން ހުރި މީހާގެ ފެންވަރު އެނގިއްޖެ މިހާރު.
ތިރާމް
04 March 2021
އަދީބްވެސް ބުނީ ތިހެން.އަލީވަހީދުވެސް ބުނީ ތިހެން..މިއަދު ހައްޔަރުކުރި ކައުންސިލަރުވެސް ބުނީ ތިހެން..ވެންޓިލޭޓަރ ހިޔާނާތުގަވެސް ބުނީ ތިހެން..ގޭސް ކުން ފުނި ފައިސާ ކަހާލި މީހާވެސް ބުނީ ތިހެން.ރޯޔަލް ރޭޕްކޭސް މީހުން ބުނީވެސް ތިހެން..އެކަމު ރައްޔިތުން އަތުގަ ހެކިނެތަސް ދޮގުތެދު އިނގޭ.
އެޑްމުންޑޯ
04 March 2021
ކޮއިފުޅާ ޒިހުނީ ، މާލެ އަށް ކަރަންޓް ދެނީ ސްޓެލްކޯ އިން ، އެއީ ވަކި ކުންފުންޏެއް ، ރާއްޖެތެރެއަށް ކަރަންޓް ފޯރުކޮއްދިނުމަށް އުފައްދާފައިވާ ތަނެއް ފެނަކަ އަކީ ،ފެނަކަ ރަމްޒުކޮއްދެނީ "ފެނާއި ނަރުދަމާއި ކަރަންޓް "
ޒިހުނީ
04 March 2021
ކޮބައިބާ ތިޔަ ކުންފުނިން ހޯދި ކުރިއެރުމަކީ، މިދިޔަ ހުކުރު ދުވަހު ހެނދުނުވެސް ވީނުވީ އެއް ނޭނގި މުޅި މާލެއިން ކަރަންޓު ދިޔަ، އެއީތަ ކާމިޔާބީ އަކީ؟
1235
04 March 2021
މާލެއިން ކަރަންޓް ދިއުމާ ފެނަކަޔާ ހުރީ ކޮންގުޅުމެތް؟
އިންޑިޔާއައުޓް
05 March 2021
އާއެކޭ. އިއްޔެ މަ ގަތް ބިސްވެސް އޮތީ ކުނިވެފަ. ކޮބާތަ ފެނަކައިން ހޯދި ކާމިޔާބީއަކީ ؟؟؟ ނިކަން ބުނެބަލަ.
ބުރުހާނުއްދީން ރައްބާނީ
04 March 2021
ރަވައިގެން ހިންގާ ކޮރަޕްޝަންވެސް ބަލާންޖެހޭނީ ހަމަ ރާވައިގެން. އެއްވެސްކަމެއް ނުރާވައެއް ނުކުރެވޭނެ.